كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلام عليكم ورحمة الله وبركاته كيف الحال نفوسه اخبارتس يالغاليه00 ذبحني الشوق لتس وللتواصل معتس
وترى مااخرني عنتس الا الشديد القوي 00كنت تعبانه ياقلبي ماسكتني علة الرخوم لها كمن يوم00فقلت اريح شوي عشان ما اعديتس خخخخ
نفوسه حابه اتكلم عن موضوع سابق وهو حادثة قتل الصبي وابي اقول لو كان جاي يسرق فانا متاكده ان كساب بيسامحه ويمكن يساعده وبعدها يسفره بس بعد مايعطيه كفين على خفيف00لكن مسالة انه يفكر مجرد تفكير بمحارم البيت فهذا فعلاً تطير فيها رقاب ومن غير تفكير لان في الحياة اشياء مادونها الا الموت00وهنا صدقوني حتى عفراء الام الحنون
لو حصل لها وتمكنت منه بطريقه او باخرى وما فاجئها بطريقة دخوله عليها كانت قطعته باسنانها او اقل مافيها نقزت عيونه بدم بارد >> ادري الموضوع قديم ومغبر بس ماحبيت يعدي بدون ما اقول اللي بخاطري وبالنسبه للبارتات والله العظيم اني من حلاوتها وجزالتها في كل شي المشاعر والاحداث اقراها اكثر من مره وكل مره استمتع اكثر من اللي قبلها وهذا يدل على كميةالجهد والتعب والتفاني والاخلاص المبذول فيهافالله يعطيتس الف مليون ترليون عافيه يانفوسه 00ولا تظنين ابد ابد ان جهودتس مهيب محل اعجاب وتقدير بس اللوم علينا تعبيرنا على قدنا
ومثلتس من يعذر 00وبعدين انتي من جدتس تقولين ان المشاعر العميقه المليانه مهيب اللي في بالنا 00باقولتس اامممممم يمكن لانها اجمل وارقى بمراحل من اللي في بالنا00 جايه موزونه ماشاء الله >> سبحان اللي عطاتس وفهمتس 00الله يديم عليتس انعامه
واما الهذرة اللي باللون الاخضر قسماًبالله لو تدرين كيف نفهي عندها ونسلطن ماقلتي كلامتس عنها >> نفوسه تكفين لاتدققين اذاما فيه ترابط بالحتسي >> فيس مصدع ومايفصل عطاس
نجي للشخصيات
عبد الرحمن 00 حلوه النفسيه اللي انت عايش فيها 00بس جد تقطع القلب
يارب وضحى تغير رايها
منصور00 خير يابو والله وطلعت فيك شوفة نفس00 شعندك مطرز اسمك الثلاثي لعفراء تقل ماتعرفك وانا اقول كساب على من طالع اثاريه ماجابه من بعيد 00وبعدين وش هالشرط اللي فيه اجحاف وغبن للمره ياخي حط نفسك مكانها ويش بتكون ردة فعلك00 بس الصراحه حوارك انت وولد اخوك مع الحريم يفطس من الضحك وتحفه 00احيانا احس ادمغتكم واحد جزمه قديمه والثاني قفل مصدي 00يقولون لكم ثور تقولون احلبوه خخخخ
بس لا اوصيك خلك ورا عفراء لين توافق
عفراء 00والله صادقه عمر زين الرجال ماكان ميزه تنظرلها المرأه على الاقل من وجهة نظري00 صدزالطول والعرض اول ما يلفت انتباهي للرجل
لكن هذا مبدئياً بس الاساس مراجله مع اهله اولاً وبين الرجال ثانياً
سميره00 والله رحمتس ليه حسيت انتس مانتي بمرتاحه حتى من قبل لا يزعلن البنات عليتس
ابو غانم 00 تزويجك لبنتك بالطريقه ذي اكبر دليل انك عارف ان اللي قاعد تسويه غلط كبير بحق الجميع وتهرب من المسؤليه
عاليه ونجلا 00والله انا لو مكانكن ماسويت زياده على اللي سويتن احس الموقف كله فيه غدر وهذا مهوب قدركن ابد ولو فيه شي بالنفوس كان عطيت عذر بس ماالومكن
وانتي يانجلا تعوذي من الشيطان لعل بالامر خيره 00واول الخير انتس راجعه لابوخالد بنفسيه بتخدمتس
كساب00 ياخي خاف ربك قاعد تتلاعب بمشاعر ابوك 00عقبال مااشوفه يتلاعب بمشاعرك يالغوريلا 00ماشاء الله كل ذي عضلات لدرجةان الكاسره تشبهك هالتشبيه00بس صدز كسرت خاطري يوم تذكرت امك كلمة السر لمشاعرك
شوف ياكساب على قد مازعلت منك يوم مارديت على مزنه وطمنتها على مستقبل بنتها على قد ما فهمت انك قد كلمتك لا قلتها
تميم00ما ادري يمكن تفاجئنا بالانفصال على هالنفسيه التعبانه
الف الف شكر ياانفاس على هالبارت الاستثنائي بهالوقت الاستثنائي والغالي ما يجيب الا الغالي
|
15-05-10, 03:08 PM
جديد مواضيع قسم القصص المكتمله من وحي قلم الاعضاء
العرض العادي
