شيء شيء ..


اللحين حبيت كااسره ..ههههههه

مسكين خلييفه رحمتته ..بس يستاهل :]

الله يهديه كساااب وش هالعقوق ..
مدري ليييه احس كسااب بتغير يمكن لاتزوج زايد مزنه ..

وغااانم وش قصته ..؟من هي للي كسرت اسنانه ههههههه


مرره بارت روعه ..وتعرفنا على شخصيات جديده ..

هلا انفاس اخبارج ان شاء الله انت بخير وضحه تعافيه
حاسه فيج يختي الصداع هدني اليوم حتى أني ما داومت من التعب الله يكفينا شره

نجي لبارت اليوم

رائع رايق بدت الحاله توضح والمشاعر تطفح على السطح

نجي للعائله الجديده
يحليله ام غانم ضحكتني كلمه مصري وبدوي
الله يهديها ايش تبي بالعيال على هالعمر
يحليلها بس

نجي لسميره دمها شربات عسل
نجي للمهم
اكرهماعندي حالة التناض في اليي يعشونها الناس
يتزوجان من أجنبيات وبعدين يعايرونهم
أيا ً..........وا يا..........
ليش جذي


أنا بصراحه ماعشت هالحاله ولاحد اعرفه من هلي تزوجاجنبيه
بس لما رحت الجامعه وتعرفت على بنات بصراحه انصدمت من العنصريه الي قلوووب كثيرمنالناس

يعني لما رحت وتزوجت ماقلت او عرفت انهاامها اجنبيه جاي بعدين تعاير
هاي حاله وايد منتشره حتى ان عندنا عامله في المدرسه قصتها قصه انهم سحبو منها الجنسيه وبهدلو اعيالها في بلادهاالاصليه خوف انهم ياخذونهم عنها بس لان مايشرفنا جنسية الام ليش والله حرام

عشان جذي أنا ما أسيد الزواج خلينا نقوول مختلط من ثوبه.. حتى الزواج من دول مجلس التعاون بصراحه صعب .. الوحده تعيش بعيد عن اهلها وناسها .. عشان ماتصير مشاكل لا الحين ولا بعدين
وبالخصوص العيال محد يضيع غيرهم


نجي لكاسره عجبتني حركة الاعتذار>> فكره جديده.. طلع دمها خفيف.. تعجبني رقتها مع الجد وأسلوبها مع الام ويمكن أفكارها للزوج بعد بس لحد الحين ما احبها
تدرين نفوووس يمكن كانت لي نفس النظره للزوج>> عندما كنت صغيره .. وقبا ان اتزوج؟؟ كلماكان اكبر كلما شخصيته اقوى لكن لما جاالنصيب الله رزقني بزوج مقارب لي بالعمر لكنه قوي الشخصية حمش>> زي ماكنت أتمني العمر ماله دور المهم الشخصيه ..

ووايد إكبار شخصيتهم قويه ولكن لما يتزوجون يصيرون قطط اليفه مع حريمهم الحب يغير الكثير او خلينا نقوول تعب من القوه وظهر الحنان مع وجوود الزوجه

ليش دايمايظهرون وضحى انها مب حلوه مافي وحده مو حلوه. ولا جمال كاسره غطا على الكل صارو يرونها غير جميله
عندي وحده من هلي لماراحت تخطب حق ولدها قالت جميله ورائعه وقطعه من القمر بصراحه. لما رحنا العرس كنا في شوووووق نشوووف الي مافي مثلها بجمالها بصراحه الله يغفر لنا كلناها مسكينه كل يقول عاديه والي يقول مب حلوه كلش لكن الأكيد ان زوجها يراها ملكه للجمال
كما يقال لو لم تختلف الأذواق لبارت السلع.

وضحى جميله ولايهمني راي احد فأنا بأخلاقها أراها جميله اكثر من كاسره الخارقه

رغم لأعيب في كاسره غيرانني لم احبها

خليفه ًً..... موقف لاتحسد عليه بس أتمني ان تكون قد المسؤليه واعتقد انك ستكون قد الحمل فلا تخذل جميله من فضلتك على أمها ارجووك أتمني ان اعرفها جيدابعيد عن سرير المرض فهل ستحقق اي ذلك ؟؟؟


تميم لم نتعرف عليك كثيرا بس اعتقد ان لك دور كبير معنا
والعائله الجديده سيكونو لهم دور في حياتك

تدرين نفووس ذكرتيني من زمان وايد كنت يمكن ام عشر سنوات رحت مع أمي لعرس وهناك شفت اجمل بنت مرت علي كل شي فيها كامل وكانت ملفته ........ وقد تخيلت كاسره بجمالها فهي رائعه ولم يمر علي لحد الان بعد طول هذه السنوات ولم أنساها
لكن أتعرفين كانت صماء وكانت اول مره آري صماء
سبحان الخالق الله يوفقها اينمى كانت
وبعد البربره الزايده احب أضيف
وكلي شووق للجديد والمزيد
سلامي الغوالي

أختك العجوز
*

السلام عليكم

سلامتك الف سلامه انفاس قطر

خليفه وضعه الي ماحسب حسابه الحين الملكه وتمت على خير بقت شوفت
جميله وهي الي بيعتمد عليها كل شيئ هل اذا شفت جميله بالحاله الي هي فيها بتشمئز او انك بتصمد كرجل مثل موقفك من اخوك جابر
وتجازي طيب زايد معك بأطيب لأن جميله شيئ كبير عند زايد
والا ما اختار يزوجها لولده رغم انها لو جينا للقرابه حيا الله بنت خاله حفظ ود عمك وحشم حتى اسمك من حشيمته وش بيكون الجزاء
اتوقع والي فهمته من كلام الطبيبه ان علاج جميله سهل بكثر ماهو صعب

يعني لو لقت شيئ بالحياه تتمسك فيه بترجع احسن من اول

اتوقع ان خليفه قد المسؤليه وبيمشيئ في علاج جمول ويمكن يتفارقون بعد انتهاء العلاج ويتفاجئ بشوفت جميله الجديد >>>>فيس شطح مخه بعيد


زايد وهي ناقصتك حركة علي والا للسان كساب الي 24ساعه زانده لتجريح الله يعينك الي ما مرك يوم حلو تعوض يا بو كساب بشوفة مزنه بعدين لولا الأمل لمات الفقير<<<<فيس متفائل
عايلة سميره والمشكلة الأزليه لأم الغير مواطنه

صالح تزوجت نجلا وانت عارف منهي امها ماجات ها الأم بيوم وليله والا خقيت عند زينها الي وارثته من امها ويوم ضمنت البنت قمت تنغز والا ضغوطات عليك من الي حولك ما لقو بالورد عيب قالوله يا احمر الخدين بس شكلك بتتأدب
نجلا ماهي الشخصيه المهزومه الخانعه هذي امها جازلك والا اقضب الباب والي ماله خير بوالديه ماله خير بالناس
سميره ذكيه لماحه اعجبني يوم مابغت غانم يدر ي بسبب خلاف صالح ونجلا

الحريم يسولفن وينسون لكن الرياجيل غير والله انها تحفر بقلبه ما تطلع
هذا اذا ماصارت هوشه وقطاعة مابين عيال العم
سميره شخصيتها جا في بالي انها تناسب علي بنت جمالها اخاذ بتعوض علي عن جميله هذا اذ ا ما طلع اخوان لصالح وحتى لوطلع سميره مكتويه بنار بنت المصريه من عمانها ما ظني بتتزوج على حد منهم

عبد الرحمن اعجبني يوم اقتنع بوضحى شخصية عبد الرحمن رجل واقعي يبي يستقر اكيد انه كان يتمنى الكاسره بس ما حصلت ولا وقفت الدنيا عندها
وضحى العوض ومرات العوض يكون اطيب
عبد الرحمن جا في بالي ان الزوجه الي يبيها لتميم يمكن جوزا بما انها ارمله وعندها ولد وصغيرة عمر مستحيل بتقعد بدون زواج وتميم العيب الوحيد فيه النطق يعني شيئ مقابل شيئ

او شعيع الي فاري تسبدها الجمال يمكن يبي يخير خواته ويكون من نصيب شعيع بعد جذب وشد او حياة جوزا السابقه بيكون لها تأثير على شعيع وزواجها من تميم وخاطر عبدالرحمن اكيد كبير لويطلبه لتميم ويمكن تلاقي بتميم كل الي تتمناه فيس وده علشان مزون تصير لمهاب

الجد ومهاب والتشره الي بينهم مهاب عقل وثقل بلع الا هانه وصغر الموضوع وصغر ولو كبرها ان تكبر مع عناد الكاسره بس هو عارف ان الحرمه مهما سوت ضعيفة
وختمها بالأعتذار اتوقع انها حركه ذكيه منه بأمكانه انه اقل شيئ يتجاهل الكاسره ما كأنها موجوده لكن يمكن يبي الجميع راضي عليه ويمشي زواج وضحى يعني يجمع له مؤيدين على خطوته خصوص ان فكرة ان وضحه لعبدالرحمن شوره او سميره ملت من كلمة بنت المصريه وتاخذواحد ما يتكلم خوفآمن الي صار لنجلا

الكاسره وكلامها لوضحه ربما ان وضحى انحرمت من حنان الأب وهي صغيره تبي رجل سنه اكبر منها بمراحل يعني العصا من النص لاهو كبير عليها
ولا هو صغير ومن قال يا الكاسره ان الرجال كل ما كبر كبر عقله وتفكيره ماهو شرط ماتسمعين <<<الديك الفصيح من البيضه يصيح

اجل تبين واحد عمره اربعين والا وش رايك واحد باالخمسين يعني كبر زايد ثم عاد امتس تعاندتس وتا خذينه

ما اتخيلك مهما فكرتي الا الكساب الي اذا شافك الحب الي براسه ينطحن ونشوف جمال الكاسره والا للسان كساب الي يلوط اذانه

عفراء خيره جلستس با الديره وش تبين بالبنت لاحقتها خليها مع رجالها وبعدين الحين البيت فضى عليتس البنت وسافرت
عسى زايد يتحرك ويخطبتس لمنصور الرجال بالحاله
وانتي با الحالك لو يصفق الهوا باب طار قلبتس

وبعدين كساب وش فايدتك يا زينها عمك الي مربيك على طولة اللسان وخالتك الحبيبه الي كنها امك يا بخت من وفق راسين با الحلال قبل لايفوت القطار علشان يجي زايد الصغيرفيس يرفع حواجبه وده يخلي الساحه الكساب والكاسره
غانم والبنت الي تسببت عليه با الهوشه الي شكلها كبيره معقوله تكون الكاسره او شعيع او شخصيه موجوده وغابت عني او شخصيه بتطلع بعدين
زيارة وضحى والي معاها لجميله بل المستشفى اتوقع لها اثار بتطلع بعدين يمكن وضحى بتسأل عن جميله بتكون حلقة وصل بين عايلة زايد وعايلة مزنه مع انفاس لا نتوقع
امتعتينا انفاس امتعكي الله بلباس الستر والعافيه

هذا كل ماعندي

الف الف الف مبروووك التميزفديتج<< الفيس راعي الورود

وتسلمين عالبارت<< فيس ياخذج بالاحضان مل التبويس

لا هالمرة البارت فيه ناس يداد<< فيس يسجل الاسامي ما يبي ينسى حد

غانم

اجوف ضروسك.. الحينه انته ما تقول لي منو هذا اللي كسرهن لك تكسير ها<< فيس يرواغ يبي يعرف

سميرة

والله انج فنتك.. اقترح تظهرين في كل بارت اتونسينا<< فيس يقول حقها كفج .. حلوة عيديها<< فيس ينكت وياها.. جفتي يا اختي هالاهل ايبون عيالهم ويعقونهم على بناتهم<< فيس يواسيها

نجلا<< فيس هب متاكد من اسمها

لا هالسالفه هاي يبي لها يلسه.. الريال يوم يتقدم لوحده.. اكيد عرف امها.. وابوها قبل العرس.. يعني ما له داعي ييلس يعايرها فيهم.. بعدين هو خذ البنت لذاتها هلها شو سخصهم في السالفه<< فيس ينقد عليه.. بس انتي لازم توضحين له رايج وتقولين له شو اللي مضايجنج هب تودرين بيتج وتشلين عمرج وسيده بيت ابوج<< فيس ينصحها


شعاع وجوزا

هدي شعر البنيه قطعتيه.. حسبي الله عالعدو.. بلاج جي يا اميه.. انتي يبالج جلسات نفسيه.. اكيد الصدمه خلتيج تغدين عدوانيه<< فيس يحلل شخصيتها.. وانتي مرة ثانيه يوم بتقولين الحق اوقفي بعيد عنها.. هب جي قطعت شعرج.. زين ان ولدها رحمج.. جان الحينه ندور لج باروكه<< فيس استهم عليها

كاسرة

خلاص من اليوم اعتبريني احبج خلاص.. ادري فديتج انتي ما يخصج.. عاد ابوج العود ما يرضاها حقج.. الا اقول اكشن اشحقه ما صورتي المشهد<< فيس نذل.. ما علينا فديتج حاسه باحساسج انج تكونين المتمهة وانتي المظلوم<< فيس فاهم.. عاد اهم شي انج اعتذرتي.. والله انج طيبه<< فيس يبوسها.. الا على طاري الاربعين شرايج بمنصور<< فيس خطابه

وضحى

تدرسين.. والله انج متفيجة.. الحينه مكفخينج يعني فرصة لازم تعلنين الحداد وام تدرسين<< فيس يصق عليها.. المهم شو قلتي عن عبدالرحمن خلصينا<< فيس ما يحب يتريا

كساب

يا ريال ما اييوز ترفع حسك على ابوك.. زين يعني كفايه احساسه بالذنب وانته اللي يهديك تكمل عليه<< فيس يهديه

على

بتسافر الله وياك.. حط بالك على عمرك.. انته ريال وتروم تتجاوز هالسالفه<< فيس يشجعه

زايد

صعب الاحساس بالذنب والاصعب اذا كنت ظالم ولدك الله يعينك<< فيس طيب ونذل نفس الوقت

خليفة

لا تعليق.. وقت في شر اعمالك.. الله يعينك على اللي ياي

نترياج فديتج<< الفيس راعي الورود