[QUOTE=#أنفاس_قطر#;2305364]

صباح الهذرة اللي بتصدع روسكم من قلب

حبة بنادول قبل ما تقرون يكون أحسن

أكثر مرة هذرت من يوم نزلت بين الأمس واليوم <<< تعبت جد

عشان كذا أوعدكم أرحمكم من هذرتي البارتات الجاية

بس اليوم لازم تقرون.. ولو تبون خلصوا البارت أول وعقب ارجعوا اقروا

.

.

ابتدت الطلبات ونبضات القلب بدوا بالدلع <<< مثل ماكنت أقول احنا شعوب عربية ما تعرف الديمقراطية إلا اسمها

عشان كذا الواحد لازم يكون ديكتاتوري شوي معكم

بعض الغزالات يبون مشاعر أكثر !!!!

والغزالة الثانية تقول ظهري الشخصية الفلانية أكثر.. حضورها قليل

والغزالة الثالثة تبي البارت أطول

وأنا أقول لكل الغزلان الله لا يحرمني منهم

إنه أولا بين الامس واليوم أنا شايفتها مليانة مشاعر عميقة...يمكن مو المشاعر اللي في بالكم

وهذا شيء أنا قلته من البداية.. تركيزنا هنا على علاقات إنسانية من نوع ثاني

وأكيد إنه بيكون فيه أحداث رومانسية بما أنه فيه شخصيات ترتبط ببعضها

لكن حتى هذاك الوقت.. أنا مستحيل أحط مشهد بدون حاجة له لمجرد إني أبي أحط شوية مشاعر

مشاعر مالها سنع في التركيب الدرامي للحدث وإنما مقحمة على الحدث وثقيلة عليه

إذا كان السياق الحدثي فعلا في حاجة لمشهد رومانسي بتلاقونه..

عدا ذلك أبدا مستحيل.. لأن هذا بيخلي مستوى القصة ينحدر ويتسطح

.

بصراحة وأنتوا تعودتوا مني على الصراحة واني أشوفكم مثل خواتي

يضايقني لأبعد حد.. وفوق ما تتخيلون لما وحدة منكم تقول نبي رومانسية بهذه الطريقة الفجة المباشرة

وكأن كل التعب اللي اتعبه في صنع الشخصيات وتحريكها يُنسى ويختزل ويحصر في مجرد مسمى "رومانسية"

رومانسية لابد أن تكون موجودة حتى لو لم يكن لها داع

وين علاقة الأخوة والأبوة والأمومة والصداقة..

والضيق النفسي.. والتعقيد البشري.. وظروف الحياة المختلفة ومتغيراتها؟؟

أم كل هذا غير موجود في حياتكم؟!!

.

ارجوكم أرجوكم أرجوكم يا الغوالي لا تحولون بين الأمس واليوم

إلى عمل سطحي بهذي الطلبات غير المنطقية

جد تضايقت يا قلبي أنتو

وأنا فعلا لما أتضايق أتوقف تماما عن الكتابة...لأني ما أحب أكتب إلا وأنا مرتاحة نفسيا

.

.

بالنسبة للطلب الثاني...نفس الشيء بالنسبة لإظهار الشخصيات

ما أقدر كل بارت أظهر شخصية معينة بدون حدث جديد فقط لمجرد التكرار والحضور

هالشيء بيضعف الرواية يا قلبي أنتو

لأنه الشخصيات كثرة حضورها أو قلته يرتبط بالحدث فقط

وتاكدوا إن كل شخصية ظهرت بتأخذ حقها بالكامل.. تمهلوا علي

قلت لكم إن بين الأمس واليوم رواية طويلة ومازلنا في بدايتها...

.

أما تطويل البارت.. جد بنات خلاص أكثر من كذا ما أقدر... أحيانا لي تقسيم معين للبارت

يكون أطول شوي أقصر شوي

لكن غالبا يتراوح بين 30 إلى 40 صفحة ورد واحيانا يعدي الـ40 <<< الرحمة

.

.

.

.

.

.

عمة البدر.. مشتركة من 2007 وأول رد لها كان هنا

جد تأثرت يا قلبي ما تتخيلين أشلون

عندها رجاء تبي البارتات بالليل السبت والاثنين والأربعاء

والله ودي أنفذ بس أدري ما راح يعجب الباقين... سامحيني أرجوك مثلك مايرد والله

بنات وش رأيكم؟؟ ممكن نحقق رغبة عمة البدر والحسن كله؟؟؟

.

.

.

.

.

.

.

.

.

بنات احتمال.. احتمال لو قدرت ولحقت أضبط بارت يكون فيه بارت هدية صغنونة

يوم الجمعة الساعة 11 والنص بالليل

لاني أبي الاحداث تمشي شوي

لو ما لحقت أحطه بيكون موعدنا الأحد كالعادة

وعلى كل الأحوال بارت الأحد نازل في موعده إن شاء الله سواء نزل بارت إضافي أو لأ



Fabulous Anfas

Thank ya soooooo much for your generosity
The sequencs of the events is great it is your story so you are more qualified than us in parting issue

Thanks again
Allah bless you and family

I'll come back with my expectations

هلا انفاس الله يبلغك يارب الجنه ’’’

انا ماعرف اعلق على القصه بس من المتابعين بصمت ,

بغيت اعطيك خبر اني اليوم الصبح كنت بمطار الدوحه ترانزيت رايحه للكويت وكنت ادور علا مزون والا غانم والامهاب بس حسافه مالقيت احد منهم وقاعده اتخيل وين الاحداث تصير لاني اول مره ادخل الدوحه , وسلامتك , وكنت قاعده اقول لاختي عن القصه قالت والله ان انفاس مهبله فيكم ,ودمتي ويعطيك العافيه .

اليوم فت انتبهآي كلام صالح عن عبدالله آخوه ..
صرآحه حيرنآ هالعبدلله ..


البارت ايوم خطيير لو بعلق منيب ساكته وانا بسرعه قريته على عجل ورآآي شغآآآل :(

السلااام عليكم ورحمة الله وبركااته

أخبارك يالغلاا؟؟

بصرااحه بارت خطير ماشاء الله واحسها
نقله لبعض الشخصيات
*
*
*
نبدأ التعليق بسم الله ^_^
*
*
*
&مهاب&غانم&

أخيرا عرفنا انكم الإثنين مكفخين بعض
اتذكر وحدهـ من الأخوات قالت هذا الكلاام بس والله
ما اتذكر مين ^_^
غانم..اتوقع انه رح يزعل من مهاب أكيد بيقوله
الصبح شايفين بعض ولاقلت انك تبغى اختي
فـ اكيد رح تصير زعله او حتى عتاب بسيط
مهاب ورده فعله لمن يدري ان محد داري عن الخطبه
وخااصه ان غانم مو داري أحسها قويه في حق
الطرفين.
*
*
*
&تميم&سميره&

الحمد لله تم عقد القران بدون أي مشاكل حتى لو كانت
المشاكل قبل لكن أهم شي مافي حاجه عرقل الموضوع
لأن مشاكل بعدين مارح تكون قويه لكن اتوقع ان
ابو صالح مارح يرضى بالوضع هذا ورح يخلي فهد يروح
لتميم ويطالبه بالخلع وساعتها تميم رح يوافق عشان
سميره تشوف حياتها مع واحد مثل حالتها
بس ان شاء الله مايصير شي زي كذا ابدا مابي حد
منهم ينكسر قلبه وخاصه ان سميرهـ شكلها تحبه
من زمان او معجبه فيه من زمان
*
*
*
&منصور&عفرا&

بصرااحه اسلوب منصور استفزازي جدا يعني يبغى وحدهـ
بدل مايجيها بالهدووء والرواق قايم يتحدى فيها
ويسوي فيها عنتر بن شداد زماانه
لا ويبغى يملك حتى بدون لاتعطيه الموافقه عباله
داخل فرقه عسكريه يأمر وينتظر التنفيذ
لكن زين تسوي فيه عفرا ولو وافقت عليه ماعندها
ماعند جدتي اجل توافق على واحد بدأ يأمرها من قبل
لا تصير في ذمته أجل لو صارت فيه ذمته وش رح يسوي
بيذبحها أكيد
*
*
*
&صالح&نجلا&

مدري ليه ماحبيت رجوعها له بالطريقه هذي
لأنه رح يجي وقت ويمسك عليها ذا الموقف
هو موضوع امها وماتركها كل شوي قايل
أمش وأمش كيف عاد لو رجعت له بالطريقه هذي
ليتها حكمت عقلها ولو دقايق
الله يستر
*
*
*
&خليفه&جميله&

بعد انتهاء العلاج وخروجها من المستشفى رح تتحدد
علاقتها مع خليفه سواء بالنجاح او الفشل اما ألحين
احس حياتهم محد رح يقدر يحكم فيها لأن هو صابر
لأنها أمانه في رقبته وهي صابرهـ لأن ماعندها غيرهـ
في حال رجوعهم لأرض الوطن هو رح يسلم الأمانه وهي
رح تلاقي غيرهـ وهنا نشوف هل رح يبقى مصر على
الإحتفاظ بالأمانه هذي زوجة له او تسريحها
وهي بعد رح نشوف هل رح تبقى صابرهـ عليه لأنه
وقف معاها وقت الضيق او رح تطلب التسريح
*
*
*
الباقين الله يستر علينا وعليهم
*
*
*
اعتذر عن الإطاله ^_^
بانتظار البارت الجديد على خير ان شاء الله
*
*
*
اعتذر عزيزتي ان تغيبت عن الرد في الأيام
القادمه وذلك لأن امتحاناتي النهائيه على
الأبواب بإذن الله..لكن ثقي بأني سأقرأ كل جزء
تقومين بإنزاله..
*
*
*
بالتوفيق الدائم للجميع