كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
صباح الخيرات الاحلا واروع وابدع كاتبه نتيه ام سعود انا قبل استسمحت منتس عن كتابة الردود بسبب ضروفي الصحيه اللي ماتخفتس وقلبي يتقطع على الرد خاصه وانا اقراء تعليقات خواتي وردودهم وانتي يالبي قلبتس ماقصرتي بالرد اللي يوسع خاطري ويحسسني باخوتس اللي ماجابتها امي ذوق في الكتابه والمعامله جعلني ماخلا منتس
بس بارت اليوم خلاني اقوم واقعد واكلم نفسي قلت راده راده حتى لو اكتب وانا واقفه بارت اليوم قنبله مدري عندي ولا الكل
قفلت كساب وكاسره فعلن موت مدري ليش حاسه انها بتفجر قنبله بينهم خاصه كل واحد يشوف ان الثاني مايستاهل حتى انه يفكر فيه مفاجئه بتكون الكساب اذا شاف كاسره لانه بيشوف بنت غير عن كل البنات لا في الشكل ولا في التفكير متاكده ان ذا الشوفه بتخلي كساب حتى شغله ينساه تدرين حتى يمكن تخليه يتنازل ويكلم مزون ويطلب منها تقابل المدام وتجيبله علومها راح يحاول يستفزها بكلامه لاكن بيلقا الرد الاذع والواثق بنفس الوقت لقائهم هذا ماراح يمر مرور الكرام على كساب بيخلي كساب يتمنى الزواج اليوم قبل باكر يبي يكتشف ذا الشخصيه اللي بتسيطر على تفكيره
كاسره بتنصدم منه خاصه انه بتشوف البزر اللي خذت عنه فكره بصباحية ملكتها انه راعي هواش ومهاد وذبح وذبيح يمكن حضوره القوي ورده عليها بيغير الصوره قدامها
بس اللي اتوقعه ان تقبل كاسره الكساب ماراح يكون اقوى من تقبل كساب الكاسره حضور كاسره وجمالها وشخصيتها بتكون واضحه الكساب وبتشد لانها بتكون شخصيه نادره يتمنى اكتشافها والتعامل معها وتحديها اذا لزم الامر
بس تدرين ام سعود في بالي موقف ذكرتيه في بارتات سابقه يوم كانت كاسره ماخذه وضحى وسميره للسوق وشافوا فهد ومعه منصور بعد شوفتهم تغيرت حالة كاسره بعد ذا الشوفه ولا وضحتي السبب هذا الموقف خلاني اجزم ان كاسره تعرف منصور وان شخصيته عاجبتها وعشان كذا شارطه الرجل الاربعيني
انتفاضة منصور ومفاجئته من خطبة اخوه العفراء حطت كثير من علامات الاستفهام في راسي اولها هل منصور يحب عفراء وحبها الا الان في قلبه وهذا السبب اللي خلاه مايتوفق بزواجاته ويخلي نار الغيره تشب في يقلوب حريمه من الحاضره الغيبه في نفس الوقت
هل سبب عدم زواجه من عفراء هو عيب في منصور ومن شدة حبه العفراء مايبي يضرها بس في نفس الوقت مايبيها تاخذ غيره ياتقعد كذا بدون زواج قدام عينه او انها تاخذه حتى لو كان فيه ذا العيب
الشرط اللي شرطه منصور يتعلق في العيال او لا
تدرين يمكن شرطه اللي شرطه هو رغبته في الزواج اذا طرت عليه السالفه وبتكون عفراء في ذمته وماتعارض ذا الرغبه لغرض ما في نفسه
سالفت منصور ولله حيرتني واشغلت تفكيري فتره طويله وكل استنتاج قالوه البنات قلت يصير جايز هذا هو الشرط منتظرينتس يوم الثلاثاء نفوس
بس تدرين رجع الذهني رد كان قايله منصور الكساب يوم تكلم عن زواجاته السابقه يوم قاله ان وحده من حريمه كانت من الممكن انها تجلس عنده ومايطلقه يعني يمكن هي الوحيده اللي وافقت على شرطه لكن باقي حريمه رفضو الاستمراريه معه ياتر هل الشرط اللي شارطه منصور من حريمه وماخلاهم يصبرون عليه وهو نفسه اللي بيشرطه على عفراء ان ماطالب ولا وحده منهم بحقها الشرعي منه
يمكن هذا السبب اللي بيخلي عفراء توافق عليه خاصه انها بتتوقع ان منصور ماطلب الزواج منها الا بسبب ماتعرضت له من الصبي حتى ماتعيش بروحها ولا مهوب رغبه فيها ليش قدامه كل ذا الفتره ومافكر فيها
بعد احس زواجها بيخلي بنتها يخف تعلقها فيها وتتقرب من خليفه اكثر
عندي احساس ان خطبة سميره التميم راح تتم ويمكن يملكها ابوها باقرب فرصه نكال في عيال عمها اللي ردو عليه بذا الرد خاصه ان ابوغانم يحب عياله ومايرضى عليهم وحساس من ناحيتهم بحكم امهم مصريه وسبب ثاني هو عدم راحت بنته مع ولد اخوه صالح واحساسه انها مضيومه منه وماتلكلمت
الاكيد انه يوم كلم اخوه في الموضوع وخصوصن بحضرت عياله فهد وهزاع يبي يشوف هل بيتكلم واحد منهم ويرفض زواجها ويحير عليه لكن صدمه ردهم وستهزائهم عليها اللي ماله مبرر وقال بخاطره زواجها من تميم بيكون ابرك منهم بيحس ان ردهم شوفة نفس عليها اكثر من انه مزحه عابره لان الموقف مايستدعي انه يردون بذا الرد حسسه ان بنته منبوذه من اقرب الناس اللي هم عيال اخوه
يمكن لو كان صالح حاضر الموقف راح يكون رده على اخوانه اقوى من رد ابوه خاصه انه راح يهزئهم قدام عمه على قولتهم اللي مابها سنع
بس ياترا لو فهد رفض زواج سميره من تميم ومارخصه هل رغبه في سميره ولا يبي يكفر عن غلطه ويرضي ابوه وعمه
وابو غانم بيرضى بفهد عشانه ولد اخوه واقرب وفيه ومميزاته تفوق تميم ولا بتاخذه العزه بالاثم ويقول بنتي تبيه وهي اللي اختارت
ام سعود منتظرينتس على احر من الجمر لان بصراحه فوق روسنا مليون علامة استفهام وانا معاد فيني اكتب زود لان ظهري تعبني مره مع ان عندي كلام واجد ودي اكتبه عن مواقف سابقه قريتها في البارتات السابقه ويبيلها تفسير احس بدت خيوط الروايه ترتبط مع بعضها وكثير من الغموض يوضح
اختكم ومحتاجه الدعائكم كل من تمر على ردي تدعي لي ان ربي يهون علي ويقومني بالسلامه انا ومولودي ويهون على كل حامل يارب
|
09-05-10, 11:41 AM
جديد مواضيع قسم القصص المكتمله من وحي قلم الاعضاء
العرض العادي
