روااااااااااايه روعه

وكاتبه اروع

وربي عفت كل الروايات بعد هالروايه :)

ابدعتي حتىالثمآله و النخاع << ع قولتس ^_*

اتمنى ترجعين لنا بروايه :)

و الله يرفع قدرك ويعظم اجرك ويسخر لك زوجك :)

ويخليلك اعيالك ^_*

السلام عليكم,,,
مساء / صباااح....التميز 3 / 3 /1433 هـ
علقت على الروايه في ذا اليوم قلت أوثـق الحدث << مسويه انجاز عظيم ...
روايه إبـــــــــداااااااع من المبدعه أنفاس قطر يسلم راسك ويدينك وكيبوردك ...
ثلاث روايات مهما قلت انها روعه وتجنن وتفتح النفس والله ماراااح اوفيها
حقها ..
تحديداً اسى الهجران و بين الأمس واليوم كانت شي مختلف تمااام عن كل الروايات اللي قريتها ..
من زماااااااااااااااااان والله ماقريت راويات بذا المستوى الراقي احس انك تكتبين من قلب هههه
كأني عايشه مع كل واحد في بيتــه اعرف حتى وش ياكلون
تنوع كبير في الاحداث واحد يسافر وهذا يجي وذاك مريض وذا يتزوج حياااااه من جد ..
وبعد الروايه اعجبتني لانها مو بس حب ورمنسيه
فيها اخوووه فيها صداااقه فيها بر بالوالدين فيها علاقه مميزه وحب كبير بين الاحفاد والاجداد << دايم تكون إحترام وبس
زي كاسره وجدها علاقتهم ببعض مره روعه
واسى الهجران مشاعل وجدتها بعد
فيها جانب ديني ذكرتينا كثيييييييير بالورد وصلاة الليل الله يكتب لك الأجر .....

( بين الامـــس واليـــــوم )
كاسره وكساب عنيدين مره وتعبوني وانا اقرأ مشاكلهم كيف وانتي تكتبين وكساب شخصيته اول كانت تخوف قوي ويخاصم كل اللي
حوله بس بعدين طلع شخصيته حلوه وكاسره كانت شايفه نفسها بعد ماعرفتها اكثر طلعت عااااادي خلوقه وزي كل البشر وجاء نفسي اشوفها من وصفك
لها ...
جوزاء وعبدالله ماتوقعت جوزاء باقي تتسنع بعد الحاله اللي كانت ماسكتها بس الله الهادي صارت زوجه ولا احلى وصبر عبدالله واسلوبه كان له دور ..

جميله وفهد يمه منه فهد عليه لسان يكسر العظم مو بس يجرح لكن بعدين طلع الهياط من عينه وجميله بعد طلع الدلع على خليفه مسكين من ظهرها ..

شعاع وعلي يالذيذ يارايق وعلي برنس من قلب الاحساس المرهف ذا عادي فالبنات لكن الاولاد عندهم فقر فالاحاسيس اصلاً..

سميره وتميم سمور قلبها زي الثلج لو غيرها ماتسامح بعد الملطام اللي جاها يوم العرس وظنه الشين فيها لكن على قد ما عندها هبال عندها طيبه ...

الكباتــن مزون وغانم غانم تحــــــــــــــفه ليت منه نسخه ثانيه والله ما افوته علي هههه ذوق واخلاق وجمال وطيار وحنون مابقى شي وانا ماكنت مقتنعه إن وحده زي سميره تتزوج تميم بس كلامه وتفكيره غير قناعتي والله وشفت تفكيرنا كيف سطحي تستاهل مزون واحد زيه عانت واجد بس هي اللي طقت بالطيران الله يصلحها جابت العنى لعمرها ..

وامهاب مع ان ظهوره اصلاً قليل بس موته كان صدمه حزني وحزنــتني امه اكثر

عاليه وعبدالرحمن حياتهم حلوه وهاديه لان ما عندهم لف ودوران وعاليه تجنن مقالبها ام المقالب ورحمتها من الاحراج اللي جاها يوم عرفوا اخوانها انها حامل قطعوها بالتعاليق ..
وهي وهزاع ينفعون اخوان الله يونسه كم ضحكني مرجوج ..

نجلاء وصالح مع إن صالح طيب وحنون ويحب زوجته بس عليه طلعات مدري وش يحس فيه يتكلم على أمها قدامها وبعدين مدري وش جاه يوم جات المها بس نجلاء عاقله وصبرت عليه إلين تحسنت حياتها ومشت ...

وضحى و نايف هم اللي توقعت انهم بينفصلون عن بعض لان مشكلتهم ما لها مخرج ابد اخواته وزوجته وش يسوي مسكين لكن ما شاء الله عليك جبتيلهم مخرج طواري دخلتي اللحى الغانمه في الموضوع وكل واحد يمسك مرته حل بسيط جداً بس ما طرا علي ...

منصور وعفراء ياقلبي عليها كم عانت ذا الحرمه في حياتها مات خليفه وهي صغيره وعندها بنت بعد وماتت اختها اللي تحبها موت وقبلهم اصلا هي يتيمه وبعدين جميله ومرضها ومشاكلها مع خليفه وفهد وكمل الناقص منصور بشخصيته القويه لكن الله عوضها بحب منصور لها وبزيود وكمان اخوه بعد ..

مـــــزنه و زايــــــــد يالله كيف يحززززن زايد اول يوم تزوجت غيره ولما تزوجها هي اول الايام وبعدين مشاعره انخبصت لدرجة انه نرفزني خـــــــــــلاص عيش حياتك
وارتباطهم ببعض كان مستحيل لكن يوم مات امهاب توقعته يصير لان هو اللي بيخرب الموضوع كله لو كان موجود بــــــــــــــــــس الشي اللي خلصت الروايه وكان خااااااااااطري اعرفه وش بتجيب مزنه امهاب الصغير ولا بنت تمنيت اني اعرف...

أخــــــيراً << ما بغيتي
فرصه سعيده جداً جداً جداً اني قدرت ارد عليك وكان ودي اكون معكم واعلق بارت بارت خصوصاً بعد ما شفت النجوم اللي تتوزع حماااااااااس والله ..
بس ما اقدر اقرأ روايه الا اذا اكتملت اخاف الكاتبه ما تكمل صارت لي مرتين وفي قوة الاحداث وبعد ما تعلقت وقفوا مدري وش جاهم ..

والله العظيم ان في قلبي زي القبصه <<< ماعرفت تعبر
يوم خلصت الروايه حسيت اني تعلقت فالشخصيات مره
ما أدري كيف الحين خلاص من دون مشاكل كاسره وكساب
وهبال عاليه وهزاع و سميره ...
وتكفين وبليز وتكفين وكل انواع الرجاءات اذا بامكانك تجيبين بنت رابعه لا تترددين ابد واحنا في انتــــظااااااارك ..

دمتي يالغلا بكل خير وصحه وسلامه والله يحفظ لك عيالك من كل شر ويجعلهم احسن الناس ويرزقك برهم وتعيشين وتشوفين اولادهم........

السلام عليكم
انا احاول انزل الروايه لكن من غير جدوه
رجاء مساعده