بداية اسمحي لي ان اقف اجلالا امام روعة وحسن قلمك الذي فاق الوصوف
لم اكن انوي الرد لولا كلماتك التي استفزت يداي لتخط لك من جديد
اعلم ان من حقك كشمعة تضوي لتنير حياتي بمفاتن كلماتها كلمة شكر اخطها
ولكني حقا منشغله فهذا الفصل هو اخر فصل دراسي لي وحقا لا اجد لنفسي الوقت لاريح عقلي من التفكير
كنت اقرأ كل جزء في موعده المحدد ولم اكن لاغيب ابدا ولكني اشعر بأن كلمة شكرا لك في ختام كلماتك التي تعبتي مطولا في تجسيدها هي تقليل من حجم ابداعك ولذلك ان لا اكتب واضيف ردا خيرا من تلك الكلمات في نظري



لما قريت كلامش ذا (كل ما أشوف الردود.. صديقاتي الدائمات اللي ما يخذلوني.. وتزايد عدد المشتركات عشان الرواية



أقول هالقلوب تستحق الأفضل.. والافضل من الأفضل بعد)

وحسيت نفسي مو منهم وحسيت اني خذلتك يمكن ردي مو مهم عندك بس عندي مهم اكون من الناس المقربين من انفاس روحيا

لو علقت الحين يمكن ما اوقف تدرين رجعت وانا سهرانه لي يومين مانمت وعندي اليوم اختبار اول شيء سويته تأكدت انك نزلتي البارت وخليت الابتوب مشغل وعلى الصفحه نفسها ونمت واول شيء سويته بعد ماصحيت اني اقراه وصدقيني نمت احلم فيه 48 ساعه مو نايمه بعدها ساعه واصحى لولا شوقي للروايه ماجلست
المهم اتكلم عن الاحداث الاخيره...

عبدالله وجوزاء استحقوا الانفراد بهذا الجزء بجداره
تصدقين موقفه منها بجد كرهته مافي اصعب من الالم الي سببه لها بس جوزاء قويه لو مو قويه ماقدرت تصمد
مع كذا ما اتمنى ترجع له ابدا ومهاب هو الي راح يعوضها عن كل الي سببه لها عبدالله بقصد او بدون قصد

راح انتظرك بشوق واسمحي لي يالغلا لو مارديت والله من ضيق الوقت بس هانت ثلاثه اسابيع وبستقعد لك وبصير اول من يرد على البارت بأذن الله

الى ذلك الوقت الك مني الف تحيه وسلام

السلام عليكم انفاسنا المتلذذه بخطف انفاسنا
صبح موجع لاقصي حد عبدالله والجوزا ماكل هذا الوجع ماتعرفي تلومي احد منهم تحزني علي طرف لنعود ونحزن اكثر علي الطرف الاخر معكي تعودنا ان نعشق ابطالك لانستطيع كراهيةاحد وكانك تسقين ابطالك من حبك فلا نستطيع سوي ان نعشقهم من كثر مانحبك انفاسنا
عبدالله هل فعلا ماحدث لولدك هوا فعلا عقاب لما فعلته بوالدك وفجعته فيك
المحير هوا ماسيحدث بعد ذلك لان امهاب السبب الاساسي من زواجه ان يكون الاب لطفل يتيم لانه عرف معني اليتم فماذا سيحد عندما يرجع والد الطفل فهل الغاء سبب الزواج يلغي الزواج نفسه او ان مصاهرته لعبد الرحمن كافيه؟
جوزا صراحه مامررتي به يبررتصرفاتك الشرسه نوعا ما لا استطيع لومك
منتظرينك مبدعتنا المتألقه دائما الله يحفظك من كل شر حبيبتي

السلام عليكم والرحمة

الف شكر لكي عزيزتي على اهتمامك ومتابعتك وردك السريع ولو انه تعقيبي متاخر

انا بس حبيت انوه اني فمشاركتي ماتكلمت عن مشكلة شخصية ذكرت كلام صديقاتي وهلي من رسائل مجهولة واعلانات انا ولله الحمد نوعا ما قدرت اتحكم فالاعلانات وماعندي اي مشاكل فتصفح المنتدى

وتسلمين الشيخة على حرصك لراحة الاعضاء

السلام عليكم
يامساء التالق يا نفوسه والله انك مبدعه فوووووق الوصف يافديت روحك يالغلا الله يوفقك دنيا ودين

بارت اليوم صدق صدق بارت المفاجات
عبدلله وجوزاء اخيرا انحل اللغز القديم وفهمنا من كل الاطراف
ببداء اولا بعبد الله متاكده ومتيقنه واصم بالعشره
ان ابوه بيسامحه وبيفرح فيه بس بشرط يحكي له كل السالفه
*******
اليوم منتهى العذاب وانا اقراء مقطع قتل راكيل لابن عبد الله
والله احس مافي ام يهون عليها ضناها الا لو تجردت من الانسانيه تماما
ياربي الله لايبلى مسلم بما مر فيه عبد الله عذااب مو طبيعي يقتل ولده قدامه وجريمته انه يحفظ القران من ام اقل مايقال عنها مجنونه
*************
عبد الله وجوزاء اول زواجهم
اليوم عرفنا القصه من وجهتين مختلفه اه ياعبد الله ماتعرف ايش سويت بالبراءه اللي كانت متمثله بجوزاء حولتها لانسانه مشوهه تتنتظر لتنتقم بدم بااااارد
************
اتوقع ان جوزاء بعد علمها بعوده عبد الله ترتاح نسبيا لعلمها انها لم تستجب دعوتها وتتحلل من الذنب اللي كانت حاسه فيه

عبد الله بعد عودته ومراضاته لاهله بيتفرغ لولده وولده اكيد بيتعرف عليه ويحبه على طول وذا بيزود رصيد جوزاء عنده لاكن هذا راح يخليه يطلب ان ولده يعيش عند ولايمكن يوافق انه يتربى في بيت الغريب (مهاب )هذا الشئ ممكن يخلي جوزاء تطلب الطلاق واحتمال بعد زمن ترجع لعبد الله اللي راح يتعب بشده على مايقدر يغير جوزاء المنتقمه اللي ماتتونا في جرح منهم حولها الى جوزاء الملاك حقه
************
اضن مهاب ما بيمانع بالطلاق لان السبب الاول لزواجه من جوزاء هو حسن وحسن رجع له ابوه اتوقع عبد الرحمن وابوه يعرضون عليه شعاع بدال جوزاء وهنا راح يتم رضى جميع الاطراف (الملكه غير المتوقعه هي ملكه عبد الله وجوزاء وشعاع ومهاب
**************
صالح ونجلا
اكيد سالفه فرش البيت قبل خبر عوده عبد الله بتكون القشه اللي تصم ظهر البعير
بنشوف نجلا في انفجار جديد من نوعه
*************
ردت فعل عبد الله يوم يعرف عن حسن
اتوقع انها تكون عنيفه جدااااااا جدااااااااا جدااااااااااااا
خصوصا ان حسن نسخه من ابيه يعني كل احساسه بخالد بينقلب فيه
والا بيكون عكسي وهو انه يبتعد عن حسون ويرفض يشوفه ويحس ان حبه له ممكن يكون خيانه لحبه لخلود الله يرحمه لاكن اللي بيرجعه لصوابه هو حسون بيعرفه وبيناديه بابا
*****************
انفاس احييك بكل قوه صدق صدق ذا من اروع ماقراءت لك ول غيرك في تصوير الالم باقوى انواعه

لك بالغ شكري بس سؤال الثلاثاء القاده البارت والا اللي بعده
فيس مو مركز ابداااااا

و تصفيق من اليوم لي باجر يا انفاس على هالبارت الروووووعه

على قد ما كرهت عبدالله قبل على قد ما حبيته الحين و حبيته واااااايد .. مسكين اللي صار له مستحيل كان احد يقدر يتوقعه بالمره .. هالشي الحمدلله غريب علينا في مجتمعنا بس عندهم في امريكا نجوف و نقرا عن اللي ادمر من جذي .. الحمدلله على نعمه الاسلام

اما جوزا المسكينه ما اعتقد فيه مره تقدر تتحمل حياتها من عقب اللي سواه فيها عبدالله .. و العقد اللي كانت فيها قدرتي تفسرين بشكل رائع اسبابها و المواقف اللي صارت لها عشان تكون بهالشكل ..

حبيت فكره ان البارت كله يكون لعبدالله عشان نقدر نعيش اللي صار فيه بشكل ممتاز .. تسلم اليد اللي خطته

اما بالنسبه لتوقعاتي ... اتوقع لما عبدالله يرجع الدوحه يتعلق في ولده و ولده يتعلق فيه ازيد مما نشوفه الحين و اعتقد هالنقطه تبرر تكرارج ان حسن متعلق بصور ابوه و يعرفه و عشان جذي ما يخاف منه او يستنكره اول ما يجوفه ... جوزا ما بتقدر تستحمل فراق ولدها و يا اهيا بتطلب الطلاق عشان ترد لعبدالله او ان مهاب اول ما يعرف ان عبدالله حي بيطلق جوزا احتراما لأبو ولدها