صــبــــــــــــــــاح الأوركيد
مشكووووووره على البارت وتسلم الإيادي
من هاللحين اقولك جهزي مسكن للصداع ,,,او جهزي ربطه لراسك ,,,
او كنتي من الاشخاص اللي الصداع يخف بالمساج فاستدعي للجلسه
واخيرآ اذا صداعك قوي وتتضايقين من الأضاءه ولازم موتيليوم للغثيان
انصحك تجهزين جميييييييييع ماسبق .
لان بثرثر كثيرررررر 
.
=================================
تعرفين وش صفة قلب البعير؟؟ انه ماينسى ابدآ
مازلت مصره ان كاسره عقب مقابلتها بكساب تأثرت <---قلب بعير
مممم
كنت اتمنى من قلبي ان احلل بالتفصيل لكن لان داريه اني بطول بردي
بقول بالمختصر .
وإحساسها بقوته من هذا القرب يسكرها بإحساس غير مسبوق.. غير مفهوم.. غير مفسر
بينما كسّاب لم يشعر بشيء إطلاقا ولم يتحرك بداخله شيء سوى رغبته في التنفيس عن غضبه الدائم
حتى في دفاعه عن كاسرة هو يدافع عن نفسه ومكانته وصورته
وكاسرة ليس لها وجود سوى لأنها شيء ينتمي له كشيء وليس كأنسان حتى
انا مااقول ان كاسره سلمت الرايه ,,,,ابدآآآآآآآآآآآ هذي ماتصير كاسره
لكن لو قارنا بينهم ومين تأثر اكثر بهذي المقابله بنلاقي ان كاسره تأثرت ,
لكن ماتأثرت قوتها ولا شخصيتها ويمكن يكون تأثير وقتي وانتهى .
(انفاس يمكن هنا انا وانتي نختلف لكن انا فاهمه قصدك مضبوط صدقيني)
=================================
منصور وعفراء
سالفة ان اجتماع الضباط عنده كل ليلة وانشغاله عنها ,,,,,بصراحه اشوف
ان لو منصور فعلآ تعلق فيها وحب جلستها ممكن يتوصلون لنقطه بالوسط .
لان منصور يوم سافر زايد وجا قعد عند مزون ,,,,,اتنازل وقفل مجلسه
لعيون مزون ,,,,يعني هذي السالفه ابدآ مو مشكله كبيره
سالفة الانجاب والعلاج ,,,,مممم بصراحه هنا مفتاح لموضوع اكبر
منصور يوم كان عايش لحاله يمكن يكون مسكنه فخم وبيته كبيررر
لكن مدري ليش يجيني احساس ان بيته كئيب والستاير مقفله
حتى لو ألوانه منعشه لكن احس الوانه رماديه ,,,وهذا حال منصور
بالرغم ان مجلسه على الدوم مليان وفيه اصوات ,,,,لكن اذا دخل بيته
مايسمع الا صوت اقدامه على الرخام ,,بيت كبير لكن غرفه فاضيه ومقفوله
حياته كلها مسخره لغيره ,,,,ولاانسى نقطه مهمه يوم كان يحاور نفسه
بخصوص عفراء ,,,,هو مجرد موضوعها انفتح حس ان حياته انشغلت
وحس ان في حدث مهم فيها ,,,,فشلون لو جات ودخلت عفراء بحياته !
في فرق اذا رجع من شغله ولقى صبيانه مجهزين له طاولة فيها انواع
من مالذا وطاب ويقعد ياكل لحاله ومايسمع الا صوت الملعقه وهي تحتك بالصحن
ويطلع غرفته عشان يلقاها صح مرتبه ونظيفه لكن ميته وبارده وكئيبه وينام على سريره
مثل قبره لحاله ,,لو ماحط منبه يصحيه ماحد بيصحيه ولومرض اذا ماعالج نفسه ماحد
يعالجه ولو ماطلب قهوه ماحد بيجيبها عنده ,,,سكوت ووحده وصمت يخنق
لدرجة ان مايفتح فمه الا للطلب من الصبي او بذكر الله ,,,او احد تكرم وحكى معه
تيلفون ....يتمنى احد يناديه بأسمه يحسسه انه موجود عايش مطلوب ,,,غير اذا
جاه صبيه وناده عمي!! عشان ينتظر امره وفقط
طبيعـــــــــــــــــــــي جدآ ينتظر بفارغ الصبر يجي وقت مجلسه عشان يسولف
وينسى نفسه ويسمع سواليف غيره ويحل مشاكل الضباط ويساعدهم
لان هذا التصرف بيخليه يحس ان في احد يحتاجه وهو نفسه يرتاح.
لكــــــــــــــــــــــــــــــــــن بوجود عفراء ,,,
لو رجع من شغله يلقى انسانه تهلي
وترحب فيه ومجهزه طاوله فيها حتى لو صنفين فقط ,,,لكن
ياكل وهي معه تحكي له وش صار معها اليوم وتسأله عن يومه ,,,تتفقد
اغراضه وتجهز له ثيابه ,,ترتب دواليبه وتعطر غرفتهم وتبخره قبل يطلع.
اذا نام بالليل يحس بأنسانه جنبه هي سكن له وهو سكن لها ,,,يصحى على صوتها
تهتم بموعد صحيانه قبل ماهو يهتم ,,,,ويلقى فطوره وقهوته وزوجته تنتظره
تناديه بأسمه وكأنها تقوله انا موجوده وحولك وانت مهم بالنسبه لي ,,,,تسمع له
وتعطيه رأئيها ,,,تخاف عليه تقفل التكيف اذا دخل يتروش وترتب قلمه ومحفظته
بثوبه قبل يلبسه ,,,,,,,,اذا حس منصور بهذا كله صدقيني ياانفاس
هو بنفسه بيقلل جلسته بالمجلس لان لقى انسانه تعوضه ,,,,,,,,
أدري تقولين لي طيب هو متزوج ثلاثه قبلها وكلهم لهم نفس التأثير
بقولك اللي يختلف العقل والحكمه والنضوج ,,,,عفراء لو اتصلت على منصور
وسألت عنه وينك ,,,بعقلها الناضج بتوصل له ان سبب اتصالي ابي اتطمن عليك
لكن لو اتصلت زوجه مهبوله ,,وقعدت تسأله بتوصل له ان
سبب اتصالي اني احقق معاك !!!! ,,,,مع ان الاثنين نفس السؤال بالضبط
لكن الاختلاف بطريقة المعامله والحوار .
منصور لو لقى بعفراء الموده والرحمه والسكن ,,,هو بنفسه بيتمنى انه يتعالج
عشان يبي يكبر عيلته ويعيش ابوته .
منصور بأول ظهور له بالروايه انتي قلتي عنه أستثنائي وكررتيها اذا مو غلطانه كم مره.
وبالفعل اثبت لحد اللحين بكل مواقف وخصوصآ زواجه انه اسثنائي ,,,
لكن من صفاته انه عنيد ومتجبر وينفذ اللي براسه ,,,,هو صح عطى عفراء
وعد بالانفصال بحال طلبت جميله ,,,لكن بيستخدم كل الأسلحه عشان
يحتفظ بعفراء ,,,,لان استحاله يرجع لحياته الأولى بعد ماعاشت عفراء معه.
===========================
تميم وسميرة
تميم وعدم تقبله بموضوع خطوبته منها ,,خوفني لان تذكرت تهديده السابق
لأمه ,,,يوم قال لها اذا ماحسيت نفسي ارتحت مع انسانه سليمه بطلقها
واتزوج اللي تناسبني ,,,,,,سميرة نقطة ضعفها ابتسامة تميم ,,,سحر
ربطها فيه ماتقدر تقاومها ,,,والشي الوحيد اللي علقت عليه يوم جاء
يخطبها انه حزين .
==============================
عبدالرحمن
كم مره من بداية الروايه ,,يكون عبدالرحمن المنقذ لخواته وخصوصآ شعاع
بأخر لحظه من عقاب ابوه ؟؟؟!!!
ماألوم عبدالرحمن ابدآ انه خايف عليهم .
=============================
جوزاء
ياكثر المواقف المشابه لموقفها مع مزنه بتتكرر عليها مستقبلآ بس الفرق
انها بتكون مع الكل ,,,,ليش استغرب !! وهي شخصيتها الحاليه
تخليني اتوقع منها كذا واكثر .
جوزاء علاجها الثقه بالنفس .
===========================
عاليه
مممم
بقول رأي بصراحه,,,, حبيتها
اللي بقلبها على طول يظهر ماعندها وجهين ,,,اذا قالت شي اعرف انه هو اللي بداخلها
اذا زعلت بان عليها واذا فرحت بان عليها واذا تأسفت اعرف ان الأسف صادق .
حقانيه جدآ ,,,لانها قالت رأيها بشخصيات خالاتها الثنتين ,,,وقالت كلمة الحق
انهم هلكو جوزاء بكلامهم ,,,رغم اان الموضوع انقضى وكل من راح بطريقه
والاهم دايم نحاول مانظهر الجانب السلبي لأهلنا قدام مرت ولدنا وان كانت بنت عمنا,
لكن عاليه لا ماشاءالله عليها ,,,,,ممم عاليه لو صار موضوع قدامها ويخص
احد من اخوانها او اهلها وكان غلطان ,,صدقيني بيكون لها دور ايجابي جدآ.
طبعآ مازعلت من مقلب سميرة ونجلا ونحترم فيها هذا الشي ,,,معناة مقالبها دايم
هدفها الاول بريئ والضحك ,,لكن هي مشكلتها ان تخربط بمعيار المقلب .
===============================
نجلا وصالح
مممم
اختلفت معاملة صالح 180درجه ,,,لكن نجلا ليش مستغربه؟؟
هي اللي طلبت منه هالطلب (اعتبرني غير موجوده)
وصالح انقهر من الجمله بقوه والدليل انه علق عليها بداخله ان طلبها سخيف .
جملة صالح الي وجهها لفهد ,,لخبطتني شوي ,,,لان كلمة عيال آل ليث
تعطيك انطباع ان المقصود رجل ,,,,لكن يوم قلتي انه يقصد فرد اخر بـ آل ليث
ولو ربطنا ان اثناء مكالمة فهد كان مشغول بتفكيره الخاص ,,,,ممممم
معناه هالفرد هو نجلا ,,,
لان مااتوقع يقصد غانم او اخوه هزاع ,,,وابدآ ماتوقع يقصد عبدالله لان صالح الوحيد
اللي دايم يجيب طاري عبدالله بكل خير .
انا خفت من كلمته لنجلا بالليل يوم قال,, الرسالة وصلت يا (ينت العم)
ليش ماقال نجلا وليش ماقال ام خالد ,,,ليش استثى انها زوجته وام عياله .
==============================
جميله وخليفه
انبسطت من مشكلتهم ,,,,لان اول مره يكون الخلاف على اساس زوج وزوجه
هو من بداية زواجهم كان شعورة تجاه جميله الشفقه لاغير
وبعدين تطور وصار الحنان لانها مريضه وفاقده امها ,,,,,
لكن هالمره في شي مختلف ,,,,لو راجعنا كل التصرفات اللي تصرفتها جميله
تجاه خليفه بنلاقي انها مو سهله ابدآ
كم صرخت عليه بكل قوتها ,,,مره ضربته على صدره يوم نزفت ,,,
كم وكم وكم رددت كلمة اكرهك لدرجة انه هو نفسها صار متعود عليها ولاتحرك له ساكن.
حاولت كثير انها تضيق عليه عشان يزهق ويرجع لقطر ,,,لدرجة انه جاه يوم
كان شبه منهار جسديآ وبالنهايه جاب له الدكتور الكنبه عشان ينام ,,,,,,
الخلاصه ان جميله سوت تصرفات اكبر واسواء ,,,ليش هالمره زعل ؟
لان كل مره كانت تتصرف كمريضه وتعامله كمرافق,لكن هالمره سبب الخلاف
كان كزوج وزوجه والاهم وصلت فكرته ونظرته لجميله وهي تأثرت من زعله
ولا ليش ردت على داليا بألم وغيظ من زعله .
اما ردها عليه ,,فا هي تشوف انه هو اللي اقتحم حياتها وهو اللي جاها .
(تراني مانسيت هدية كساب لجميله عشان يصالحها انتظرك تعلميني)<--رجعت البثره
===============================
كاسرة
كاسره وكساب اثنينهم فقد احد والديهم بنفس المرحلة العمريه
كساب توفت امه وهو عمره 12وكاسرة توفى ابوها وهي عمرها 11
كساب الرجل اللي هاللحين وهو متأثر من وفاة امه ,,,ومرعوب
ان يفقد الانسانه اللي اخذت مكانها ,,والدليل حواره مع نفسه يوم كان بيودي
عفراء لجميله عقب سفرها ,,,,اما الاهم حنينه لمزنه يوم قابلها وهي تذكره
بأمه وسميه ,,,,مممم تخيلي هذا شعور كساب وهو (رجل)
طيب نجي لكاسره
توفى ابوها وهي عمرها 11سنه يعني تتذكره زين ,,,وكان دايم يحضنهم
ويجلسهم على حضنه,,,لان امهاب مره من ضمن ذكرياته عن ناصر قال
انه كان يناديه اذا جلسو اخوانه على حضنه ,,,,,يعني كاسرة كانت دايم لها
مكان بحضن ابوها ,,,,,الاب دايم يكون لمصدرين االسند والامان ,,,والحنان
جدها بالنسبه لها مصدر حنان ,,,,,لكن الامان ,,بتقولين لي امهاب
اوكي مااتختلفنا لكن امهاب يوم يتوفى ابوه وهو 15سنه صح كان سند لهم
بس بمساعدة امه,,,,لكن يضل مكان الاب خالي بحياة كاسره
وطبعآ مع القوه اللي رضعتها فيها مزنه وهي صغيره ومع قناع الغرور
صعب جدآ انها تظهر لو نص بالميه انها تحن للأب .
مهم كانت قويه تبي الحضن القوي وتبي الظهر الصلب
صح هو كان ضعيف شخصية كزوج,,,لكن يظل اب وسند ومصدر راحه
,,,ابوها تفتقده كثير
تفتقده وهي تنجح كل سنه تتخرج وتتوظف ,,تفتقده وهي تاخذ منصب
كبير بالنسبه لعمرها
وهي تتمنى ان ابوها موجود ويفتخر في بنته وتحمل اسمه ,,,تفتقده بيوم ملكتها
يضمها ويناظرها بحنان ويقولها كبرتي ,,,ويقعد يوصي كساب عليها
ويتوعده لو اهانها ,,وين ابوها يوم ملكتها وامهاب يفاجئها بموعد الملكة
وعقب تملك بدل ماتلاقيه تروح تاخذ شور عشان تنفس عن قهرها لان ابسط
رحمة للأنسان عشان يعبر عن حزنه وهي الدموع ماانخلقت لها ,,,
مااشتاقت له مااشتاقت انها تضمه وتشم ريحته ,,,هي كل ماقعدت مع جدها
لازم تضم عضده وتقبل كتفه كأنها تاخذ شحن لروحها وكأنها اكتفت انها
تاخذ مصدر الحنان وتذكر ابوها ,وهي عارفه ان القوه بداخلها لها حدود والدليل
وهي قاعده بالحمام والحريق تحس فيه وريحته مبخرتها مافكرت الا باامها
تشهدت كانها متقبله موتها ومستعده لكن خايفه على امها من روعة منظر جثتها
مع ان امها قويه لكن هي عارفه ان القوه لها حدود.
,,,لكن العذاب انها ماتقدر تعبر
لانها مثل ماقال امهاب (ضد الصدمات) لكن لها مشاعر واحاسيس
امهاب وصفها وصف دقيق معناه انه عارف اخته ومكتفي ان هذي هي
امها خلتها مزنه صغيره,,,,,لكن اتوقع ان كانت علاقة مزنه الكبيره وزايد حرب
بتكون علاقة مزنه الصغيره وزايد من اروع العلاقات بالروايه
انتي قلتي ان اربع علاقات مركزه عليهم بالروايه الاخوه والابوه والامومه والصداقه
زايد بتكون علاقته مع كاسره غير ,,بيكون لها اب ,,وكاسره بتكون مع زايد غير.
(ابدآ ابدآ ماأشكك بحب امهاب لها لكن مو مثل الاب ووجوده بالبيت)
====================================
موقف الحريق
من حسن حظهم ان الحريق ابتداء من فوق لان بكذا يكون ابطئ بالانتقال
وغير كذا سهل جدآ انك تنقذين المحتجزين لان المدخل أمن ,,,غير لو كان
الحريق من تحت فايكون المحتجزين وضعهم صعب لان وسيلة انقاذهم
السلالم فقط ,,,,,ممم احساس فطري بالشهامه؟؟!! (هذي يبيلها تفكير),,,,
صادقه كاسره يوم قالت لوضحى خلي تبرات صوتك العاليه لموقف يستاهل
لان صريخ كاسره يدل على صورة ماقد شفناها
عشان كذا مانتوقع من كاسره الصوره الاعتياديه لها ,,,,بللت نفسها !!
يمكن ملابسها المبلوله تشف جسمها <---بررررره
طريقة فتح كساب للباب عن طريق الكسر ومن غير مايعطيها خبر
بيخليها تتروع بقوه وهي جالسه بالزاويه وتتفاجئ .
طيب كساب جدآ غيور ,,اذا غار على خالته وهم باانسي بالبلكونه وشدها
تجلس بهدوء عشان مااحد يشوفهم بالليل,,,شلون لو زوجته كانت بدون عبايه!!!
على العموم موقف الحريق له سبب براسك اكيييد يمكن يكون هو الموقف اللي
قلت انه بيشوف كاسره واخيرآ بنعرف ملامحها ,,,,,,,,,,لكــــــــــــــــــــــــن
النقطه الاهم
كاسره شرط زواجها ان تشتغل ,,,,وكساب عقب هالموقف بيكره شغلها زياده
وهو اصلآ مو عاجبه فكرة شغلها ,,,يعني بيبدء اول احتكاك بينهم .
زواجها بعد 3اسابيع بيكون العمل متوقف بسبب الحريق
و هي اخذت اجازتها كلها مثل ماحلفت عليها امها بس عقب ,,هنا بتكون المشكله.
===================================
اكتفي بهذا القدر من الثرثره وأكمل ثرثرني بالبارت الجاي
أنتظرك ثم انتظرك لاتتأخرين
اشكرك على انضباطك بالمواعيد وتعاملك الراقي وبالك الطوويل
21-05-10, 07:18 PM
جديد مواضيع قسم القصص المكتمله من وحي قلم الاعضاء
العرض العادي
