الحمدلله على سلامه يالغلا احداث ممتعه وقمه بالابداع

منصور لبي عينه هالشخص حبيته يااناس ردة فعله عورة قلبي شلون شخص فاقد الامل وفجاه يقولوله مبروك يااربي على الرقي حتي بتفكيره

عفراا الله يعينها على بنتها ودلعها الماصخ والاناني ربي يعوضها بحملها ذا

كساب على عكس الكثير من الخوات انا حبيت شخصيته وعتزازه بنفسه رجال يعتمد عليه ومالومه ترى بردات فعله معنها مرات تكون قاسيه

تميم والله يستر عليه من سفرته ذى مراح تعدي على خير هو وسر البنت الى ختفت احس بصير شي بس ماني عارفه شنو

مهاب جنتل مان شوي عليه بس ياليت ينتبه على نفسه ومايبدي الكل عليه

صالح يالجلف كذا تروع ابوك زين ماصابته جلطه وربي توقعتها للشيبه مو لام صالح يااحرام عوورت قلبي وربي الله يلوم الى يلومها بردت فعلها .
ابو صالح معذور بردت فعله ومالومه على الى يسويع بعبدالله اقرب عياله ونصدمه فيه واخر شي يكتشف انه ضيع اربع سنين من عمره على كذبه ترى قويه على الشايب الله يعينه تلقينه يقول ليته ميت ولا كذب على

جميله ودى اسطرها لين تقول بس انا نيه ومريضه نفسيه لحد يقول وش فيك عليها ماحب الانانيين الى كل شي لنا وبس

هزاع فديت قلبه اربك بس تنجح وتحلق شوارب اخوك ههههههههه وحده متحمسه بشكل

فهد خف على خوك ترى عيب اكبر منك

نجلا وصالح فديت الناس الذوووق اذةب على الحب الى بينهم يااناس انا

عاليه لبي الرقه والحب الله يعين عبدالرحمن على الرقه ذى بس لو تخفين من الدفاشه شوى وتذكرين انك بنت


اتوقع عبدالله وجوزاء يكونون بنفس الوقت اتوقع بتسوى حركه بتخلي عبدالله يعند الى يرجعها له عناد فيها .

بنتظار الاحداث الجايه تقبلي مروري

الحمد الله على السلامة

صج من طول الغيبات جاب الغنايم

اولا: جميلة............... هذ الانسانة انا ما احبها وانانية واتوقع ما جاها من خليفة قليل عليها.

ثانيا : جوزا................. مسكينة واتوقع انه تشوف عبدالله ويحن قلبها علية وترجع له علشان حسن بعد ما تتطلق من امهاب.

ثالثا : عالية .............. الصراحة بجيب معاها

ام صالح عسى الله يشافيها لان اذا صار فيها شي ما راح يسامح عبدالله نفسة

يعطيك الف عافيه
الله يستر من عبدالله اتوقع ان ابوه بيحن عليه اذا شافه وبيسامحه
وامممممم اتوقع كمان يقاابل جوزاء عند امه وبيموت من شوقه لها :$
اممممم جميله اتوقع كلام خليفه بيصحيها من اللي هي فيه
مزون احس الايام الجايه بتكون حلوه عليهاتو
تميم مدري بس احس ان فيه شي بيربطه ببنت عبدالجبار اللي ضاعت
او شي بيربطه بـ عبدالجبار الله يستر بس على سميره وعليه
وعلياء وعبدالله لقاء كسر خاطري وبقوه
ام صالح ماتوقعتها بتصيبها جلطه صراحه توقعتها اقوى
جوزاء مدري بس توقعت ردت فعلها تكون اقوى ووماتوقعت قسوتها على ولدها امممممم احس انها بترجع لعبدالله
تحياتي لك انفاس وبانتظارك الاحد
تحياتي لك
وفآء آلسعوديـه (F)

ياهلا والله بأنفاس والله ماتتصورين فرحتي برجعتك
ماعليك قصور يالغالية والحق ينقال ماعمرك أخلفتي بوعدك وحتى لو صار فانتي معذورة لان اللي مثلك يحق له وربي لاتاخذين بخاطرك بس مثل مايقولوا العتب على قد المحبة ^^

نجي للبارت
والله طوول ماقرا البارت وانا أبتسم احس بسعاادة مدري وش مصدرها وانا اقرا والله اني أعيش مع الشخصيات لحظة بلحظة موقف بموقف من دقة وصفك

منصور وعفرا: الصراحة ماتوقعت عفرا ترضى بهالسهولة ومنصور يقهر أحيانا مسرع ومتهور بس اشوى ان الأمور ماتطورت ووقفت لهالحد
بعدين وش عنده الأخ كذا متأكد ان الطفل بيطلع ولد يمكن تطلع بنت وفرصة الحمل مره ثانيه قليله مممممم نشوف بعد ثمانيه شهور خخخ


عالية ياحليلها كسرت خاطري ماتوقعتها تتأثر كذا دايما تبين انها قويه وماتتاثر موقفها جدا مؤثر صراحة بالبدايه ماحبيت هالبنت حاقده عليها من موقفها مع ملكة سمورة هههههه بس كني بديت أحبها


أبو صالح يبغا له وقت عشان يقدر يسامح عبدالله وماينلام بس كان الافضل يتواجه معاه ويعرف الالسباب العتب مايفيد الحين دام الولد رجع
اتوقع بيقعد غاضب عليه لين نهايه الروايه اتحرق شوقا لمعرفة وش اللي بيخليه يرضى على عبدالله

أم صالح: يالله مسكينه والله جلطه مرة وحده؟ كان المفروض يمهدون لها الموضوع حبة حبة يعني مثل ماسوا غانم مع أبو صالح بس كذا بالوجه شي طبيعي تنهار المصيبه الحين لو ماتت ولا صار لها غيبوبه مااقدر اتخيل مقدار ندم عبدالله حينها

جميله متى راح تستوعب انها غلطانه هي الى الان في عقلها انها مظلومه وان محد يحبها توقعت بعد كلام خليفة الصريح والقاسي تقعد مع نفسها شوي وتفكر بس مافي فايده لسه حاطه بعقلها انها المسكينه اللي تخلى عنها الكل اجل وش بتسوي لما تدري ان امها حامل الله يستر
اتوقع الشخص الوحيد اللي بيقدر يأدبها هو منصور نفسه بس خليفه ماشوفها تعلقت فيه لسه أو حبته يعني يمكن يكون له تاثير بس منصور لها بالمرصاد
وماراح يخليها تخرب عليه وعلى عفرا


صالح ونجلا كللللللللللللللوش مبرووووك عليكم من هالحال وأحسن فرحت لهم صراحه اخيرا توقعت يطولوا في الزعل بس اشوى انهم تصالحوا اخيرا


جوزاء شكلها حاااااااااقده من قلللب على عبدالله ماأنصحه يرجعها الصراحه لانه بيكره نفسه حينها والله ماتنلام بعد اللي سواه فيها حولها من طفله بريئه تمتلا حياة وعذوبه الى امراه شرسه حاقده على الجميع
هو الحين يتوقع انها مازالت جوزاء نفسها البريئه لكن بيتفاجا بشخصيتها الجديده


شعاع ياحبي لها هالبنت لها عقل يوزن بلد تستاهل كل خير هي الحين بتاخذ يافهد يامهاب بس اللارجح فهد كيف الله اعلم


مهاب كسر خاطري هالانسان احسه حزين ووحيد مدري ليش بصراحه امووت واعرف مين بتكون من نصيبه مزون ماتوقع شعاع مممم احتمال ضئيل
اجل لو ماكانت مزون ولا شعاع مين بتكون؟ لايكون ماراح يتزوج خلاص ولا ....لايكون الاخ بيودع خخخخخخ الله لايقوله
يمكن بنت صاحب ابو عبدالرحمن المفقوده تصير له
مممممم خليني ساكته احسن لاأخبص زياده هههههههه


كساب خخخخخ والله يضحكني هالادمي اتونس وانا اقرا حواراته صراحه لسانه متبري منه مايحترم احد لاصغير ولاكبير ولاحظت انو الفاظه السموحه عالكلمه بس الفاظه سوقية شوي خخخخ لاحظوا كل حواراته لازم فيها سبة او كلمة غير لائقة بشخص محترم هذا عيبه الوحيد اضافة الى غروره بس شخصيته ككل حلوة
اتوقع حياته مع كاسرة بتكون ملح الروايه كفايه الحين مكالماته معاها تفطس ضحك والله كنهم بزران اجل كيف لاصاروا ببيت واحد

نجي لتميم والله قلبي وانا اقرا مقطعه كان يعورني كل مانزل تحت اخاف اقرا خبر انو صار له شي ولا مات ممممم ياترى ايش بيكون دوره مع بنت عبدالمجيد يمكن يلقاها ولا يساعد في هالشي مممم الله اعلم


الله وناسه يعني خلاص رجعنا لبين الامس واليوم يعني كل احد وثلاثاء وخميس بارت وااااااااو طول الثلاثه اسابيع وانا حاسه انو النت ناقصه شي اثاريه هالروايه خلاص احسها صارت جزء من روتين حياتي من جد اتمنى مااااااااتخلص انفاس طولي فيها قد ماتقدرين وخذي راحتك عالاااااااااخر فيها ههههههه
ربي لايحرمنا هالديات اللي كتبت والعقل اللي فكر والقلب اللي صور كل هالمشاعر والأحاسيس الحلوة