كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
كل عام وانتي بالف خير ومشكوره على العيديه الدسمه
قبل كل شي حابه اقولتس يانفوسه00 انه والله ثم والله ثم والله00لوتغيبين عنّا سنه00مايلحقني فيتس شك 00ومهوب طيب مني لااا00لان هذا الشي انتي زرعتيه بقلوبنا قبل عقولنا ولازم تجنين ثماره 000مستحيل انفاس قطر تكون طيبه وظروفها زينه وماتلتزم بوعدها والكلام هذا على اعتبار انتس تاخرتي علينا بس الحقيقه والواقع انتس دائماً وابداً على الوعد- وهالكلام اقوله بالنيابه عني وعن غالبية المتابعين
نجي للبارتات الفظيعه- تدرين والله العظيم دائماًفي حالة شوق وترقب معتس ومع ابطالتس واكشنات قمه في المتعه لا تنتهي ودائماً كل ماأقرأ جزء اقول لا هذا تفوقت فيه انفاس على نفسها - لأني ماأقدر اقارنتس الا بنفستس لأن مالتس شبيه ولا منافس انتي فوق فوق فوووووق متربعه بين القمر والنجوم- واسمحي لي انفاس اذا بعد كذا مارديت اوعلقت على ابداعتس جزء بجزء لان صايره مااقدر اعبر الا بكلمة لا تعليق والله غصب تطلع هالكلمه مني لاني ماعندي قدره على تعبير يوفي حقتس ويرد جميلتس ولا حتى يطيب خاطرتس
صراحه ماأدري ابدأ بأيش والا ايش
كساب000 تراني مسامحتك على كل اللي تسويه بكاسره لأني الحمدلله تأكدت على الاقل انك تبيها من زمان وراح اكثر من نص عمرك وانت تنتظر وناوي تتزوجهاولا تبي تغير اسمها بعد وتكسر راسها على قولك- وه بس يازينك ويازين هياطك ياكساب000 وانا الضعيفه كنت احسب نيتك ذي جديده - والله ياكساب انك داهيه 00 اجل تغلى على ابوك ومنشف ريقه وهو يحاول يقنعك
بالبنيه واثاري السالفه جايتك على الكيف 00 وانت مسوي غيصبوني واتغيصب وفيها منّه وطلابه واستغلال لأبوك-يمه منك تخوف
اسلوبه مع كاسره يجنن خطيير فيه اكشن الى الليل وترقب -بين شد وجذب
ورفع ضغط لا يخلو من ظرافه- وكل هذا يبي يوصلّها انها مااثرت فيه وبيهز ثقتها بنفسها ويمكن يحاول يحدها على المبادره بالوصل وقتها عاد بياخذ راحته بالتعبير
وهروبه بتسلق الجبال اوغيره يخفف الضغط اللي عليه ويشغله عن الاميره المتوجه اللي عنده وبين ايديه-لكن ياخوفي يجني على نفسه لأنه يرهقها بزياده ومهوب كل مره تسلم الجره
في الجزء السابق حين قال ان الدوله اعفته من الحق العام دليل كبير مع ادله ثانيه ان له علاقه ولو من بعيد بواحد من اجهزتها- اما الجوال الثاني فيحتمل اكثر من غرض ومهوب شرط يكون فيه وراه بلا
على فكره منظر كساب وهو يتفاجأ بالليموزين المندندش بالورود وصدمته فيه وردة فعله كل ماأتذكرهااتسدح من الضحك000 واقوله هذا وانت تتصنع ان ماعندك ذوق هذي افعالك اجل لو ماعندك ذوق صدز كان وش هببت وخبصت >> خخخخ والله العظيم دمه خفيف يقطع عدوينه
علي000 الله عليك ياابو الذوق وامه بعد- وش هالخيال وش هالرومانسيه الحالمه الله يوعدنا يارب باللي اطلق من عليان - صراحه ياعليان عندك بوادر من اول انك رقيق المشاعر بس الصراحه تجاوزت كل التوقعات- وللأسف
اخوك مخه مصدي كسر بخاطر البنيه على باله مايبي يعيد غلطة ابوه 00 مادرى ان البنت تختلف عن امها للأفضل طبعاً- وحتى الظروف تختلف الزمان والمكان والسن والتعليم والادراك والعقل
كاسره 000 عداتس العيب يابنت رايتس بيضا والله بلاتس بواحد فاهم غلط ومخه احياناًيكون قفل ورافع ضغطتس ولاعب باعصابتس - بس تراه والله طيب وكفو والصبر زين يابنت الحلال -ومشاعرتس وردات فعلتس ناحيته طبيعيه وكلامتس معه بالصميم وهدوءتس وتحكمتس بنفستس خطير -وان شاء الله مايعالج ضعفه قدامتس بمحاولة كسرتس 00 وانتي ياختي حاولي ماترفعين ضغطه وتجاهليه خصوصاً اذا عصب لأنه حذرتس اكثر من مره >> الله يستر حاطه يدي على قلبي
جوزا000 تقطع القلب هالبنت وصلت مرحله صعبه يبيلها مساعده وعلاج -وعلاجها بإذن الله انها تنفس معاناتهاوتطلعها بعبدالله وعلى ظهره وزين انه مستعد
عبدالله000 تقبلك لكلام جوزا ولشرط ابوها عين العقل ولو انه صعب شوي لكن انا تضامناً معك وتقديراً لأبو عبد الرحمن وبنته اللي غلطت بحقه كثير بأرسلك من عندي جاهه كبيره وعلى مستوى عالي بعد خخخخخخ
تعبت من الهذره خلاص
اخيراً 00 قد هالكون شكراً يا نفوسه
|
22-09-10, 04:56 AM
جديد مواضيع قسم القصص المكتمله من وحي قلم الاعضاء
العرض العادي
