السلام عليكم ....
اول مشاركة لي .. كنت متابعة من خلف الكواليس ..
اتوقع ان غانم رح يرجع يخطب مزون .. وعاد توافق عليه لاني بصراحة ما حبيت الشيخ فهد .. ولا مهاب صفر ع الشمال خخخخ يعني ماله داعي

انفاس تروحي وترجعي بالسلامة نحن بالانتظار

السلام عليكم ورحمة الله وبركاته
الحقينا(( ياانفاس)) بنتذابح على عريس ((مزون)) >>>مجموعة فيسات شادة في بعضها
من البداية وانا أقول ((مزون لغانم )) ومستحيل تكون لمهاب

ليش.... ((غنوم)) يحبها منذ مبطي{{ يا قلبي عليه ما تستاهلك هــ المزون }} فيس غيرااااان مررررررة : والا ليش خلع كتف مهاب يا حبيباتي... وثانيا تذكرون حواره مع اخته سميرة ببداية الرواية يعني فيه شي بالقلب من ((غنومي)) لمزون وتاكد هالشي لما صار حواره مع عبدالله وهم راجعين من المطار يعني هو عاشق حتى النخاع ..الاكشن هنا فين ... >>> سالتوني >> مسوية نفسها شخصية هامة >> لما يدري انها رفضته.. {{وما اعتقد مهاب راح يتجرا ويخطبها بعد اللي صار بينهم} ولانه عارف موقف غانم وحاس ان فيه شي بقلب غانم لها: {{عافيه عليك مهاب خلك محترم}}::... تذكرون الحوار اللي حصل بين الاثنين لما كانو باستراحة الطيارين وهي دخلت عليهم وشلون تصرفوا مهاب وغانم
واللي راح يزيد الاكشن ان سفر مزون لفرنسا سواء مع ابوها او مع علي بيكون الكابتن في الرحلة ((عنومي )) واحتمال كبير يصير اي موقف او ظرف او اصابة للطيار او المساعد وتضطر مزون((تسوق الطيارة ))وفي هالرحلةيمكن بعدها تضطر مزون اجباريا نتيجة ظروف او موقف صعب توافق على الزواج من غانم اللي سبق وعرف برفضهاالارتباط فيه...بينما هو عاشق حتى الثمالة لذلك بيثقل عيها وماراح يخق ويبين حبه لها من البداية لحد ما تحبه هي وترضى فيه عن قناعة تامة... >>>> ألفت الرواية
((فهد راح يخطب شعاع أو وضحى ))نفس الشي(( علي)) لوضحى او شعاع
اتوقع بنت عبد الجبار ((الباكستانية)) راح يكون لها دور بعدين بالرواية >>>>يمكن لمهاب ...تطلع منظمة لجماعة ارهابية وتخطف طيارته ؟؟؟
مين باقي مين باقي ممممممممممم: ايه ((نايف )) وينه غايب ماله حس ولا خبر >>> هذا عاد اللي اخاف يحوس كل التوقعات... يله خل يدخل بالمنافسة مع فهد و علي ....

وبس

<<<<< واقووول ليش انفاس ماخذه اجازة >>>>> بلاها هالتخاريف اللي انتي كاتبتها >>>>
الله يردك لنا بالسلامة حبيبتنا انفاس وتريحينا من هالحيرة اللي حن فيها يا عسل
شـكــ وبارك الله فيك ـــرا لك ... لك مني أجمل تحية .

مساء الخير بارت رائع ومميز عبدالله الى الان واهو بدوامه تسحب معاه كل الي حوله أتوقع ردت فعل عاليه مازالت في بدايتها ولها بقيه وردت الفعل الاقوى راح تكون من نصيب ابوه لانخيبت ضنه بالولد المفضل باختياره موته بشعه لايقبلها لادين ولا عرف وبعدين يكون حي وكل هالشي عشانه متزوج يهوديه بتكون الصريخ قويه عليه ومشاعره بتكون متلخبطه ممكن يتغلب عليها ويمكن يكابر
عفراء ومنصور نظرتهم لعلاقتهم كانها شبكة عنكبوت عند اقل اهتزاز راح تدمر وتنتهي مع أني أشوفها وصلت مرحله لايمكن لأي منهم انه يستغني عن الاخر الحمل جا بوقته ليصحيهم بواقعهم مع أني متخوفه من ردت فعل منصور هل راح يتغلب على عصبيته ويحكم عقله او العصبيه بتتحكم كالعاده
كاسره وكساب الثنائي الأروع الى الان متشوقه للقاء اذا هذا وهم في البر وشلون لصارو في البحر علاقه مشوقه ومتوافقه الأطراف
بالنسبه للبنات وزوج مزون من رائي ان الأنسب مهاب مع أني ماتوقع تفكير وتخطيط انفاس بس هالشي راح يكون ممتع اكثر من زوجها من غنام
بالتوفيق وبانتظارك مع أني مبسوطه لان توقيت سفرك توافق مع توقيت سفري

السلام عليكم ورحمة الله وبركاته
مسااء الورد ..
من زماااان ماا رديت على الروايه ولا سدحت توقعاتي > مصدقه حالهاا
لكن الله اعلم باظرووف ..
ع العمووم ..

انفاس الأجزاء اللي فاتت تعبتني وانا اقراها من كثر المشاعر اللي فيها وبالذات لقاء عبدالله مع اخوانه وولده ..
وكل تفكيري محصور في لقاءه مع امه وابوه ..
وكم الوجع والحزن اللي بيكون لقاءهم ..
انا لو اسافر عن بلادي شهر أجن تقولين غايبه سنين ..
وشلون عبدالله والله قطع قلبي موقفه يوم وصل المطار ..
الله لا يحرمنا من قطر فديت ترابها ..


جوزا .. الله يلوم اللي يلومك على اللي صار لك صدق صدمه ..
ميت يرجع بعد اربع سنين زين ما جنيتي ..
وانا لين الحين اقول جوزا لمهاب وحسن هو الرابط بينكم ..

منصور وعفرا .. تفكيرك العسكري هو اللي جايب لك المشاكل ..
الحين الحرمه مسوية لك جو رومانسي واستقبال ..
وانت لازم تخربها !! ياأخي اصبر الليله وبس وبعدها قول اللي في خاطرك ..
انتبه ترى رصيدك من الأوجاع والألم يزيد في قلب عفرا
والله يستر من تاليها > في بالي ان عفرا بتطلب تسافر لبنتها بدونك
واللي بيوديها علي عشان تكمل السالفه عدل ..
عفرا .. والله اني رحمتك حتى فرحتك ما تهنيتي فيها ..
الله يصبرك على اللي بيجيك من دلووعتك ..

صالح .. ارحمو عزيز قوم ذل .. سبحاان الله اللي انقلبت الأدوار..
نجلا تأدبت وحفظت الدرس تمام ولا عادها بمتغليه عليك مره ثانيه ..

زارا .. ظميني لحزبك ..
انا اقول مزون ما ياخذها غير غانم ..
وغير كذاا بااااااطل ..
يكفي تكسرت اسنانه الرجال عشانها وبعدين غانم طيب وهادي ..
عكس مهاب ومزون تستاهل تفرح وترتاح بعد اللي مرت به ..
وفي بالي ان كساب بيرضى عليها لانه ماراح يوافق تخسر ..
هالفرصه الذهبيه في زواجها من شخص هو يشوفه كفؤ لها

في النهايه ..
أجاازه سعيده نفووسه

السلاااام علييكم

راح اعلق على البارتاااات اللي نزلت وماجااات لي فرصه اعلق عليها؛مثلك عارف اجازه وجمعات وناس رايحه وناس جايه..وياويلي وياسود ليلي إذا لقوني على اللاب..يغدقون علي بسيل من كلمات العتب مثل قول اللاب مهوب طاير وحنا مانجيك في السنه إلا حسنه<<فيس يفضفض خعخع

فكونا من هذرتي ونجي لتعليق على الابطال:

عبدالله والله قصتك قصه ومعا ذلك ماعذرتك ابد..يعني في اعتقادك ان الكذب على ابوووك والانتحاار افضل من الحقيقه!! وش فيها إذا خبرتهم وخليتهم هم اللي يقررون يسامحووونك او لا..وبالنسبه لخوفك على ولدك هذا انت سويت اللي سويته ومافااادك في شي وانحرمت منه للااابد وبطريقه مفجعه..ويمكن يكووون هذا عقااب لك لانك فجعت ابوووك وكذبت عليه...

جوزا ماالووومك في خووفك على ولدك وفي انهيااارك لما عرفتي بان كابوسك لازال حي ويمكن ياااخذ ولدك الحسنه الوحيده اللي طلعتي بها من هذا الزواااج؛؛وبصراحه احترت وش راح تقررين هل بتلغين زواااجك من مهاااب عشان تحافظين على حضانة ولدك ام بتستمرين فيه نكااايه لعبدالله وبتحاولين تعلقين ولدك في مهاااب مثل ماعلقتيه في ابوووه..

مهاب ينطبق عليك المثل اللي يقول خير تعمل شرا تلقى..الله يعينك على اتخاذ القرار الصحيح اللي هو طلاقك من جوزا وزواجك من شعاع..ومدري ليه عندي احساس انه بصير شي لعبدالرحمن وانك بتاخذ عاليه وهذا هو الزواج غير المتوقع اللي تقوله نفوسه..

مزوون مااستغربت رفضك لغانم وفهد..وياليت اذا عرف فهد بخطبت غانم ينسحب..لاني ماتخيلت مزوون إلا مع غانم يلوقون لبعض ومنها تكسب رضا اخوها..

منصور وعفرا الف مبرووك الحمل والله يتممه على خير..مدري ليه حاسه ان فرحتكم ماراح اتم..

كاسره وكساب الله الله بالاستعدادات الزينه للعرس..نبغاه زواج ماصار مثله في جميع القصص..بس هاااه مانبغى فيه هواااش خابرتكم تموتون في شي اسمه هواااش..

ادري فيه اشياء كثيره ماعلقت عليه بس هذا اللي قدرت عليه.. والف شكر لك يانفوس على ألتزامك..واخذي راحتك والله يسعدك في اجازتك..بس اتمنى انك إذا رجعتي ترجعين لنا انفاس بعدالغيااب ببارتاتك الصبااحيه اليوميه القصيره..
زارا انا مع الزعماااء في كل شي فما بالك إذا كانوا على حق..سجليني في حزبك بس هااه ابغى امسك الحزب الرياضي..وهديتي لكل مسجل في حزبنا اجااازه تقضونها في النمسا في مدينه لينز مع الزعيم خعخع...