صبـــــــــــــــــــاح الأوركيـــد


مشكووورة على البارت وتسلم الأيادي

قبل مااعلق حبيت اقولك من جد من جد أشتــــــقت لك ,,,تدرين صارت الايام مثل بعض

قبل كنت اعرف ان بكره الثلاثاء او امس كان الاحد ,,بس اللحين لا

مشكورة انفاس من قلب لأنك تعطيني اوقات حلوووه باليوم وانا انتظر البارت

===============================

ناظري انفاس اتوقع اني عطيتك وقت ترتاحين من ثرثرتي

واللحين انا بااستخدم حق الفيتو بالثرثره ,,امريكا مب احسن مني يوم تستخدم حقها بالفيتو


كســـــاب وكاسره


هو صحيح الشكل العام لعلاقتهم نار الله الموقده وقذايف تنطلق بينهم ,,,,,

لــــــــــــــــــــكن


في احاسيس وافكار صغيره جدآ تكاد تكون بداية تكّون جنين لعلاقه دافيه بينهم


كساب طبعآ بالأسلوب العنيف سواء باأفكار او اقواله ,,,,,,,,ملاحظه ان رغم كرهه

وقهره منها ووده يذبحه وبنهاية تفكيره,,,(مااحد يلمسها غيري)!!!!!


حقد وكره وصار مسعور على انسان بخياله هو فقط ,,,لان فكر ان ممكن يلمس كاسره

لو هو طلقها !!!!,,,,,,,,انفاس وش نسمي هالأحاسيس ؟؟؟!!!

اوكي صح ممكن نقول حب تملك ,,,,هذا لو حنا مانعرف شخصية كساب

لكن بما اننا نعرفه زييين ,,,نلاقي حب التملك مو موجود بقاموس حياته

واكبر دليل ,,انه سعى لتزويج عفراء اللي يموووت عليها ,,,,ولو ان عنده حب تملك

كان صار اناني ومافكر الا بنفسه وقال ماتتزوج وتكون متفرغه لنا وبس,,,,

لكن كساب مافكر كذا بل بالعكس حرم نفسه منها وزوجها عمه عشان حريص عليها

مممم

بس تدرين هو تصرف مع خالته عفراء بأنسي تصرف ماينوصف انه حب تملك

ينوصف انه غيرررررره,,,,,, كساب الغيره عنده عاليه جدآآآآآ

يعني شعوره بالكره تجاه ان احد تكون حليلته كاسره ,,,,غيره !! يغار عليها

نجي اللجبهة الثانيه ,,,,,,

افكارها تجاه كساب ممكن نقول ان 80% انها ترجع لخجلها ونفورها,,,,

لكـــــــــــــــن


الفضول !!!,,,,واحسااسها بعد معرفة كل معلومه عنه يبشرنا بالخير .


وارجع واقول مب معناة هالمشاعر ان بدت قلوبهم تدق ,,,لالالا

قدامهم طريق طويل بس نقول ان الكره بالتدريج بيقل


=============================

كاسره ووضحى

انفاس انتي ماتوفقيني الرأي ان اذا حبيتي شخص وكان يهمك كثيرررر

تفهمينه وتحسين فيه بسرعه ؟؟,,,كاسره بذكائها وبديهتها ولكن بحبها الكبير واهتمامها بوضحى

حست بسرعه فيها وفهمت سبب ضيقتها ,,,,وجات لها وتكلمت معها بمنطقيه وحياد رائع.

مع ان وضحى بكل مواقف كاسره معها ماقدرت حتى تفهم موقف واحد من مواقف

تعامل كاسره معها بهالطريقه .


=========================================

عاليه وعبدالرحمن


ثالث زواج يكون اطرافه متضادين ,,,,,,,,,,بـــرافو انفاس

العامل المشترك التفكير التعليمي العالي ,,,,والأختلافات بالشخصيه كثيره .

حبيت عاليه اكثر بهذا البارت ,,,,لو كانت انسانه قلبها اسود

كانت اكتفت انها تعلم نجلا فقط ,,,وطلبت منها ماتقول لسميره الا اذا تمت الملكه

لكن يوم قالت لنجلا قولي لسميرة وبااكون احسن منها ,,,جدآ عجبتني

حبت تشرك بنت عمها بالتفكير بالموضوع وتكون على علم من اول الخطوبه

وغير كذا وافقت ان سميرة هي اللي تنقل الموافقه .

مع ان لو خبت على سميرة مااحد بيلومها لكن كانت بالفعل احسن منها .


ممممم

من موضوع موافقة وملكة عاليه ننتقل لنقطه ثانيه


البارت اللي فات قلتي انك وقتي الثلاث خطوبات متعمده بنفس الوقت

اثنين لمزون وهم غانم وفهد ,,,الثالثه لعاليه ,,,طبعآ في جزء مهم يربط بينهم

بموافقة عاليه وملكتها ,,,غانم ماراح يكون قدامه صعوبه على العكس لو ان

عاليه مانخطبت لان هنا بيكون رد ابو غانم ان ليش ماتخطب بنت عمك ,,بالضبط


مثل الموضوع اللي كان شايل همه فهد.

=====================================


مزون,,,غانم ,,,فهد

كلهم والنعم فيهم ,,كلهم اصدقاء وعيال عم!!!

كل واحد فيهم لو تزوج مزون من هاللحين واضح انه بيعاملها احس معامله ,,,,

وبصراحه ياانفاس ماراح اشغل نفسي بتوافق على مين ,,,,قد بالي مو مشغول على شي ثاني


كساب بيقرب غانم,,,,ومنصور مع ولده فهد

يعني كساب ومنصور

هنا أتوقع بيكون فيه شراره بتولع بينهم ,,,,,لان اصلآ هم على قد حبهم لبعض على قد

احتداد ارائهم واللي يترتب عليها ,,,,

وبنلاقي الموضوع يرجع لمزون ,,,لو هي حريصه على الشعره الرفيعه اللي تربطها بكساب

بتوافق على غانم ,,,,,ولو هي حبت انها تطلع من جو الطيران وذكرياتها الكئيبه بتختار فهد!!!

مممم

لكن عشان نحسبها بطريقه 1+1=2

نلاقي انك قربتي بين غانم ومزون ,,,موضوع الهوشه& سالفة انه قال لمنصور عندي رحلة

لدار البيضاء وهو كان معها(نقطه ايجابيه) &ان عاليه اللي لازم يخطبها خلاص تملكت.

وبالنهايه ممكن كل هالحكي يكون هباء منثور,,يجي موقف يغير كل شي لانك انفاس

(لكن مايمنع اني قاعده استخدم حق الفيتو بالثرثره)

====================

كساب ومزون

اللي ذكرتيه بالبارت اللي فات ,بين كساب وعفراء يوم قال (كان مصعت رقبتها) ,,

الحوار هذا دار وهم بالطياره وثاني يوم كانت رحلة مزون !!!!

يعني يوم كان يقول هالحكي ثاني يوم يتصل على غانم ويطلب منه طلب كان رافض دراسة اخته

بسببه عشان خايف عليها لاتطير مع طاقم نسائي من وجهة نظره مب اكفاء كانساء!

خوفه عليها خلاها يتصرف بعكس نظريته!!

انسان يظهر الجانب الأسود منه ويخفي مشاعره الحقيقيه ,,,,هذا انسان مو مثل ماهو يشوف

نفسه ابدآآآ.

=====================================


نجلا وصالح

علاقه مشربكه مثل خيوط الصوف ,,,,سببها من وجهة نظري نجلا

تخزن بقلبها ,,لين صارت ماعندها قدره تصبر ولاعندها قدره تطلع مخزون قلبها من الجروح.

ناظري انفاس بقولك مثال واحد فقط من ضمن امثله كثير

اللحين صالح يجي من الفيلا تعبان ويقعد يعصب ,,,,,,طيب هنا كان بأمكان نجلا تتصرف بطريقه

ثانيه (لان انا حطيت نفسي مكانها ووشو التصرف اللي بتصرفه)

هي داريه انه معصب من البناء والعمال واغلاط المقاول,,,الخ,,,,,,المفروض انها تستفسرمنه

واذا درت عن السبب ,,تبدء كل ليله اذا جاء هي تسبقه وتسأله عن يومه بالبناء

وهنا بدل مايعصب عليها بتلاقيه يبدء يحكيها ويفضفض لها عن يومه ,,,

طبعآ الزوج شتان بين اذا عصب على زوجته من سبب خارجي وبين انه يفضفض لها ويطلع

زعله وعصبيته بطريقه تريحه وتريحها ,,,هو ارتاح ان نفس عن اللي بداخله

وهي بتستانس انها امتصت غضبه وشاركته بهمومه .....وين ذكاء ودهاء الأنثى يانجلا؟؟؟

نجلا ماعندها القدره تفتح حوار بينهم وتوصل له احساسها وهو بالمقابل بعد مايسمع

لها يقول لها اللي مضايقه منها ,,,,ليش ماعندها القدره تواجهه وتناقشه ,,,,ليش

تهرب على غرفة عيالها؟؟؟؟ اللحين لا هي اللي تحاورت وانهت الموضوع بهدوء

ولاهي اللي زعلت وعصبت وطلعت الي بقلبها وريحت قلبها !!

علقت الموضوع وركنته بقلبها مع اللي قبله لين صار قلبها هش ضعيف مايقوى .


==================================


عبداللـــــــــــــــــــــــــــــــــــه

طووووول الروايه وانتي ساكته ولا علقتي ابدآآآآآآ,,,,على قد الردود اكتفيتي بالصمت

كل اللي قلتيه امرين,,,ان الموضوع بسيط,,وان الدوله اوربيه لكن مب بفرنسا .

طيب,,,مممم

بالمقدمه قلتي ان (بيأثر كثير على كثير من الشخصيات)

انفاس في مثل يقول مابعد الكفر ذنب .

وش بعد الموت وممكن يكون يأثر على اب بعد مرور 4سنوات الا خبر عودته؟

رفات عبدالله؟؟ طيب وش الغريب؟؟ موته افجع الف مره من وصول رفاته

استحاله طبعآ جثته والله لو انه فرعون ولا توت عنخ امون ,,محنطينه .

انتي قلتي بيأثر على كثير من الشخصيات ,,لو رفاته وش بيأثر ؟؟ خلاص الله يرحمه

طيب سيرته او وصيته؟؟ وش بتأثر ؟؟ خلو جوزا تتزوج او خلوها تسامحني؟؟ مافي شي!


لكــــــــــــــــــــــن ,,,,ظهور عبدالله بيأثر كثير على كثير من الشخصيات

ماراح اشغل نفسي بالاربع سنوات وش صار فيها لان حسب ماقلتي سبب بسيط <--برررره

لكن بشغل نفسي على اشارات قلتيها ,,,(يمكن اكون فهمتها غلط)

جوزاء حفظت حسن صورة ابوه ,,,,يعني لو شافه بسرررعه بيعرفه وبيقوله بابا

حسن متعلق بقووووه بصورة ابوه وموقف جوزاء مع شعاع اكبر دليل ,,,طيب شلون

لو حسن شاف عبدالله قدامه!! بيكلبش فيه اكييييد.

جوزاء ماتقدر تبعد عن ولدها وتموت لو تفكر انها تبعد , وعلقت موافقتها على امهاب

بموافقة آل ليث انهم يرضون يضل حسن معها ,,,,طيب حسن متعلق بعبدالله لو ظهر!

امهاب وجوزاء الوحيدين اللي خطوبتهم وملكتهم مافيها اي مشاعر ابدآ ,,,

هي تشوف انه كثير عليها واحساس بالخجل (طبيعي) ومشغوله بشخصيتها المنفره

وهو احساسه كله منصب على حسن !

جوزاء قالت لشعاع ان بعرف ان مافيني قصور(اذا اقتنعت من نفسي وبنفسي)

هل معنى كذا ان اللي سبب الجرح هو نفسه اللي بيداويه بحال رجع؟؟

لان شخصيتها العدوانيه ولسانها السليط,,,,بتستخدمها ضد عبدالله وضد خالاته وتاخذ بثأرها

وطبعآ لاننسى موضوع النيو لوك اللي بيغير شكلها <-برررره

نجي لباقي الشخصيات,,,,

الصفه اللي قرنتيها باابو صالح هي الغموض(مع ان يمكن مايدري) ولكن بيأثر ايجابيآ

على شخصيته ظهور عبدالله اقرب عياله له .

وام صالح

قلتي مره بما معناه الانتظار صار طويلآ !وسألتك وسحبتي علي<---قلب بعير

والأهم ,,,,من بداية الروايه وجوزاء اكثر شراسه من شعاع تجاه بنات خالها

وش معنى يوم صار موضوع رفض وضحى شعاع اللي تأثرت ؟؟؟؟؟

مع ان المفروض العكس جوزاء هي اللي تعصب ,,,,وليش وضحى بالذات اللي قطمت ظهر البعير

ليش مو كاسره اللي كم مررره خطبها وردته ؟؟

هل لان شعاع بتكون بنفس موقف وضحى؟؟ وبتحس بمرارة النقص مثل ماذاقتها وضحى؟؟

لان في حالة ظهور عبدالله ,,امهاب بيكون تأثر مو سلبي ,,,لان بالأصل كان نيته تعويض

حسن واللحين جاه الأصل,,,,لكن من حبه لعبدالرحمن واصراره على انه يناسبه وعشان

يريح خاطر صديقه الغالي بياخذ الأمانه اللي وصاه عليها .

\مجرد توقع خجول ممكن يكون صح وممكن يكون هباء منثور\


======================================


زايد من هاللحين واضح انه بيكون حليف قوي لكاسره

وطبعآ مزنه من استيائها من نظرة بنتها للزواج الواضح انها بتكون حليف لكساب .

=============================

باقي شخصيات الروايه بيجي دورهم لكن حاليآ على قولتك على نار هاديه

===========================

تميم وسميرة

ابتداء حياتهم بيكون معكوس

تميم متردد يجر خطواته ,,,وسميرة مقبله متشوقه لأبتسامة تميم .

=================

منصور وعفراء

رغم التصادمات اللي بينهم طبيعي جدآ اثنين متزوجين وببداية حياتهم لازم يكون بينهم

اختلاف ,,,,,لكن منصور متعلق بعفراء اكثر .

كساب قال استحاله يقدر منصور ينجب الا بعلاج,,,,,مافي شي صعب على الله ,,,,

بصراحه ياانفاس بقول رأيي وكالعاده يمكن نتفق ويمكن نختلف

اشوف احلى لو صار حمل بدون سعي منصور للعلاج ,,,,لان هنا بتكون ردة فعله اصدق

قدام عفراء خصوصآ بالقنابل اللي رماها عليها وهم بالمطعم وشرط زواجه.

===========================

انتظرك ثم انتظرك

أشكرك على انضباطك بالمواعيد وتعاملك الراقي وبالك الطويل

لا انا ضد ان مزون تختار بين ولد العم بتخرب العلاقه بينهم وتخرب النفوس اذا الان ما بعد خربت المفروض ترفضهم اثنينهم وش لها بوجع الراس ترجع لزايد وهو بيعرف يختار لها وبيعرف يطيب خاطر عيال العم اذا وافقو علي واحد انا ما اعرف العرف في هذا كيف بس انه كانه يشاوره وهو يطيب خاطرة

السلام عليكم ورحمة الله وبركاته. اختي انفاس ارجوامن الله ان تكوني باتم الصحه والعافيه .انا بغير إسمك بخليه انامل من ذهب وهذا صراحه قليل عليك.

السلام عليكم ورحمة الله وبركاته

همسة لمنصور

اتوقع لو تفكر مرة تانية بموضوع الانجاب ،الامومة يامنصور هي اكبر كتلة من مزيج العواطف المسمى بعفرا
وانجاب طفل كفيل باستمرار علاقتكم الزوجية ،وععفرا مستحيل تفكر بفسخ الزواج مهما كان مبلغ اعتراض *جميلة عليه
الوقفة هنا ،وش موقف عفرا لما تحمل بدون ماتعرف عن علاج منصور ؟

همسة لآنا

اتوقع ارتباط علي من وضحى كفيل بعمل فرملة لسباق الانفصال مابين جوز الدياكة المسمى بكساب وكاسرة>>>>>>>لا عاد تتوقعين يابنت