صباح الورد انفاس


بارتات رائعة بما اني ما رديت من اكثر من بارت

والابداع ماهو جديد عليك اسأل الله انه يوفقك ويلهمك الرشاد والصبر ولو ان كل واحد التفت وراه كل ماحذف وراه حصاه تعيق تقدمه مافي احد من وصل للهدف الي يبيه تقدم خطوه وتراجع خطوتين انا ما اقول لاترمى غير الشجره المثمره لكن اقول ما يكون محط للجدال والانتقاد الا الشي الي ملفت لنظر

وانا التمس العذر لكل خواتي الي كان لهم انتقاد على الروايه اكيدانهم شافو الروايه اسطوره من الاساطير الي لايمكن يخطها او يبدعها الا ندره من الناس وانتي منهم يا انفاس فحبو انهم يمكن شافو ثغرات بسيطه ينبهونك لها لترتقى اسطورتك الثالثه الي الكمال في عالم الروايات ولهم مني كل الشكر من خلال صفحات بين الامس واليوم لمحاولة الرقي بذائقة البنات وانتقاد كل ما يؤثر على الذوق العام لبناتنا او يغير مفاهيم عندهم <<وهذا كله من باب حب الخير للغير


الرومانسيه والجمال ماراح اعلق الا على ها النقطتين با الروايه اضحكني والله انتقادها اسمها روايه حكايه ومن انخلقنا واحنا نسمع زمان حب الاميرالاميره في بداية الروايه او القصه وتزوج الامير الاميره في النهايه وكلمة امير واميره ارتبطت با الجمال واذا كانت النهايه غير لايمكن ان يكون لها قابليه عند احد واتوقع يمكن بعد ما وصلت لنا تناستها الناس هذا وش يسمونه ؟؟؟؟؟!!!!
ولا اعتقد ان انفاس بتخرج عن ها القاعده او بيتخترع لنا مفاهيم غير هذي اصلن ولا راح نتقبلها منها
الجمال حتى الولد الي يبي يخطب الحين اول ما ينطق لسانه اهم شي تكون حلوه واذا عاد تزوجها حتى لو ماهي مزيونه بيلقى له مليون زوايه يشوف جمالها منه حتى لو ما كانت جميله

والرومانسيه من قبل حتى وجود القديره انفاس ولا حتى انتشر النت واحنا نشوف با المكتبات كتب ولا كتب الجامعات الي يبنى عليها مستقبل

تعلم الرومانسيه كيف تكون رومانسي .........الخ


لا تفرحين كاتبتنا الغاليه انفاس ترى ماهو انتي الي اخترعتي لنا الرومانسيه والعلاقات الشفافه الي بين الازواج او الاسره بختلاف القرابه فيها اخ اخت اب ام عم خال الي يجي ولكن صورتيها بشكل قريب لنفوس بحرفنة كاتب مبدع
<<تحملي ثرثرة اخر الليل


عبد الله وجوزاءوالعقاب والثواب بينهم عبدالله يبي يعوض جوزاء كل الي صار لها وهو كان سبب فيه وهو يرتكز على قاعدة اصلن انه يحبها اساسآ زاد عليه شرح عاليه لمعانات جوزاء في غياب عبدالله يعني جوزاء بتدخل على عبدالله من جهته وهو مهيئ نفسه انها الافضل والاكمل
لكن مع ردت فعل جوزاء هل بيصبر ويتحمل عبدالله >> والله الرجل الشرقي ما يتنبئ بردود افعاله

جوزاء والعقاب الي ينتظر عبد الله منها تحميله نتيجة ضياع مستقبل يعني تحطيم نفسي ومعنوي هل بتستمر وبتنفذ الي ناويه عليه وطرق استردادها حقها منه تجاهل عبدالله وتهميشه في حياتها ويكون شي ثانوي يعني اسم زوج وتحسسه با المثل الي يقول ظل راجل ولا ظل حيطه

لكن اخاف ينقلب الموضوع وتصير جوزاء هي الي تدور الرضى من عبدالله تنظر من منظور الخالات لها ولعبدالله ننتظر ونشوف مع انفاس


تميم وسميره تميم ينظر لنفسه انه انسان فيه اعاقه وسميره وافقة عليه وهي انسانه كامله ومن وسط اجتماعي مثله اكيد يكون في الموضوع شي والي غذا شكوكه جراءة سميره بدخولها بيتهم والموقف الي صار واكيد ان وضحى بحسن نيه تكلمت قدامه عن مواقف لها مع سميره والشيطان شاطر

سميره وعقدة الذنب في الي صار لتميم والمشكله كل ما بغت تصلح الموضوع من وجهت نظرها زادت الهوه بينها وبين تميم وهي ياغافل لك الله


جميله وخليفه مهما كان الانسان له نقاط ضعف وجميله الي حولها بسطو لها وضعها ومشوا الحياه عادي ما عطو الامور اكبر من حجمها اتوقع هذا بيكون سبب شفائها >>مالي خاطر اهاجمك يا جمول اليوم

مهاب واحساسه طبيعي الي هو فيه يعني مهما كان الانسان يحس واحيان يصير شي حتى لو مالك رغبه فيه با لبدايه لكن تأقلم نفسك معه ويصير جزء منك يعني خطبة مهاب لجوزاء كانت مجموعة عوامل زينت الموضوع وحببته لمهاب واقنع نفسه فيه فجاءه بدون مقدمات انتكس الموضوع وتحطم كل الي انت مخطط له

اكيد بيسوي ازمه وفراغ ماهو بسيط لازم يسد ها الفراغ واكيد مافيه الا شرع الله الزواج ؟؟؟؟؟!!!!!!!!!ومافي غير العقل والثقل.....


كساب وكاسره والوضع الي هم فيه ثقه با النفس غير طبيعيه وذكاء من كاسره وخطه براس الشيخ كساب ما يعلم فيها الا الله هي الي قاعده تفرز لنا المواقف وردود الافعال من الطرفين

اصابات كساب الي يقول من تسلق الجبال ورى ما جات بخشته كلها بجسمه يعني اخبر الي يطيح اول ما يتأثر وجهه
والجوالين الي من بداية الروايه وهي مسويه ازمه با الأول لنا والحين لكاسره حتى لو كابرت
شخصيتك يا كساب وتصرفاتك ماتكون الا لرجل عسكري والا ها الرضوض والتدريبات الي كل يوم جاي وانت منقطع قلبك منها وش ها الهوايه


حينها هتف زايد بنبرة مقصودة: وعسى جازت لك شغلتنا.. ترا ما يتعارض إن الواحد يكون دبلوماسي وعنده بيزنس..

وانا اقول بعد ما يتعارض ان كساب له شغلتين

زيارة كساب وكاسره لجميله بتدفعها اكثر للعلاج انها تشوف الكل شاف حياته وهي محلك سر


هذا ما عندي انفاس قطر

امتعتينا ببارت رائع امتعك الله بلباس الصحه والعافيه وراحة البال

ما حبيت تستظيفني بروايتك ولا اكتب رد بسيط

من باب قولة الله يكثر خيرك للمضيف من الضيف على استضافته وسع خاطره بجلسه استفاد منها


طيف الأحباب