كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
.. :: مــســـاء / صـــبـــاح الـســُــكــر ْ :: ..
.. :: ΑĽžαεяαђ :: ..
عدد مشاركاتي حال دون إرسال رد ..
ولكني أوعدج بـ بالقراءة متى ما سمحت ظروف المتابعة ..
و شكرآ شكرآ شكرآ .. ما قصرتي .. وحيآج الله حبيبتي بكل وقت =)
.. :: الــبـــارت :: ..
.. :: عـــبــدالله :: ..
في لقاءه مع هزاع و فهد وجدت مشاعر كثيفة وأرواح مؤمنة في داخلها بأن إنعكاس رؤيتها حقيقة ..
ولكن العين تكذب شوفها لعمق الصدمة و هوّل العودة بعد إن إحتسبناه من ضمن اللي جاوروا ربنا ..
يعوّر القلب وصف حالة هزاع و شعوره .. والله يلوم لايمه ..
.
أما لقاءه بـ حسن فكنت أقرأ بـ ابتسامة سعادة ..
عبدالله لو بأفكر في حالته هو بعد مسكين ..
غرته راحيل ولعب عليه الشيطان وارتبط فيها ..
ويوم استدرك واستوضح حقيقتها و قرر ينهيها من حياته ..
وارتبط بإنسانة حبها عقب ما عرفها وعشق طهرها إلا إن شبح ماضيه وقف دون التصريح بالحب ..
و ترجع راحيل مرة ثانية وتدمر حياته ..
وتجعله ينفي نفسه من حياته ويبتعد عن أهله بتخطيط مؤلم ..
فالحين وبعد كل هالمتاعب اللي شافها ..
عسى السعادة تكون من نصيبه ودام ربي اعقله سالم ..
و حسن أهداه السعادة بان تعرف عليه والفضل لـ جوزا ..
أرب الله يجمعهم مرة ثانية ويداوي كل جرح فيها مثل ماكان هو السبب به ..
.
.. :: مــنــصــور :: ..
لأن من الأشخاص اللي لازم عنده تكون النقط فوق الحروف ..
خطط و نفذ مهمته و أناأشوف إنه توفق فيها ..
خصوصا إن جميلة دلوعة بزيادة وحساسيتها ما تتناسب مع بنت في سنها واللي مفترض يكون فيها عقلانية أكثر ..
بس بالمقابل لابد ما نلتمس لها العذر لأنها ربت يتيمة والكل مداري خاطرها ومقدر ظرفها ..
وأتوقع إنها في حياتها كلها ما سمعت كلمة لأ .. أو إنحرمت من شي في خاطرها ..
وأظن إن أهلها وهو عفرا وزايد وعياله كانوا يلبون لها طلبها قبل حتى لا تطلبه ..
.. :: عــفــرا :: ..
ربي سبحانه قدر لها الحمل بدون حتى علاج لـ مشكلة منصور في الانجاب ..
وعسى أن يكون هالخبر مكمل للأخبار السعيدة اللي حملها البارت لنا ..
بس على هالحال ما راح تقدر عــفــرا تسافر لـ جميلة إلا بعد الشهر الثالث على إعتبار إن أشهر الحمل الآمنة في السفر هي الثلاث أشهر الوسطى في فترة الحمل ..
يعني بعد عرس كساب بفترة مهيب بسيطة ..
وغير هذا .. إحتمال عدم تصديق منصور لـ الخبر وارد جدا ً ..
لأن بيحس إن هذا ممكن يكون من باب الضغط عليه للصلح وتحسين الوضع بينهم ..
أو من باب اللف والدوران و حركات الحريم في محاولة لـ إستمالة زوجها لها ..
خصوصا ً وإن الوضع بينهم متوتر في اليومين اللي راحوا ..
الله يتمم على عفاري في خير ..
.. :: مــزون :: ..
يا ليت ترتبط في غانم .. لأن من الواضح إن لها في قلبه مكان خصوصا في حواره مع عبدالله اللي وضّح هالشعور اللي لها فيه ..
الله يكتب اللي فيه الخير والصالح ..
مزون من الشخصيات اللي توجع الكبد مأساتها ..
يعني ما حسبت الموضوع صح .. وخسارتها أكبر من كسبها بـ كثيييييير ..
.. :: صــالــح و نــجــلا :: ..
أحس إن ساعة الصفر حنت بالنسبة لـ صالح ..
أذكر يوم ردت نجلا عقب ما زعلت على أهلها بـ خصوص خطبة وملكة سميرة يوم غبوا الموضوع إلى أن تملكت ..
و نجلا خذت بخاطرها وردت لـ أبو عيالها ..
و وضحت إنها ردت ولكن غير مستعدة للعودة له ..
فـ صالح بين لها إنها في الوقت اللي بتكون مستعدة هو بيكون موجود لأنه تعب من السعي لـ رضاها ..
أعتقد إن نجلا مستعدة لـ التصريح بـ إنها هالحين تبي رضاه وتبيه في حياتها ..
كــافــي هــجـــر .. و مـاعــادت تـبـي زعــل .. و تـشـبـعـت مـن الـغــلا ..
.. :: خــلــيــفــة :: ..
راح يغيّر تكنيك تعامله مع جميلة بعد الموقف اللي شافه من منصور معاها في محاولته لـ السيطرة على نوبة غضبها ..
ومن الطبيعي إن جميلة ترضح وتستسلم لأنها في غربه و وحشة روح وما عندها الا الله ثم هالـ خليفة ..
و خليفة محترم وحبيب و خلوق رغم إني غضبت عليه في أول الأحداث ..
ما أقول إلا الله يعطيه طولة البال و يوفقهم هو و جميلة ويهدي سرهم ..
.. :: أنــفــاس قــطــر :: ..
الله يعطيج الصحة والعافية ويسعدج في الدارين ..
ماشاء الله تبارك الرحمن .. مبدعة .. مبدعة .. مبدعة ..
في انتظارج إن شاء الله على الوعد ..
إخـتـك .. أفــــراح ..
|
29-06-10, 04:38 AM
جديد مواضيع قسم القصص المكتمله من وحي قلم الاعضاء
العرض العادي
