مســــــــــــــــــاء الاوركيــــــــــــد
مشكورة على البارت وتسلم الايادي
البارت حلوووو والاحداث حلوووه
والنهايه رائعه جدآ جدآ حنونه وبسيطه وخفيفه مثل الريشه <--ماتبي تظهر لانفاس قهرها
======================================
خـــــــــوخـــــــــــــــــــه
ياهلا وسهلا ومرحبا اسفرت وانورت
الف الف مبروووووك يافراشه بارك الله لكما وبارك عليكما وجمع بينكم بالخير
وتسلمين يالغاليه ويسلم غاليك ,,,,,وبما انك طليتي علينا ياعرووووسه
تكفين ,,,تكفين ,,تكفين ,,,,,,,,,طالبتك طلب قولي تم ,,,,,,
ابي منك خدمه صغنونه حيييييل ,,,,,,
بنت خالتك خلااااااااص ماصار ينسكت على اجرامها عشان كذا ابيك اذا شفتيها
تقرصينها (تقبصينها) من قلب ,,,,,عشان يبرد قلبي منها ,,,وتطمني ماراح تسوي لك شي
لانك عروس وماتقدر تعلم علامه فيك اذا رجعت وقرصتك <---مفكره بكل الاحتمالات
وانتي لاتغطسين ياختي طلي علينا بالاورنج والكاكي كل فتره والثانيه 
======================================
نجي للتعليق على البارت
البارت راااائع عجبني دسم جدآ جدآ ,,,,كل شخص تكلم عنه البارت كان يدخل
بدهاليز داخل الشخصيه عشان كذا يبليه قراءه اكثر من مره ,,,واذا موغلطانه
كان فيه 3اشارات !!!
كلهم يخصون شخصية واحده فقط لاغير لكن من كذا اتجاه ,,,وهذي نفس الاشارات
اجابة سؤال يدور براسي ,,,,يعني الحمدلله قلب البعير عرف الاجابه
================================
ارجع واقول البارت كان دسم حييييييييل عشان كذا بحاول اني اعلق باختصار .
ابتدء البارت بجوزه وعبدالله ,,,,اجل ابدء فيهم
تدرين انفاس النقطه المهمه مب ان جوزا تكون لعبدالله وبس
لان في خطوات قبل العوده وبعد العوده ,,,,هذي اللي بتكون صح احداثهم المهمه,
كون ان جوزاء تطلب الطلاق وبنفس الوقت امهاب يعرف عن طريق امه وش الخطوه
الجايه اللي بتتخذها جوزاء ,,,,هنا نقول اننا تطمنا ان الطلاق بيصير بشكل راقي
وبطيب خاطر من جميع الجهات (نقول ان شاءالله)
طيب قلت قبل كذا ان عبدالله عنده خبره كافيه ووافيه بالتعامل مع سن حسن بالذاااات
عشان كذا استحاله ان جوزاء بتستخدم اسلوب عقاب عبدالله انها ترمي عليه حسن
عشان يبلش فيه ويقولها تكفين خليه عندك وانا اجي بالمجلس اشوفه واقعد معاه واطلع.
حسن لو أصر انه يقعد عند ابوه مافي اي مشكله بل بالعكس نعمه من الله عشان
عبدالله يرضي ضميره تجاه حسن ويعوضه وبنفس الوقت يعيش احساس رائع انحرم منه كم يوم.
وهو احساس الابوه .
يعني النتيجه ان جوزاء مابيدها اي ورقة ضغط على عبدالله
بل بالعكس هي بنفسها عطت عبدالله ورقة ضغط عليها يوم خلت حسن يتعلق فيه.
يعني حسن بيفجر راسها بصياحه يوميآ وليلآ عشان يبي يكون مع ابوه اللي
فعلآ كان مثل ماتصوره بعقله ويمكن اروع واكثر حنان وحب .
نجي لجــــــــــــــــوزاء ,,,,,,
لو بحالة ابتدئت تتعامل مع عبدالله بشكل مباشر ,,,بخصوص حسن
بيكون في نقطه مهمه ,,,,جوزاء من ابتدئت الروايه وهي تغلط وتندم
تجرح وتندم ,,,تثور وتندم ,,,,,,,كل ردات فعلها العدوانيه الغاضبه تلحقها ندم
ليش؟؟ لان هي عارفه ومتأكده انها قاعده تثور وتجرح وتغلط (بالشخص الغلط)
لكن لو وجدت الشخص اللي حولها على قولتها لمسخ ,,,,وقتها اتوقع بتلقي عليه
كل حمم البركان اللي داخلها واللي ماطلع منه الا قليل القليل .وكل ماكلمته او قابلته
بتلقي عليه حممها عشان تحرقه مثل ماحرقها .
نجــــــــــي لعبدالله ,,,,
ممم
تدرين انفاس ان الله سبحانه وتعالي بمواقف نتعرض فيها يكون ارحم واحن علينا من نفسنا ,
عبدالله وش كان بالنسبه له خالد الصغير؟؟,,,,,كان كل شي له بالدنيا وكان ظله اللي مايفارقه
الا كم ساعه باليوم فقط,,,وبعدين كل اليوم معاه معاه معاه ,,,,طيب وبعدين؟؟
راح خالد منه(بغض النظر شلون راح ) لكن ظله راح كل شي بالنسبه له راح
مافقده؟؟ ,,,,ماينهبل وهو يتذكره ؟؟ والقهر ان حتى جثته مااندفنت باارضه
يمكن يهون عليه يزوره ويقول ولدي قريب مني !!
انفاس لو عبدالله رجع لديرته وهو كل شي متسهل له صدقيني ,,,انه بينهار ويموت
لان ألم فقد خالد بيكون مسيطر عليه لاخر خليه بقلبه ,ماكان بالنسبه له ولد عادي
أصلآ اذا مشى بيدور لاشعوريآ بيدينه يدور يدين خالد ,,,واذا نام بيمد يده عشان يضمه لصدره
واذا قام بيتجمد تفكيره عشان يستوعب ان خلاص مافي طفل لازم اغسله واجهز له فطوره.
لكن ربي ارحم على عبدالله من نفسه ,,, كتب عليه هموم ومشاكل تخليه ينشغل فيها
عن التفكير المركز بخالد,رضى والده,,حل مشاكل عودته,,معرفة عايلته فيه وزعلهم منه.
وبنفس الوقت عطاه طفل مكان خالد ,,,,متعلق فيه وبعد طلاق جوزاء بيبدء أمل كبير
ان يكون عائله يتمناها من كل قلبه ,,,,,بعد كل هذا ,,,ماراح يكون عنده قدرة
تحمل يتحمل غضب جوزاء ؟؟!!!
=======================================
ابوفاضل
مذهوووله وبقوه ,,,,من خفايا شخصية فاضل ,,,ومن مكانة تميم العظيمه بقلب فاضل
عشان يعترف له بخفاياه اللي ماقالها لولده الغالي لقلبه !
انفاس انتي قلتي ان ااختفاء البنيه صار من 15 سنه ,,,وهي اصلآ يوم اختفت كانت ام 15
وشعاع عمرها 21 يعني الحادثه صارت وعمر شعاع 6سنوات اذا مو غلطانه
انتي قلتي بااول الروايه ان ام عبدالرحمن بعد ماجابت شعاع صارت لها مشاكل صحيه
وعلى اثرها شالت الرحم,,,,,وبعدها فاضل تغيرت معاملته لبناته!!!
وانا فهمت وقتها ان كره شعاع عشان هي سبب هالمشاكل وحرمانه من الولد,,,,
لكن لو ربطنا التواريخ بنلاقي ان سبب تغير معاملة فاضل هو فقدان البنيه ,,,
وخوفه وروعته على شعاع ,,,,,وهذا الكلام مااحد يعرفه ,,,,لان اليوم اللي صارخ
عليهم وعصب بالليله اللي راحت شعاع لسميرة بليلة ملكتها ,,,عبدالرحمن بنفسه
استغرب من كلام ابوه وهو يقولهم مافكرتو فيني يوم طليت على غرفتها ومالقيتها وادور بالبيت
مثل المجنون ,,,,,يعني تميم انقال له كلام حصريآ جدآ .
على طاري تميم
اللي فهمته ان في رحلة قنص عقب كم شهر ,,,واستحاله تميم مايروح لها
لكن بيصدف ذاك الوقت بيكون متزوج,,,,ياترى وقتها بتكون هالرحلة جات بوقتها؟
=====================================
امهاب ,,,عبدالرحمن
جوزاء طلبت الطلاق من امهاب عن طريق عبدالرحمن
وامهاب فهم من امه ان التصرف الصائب لأي ام انها تطلب الطلاق ,,,,
طيب
مااتوقع ان بأول الروايه يوم خليتي امهاب (يعرض )وضحى على عبدالرحمن
موقف عابر وغير مقصود ,,,,ولان مااحد يدري الا اللحين ان وضحى انعرضت
عليه((وان كان هي اول من خطبها )) ولو ان العرض مو مهم كان رتبتي الاحداث ان
عبدالرحمن يربط بقرب تخرج وضحى ويرجع يخطبها من غير العرض,
لكن اتوقع ان عبدالرحمن حرصآ منه بالتمسك بنسب امهاب وغير كذا
خوفه وهو يوصيه قبل فتره على خواته وامه ,,,يخليه ياخذ دور امهاب
ويعرض عليه شعاع ,,,,عشان يتطمن قلبه .خصوصآ لو عبدالرحمن سبق امهاب
وطلب منه يطلق جوزاء ,,,فا يكون يطلق اخته وبنفس الوقت يعرض عليه شعاع
وكأنه يقول طلاق جوزاء مو نقص ولا عيبه فيك والدليل نسبك نشريه وخذ اختها .
\ ممكن يكون كلامي منطقي وممكن يكون هباء منثور\
وعشان لاينأخذ كلامي من ناحية الاحزاب <---نذله بقوووووووه
ممكن امهاب عقب طلاقه لجوزاء امه تبي تنسيه الهم والحزن ,,,تدور له عروس
وهنا لاننسى كاسره توعدته بيوم ملكتها لما وهقها بتوقيت الملكة.
وعشان تاخذ بحقها وثأرها ,,,تخلي جدها يخطب له بنت زايد الغالي
وهي تدري ان هالبنت يموت قهر منها ,,وبنفس الوقت مايقدر يكسر كلام جده.
(هذا الحلو بقصصك انفاس لها كم اتجاه تستمتعي وانتي تربطي بكل الاتجاهات)
===============================
علي
ناظري انفاس ,,,كل جمله تنقرا على حسب مفهوم القارئ ممكن يكون قرائته صح
وممكن يكون قرائته غلططططططط,,,,,,يوم علي قال اروح لها هي وزوجها (اللي فضلته علي)
ماحسيت بحب من طرفه ,,,حسيت بكرامه مهدوره وعزت نفس تلملم شتاتها .
============================
جميله
من اول الروايه وانا اعمل بحث بصور قوقل لفقدان الشهيه عشان اتخيل شلون جسمها المتخشب
احبها احبها احبها
رغم دلعها وانانيتها وعصبيتها والفاظها الغير مدروسه
لكن متأكده ان بداخلها بتكون طفله ورديه مشاغبه وروحها ملائكيه .
ليش احملها ذنب هي مااترتكبته ؟؟
هنا انا اقول لمنصور ,,برافوووووو برافوووو
من كم دقيقه فقط عرفت وين الخلل ومين سببه ,,,وعطيت خليفه الخريطه والعدة
عشان يبحث عن كنز جميله داخلها ,,,,ان شاءالله يعرف
===============================
انتظرك ثم انتظرك
أشكرك على انضباطك بالمواعيد وتعاملك الراقي وبالك الطويل
همسة لـ فيتامين سي,,,,صــــــــــــح لسانك ياقمر الابيات شرحت وضعهم بالضبط.
همسة لبوح,,,,,على البركة ياعروووستنا الله يوفقك ويسعدك يارب .
05-07-10, 11:28 PM
جديد مواضيع قسم القصص المكتمله من وحي قلم الاعضاء
العرض العادي
