كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
الحمدالله على السلامه ام سعود وعوده حميده عاد رد توالي الليول لتس عليه الزوار من بعد المغرب الى وحده مايوقفون بحكم النفاس ومادخل النت الا بعد مايروحون ماعليش تحملي يمكن اخور بلكلام
كانت رجعة عبدالله صدمه كبيره الكل العائله
ردت الفعل من اخوانه واخته متوقعه جدا وخاصه اللي صار الهزاع يمكن لو مكانه بعيد الشر اسوي اكثر
ام صالح صدق صدق تكسر القلب اللي صار لها شي مو بسيط المره محزونه على فراق ولدها ولا مهوب اي ولد قريب من الكل وحبيب الكل ثم فجئه بعد مااقلمت نفسه على فقده يطلع الولد عايش ولله انه قويه الله يقومتس بالسلامه وتقرعينتس بابو حسن
تدرين انفاس انا نقدت على موقف عبدالله من البدايه ليش قال انه مات يعني بيستمر طول عمره عايش بذا الديره وهو مطلق الحرمه يعني مايدري انه بيحن على ديرته وبياخذ خالد يتعرف على اهله وديرته المره وخلص منه
زين اذا قلنا انه ماراح يرجع وان زوجته بتسوي المستحيل عشان تمنعه ليش يتفاول على عمره بالفال الشين وسوء الخاتمه ليش يكسر ظهر ابوه بحسرته على ولده بذا الموته فيه الف طريقه وطريقه يقول احترقت فيه السياره وصار رماد افضل من لانتحار ادخل على الله كلش ولا الانتحار الله يبعدنا عنه مافيه مؤمن يفكر فيه الا اذا صار مريض نفسي او ارتد عن دينه وعبدالله مهوب مريض نفسي يعني معناه مابه ايمان
موقف ابوصالح من عبدالله متوقع وزين اللي ماراح له ومردغه ولله انه يقهر من فعلته الخايسه اجل منتحر ياعبدالله
تدري ابو حسن اتمنى ان اهلك يورونك شغلك على فجعتهم
بس باقف معك بش واحد هو ردت جوزا لك لاني ابيها تذوقك المر وتردبك وتقهرك مثل ماقهرته اجل البنت تشمم نفسها كنها كلب بوليسي عقدت بنت الناس الله حسيبك حتى الكلام ماتعرف تبرر مغير روحي تحممي محسسها ان ريحتها خايسه
تكفين ارجعي له جوزا وخليه يموت قهر مايطولتس
اتوقع عبدالله بيرد جوزا وسلاحه هو ولده
ماعليه ابو حسن ثقلت العيار عليك شوي بس انا عندي احساس انك بتغير الصوره الكل يشوفك والنعم بس حنا مابعد شفنا شي
الله الله بخالاتك اللي ملعوزين جوزا رز ام حسن وعزها قدامهم خل ينجلطون
جعل عيني ماتبتس امثالك يابو خالد ولله انك رجال والنعم
تدر ولله لو ام خالد مارضت عليك كان قلت لك توكل على ربك وطلقها وبشر بلي تسواها الف مره
خير انشاءالله ترا من تغلا تخلا الرجال اعتذر بدال المره الف ومع ذلك ماقدرتي
ياشيب عيني من الحريم اشهر وهي ملعوزه الرجال ويوم حست انه متزوج عليها وبيتركها انهارت بين ايديه من اول كلمه ليتك يابوخالد من الاول وانت مهددها بالجاره عشان تجيك تحبي
يويل حالي على عشاق الاربعينات بصراحه معجبه بحالة الرومنسيه اللي بين منصور وعفراء احس فيها نضج وعشق خيال ولاثنين مايقدرون يفترقون عن بعض حتى لو ماكانت عفراء حامل يعني لا جميله ولا عشره امثاله يفرق بينهم لا منصور يقدر يستغني عنها ولا عفراء تقدر تستغني عنه
ابو زايد يتربى البيبي بعزك
كساب وكاسره حاله مصتعصيه كل واحد منهم راس بتقوم حرب داحس والغبراء ومن اللي بيرضخ لثاني
كساب بيشوف فيها شي ماشافه في جنس حواء زود على الجمال بيشوف الذكاء والذرابه وثقة النفس
هل بتكسر شموخ كاسره ياكساب ولا كل وعودك وتهديدك بينهار قدام حبك الكاسره البنت احسها بتحكم عقله اكثر منك وصدقني اي اهانه للكرامه منك الكاسره راح تخسرها وماراح يندم الا انت لانك بذك الوقت بتكون ذايب الشوشك في حبها
بنت زايد وشله التغلي متقدم لتس اثنين من افضل شباب الروايه اختاري بينهم وخلي الثاني الشعاع وانا افضل انتس تاخذين فهد عشان غانم يتزوج شعاع لان شعاع لايمكن تزوج فهد وهو اخو عبدالله لا يلدغ المؤمن من جحره مرتين
ماشاءالله عليتس سميره ولله خطوه جريئه منتس توافقين على تميم انتي عارفته وعرفه كل شي عنه لكن تميم هو اللي مايعرفتس هل بيتقبلتس او لا اتوقع تميم راح يحب سميره وروحها الحلوه
في جعبتي الكثير <<<<<<<<يمديتس على جعبتي بس الولد يبيك وقوتي خارت
نفوس الروايه حماس البارت ننتظره على احر من الجمر الله لا يخلينا من ام سعود وانضباط ام سعود ناااااااااااادره انفاس ولله انتس علمتي كثير ان الروايه ماتحلا الا اذا كاتبتها تواصلت مع القراء ونزلت اجزائها بصوره منتظمه بدون انقطاع ولا نسيان لاحداث الروايه
|
23-07-10, 01:31 AM
جديد مواضيع قسم القصص المكتمله من وحي قلم الاعضاء
العرض العادي
