السلام عليكم ورحمة الله وبركاته
يعطيج العافية انفاس قطر....
اناعندي توقع ...
اشم رائحة طلاق راح يصير في القصة أما بين كاسرة وكساب او بين عفراء ومنصور ...(مجرد توقع )
عفراء ومنصور ...مناسبين لبعض ....بس عودة جميلة راح تغير كل شي ...وقلب الام راح يدوس على قلب العاشقة
كاسرة وكساب ...اتوقع كساب يموت في كاسرة ..بس الكبرياء اللي عنده يمنعه ...غير نطرته للانثى ..( الرجل للمهام الصعبة والاتثى في البيت تربي العيال ولها حشمتها...مثل رفضه لدخول مزون كليه الطيران لانها انثى )وشكله كساب في النهاية راح يطلع شخصية كاسرة الحقيقية اللي تحاول دايما تخفيها تحت غطاء القوة

همسة :
نوف بنت نايف ....أشكرك على الرساله ... وكلج ذوق ..اسفة كان لازم ارد عليج في رساله خاصة بس مثل ما تعرفين لايسمح لي بارسال رساله خاصة حتى اكمل 100 رد .. قوانين صعبة ...أعود مرة اخرى واشكرك على ذوقك

دووم مبدعه ياالغلا

بصراحه يوم بديت بقراءة الروايه توقعت ظهور عبد الله بس للاسف وصلت الى هناوعبدالله ما ظهر! >يمكن توقعي يطلع غلط
بس مع انفاس كل شيء يصييير
عبدالرحمن احساسه خطاء ما توقع انه يموت او يصير له شيء
اما كساب وكاسره من يجمع البانزين والحطب ؟؟ احلى اكشن في الرواية
اما صالح سلميلي عليه تستاهل نجيل >>فاقعه تسبدي ههههههههه صدق الحريم ما ينعطن وجهه

وراح اتكشخ من الحين لعرس ابو زايد وعفراء بس عرس بالهقوايل ؟؟؟؟ ههههههه


سجلت في هالمنتدى علشان ورايتك كان لي رد بس مدري وينه شكلهم ودوه للمنفى مع اني ما شفت فيه اي خلل بس يمكن لك منتدى سياسة


الله يوفقك ويرزقك بالصالح ويهنيك في انتظارك يالغلا

السلام عليكم
مشكورة انفاس ع البارت , تعبناج كليوم بارت " انتي كريمة واحنا نستاهل ههه مو صح " انا بصراحة ماعندي اشكالية انه البارت يكون ليلي ويكون افضل بعد لانه بيكون قبل صح , الاجزاء صايرة بحد فضيعة وكليوم قاعدين نكتشف شي جديد في شخصياتنا بعضهم يوضحون لنا والاخرون يصيرون غامضين اكثر مثل صالح , عفرا ومنصور عندي احساس انه علاقتهم بتكون غير عن كل العلاقات , وكاسرة وكساب الي غاب في هالبارت " له وحشة " مع اني ماحبه وايد بس بعد وحشني هههه , وكاسرة بدت تطلع عاطفتها شوي شوي مب انه تطلع بس بدينا نتعرف عليها اكثر , وسميرة كاسرة خاطري بجد الله يعينها على نجلا هاذي زعلها كايد , علي واخير بينور الدوحة :) وعبدالرحمن عادامانة لاتذبحينه حرام احس بيصير في عيلتهم نفس ام البنات الا اذا زوجتي شعاع من نايف احسهم يناسبون خخخ على كيفي , وجميلة حركاتها بجد طفولية اضن لازم تكبر عن هالسوالف وزين يسوي فيها خليفة , وعلي ووضحى يلا متى بيتزوجون خخخ على كيفي زوجتهم بس احسهم بيكونون اطيب اثنين فالدنيا وعيالهم بيكونون محضوضين لانه من قلب قلبهم ابيض ,
شكرا مرة ثانية انفاس ماقصرتي :*

بسم الله الرحمن الرحيم
السلام عليكم ورحمة الله وبركاته

يا مساءات الفرح
يا مساءات السعادة
يا مساءات المشاعر المتدفقة والجميلة على اختلافاتها،،،


((لم يستطع مطلقا استساغة أن تكون عفراء لزايد.. أن تكون زوجة لزايد


أن تكون حلالا لزايد


مستعد أن يضحي بحريته ورغبته في العزوبية من أجل ألا يتحقق هذا الأمر...)) وماذا نسمي هذا يامنصور إن لم يكن حباً؟!!

قد ينكر أن يكون لتعلقه بها في صباه علاقة بموقفه ألآن من خطبتها ولكن سننتظر ونرى ما تأتي به الأيام.


((عبدالرحمن بإيمان عميق: تدري يا سنايدي.. الدنيا موت وحياة.. وماحد يدري متى ساعته


وأمي وخواتي مالهم غيري.. الحين تطمنت على جوزا إنها عندك.. بس باقي شعاع وحتى أمي


امهاب وصيتي لك أمي وخواتي لو صار لي شي..)) أنفاس كأنني أشتم هنا رائحة الموت.

فهل تُعديننا لاستقبال موت عبدالرحمن أم لما هو أكثر من ذلك؟؟؟


((حينها بدأ علي يضحك بسعادة حقيقية: والله العظيم مايردني من الجية للدوحة شيء إن شاء ربي..


أنا بأرتب وضعي اليوم وخلاص جايكم الدوحة إن شاء الله


مستحيل أفوت مناسبة مثل ذي..)) هل سيعود علي إلى الدوحة نهائياً ويكتفي من الغربة؟

وهل سيرضا على مزون بعد تركها الطيران؟

أم أن غيابه لم ينتهي بعد ورضاه لم يحن!!!


((حينها وقفت كاسرة.. كانت تتمنى بداخلها لو استطاعت البكاء.. ولكنها لا تعرف كيف يبكون


وكما هي على الدوام :لم تخلق يوما لتبكي)) أخشى عليها كثيرا من هذه القسوة على الذات والصلابة الزائدة فسقوطها وانكسارها سيكون مؤلماً جداً إن حدث يوماً.

فما أقسى أن تكون قوياً من الخارج أمام الناس وهشاً من الداخل أمام نفسك حتى ولو لم تظهر ذلك.

عزيزتي دمتي بود ودمتم بخير،،،

بالنسبة لموعد نزول البارت أنا من مؤيدي نزوله في المساء لارتباطي صباحاً بدوامي.

ثم إن لليل خصوصيته وجماله.

الله يعطيكـــ العافيه انفاس انا حبيت ادخل واسجل اعجابي

برواياتكــ والتزامكـــ

انا ما احب اعلق ولا اتوقع احب استمتع بأفكار الكاتب

بس مادري هالمره شدني سالفة حرق مهاب احس ان راح يكون لها دور

يعني مو بس عشان نعرف ان كاسره حنونه وطيوبه بس ماتبين

اممممم اتوقع ان هالحرق بيذكره بوصية عبد الرحمن حتى لو مامات

يمكن يفقد اعصابه مع جوزا بس هالحرق بيقوله ستوب !!!!

وعفاري حتى لو صار ظرف وكنتي تبين الطلاق مارح تتطلقين لأنكــ

بتكونين حآآآآآمل وما على الله عسير,,,,

همسه لــ كاسره كلما ازددت بروداً من الخارج كلما ازددت الماً من الداخل....



والله يعينكــ انفاس على طلبات البنات حنا بصراحه حابين نستمتع

بروايه من افكار وخيالات الكاتبه مش من ما يطلبه القارئون