السلام عليكم ورحمة الله وبركاته ....
والصلاة على أشرف الأنبياء والمرسلين ....
شخبارك أختي الغالية انفاس قطر ؟؟ طمنيني منش ؟>>>>
والله حبيت طريقة كلامكم
..
انا من الي كانوا وراء الكواليس وكنت أراقب بصمت وبذهول من تراتيب القصة وطريقت
عرضك الخارفيه لها ماكنت أملك إلا اني أقراء وأحلل بيني وبين نفسي وأغلب توقعاتي
كانت تصير >>>> ياشيخة
الي حمسني باني احط رد هالمرة أمريين ...وبكل شفافية .
الأول : مسابقة أجمل رد ولاي راح تكون ابتداْ من هالبارت
والثاني : كنت والله مقرره احط رد قبل مااقراء اعلانك عن المسابقة لأن الأحداث صارت
ماتخلي الواحد يقدر يسكت وخصوصاً أن في أشياء ماأحد تطرق لها من البنات ودي أقولها
أنا >>>>ومادري بعد بتصيير أو لأ بس بجرب حظي ..
نجي للبارت الجزء السابع والثلاثون مع التعليقات على الاشخاص والتحليلات ....
----------------------------------------------
في هالبارت ابتدييت من الحدث المؤلم للعبد الله نفسيا ومعنويا الي قفلت عليه في
البارت السابق ولفت انتباهي شيء وهو :
|
اقتباس :-
|
(و حق إن بنتي تحاد في بيتك وأنت مطلقها..؟؟ ضاعت دراستها وجامعتها.. وقهرتوها..
|
|
اقتباس :-
|
وكسرتوا نفسها..)
|
صراحة من يوم قريت هالمقطع من البارت سألت نفسي ليه أبو عبد الرحمن تمثل لنا في
القصة بأن شخص يكره البنات ومايحبهم ومن الاشخاص الي يحسون الكون احلى بوجود
الذكور دون الأناث مع أن هالجملة تكفي وتوفي أن أبو عبد الرحن يحمل عاطفة طبيعية
كاي أب لأبناته وبالدليل الحركة الي بغى يسويها لمى شاف شعاع تصيح ومنقهرة بسبته
بس الي مو طبيعي في الموضوع وش السبب الي يخليه يعاملهم بهالطريقة ولايظهر
عاطفته لهم اكيد فيه سبب ؟؟؟
-------------------------------------------------
|
اقتباس :-
|
بنتي توه مطلقها رجّال أطلق من شاربك يا المرة.. إذا بغت جوزا تعرس خذت من مناعير
الرجال رجّال يسواك ويسوى طوايفك
وإن مابغت بيت إبيها مهوب عاجز يضفها لين تموت..
|
يالله ياأنفاس شقد حزنت على عبد الله وحسيت فيه وهو مايقدر يجمع كرامته الي اريقت
في الأرض بسبت ابو عبد الرحمن يالله يا أنفاس لمى الواحد يكون معلق امل بشيء
وفي لحظة يموت هالأمل قدام عيونه وهو قاعد يتفرج ترى مثل هالكلام صعب على أحرار
الرجال ان يتلقونه بدون ماتنتفض له كرامتهم المهدوره ..عبد الله ربي يفرج همك يا أخوي
.
--------------------------------------------------
|
اقتباس :-
|
يا الله كم هي المرأة مخلوق معقد عصي على كل التفسيرات المنطقية!!
|
وعفرا عصية على كل التوقعات الي في بالي ماأقدر أتقوع لها أي تقوع لأنها ببساطة زي
ماوصفتيها عصية على كل التفسيرات المنطقية أما المقطع الي فعلاُ هز ذروة الروح
عندي هو :
|
اقتباس :-
|
حينها لا تعلم لماذا انخرطت في بكاء رقيق وهي تشد جيبه بيديها الاثنتين وتدفن وجهها
|
|
اقتباس :-
|
في صدره..
أصبحت شديدة الهشاشة كما لو أنها قابلة للكسر مع أقل هزة
|
--------------------------------------------
كاسرة أشتقت لك يابنت مختفية بارتيين وأخيرا طلعتي يعني أنك عرووس بعد تنخشين
عنا الموهيم في ماحدثتها مع صديقتها فاطمة كانت اشبه بالفتاه الي عارفة هي وش
مقدمه عليه يمكن تكون ظاهريا مش خايفة ويمكن بعد تكون داخليا مش خايفة ولكن هي
في الأخير يا أنفاس فتاه انثى تخجل من لحظات العرس ومايجر العرس ورائه حتى لو
كانت بتزف لأنسان هي عارفة بقرارة نفسها أنها راح تكون في معركة ضرروس معاه
بصارحة أنا متحمسة جدا لحياتهم وشلون راح تكون حياة التحفز الي بينهم لكن يا
انفاس أنا احس في الأخير راح يكونون سيل سيل سيل من الرومانسية الخرافية ....
كاسرة أنثى مغلفة بجلمود صخر يبغالها بس من يدك هذا الصخر وكساب ولد زايد قدها
وقدود ....
------------------------------
|
اقتباس :-
|
أم صالح بألم: تدس علي؟!.. أشلون مافيك شيء وأنت تون!!..
عبدالله بصدمة: أنا ونيت..!!
أم صالح بذات نبرة الانقباض المتألمة: إيه ونيت ونين موجوع..
|
ياااااااااااااااه يا أنفاس شلون كتبتي هالمقطع ؟؟؟
لهادرجة الأم ولوعة فقدانها لولدها تخليها تحس بما رواء الصمت من ألم وحره ووجع وونات
..
لهادرجة أم صالح حست بونيني ولدها المشروووخ النابع من صميم صميم صميم روحه
المثقلة بالقهر ...
أم صالح ربي يشفيك ويعافيك يمه واجديتي والله يومنتس طلبتي ان عبد الله يظل
معاتس في البيت لأان أبو صالح مرااح يرفض طلبتس مراعة لظروف مرضتس وهالشيء
فاتحة خير احسها لأبو صالح وعبد الله بس يبغالهم وقت وجوده في البيت قدام أبوه راح
يلين قلب هالشيخ العتيد والصبور .والمجروح من ولده ...
------------------------
|
اقتباس :-
|
كانت نائمة حين شعرت برائحة عطره تخترقها قبل أن تشعر بدفء ذراعيه يطوقانها وصلابة
صدره تحتوي ظهرها.. همست بنعاس: جيت منصور؟؟
منصور همس بخفوت: صار لي أكثر من ساعتين راجع يالكسلانة.. وش ذا النوم كله؟؟
همست وهي تفتح عينيها: أنا منبهة الساعة عشان أصحى قبل ما تجي.. أشلون
مارنت..
منصور بثقة: أنا جيت بدري شوي وطفيتها قبل ترن.. قلت خلش تنامين شوي.. ونمت أنا
بعد معش شوي
عفراء كانت تريد أن تنهض لكنه لم يتركها وهو يشدد احتضانه لها.. همست عفراء بألم
ماعادت تعرف له سببا: فكني منصور.. خلني أقوم أسوي لك ريوق
منصور هتف بعمق وهو يديرها لناحيته : ما أبي ريوق.. أبي أشوف ابتسامتش بس
|
عفرا كانت تهرب منك يامنصور إلى حضنك كانت تهرب من غضبها المتاجج داخلها كنيارن
تستعر في الهشيبم على سفرك إلى جميلة إلى دفء حضنك انت حرمتها من احتضان
بنتها والشبع منها قبل أخبارها بموضوع زواجكم كانت تهرب من كل هالشيء لحبك الي
أشرق في روحها من بعد الليل الطويل ...
منصور أيها الرجل الاثيري عفرا تحبك ياأخي أنتبه عليها داريها أكثر وأكثر ولا تجرحها مرة
ثانية تراها ماعدت تتحمل أي وجع بعد فجيعتها بردة فعل بنتها ....
--------------------------------------------------
|
اقتباس :-
|
جميلة فتحت عينيها بذهول وكحت وهي تشهق بصدمة موجعة بعثرتها تماما: تقول
حامل؟؟
أمي أنا حامل؟؟
حامل.. أكيد أنت غلطان.. أمي حامل؟؟
خليفة ببرود مدروس: إيه حامل.. ووش فيها؟؟ أمج بعدها صغيرة
جميلة بكلمات مشتتة مهزومة: فيها أنها أمي أنا.. وأنا كنت أنتظر زيارتها على نار..
أشلون الحين بتزورني وهي توها حامل في اللي بيأخذ مكاني عندها؟؟
|
جميلة كنت احط لنفسي الأعذار عشان مااتعاطف معاها لانها انسانه فعلاً من خلال
البارتات السابقة حسيتها أنسانه دلوووعه لأبعد نقطه في الدلع ...
بس بس عقب هالحدث وهالجزء ..سقطت كل الأعذار في داخلي لتنكشف امامي صورة
صبية أثقلها البعد أثقلها الحرمان من صدر والدتها أثقلها حجم المسؤلية التي أمامها
تجاه خليفة ..
أي وجع يسكنها بعد خبر حمل أمها ؟؟
أي غربة ستعيشها وهي تعلم أن والدتها على حسب ظنها ستنشغل عنها بالطفل
القادم؟؟؟
انفاس.. جميلة طلعت عكس كل التوقعات الي في بالي حتى في البارت الي راح
لمى كانت تتكلم مع نفسها رحمة حالها وضعفها وكانت هناك مبررات كثيرة عشان
تتصرف مع الي حولها بهذي الطريقة والي بديت أقتنع فيها أنا عشان أضم صوتي لصوت
افكارها وهواجسها ..
جميلة بس أصبري يا أختي انتي تعبانه أدري بس في أحد بسبتك بيموت من الألم ...
امك يا جميلة أمك ياجميلة .....
-------------------------------
|
اقتباس :-
|
جميلة شهقت بصدمة خجولة: أنا.. أطفال؟؟ ومِن مَن؟؟
خليفة بنبرة سخرية غاضبة: مِن مَن؟؟ الطوفة اللي جدامج موب مالي عينج!!
جميلة تفجر وجهها احمرارا غشى حتى أخر أطراف شعرها..
|
هههههههههههههههههه يمكن هذا الشيء الي بيخلي جميلة ترتكز شوي وتهدأ وتعقل
والله ضحكت على كملة خليفة لا يا خليفة تكرم تكون طوفة والله انك من مناعير الرجال
وحر من أحرارهم الله يعطيك الصبر على جميلة ..
----------------------------------
الف الف الف مبروووك ياهزاع على النجاح وتتهنى بالسيارة الي طلعتها من عيووون فهد
هههههههههههه
----------------------------
|
اقتباس :-
|
رد عليها بخفوت مشابه: لا تكونين عقب عرسنا ناوية تحذفيني بالفنجال كذا!!
حينها اشتعل وجه عالية احمرارا وهي تتمنى لو كانت تستطيع سكب دلة القهوة فوق
رأسه...
|
هههههههههههههه والله طلعت مانت هوين يا عبد الرحمن وأنا اقول عنك هادي وثقيييل
..
تصدقين أنفاس أنا متحمسة لحياة عالية وعبد الرحمن وهذا الي كنت أستناه موقف
يجمع بين عالية وعبد الرحمن عالية البنت المرحة الشغوووفة بالمزح والضحك والمقالب
وعبد الرحمن الرزين العاقل الهادي شلون بتواجهون بعد الزواج وأي لون راح تتلون فيه
حياتهم ؟؟؟
-------------------------------------
قفلة قفلة قفلة كنت استناها بعد >>>مابقى شيء ماستنيتيه ...خخخخخ
أحس تميم من بعد هالي صار بينزرع بقلبة برعم حب وعاطفة تجاه سميرة وخصوصا أن
قلب تميم قلب خصب صافي نقي ....
حتى هذولا الأثنين احس حياتهم بتصير ممتعه حتى لك انتي أنفاس وأنتي تكتبين
تفاصيل حياتهم ... شلون راح يجمتع الصخب بالسكون المطبق شلون راح تجتمع ضجيج
الأنثى المشتعلة بكل هذا الحب العذري لتميم وشلون الأنسان الي مشاعرة ماتحركت
لأحد ومنقطع عن أي حياة عاطفية شلون راح تصير شخصيته العاشقة بعد مايعر ف
سميرة زين مازين اكيد بيكنون روحين تحلق في فضائات خيالنا بكل هدوووء ومتعه ..
-----------------------------------
من التوقعات الي أتوقها وقد تصييب وقد تخييب
عالية بتخطب شعاش لخالها نايف خصوصا لمى تتعرف عليها زين
جوزا بترجع لعبد الله بس برتجع له وهي مجبووورة بشيء قوي غير ولدها بس الله أعلم
وشو ؟؟؟؟
بترجع الأمور لمجاريها بين عبد الله وأبوه بس بعد مد وجزر طوويل والله يعينى على الي
بيصير
--------------------------
هذا الي في بالي الحين وأن شاء الله أكوون وفقت بتوقعاتي وتحليلاتي ..
تقبولني لؤلوة جديدة في عقدكم المليء بالجمان
انفاس ربي يعطيك العافية يا أختي ويوفقك ويبارك لك في عمرك ويطوله على طاعته ..
تسلم يمناتس يابنت الاجواد على هالرواية الي تاخذنا من مشاغل هالحياة وتعبها لدنيا
ثانية ....
جزاك الله خير
والسلام عليكم ورحمة الله وبركاته
-----------------------------------------
28-07-10, 02:25 PM
جديد مواضيع قسم القصص المكتمله من وحي قلم الاعضاء
العرض العادي
