كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
كالعاده انفاس جزء روووعه بس عيني محوله اشوف لا يخلص البارت
تكفين ام سعود طولي البارت الجاي مع اني ماراح اقراه الا اذا رجعت من السفر لاني مسافره اسبوع بس ماعليه ابي اذا جيت القى مستقبلني جزئين دسمه تستاهل من يستعد بقهوه وجلسه معتبره ويقراها
ولله انك تبط الكبد ياولد زايد مالت عليك تبي بس اي غلطه عشان تهاد البنت
بقلبك حب ولا حقد على كاسره
ياترا تبي تنتقم من امها فيها ليش هل عشانها رفضت ابوك وابوك يموت عليها وطول ذا السنين مانساها ولا لانك خايف ان ابوك جرح امك والسبب هو مزنه وحبه اللي مانسها انت توعد البنت تمنى اي شي عليها ولو كان من الماضي عشان تفرغه فيهاهذا دليل حقد بقلبك عليها هي وامها
اما اذا كان بسبب تهزيئة البنت لك وانت في بداية سن المراهقه ولا بسبب العضه اللي موسمه فيك الى الان (وترا عند عيالنا كل شي ولا توسم فيه دليل ضعفه والواحد منهم لوهو مدبوغ لين عض الارض بس وسم في اللي ضربه بعضه ولا مخشه ولا لكمه كن هو المنتصر ) يمكن كساب من ذا النوع منقهر من الوسم اللي مسويته كاسره ويخوفي يسوي مثله فيها
تدري عاد احساسي وشيقول يقول انك تمووووت في البنت من اول ماعضك بخدك وان عضتها اللي موسمه فيك حفرت حبها بقلبك قبل خدك بس كبريائك اللي بيوديك ورا الشمس ماخلاك تعترف بحبك للبنت وخلاك بس تناحرها
ولا رميك للفوطه ادب او رفضك البرنامج اخوك حسس البنت انها متزوجه هذي الليالي عمر البنت ماتنساها وبتستمر تتذكرها انت وياها بزينها وشينها حتى لو انحنت ظهوركم وعجزتو عاد شف الندم اللي بتندمها وانت تشوف كاسره تتحاشا ذكر ذا الايام ونظرت الحزن بعيونها وانت تتمنا تدفع حلالك كله وترجعا ايام شهر العسل عشان تسعده وتعطيها مثل ماكل بنت تاخذه من دلال وحب في ذا الفتره
لكن انتي ياكاسره اثبتي انتس مره سنعه وبنت رجال ولله اللي عرفت مزنه تربي على زود وقاحته الا انتي صابره عليه وماتردين عليه الا بادب ولله انتس مهره صدق ومايبيلها ترويض هو اللي يبي من يروضه
تصدقين عاد اكتشفت انه همجي وغبي ومايفهم ويدعي الذكاء قدامها وهي عاقله ورزينه ومحترمه
فيه شي حيرني كاسره في حوارها معه تردد اسمه كذا مره كنها معجبه باسم كساب في المقابل ماجاب سيره الاسمها كنه مقهور من اسمها وحاقد عليه مثل حقده عليها ويبدولي قالها ان وده يغير اسمها
الله يلوم من لام جوزاء ام حسن حتى لو سكرتي الجوال بوجه عبدالله وارسلتي مسجات سب وهزئتيه يستاهل
اللي جاتس منه مهوب قليل افقدها ثقتها بنفسها ولاوصيتس عليه خليه يمشي وهو يتشمم عمره تقل كلب بوليسي
عمى البنت صارت سمكه من كثر ماتحمم والسبه هو جاها وسواس النظافه
بس تدرين فاجئتيني يوم قلتي بفكر ولا على خوان بعد حسون ولله انتس جريئه الحين عبدالله يراقص من الفرح ماتوقع ان جوزاء بتوافق بذا السرعه
الله يوفقتس ياكاسره تاثيرتس على جوزاء خلاها توافق
بس ابوعبدالرحمن بيوفق بسرعه يمكن اول شي انهم تناسبو الحين بزواج عليا بعبدالرحمن ثاني شي عبدالرحمن يفكر بعقل وبيشوف اصلح شي الجوزاء رجوعها العبدالله وهو اللي بيقنع ابوه على الموافقه
انفاس متميزه بقلوبنا الله يوفقتس يارب ويخليلتس سعودي ويرزقتس يارب على قدر نيتس
ملاحظه :رساله الى صديقه تقراء البارت ترا متعة الروايه بردتس عليها صدقيني منتظره تعليقتس هلا كلمة السر(انتي توحين)
|
19-09-10, 11:52 PM
جديد مواضيع قسم القصص المكتمله من وحي قلم الاعضاء
العرض العادي
