مســـــاء الاوركيد
مشكورة على البارت وتسلم الايادي
بارت 33 هو بارت بداية الانقلاب ,,,,,لان من هالبارت مثل ماقلتي بالضبط بتتأثر شخصيات كثير.
==================================
قبل كل شي مممم
عبدالله بشفافية مثقلة بالألم: يبقى خلاص غصبا عنك تسامحني لأني حقيقة.
اتوقع وانتي تكتبين هالجمله كنتي تفكرين بأم غانم <---- طلعوها برررره تكفون
=================================
في البدايه
قلنا ان كل شخص بيتقبل عودة عبدالله بطريقته ,,,,,لكن الابداع الابداع
انك تشرحي ردة الفعل على حسب شخصية اهله ماشاءالله عليك انفاس
هذي نقطه صعب احد ينتبه له وهو يكتب ردة الفعل لكن انتي انتبهتي لها ,,,,,,
هزاع ,,,بحكم شخصيته تأخره بالدراسه لسبب ما وان ينام على حضن امه وفهد
مره دخل عليهم وعلق على هالنقطه,وثورانه على ملكة بنت عمه وتصرفه الطايش ان تميم
يطلقها,نلاقي انه شوي فيه ضعف بالقدره على التحكم ومشاعره رقيقه ,,,نلاقي انك خليتي تأثره
بعودة عبدالله اقوى وواضحه اكثر من فهد ,,,اللي شخصيته نوعآ ما مع العسكريه تخليه اصلب .
لكن غانم بحكم عمله كا كابتن طيار مسؤول عن ارواح ولازم يكون عنده قدرة استيعاب
اسرع وقدرة ضبطه وتحكم لمشاعره اقوي , شفناه انه تأثر لكن أخف من فهد وهزاع,,,
وان كان بتقولين لي بس غانم كان عنده
معلومه قبل وهو اللي سمعها من الحجز ,,,,لكن هنا بقولك انه يقدر يمسك نفسه اكثر واكثر
قدام اخته وعلى القليل ماافكر بصوت عالي .
لذلك انفاس اقولك برافو انك خليتي تعبير الفرد على حسب شخصيته ,موب بس كذا ,,,لالا
طريقتك بالغووووص بشرح الاحاسيس الداخليه للشخصيه وبنفس الوقت شرحك للموقف
العام ماشين مع بعض بنفس الخط مجهووووود اكثر من متعب .
=================================
لقاء حسن وعبدالله قريته اكثر من سبع مرات من كثر روعته
ياخذ الانفاس ويشد الاعصاب مثل اللحظات الاخير من مسابقه, الفرق فيها متساويه باللحظه الاخيره.
===================================
موقف ذهاب عبدالله مع فهد
ناظري انفاس من الممكن ان يمر الموقف بكل سهوله وسلاسه و وقت مايوصلون لبيت فاضل
يكون حسن نايم بحضن ابوه ومايكون فيه مشاكل .
لكن في موقف في بالي لااااااااااازم اكتبه من باب استخدام حق الفيتو بالثرثره 
مممم
طبعآ اللي شفناه من وضع جوزاء وتاخير حسن والهواجيس السلبيه اللي غزت مخها
يخلينى نقول ان وصلت لاااااخر حد من التوتر والقلق ,,,وتنتظر ولدها بفارغ الصبر
طبعآ ماراح تقعد وتحط رجل على رجل وتنتظره ,,,,,دايم اللي ينتظر وهو هذا حاله
تلاقينه اما يناظر من الشباك ومسنتر عنده ,,,او يدور تحت بحوش البيت عشان
يسمع صوت السياره اذا جات,,,,هذا من ناحية جوزاء .
طيب
انفاس ماتوفقيني الرأي ان اذا تلطم الانسان يكون تركيز الشخص اللي يشوفه فقط على
العــــــــــــيون؟؟؟
مممم
وش اكثر شي جوزاء كانت معجبه فيه بقووووه بعبدالله وداااايم تحكّي شعاع عنه؟؟؟
عيونه ونظراته!!!!!
طيب ماتتوقعين ياانفاس ان جوزاء اذا شافت المتلطم اللي ((حاضن ))ولدها بالرغم ان عمه
اللي جايبه ,وهو مثل ماقال صالح مايقبل على احد الا بطلوع الروح ,,,بتخليها تركز عليه
لكن هو متلطم!!وين بيكون اجل تركيزها ؟؟
\\ ممكن يصير هالموقف وممكن يكون هباء منثور بس حبيته وكتبته عشان اتخيل انه صار\\
====================================
منصور وعفراء
وااااااااضح جدآ ان في سوء فهم بالموضوع بيصير ,,,,
عفراء ناويه تقلب عليه وهو خايف ان قلبتها بسبب جميله لذلك ردة فعلها
طوالي بيفهمها غلط ,,,,,,,,شلون الموقف بيصير ماراح اشغل مخي لانك بمتعيني فيه اكيد,,,
لكن كلامي على بعد معرفة منصور ,,,بيكون عنده فرحتين ,,فرحة الحمل وفرحة ان عفراء مادرت.
نجي لردة فعل منصور اذا عرف ,,,,,,,,,هنا ياانفاس اقولك اهنيك لانك خالفتي
بصراحه ماحبيت ابدآ ان عفراء تحمل عقب علاج منصور ,,,,,بايخه ماعجبتني
بتتصور ان عالج لسبب ما ,,,,لكن ردة فعله الحقيقه اذا عرف بحملها
وخصوصآ انه ماله 48ساعه قايل له الدكتور(الفاشل) ان الحمل ممكن يصير عقب
اكثر من نصف السنه !!ويتفاجئ انه وهو يسوي التحاليل ويكشف, زوجته اوردي حامل
هنا الفرحه غيرررررررر
===============================
جميله وخليفه
بقولك شي انفاس ادري انك بتقولين انهبلتي بس من زمان بمخي ,,,,,وش الرابط بين
خليفه ومزون؟؟؟
كلهم عشان لحظه وحده يبون يعيشونها ,,,دفعو الثمن غالي
وبالنهاية ماحسوبفرحه بطعم هاللحظه اللي كانو يبونها ,,,,,,,,خليفه عشان يبي يكون
بموقف ولد العم اللي يقرع على بنت عمه (يارب اكون كتبتها صح)ويرد الغريب
عشان هاللحظه بس ,,,,,عاش الضغط اللي يعاني فيه ولو رجعتي وسألتيه بيقولك
ليتني ماتكلمت ,,,,,,لكن الحق يقال رغم الضغط القاتل اللي عليه سواء النفسي
او الجسدي وحتى الروحي ,,,الا انه رايته بيضا ,,,حتى وان كان فشل معها ,,
لكــــــــــــــــــــــــــــن جاته اللحين فرصه ثانيه,
جميله نفستها تنكست ,,,ورجعت مثل ماكانت ,,,,وهو شاف بعينه تصرف منصور
وكأنه الله ارسل له اشاره بكيفة التعامل مع جميله .
====================================
صالح ونجلا
ماراح اشغل مخي بالتوقع بالموقف اللي بيصيلانك بتمتعينير <--- اجل انتي وش تسوين هنا
لكن اللي فهمته,,,ان
صالح داري عن تفكير نجلا وتوقعها الخاطئ بسفره لأمريكا ,,,,,,وبالمقابل
نجلا ماتدري ان صالح داري عن تفكيرها .
هنا تصرف نجلا بيكون شفاف وتلقائي جدآ ,,,لكن منصور تصرفه مدروس .
==========================
ابو عبدالرحمن
اللي فهمته ان بعد كم شهر في رحلة قنص ,,,بعد مايشرون طيور فاضل,,,
لكن بموقف اليوم ,,,ظهرت جوانب ايجابيه بقووووه بشخصية ابوعبدالرحمن ,
الشخص اللي ظهر بااول الروايه غير عن شخص اليوم ,,,,انسان حنووووون
اللي يفكر بنفسية كاسره والهديه اللي تنرسل لها بحكم عدم وجود اعمام او خوال
واللي يفكر انه ينظر لتميم نظرة رجل بتصرفاته وبموصفاته لا بنقصه اللي انخلق فيه
وابتسامته الحنونه وهو يحكي عنه ,,,
هذا استحاله يكون بلامشاعر ,,واستحاله ان رحمه ماتملى قلبه ,,وحبه لعايلته مايمشي بدمه
لكن يمكن يكون عنده قدرة كبيره انه يخفي هالمشاعر عن الكل حتى عن اقرب شخص لروحه
وهو عبدالرحمن .
=======================================
غريب ياعبدالله جوزاء ماعطتك الا كل شي حلو وكل خير وكل سعاده وكل لحظة رضا ,,,
لكن بالمقابل
انت ماعطيتها الا كل جرح وظلم وتحطيم
عشان كذا لاتقعد تكرر كل شوي ان هالانسانه حاليآ مثال للبراءه
لانها تغيرت بسببك كثير .
===============================
انتظرك لاتتأخرين
اشكرك على انضباطك بالمواعيد وتعاملك الراقي وبالك الطويل ياكابتن
30-06-10, 03:07 PM
جديد مواضيع قسم القصص المكتمله من وحي قلم الاعضاء
العرض العادي
