مســــــــــــــاء الاوركيد
مشكورة على البارت وتسلم الايادي
ممم
تدرين ليت عبدالله يوم سوى لخالد اختبار الـ DNA
كان سوى لك معه ,,,لان متأكده ان النتيجه بتكون عندك كريات اجرام حمراء
وكريات نذاله بيضاء ,,,وشوي شوي صفائح دمويه 
أجل قفله حنونه؟؟؟؟؟ ,,,,جايبه لنا موقفين كل واحد اقوى من الثاني وتقولين حنونه؟؟!!!
وقبلها قايله بيصير شي يقلب التوقعات!!,,,,,وجايبه لنا بوادر كل واحد فيهم ينبآ بحدث سيئ.
===================================
ختمتي بكاسره وكساب ,,,أجل خلينا نبدء فيهم
تدرين عجبني ان كساب أللح على علي عشان يعرف خطة السير لشهر العسل
مب فضول ولا عشان مثل مايقول مايحب يمشي الا بتخطيط ,,,,,لكن عشان كاسره
حلو انه ابتدء يعرف تكوين شخصيتها وكتالوج التعامل معها ,,,,والاهم عرف انها
شخصية اسثنائيه جدآ جدآ ,,,,,يبي يصنع درع عشان يصد عن نفسه أسألتها واتهاماتها
انا اشوف ان بادره حلوه ومطمنه .
كــــــــــــــاسره ,,,,,,انتي مو ملاحظه ياانفاس ان كاسره قاعده تترجم مشاعرها غلط
او بالأخص قاعده تحطهم بالخانه الخطأ ,,,,نبضات القلب والتوتر لهم ترجمه ثانيه
لكن نرجع ونقول كاسره مشاعرها متضاده حاليآ ,,,,,,,
والحلو ان كل واحد فيهم قاعد يتأثر بالطرف الثاني من غير مايلاحظون
=======================================
تميم & ابو عبدالرحمن
ممممم
ربطتي بينهم بمحبة وشغف الصيد بالصقور ,,,,,,خليني اتذكر وين مممم
يوم كنتي تعرفين عن فاضل مب عن تميم ,,,,,,ولدرجة ان فاضل ثار وعصب على شعاع
وبغى يضربها لولا تدخل عبدالرحمن ,,,عشااااااان طيوره
يعني اللي فهمته ان تميم مولع بالصيد بالصقور ويمكن يكون عنده صقر
لكن فاضل مولع بالصيد والطيور كلها ولدرجة ان يجيب لها عامل مخصوص لها .
وحتى انه بذل مجهود جبااااار انه يتركهم فتره ويروح لولده الوحيد ببريطانيا عشان يطمن عليه.
كثير ياانفاس ركزتي على تولع فاضل بطيوره ,,,,,وذكرتي تميم بلمحه بسيطه مممم غريبه صح؟
طيب روحتهم لباكستان بالظروف الحاليه ,,,,
((آآآآآآه اكيد فاضل بينقتل بالخطآ عن طريق الطياره بدون طيار
قدام تميم ومن الصدمه تميم يصرخ ويرجع له النطق <----- تبي تقهر وترفع ضغط انفاس
امزح معاك لاتاخذين على كلامي)))
ناظري انفاس من اول الروايه ويوم قلتي عن فاضل حبه وتولعه بالصيد الا تميم
عرفت ان بينهم علاقه مميزه وان اختلفت اعمارهم لان دايم اصحاب الهوايه المشتركه تكون
علاقتهم قويه ومتينه ,, ومن حبه الشديد له دعاء لله ان ربي يرزق تميم اللي هو تمناه وانحرم منه
للأمانه في اول الروايه يوم قريت انهم مشتركين بنفس الهوايه
واكيد يطلعون للقنص مع بعض كثير ,,,توقعت ان فاضل يعرض شعاع على تميم
لانه عارف تميم زين ويخالطه كثير ويعرف انه رجال ينشد الظهر فيه
وخصوصآ على كلام مزنه اليوم,,,,
تميم يروح للقنص من 9سنوات وهو عمره 16سنه ,,,يعني فاضل عاشره
من سنوات وعارفه زين ,,,,,لكن بعد خطوبة تميم وسميره ابعدت هذا التوقع عن مخي تمامآ ,
طيب ليش قالت كاسره يعني لو مالقيتو الطيور بترجعون ؟؟ معناه لهم سوابق ان سفرهم يتأخر
لكن في ظل وعد تميم لكاسره ان يرجع هنا بتتغير السالفه لان فاضل ماوعد احد ولا مضطر يرجع
لو رجع تميم قبله ,,,,,,,,,
طبعآ كلامي ممكن يكووون هباء منثور كالعاده ,,,,بااستخدم حق الفيتو وأث ر ث ر
=======================================
عبدالله وجوزاء ,,,,,,,,,,,ومهاب
لاحظي ان صالح قال امهاب آل يحيى وقفلتي ,,,,,يعني يمكن تكون علاقتهم قويه
بحكم عمرهم امهاب 31 وعبدالله 32 ,,,ويمكن مثل ماقلتي معرفة ابناء جماعه فقط.
لكن بتفكير عبدالله مع نفسه,,,,,,,
حينها شعر أنه يحترق حتى أقصاه من ناحية.. قشعريرة غضب وغيرة عارمين اقتحماه بلا هوادة رغم محاولته دفعها..
ومن ناحية أخرى شعر براحة غير مفسرة.. أنها مازالت لم تصبح لرجل آخر بعد
ولكنه هتف بغضب مر من بين صرير أسنانه: ومن حضرته اللي ما ينرد؟؟\\
الغيره والغضب ,,,سببها الحب
وشعوره بالراحه انها ماصارت لغيره ,,سببها انه تطمن انها مازالت له وماخسرها
سؤاله العدواني الغاضب عن هوية زوجها ,,,,سببها انه صار غريم له ويبي يفوز عليه.
يعني بعد ماحللنا كلامه ,,,,بنلاقي ان عبدالله براسه شي واحد
بيرجع عشان يرجع لطليقته ولولده ,,,,,,,,,,,,,لكــــــــــــــــــــــــن السؤال
هل طليقته لو عرفت بتكون عندها نفس الرغبه؟؟
طــــــــــــــــــــــــــــــــبعآ لا
بغض النظر اذا طلقها او لا ,,,,,عبدالله دمر بجوزاء امور اكبر من كذا بسبب
تعامله قبل مايكون بسبب طلاقه لها .
هي اللحين متضايقه من شخصيتها ومن تصرفاتها ومتأزمه من تغيرها وتحاول جاهده
انها تغير ,,,,وهي مادرت انه طلقها اصلآ
انفاس خلينا نكون مكان جوزاء ونوقف على ارض المعركة ونعد الخسائر
عشان مانستغرب لردة فعلها ,,,,,
مستقبلها الدراسي فشل بسببه ,,,,,ثقتها المعدومه ونظرتها دونيه لنفسها بسببه ,,,
تشوف نفسها ماتستحق امهاب وانه شي كبير عليها بالرغم ان امهاب مب وسيم
طيب ليش ماكانت تفكر هالتفكير وهي مخطوبه لعبدالله الوسيم؟؟!!
شخصيتها المتذبذه مع اختها شوي تثور عليها وتضربها وكثير تكون حنونه معها ,,,,,
علاقتها ببنات عمتها وبالاخص كاسره تدمرت بسببه,,
صارت سليطة لسان مع الكل عشان تنتقم من كل الألسنه اللي جرحتها,,,
بتقولين لي هو ماله دخل بخالاته ,,,,,صح كلامك لكن صدقيني ياانفاس لو
عبدالله كان غير معها وعبر لها عن حبه واعجابه ذاك الوقت ماكان همها خالاته ولا العالم كله.
الزوج الشخص الوحيد اللي قادر يخلي زوجته واثقه من نفسها او لا .لكن هو حولها من انسانه
مثل الورده الى انسانه مكروهه حاقده على الناس وحاقده على نفسها وبظل بيت نظرنهم للولد غير البنت
والأهــــــــــــــــــم ان جوزاء عارفه ان سبب ماصارت فيه هو عبدالله
واللي مانعها انها تعبر عن غضبها هو موته فقط ,,,,لكن لو عرفت ان رجع بتكون ردتها غير.
طيب تخيلي فوق هذا كلــــــــــــــــــــــــه ,,,تكتشف ان له ولد راح يربيه وطلقها بعد مادمر حياتها !!
وهنا انا اتفق مع شبيهة القمر ,,,,,,امهاب وجوزاء لو تزوجو بيكون اساس حياتهم
اولآ حسن وبعدين بيكونون ازواج عاديين صح بيعاني امهاب من شخصيتها لكن
مافي تصادم ,جوزاء بتكون عديمة الثقه اللي تسعى انه ترضيه,ولاحظي انها قالت لشعاع
على ثقتها المعدومه بنفسها انها بتعالج نفسها بنفسها,,,,يعني وجود مهاب ماله سبب.
لكن لو رجعت لعبدالله(بعد مواقف كثير بتكون بالروايه)هنا بيجي التصادم
هنا نقول علاقه معقده من انسانه تبي تذوق لغريمها المر والعلقم اللي ذوقها .
========================================
منصور وعفراء
استغربت من نقطه وحده
ليش عصب يوم قالها هل ممكن انك تطلبين الطلاق عشان بنتك الدلوعه وهي متزوجه
لو قالت لك تطلقي,,,,,,,,طيب هو معترف انه هذا شرطها ومعترف انه وافق !!!!
مع ان منصور شارط عليها بدل الشرط شرطين!!!
غريب انه يكون عنده الثقه بمهاجتمها ان تطالب بشرطها وهو داري
انه اسهل رد لها تقوله قبل ماتطالبني تنازل انت عن شروطك,,,,,,,,,,,,,,,,,,,,,,الا اذا منصور!!
=====================================
جميلة
ناظري هي دلوعه وانانيه ولسانها طويل وناقصها تهذيب
لكـــــــــــــــــــن انا احبها كثيررررررر
=============================
انفاس ياقلبي تكفين اذا جيتي تكتبين بارت تعوذي من ابليس واتفلي يسارك3مرات
تكفين لاتصيرين مجرمه ,,رجعي عبدالله لديرته تراه مسكين ينتظره ليل أظلم
وبنفس الوقت رجعي تميم ,,,يعني مالقيتي الا تميم ,,,,اللحين خليفه
يوم رفع ضغطنا ودخل بين جميله وعلي ماسويتي له شي والضعيف تميم وش ناويه عليه؟
===========================================
انتظرك ثم انتظرك لاتتأخرين
أشكرك على انضباطك بالمواعيد وتعاملك الراقي وبالك الطويل
همسه في أذن شبيهة القمر,,,تسلمين يابعد عمري كلك ذووق
همسة في اذن asoooma,,,الله يقويك ياعسل ويرفع قدرك
همسة في أذن مرافئ النسيان,,,,ياليت للنسيان مرفئ نوصل له ونرتاح ,,,,الف مبروك التخرج
23-06-10, 10:21 PM
جديد مواضيع قسم القصص المكتمله من وحي قلم الاعضاء
العرض العادي
