السلام عليكم ورحمة الله وبركاته

يا شين لقرايه وانته على يدك ياهل ايصيح وانت كل شوي عطيته كف عشان يسكت خخخخخخ


اول ما قريت بطاقة الدعوه اتصلت على ابو حمد وقلتله طالبتنك طلبه يابو حمد قال تم يام حمد

قلت اريد اروح قطر الليله احضر عرس رد عليه منصدم هااااه قطر!!!!.....في خاطره قال ماجن من قريب يايبنها من اهناك

قلت انته قلت تم وقالي زين حاضرين يا م حمد الليله انكون في قطر عاده انا استااااانست ورتبت شنطتيه بسرعه واخذت فستانيه العنابي طبعا على لون علم قطر واتجهزت

بعدها بكم بساعه مشينا في السياره رايحين بر وانا طول الطريق اقوله عن الناس الي بحضر عرسهم متحمسه على الاخر خبرته عن ابو المعرس واعجابي بشخصيته وتوقعاتي له ان عرس كساب بكاسره اكيد بيلم شملهم عقب خبرته عن كل شخصيات العائله وعن منصور الي اموووت على شخصيته واتمنى اقوم اوايه بالخشم عقب كل عباره ايقولها خصوصا وهو مع كساب

المهم انا الحين رايحه العرس ومتشوقه اشوف اللقاء الي ننتظره من زمان بين العريسين

وصلنا بالسلامه ورحنا الفندق حجزنا وتجهزت ورحنا للعرس ياسلاااام شعور حلو وانته تدخل القاعه واطيح عيونك على اصحاب العرس اللــــــــــــــــــــه هذي مزون سلامي عليها بنت زايد متلفلفه بالعباه لين الحين ما اعرف شو لونه فستانها اظاهر ما بعرفه الا بحضور شخصيه مهمه يعني البقيه عرفت شو لابسات وهذي وضحى الي احساسي يقول انها بتكون لعلي مثل ما قالت كاسره انها بترتب الها اخو عريسها اتهبل بفستانها وكسرت خاطريه وعيونها اتقول انها فرحانه وحزينه علىفرقى اختها

قعدت على الطاوله وفديت انا خالة المعرس رحبة فيه اتجنن هالخاله والله انها رهيبه والي يشوفها ايقول صدق انها اخت مزون الصغيره ويا بختك ياعم منصور على هالجوهره الي اكيد خبللتبك عقب ما امتلكتها وصرت اتوسوس من فراقها ماعليه يا حضرة العقيد حارب واستخدم كل اسلحتك عشان ما تبتعد عنك كفايه ما مضى من العمر وانت عايش وحيد بلا وطن الله الله بالوطن الحين ابذل كل طاقتك عشان ماتبتعد عنه...

قمت عقب وطلعت للمغاسل الي برا كنت اريد اجيك على مكياجي واهناك لقيت وحده واقفه عند المرايه وامها تنتظرها برا كانت جوزاء الي ما شالله عليها عليها جسم ما شالله تبارك الرحمن المسكينه كانت اتجيك على عدالتها قبل لا تطلع للعروس وكانت وااايد اتدقق في نفسها وتتاكد اكثر من شكلها الله يسامحك يا عبدالله والله انك يبت للبنت عقده نفسيه وما خليتها اتكون واثقه في عدالتها وشكلها يعني المسكينه ماتنلام شهرين وانته لابسنها ولا كانها موجوده وفي الاخير اتقول الها قومي نظفي نفسج يا ويييييلي انا لو ايقول اليه نظفي يدج ولا لبسج ولا اي حاجه بموووت وين اهيه المسكينه ...وانا اشوف كلام كاسره صح اخذيه واخذي حقج امنه وعشان اهو المسكين بعد يقدر ايوضح لج سوء فهمج لمعاملته ما ادري كيف بتكون ردة فعلج يوم بتوضح الصوره

طلعت جوزا من المكان الي كنا فيه ودخلت عليه ثنتين يتضاحكن وحده لابسه اسود وبياضها عشانيه يووووه والله انها خيال وبس لسانها ماشالله ماوقفته هههه اظن انها سميره يا حليلها شكلها ميته وذايبه في الاستاذ تميم الي ماعين خير من خراشها وكسرتله ايديه الله ايعينه هذا وهي بعدها مش معاه كسرت ايديه مادري باجر شو ناويه تكسر فيه ويا خوفي اهو الي يكسرها مع افكاره السودا الي مسيطره على تفكيره بدايه من شوفته لصورها في الاب توب لموافقتها عليه وهو بالحاله هذي ولنزولها لبيته والانسان دائمن يسيئ الظن يوم ايصير شي غير مالوف

وفكرة تميم هذي موجوده عند اغلب الناس الي تسيئ الظن مثلا مره كنا في مجلس وسمعنا فلانه وافقت على فلان وكان فيه عيب خلقي على طووول لاحت باعتقاد الحريم انها ما وافقت عليه الا لان فيها عيب ومحد يدريبه

سميره كاني اشوفج بعد عرسج بفتره لازمه السكوت ولسانج هذا الي مايوقف بيكون سايلنت والكل بيتسال شو صارلج بعد العرس وماكان هذا حالج من قبل اكييييد انج بتحصلين معاناه مع تميم بسوء ظنه فيج بتلخبط لج حياتج والمشكله مابتكون في انه ما يتكلم لا في تفكيره الي متعبنه بس انتي خليك جدعه على اقولة خالك هريدي وورجييه انك قدها وقدووود وان تفكيره هذا من نسج الخيال.....

الثانيه اعتقد انها شعاع الي اتوقع اتكون اما لنايف او فهد

رجعت رايحه للقاعه وشفت مهاب مار عاد انا اليوم مرفوع عنيه القلم عيونيه اطالع الرايح والراد لحقته والله شخصيه هالمهاب طويل ومزيون واتوقع ان مزون من نصيبه من البدايه وانا حاسه انهم لبعض واتوقع ايصير في لقاء بينهم في العرس كدا ولا كدا وبعد اتوقع ان مزون بعد عرس كساب يوم بتسافر لجميله مع ابوها ايكون مهاب هو كابتن الطياره وتصير مشكله عنده وتسعفهم كابتن الطيار مزون

ولحضتها يمكن تتبدل النظره الها .....بس انا اتوقع ان قصة مزون ومهاب بتكون قصه قويه ماخطرت على بالنا

احم احم عاااده انا ترانيه من الحريم لمشفح هههههه مب على الشوفه وبس لاااااا على شي ثااااني وهي طاولة البوفييييه ههههه يا سلاااااااام

الله يديمها من سفره ونعمه ويحفضها من الزوال الله يغنيكم ويكثر خيركم يا ال كساب الحمدلله كلت لين قلت بس.....

سالت وحده من البنات العروس بتطلع قالو اليه لا قلت عيل بروح اسلم عليها وتوجهت للمكان الي كانت فيه العروس ياسلام ياسلااااام عيني عليج بااارده يا كاسره والله يعين كساب على هالجمال صح اهو يدعي الا مباله ويريد ايحسسها انها عاديه لاكن انا ادري انه ذايب من داخل ويستغل الاسلوب الساخر ورفع ضغطها عشان اهو ايطفي النيران الي في صدره

من البدايه كان ضاربنيه فضول الاثنين هذولا كيف بتكون العلاقه بينهم ماشالله عليج يا انفاس والله انج مبدعه بتصوير العلاقه بينهم وطريقة تعاملهم مع بعض شي شي وما يخطر على البال مبدعه يا ملكة الاحساااااس....

البدايه جذيه كانت روووعه وين البقيه من الاحداث مع ترتيبات علي الي مجهزنها الهم حق شهر العسل اكيد بيكون شي عجييييب وممتع والله يصبرنا

بعد ما سلمت على العروس وباركت الها طلعت بعد ما وصلتنيه رساله من ابو حمد وانا مستااانسه



غاليتي انفاس لك مني كل الحب والتقدير واسمحيلي على لقصور

محبتك وديمه العطا

.بارت رائع....جدا جدا
اللهم بلغنا رمضان واعنا على قيامه وصيامه
اللهم امين

السلام انفاس كيفك يا قلبي

بارت رائع وعرس اروع كم كنت متشوقة للمواجهة بين كساب كاسرة

الله يعينك يا كاسرة على كساب شكله مخطط لك على رواقة .. بس اتوقع راح تصير قصت حب وعشق لا مثيل لها بين هذين الجبارين العنيدين ماراح احد يتصورها ... يا حلاتج يا كاسرة وانت خجلانه

ننتظرك انفاس وكم سنشتاق لك ولاحداث قصتك وابطالنا الاعزاء
والله يبلغنا رمضان ويتقبل منا صيامنا وقيامنا وجميع المسلمين
والله يجعله شهر خير علينا وعلى جميع المسلمين ... آمييييييييين