قصة من اروع ماقرأته من القصص
من حيث الاسلوب , الحبكة , شخصيات الرواية
والطابع المميز لك ككاتبة
فسلمت يداك وحرمتي انتي ومن تحبين على النار
وعيدك مباااااااارك
أعلم ان حضوري متأخر ولكني سعيدة اني شاركت قبل نهاية الرواية
سأبدأ بالتعليق على شخصيات الرواية ...
كاسرة وكساب: الشخصية الرئيسة في الرواية ,شخصيتها رائعه , استغرب ممن انتقدوا كاسرة او شعروا بانها قاسية , كاسرة بداخلها لاتشعر بالامان واعتقد ان السبب يتمها
فشخصيتها مميزة واثقة من نفسها ولا اعتقد بانها مغرورة بل تدعي الغرور حفاظا على روحها الرقيقة , يعني ممكن الاغلب يحس ان كاسرة قاسية وانا اقول ان كاسرة اكثر شخص يعاني لانك لما تحزنين وماتقدرين تبكين او ماتقدرين تعبرين عن شعورك وتسوين نفسك مو هامك بينما من جوا متأثرة بقوة يعني فيها كبت وعدم راحة واكثر معاناة من لما تعبرين عن شعورك لانه لما تظهرين ضيقك وضعفك بعد فترة راح تنسين الجرح بينما كاسرة لانها تظل تكتم وتكتم فهي اكثر شخص يعاني اكثر من وضحى اللي تعتقد انها الوحيدة اللي تعاني في البيت.
فيه بعض تصرفات كاسرة مااعجبتني لكن مافيه انسان كامل
خوفي انها بعدين ماراح تستمر على نفس القوة لان كساب قوي وناوي يربيها فاتوقع بعد زواجها بيظهر لنا الضعف اللي كتمته في قلبها.
اتوقع يكون زواجهم ملئ بالمصادمات والمشادات ,وكساب راح يحبها لكن ماراح يعرف الا بعد مايخسرها (الله لايقوله ) وهالخسارة اتوقع بعد وفاة جدها فيمكن تترك كساب بلارجعة
وضحى : اتوقع تتزوج غانم
مهاب : ما اعجبتني شخصيته ومن اول الرواية توقعته لمزون بس لما ظهر غانم فرحت لكن شكله بالاخير بيكون لمزون
تميم وسميرة : حبيته من البداية وما اتوقع شكل الرواية من دونه خصوصا بعد دخول سميرة في حياته أحس زاد الاكشن ,عموما تميم وسميرة هالثنائي حيل اعجبني واتمنى تكون لهم مساحة كافية من قلمك الرائع ..اممم..سميرة ما اعجبني تصرفها لما ارسلت الورد وطبيعي ان تميم يستغرب تصرفها , يعني المفروض تستحي من هالشئ ولوكانت ميتة قلق عليه المفروض تسأل وضحى عن اخباره وماترسل الورد ,يعني مشينا انها مسكته لما طاح من الدرج قلنا ممكن مصدومة ومو في حالتها الطبيعية بس الورد !!
تميم احساسه بالنقص هو اللي شككه بسميرة وسميرة بتصرفاتها تزيد من شكوكة كأنها تاكدها له , واتوقع تكون حياتهم مليئة بالصمت والتجاهل ,
اتوقع تميم يتجاهل سميرة مثل ماعبدالله تجاهل جوزا بس طبعا الفرق ان تميم عنده نفور حقيقي من سميرة
واتمنى ان يعم الحب حياتهم بعد التعب والتجاهل والصد.
نجي لعائلة زايد :
مزون : في البداية ما اعجبتني لكن بعدين تغيرت نظرتي لها ومثل ماقلت اتوقع تاخذ مهاب.
علي : يمكن ياخذ شعاع
منصور وعفراء : اتمنى لهم السعادة واتمنى عفراء تجيب توأم.
جميلة : هالمخلوقة كارهتها بشدة أنانية ,دلع,عدم مسؤلية , وكل الصفات القبيحة فيها يعني ممكن تلقين شخص فيه صفات ماتعجبك لكن تكون كل صفاتها سيئة !! ما اقول الا الحمدلله اللي فك علي منها والله يعين خليفة عليها, واتوقع مهما يصير لها من احداث مستحيل اتقبلها او اهضمها , واتمنى ان خليفة يادبها مع اني تصرفاته ماتوحي بهالشئ , ويمكن منصور هو اللي يعدلها , وصدق منصور لما قال لعفراء خربتيها بدلعك , يعني انا معاها انها تنصدم بزواج امها وتزعل وممكن تحس بعدم الامان بس تستمر على هالشئ !!
ولو كان هذا الموقف الوحيد لها كان لقينا لها عذر لكن كل تصرفاتها مملة وغثيثة وتعتقد دوووم ان العالم يدور حولها.
صالح ونجلاء: الثنائي هذا حلو واتمنى مايكون بينهم أي مشاكل.
عبدالله وجوزا : اتوقع ان جوزا راح تسمع نصيحة كاسرة وترد لعبدالله المعالمة السيئة اللي عاملها اياها يعني بتنقلب الادوار لكن بعد ماتعرف قصة عبدالله راح تتغير وتسامحه على كل شئ ( اتمنى ذلك )
فهد : واضح ان شخصيته هجومية وبشدة خصوصا في موقفه مع شعاع ومع عبدالله , عموما ما اعجبني فهد , موقفه مع شعاع يوحي بانه ممكن يرتبط فيها بس ما اتوقع لان اسلوبك مايكون بها الوضوح ودائما تصنعين غير المتوقع لذلك ماراح يرتبط او يفكر بشعاع
شعاع : اتوقع تاخذ علي او نايف
نايف بحكم ان عالية اخذت عبدالرحمن فربما ترشحها لنايف
وعلي لانك زي ماقلت تجيبين غير المتوقع .
عبدالرحمن وعالية : ثنائي متناسب وتمنى لهم التوفيق والسعادة واشعر ماراح يكون لهم دور او صراعات في الاحداث القادمة.
الرواية رااائعه وبشوووووق لبقية الاحداث
واتوقع اكثر من راح يعاني هم كاسرة وسميرة
ومزون اذا تزوجت مهاب
وبانتظار عيدية محرزة منك
10-09-10, 01:46 AM
جديد مواضيع قسم القصص المكتمله من وحي قلم الاعضاء
العرض العادي
