السلام عليكم ورحمة الله وبركاته

هلااااااااااا وغلااااااااااااااا بأحلى أنفاس.. اشتقنالك خير الله

كل عام وانتي بخير وعساك من عواده انتي وولدك واهلك جميع

توني قريت البارتين وكل واحد أحلى من الثاني ماشاء الله.. سعيده جداً بمعاملة كساب لزوجته وأعتقد انه مافي طريقة أرقى وأفضل عشان يعلمها فيها إنه رجال صح ومو أبداً مثل ماكانت هي تعتقد.. كمان ذكاء كبير منه إنه فهم شخصيتها وعرف إنها راح تتكبر عليه وتحاول تفرض سيطرتها لو استمر يعاملها بنفس الطريقة اللي عاملها فيها قبل لا يتوجهون للمطار.. وبالفعل هي كمان أعجبتني في طريقتها معاه اللي ما فيها أي تجاوز أو تطاول عليه وبنفس الوقت مافيها خضوع وتذلل..
ماشاء الله عليكي يا انفاس قدرتي توصلين لهذا المعنى بالقصه بطريقة اقل ما يقال عنها انها محترفه بأحداثك ووصفك اللي قرأناهم..استمري يا عسل والله يوفقك كمان وكمان

الثنائي الآخر (( جوزاء وعبد الله)) أكثر شئ عجبني منك انك ما طولتي علينا ووضحتيلنا انهم راجعين لبعض .. وأكيد أكيد رجوع كله أحداث مميزه وتحديات ومواقف صعبه راح تتبناها جوزاء لكن عبد الله بحنانه وحبه راح يعرف كيف يحتويها : أعتقد إن جوزاء راح تستخدم معاه اسلوب التجريح بالكلام وتحسسه انها ما رجعت ابدا الا عشان ولدها وهذا شئ جارح جدا خصوصا مع حب عبد الله الكبير لها اعتقد انه راح يحاول يكسبها في الأول ويتحمل منها كل شئ وفي نقطه معينه بيوقف وبيعاملها بحزم وساعتها حيكون عند جوزاء فرصه تفكر وتراجع نفسها

بالنسبه لتميم وسميره استغرب ليه ما يأجلو العرس يعني هذا في النهايه ظرف قاهر ويفضل انه يتأجل لكني بنفس الوقت اتوقع انه عندك هدف قصصي من وراه عدم تأجيل العرس مثل انك تورينا كيف راح تتفاهم معاه سميره وتوصله اسفها ع الحادث اللي صار له والاهم كيف تقنعه بانها اخذته عن رضا وقناعه رغم اعاقته .. وماراح استغرب لو أجلتي العرس لانك في كل الاحوال راح تمتعينا بتفاصيل حياتهم مهما كان موعد زفافهم

على فكره ما أظن تسلق الجبال هوايه ولا شئ مهم عند كساب هو بس طريقه عشان يفرغ فيها طاقته اللي كابتها عشان يقدر يتعايش مع الجمال الكبير اللي يشوفه قدامه بدون ما يتهور ...ههههههههههههه

يعطيك الف عافيه يا انفاسنا بانتظارك في الاجزاء القادمه

أختك في الله ... رفيقة السهد ..

السلام عليكم

اول حاجه ابغى اقول انى من متابعين خلف الكواليس من البارت 12

والحين سجلت فى المنتدى عشان القصه

بصراحه انفاس قطر انتى مبددعه فى كل اللى كتبيته "بعد الغياب - اسى الهجران - بين الامس واليوم "

القصه قمه من الرقى و الابداع والاسلوب الاجتماعى اللى يدل ع عادات اهل قطر

بصراحه انا لما اقرى كل بارت احس انى عايشه مع الشخصيات

مرحبا انفاس قطر حابه اقول مشكووووووره على الروايه جـــد جــــد انتي قمـــــه واتمنى منك كمان تتحفينا بروايات راعه والله يوفقك ويسعدك وانتي فناااانه ميشوو {مضيمه}