السلام عليكم

اختي انفاس انا عندي توقع اتمنى انه يكون صح واعرفي اني ماشاركت هنا الا لان محد توصل له ونطق باللي في راسي وحلل ولو تحليل قريب من فكرتي .. واتمني مايكون غلط بس اهم شي اني عصرت مخي وفكرت هع
اتوقع ان عبدالله كان يحب كاسره من يوم كان صغير وكان يقدر يشوفها .. وكبر الصغير وكبر حبها بقلبه لين صار عشق << اخلص ياولد ..
وتزوج نجلاء لان ابيه غصبه يمكن او لانه ولد عمها وهي لازم تكون له ويمكن بعد يكون لسبب عجز عقلي يعرفه واتوقع ابيه يعرف بالموضوع ..
بس اللي اعرفه ان نجلاء عرفت سبب بعده عنهااا وتشكل حقدها لكاسره .. وكاسره ياغافلين لكم الله ماتدري بالمصايب اللي شكلتها هع ..
امااا باقي الابطال اترك المجال للعضوات انهم يحللون علومهم هع .. واتمني ماكون غلطت بس ابي اشوف انا عندي نظره ثاقبه ومستقبليه ولا مااش ماعندي ماعندي جدتي هع ..
اخيش : العذبي ..

السلام عليكم ورحمة الله وبركاته

هلا انفاس بارت روعه وكاسره وكساب اروع

خاصة لما خفق قلبها له يعني راح يكون هناك ود بينهما


ومنصور وعفراء اعتقد راح تقبل به


شخصيات الرواية مبهرين


انتظرك يالغلا يوم الخميس ان شاء الله


دمتي في حفظ الله

واخيرن لحقتكن.. من اللاسبوع اللي طاف وانا اربع وراكن وملاا شاء الله كل يومين ينزل بارت يديد<< فيس يشرب ماي

قبل كل شي الحد لله عالسلامه<< اخر فيس يتحمد لج السلامه<< فيس مبتسم
وتسلمين عالبارتات كلها<< الفيس راعي الورود.. وفيس يحسب كم بارت قرى اليوووم

الحينه اغيب كم يوم وارد اجوفهم كلهم ملجو<< فيس مصدوم.. حتى ما عزمونيه على ملجتهم<< فيس يتشره.. عاد كله صوب وسالفه ملجة كاسرة صوب موليه هب داشه مخيه.. ابيها تاخذ منصور<< فيس مصر على رايه.. وفيس متغشي ما يبي امورة تجوفه

كساب وكاسرة

بدايه الصراع.. عندما تصطدم القوى.. ويجتهد كلا الطرفين في فرض رأيه ورفع رايه النصر..عندها فقط يمكننا القول بان الوطيس قد حمى.. الحينه هذا شكل معاريس توهم مالجين.. بس يلا انته وهي.. خلاص طاف الوقت<< فيس هاد عليهم

تميم وسميرة

ان تكون مصدر شفقة ورحمه لاقرب الناس لك.. يكسيك بحب شفقة ورحمه.. عندها فقط يتجسد معنى الاعاقة بكل معانيه..فكيف بمن سيكون رفيق دربك.. من سيكمل معك مسيرة حياتك بحلوها مرها.. هنا نقف وقفة تامل وتقرب لذلك الغد المظلم<< فيس يتنهد.. سموور.. موافقه.. وهاليوله كلهابسبه تميم.. الظاهر انج وئعتي ومحد سمى عليج<< فيس كاشفنها.. حليله تميم ينحب<< فيس معجب فيه

خليفه وجميله

الاستفزاز.. هي الوسيله التي تسلحت فيها جميله في حين لجا خليفة لسياسه النفس الطويل..دلال مفرط جعل من جميله ابنه السنتين او الثلاث.. تلك الطفله التي تبكي حنينا لحضن امها<< فيس مقهوور من هالجميله.. لا انته المفروض يعطونك جايزة نوبل في الصبر<< فيس يقدره

علي

حاس بالوحده يحق لك يا ريال عقب ما كانت الشقه ممزورة خلت عليك الحينه<< فيس ما يدري هالمقطع في اي بارت.. احلف بس بتحجز لاخوك ايي شهر العسل صوب.. عاد ما اوصيك من الحينه زهب الجفن وحطه في الجحرة بيحتايونه<< فيس يقطع شعره

مهاب وجوزا

مبروووكين<< فيس بارك.. حلوة حركة الانتقام ها اللي سويتها في كاسرة.. بس صدقه غانم الظاهر هاي حوبه مزوون.. واخت بتاخذ اخوها.. بسم الله الرحمن الرحيم.. انتي سالفتج سالفه.. وحاحلتج يبيلها يلسه.. احساس بالتهميش والنبذ عشتيه ويا عبدالله.. خلاج تتحولين لانسانه ثائررة.. متحفزة دائما للانقضاض على الشخص الكامن امامها.. قد يكون مهاب احد وسائل العلاج<< فيس يحلل

صالح و نجلا

انتوا بعدكم<< فيس مصدوم.. لا حالتكم مستعصية.. شقايل بتسافون رباعه وانتوا غادين شرات توم وجيري ها<< فيس قرر يساعد عاليه في مخططاتها

عاليه

متلومه.. لا تتلومين ولا شياته.. هم يبيلهم حد يحركهم شوي.. حشى بيكملون السنه على هالحاله وهب طايعين يحلون مشكلتهم<< فيس واقف وياها

منصور و عفرا

اووه شو هالتطور الملحوظ هذا.. واخيرن انحلت مشكلتك وبتعرس.. الله يرحم والدي هالهندي اللي بييمع راسين ما الحلال.. وانتي بس خلاص وافقي ذليتي اسلاف الريال<< فيس يبي يعرسون مرة وحده

عاد اللي نسيت ارمس عنهم ان شاء الله يعوضهم في رد البارت الياي<< فيس يعصر مخه

وفيس يبارك لزوزو عالنجمه

نترياج فديتج<< الفيس راعي الورود