كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلااام عليكم ورحمة الله وبركاته
اخر بارتين بالرغم من قسوتهم وآلمهم وبالرغم من طولهم وروعتهم بس والله ماينشبع منهم ابد..
احس بالجوع والعطش كلما خلصت من قراءتهم!
وارجع اقراءهم مره ثانيه وفي داخلي اصرخ واقووول هل من مزيد كي يشبع جوعي ويروي عطشي!!
زايد ومزنه
اكثر من اربع شهور وانتو على نفس الحال ياالظالمين!!
اذا كانت كل هالمده مو كافيه لرجوعكم وعن قريب..
فكم المده اللي تحتاجون لها طال عمركم!!
وانا فرحت لما صرتوا في بيت واحد بالرغم من قلت احتكاكم وانفصالكم..
وقلت في نفسي مزنه مارضت ترجع لبيت زايد إلا انها لانت شوي..
وزايد راح يرجعها له بطريقته الخاصه وهذا شي بسيط وماراح يصعب عليه..
بس مدري ليه زايد مو راضي يسهلها ومصعبها على نفسه!!
شوف يازايد خطوه حلوه وجريئه وغير مستغربه منك لما رحت وراجعت عند طبيب نفسي..
بس وش فايدة مراجعتك له وانت مااتبعت تعليماته وتناولت العلاج اللي وصفه لك!!
متى ناوي تكسر حاجز الكتمان اللي مسويه لنفسك وترجع تصارح مزنه بمشاعرك؟!
متى ناوي تنهي الآلم والعذاب اللي يحيط بحياتك واللي صنعته بنفسك؟!
بالله عليك يازايد واحد مثلك ومثل عذوبتك وفخامتك ومثل قوة شخصيتك وتحكمك وسيطرتك ياخذ كل هالشهور وهو محلك سر ومو قادر يبادر ويكسر هالحاجز!!
الورع كساب صار احسن منك خطط وتكتك وسحب كاسره بالقوه غصب عنها،وجابها عنده وبالرغم من قسوة هالشي وبشاعته وبالرغم انه كسرها بس قدر يصلح غلطته ويرجعها له احسن من اول..
وانت ماقدرت على مزنه!!
تدري وش انت محتاج له يازايد عشان ترجع مزنه؟
محتاج لي اشياء بسيطه وسهله وماتصعب على ذيب مثلك:الجرأه مع اصرار واراده قويه،
مسامحتك لنفسك وعدم تحميلها فوق طاقتها،صرامه وحزم مع حلم..
ولمعلوميتك اذا ماوقفت مع مزنه وهي في قمة ألمها وعذابها و في اشد حاجتها لك ويمكن ماتحتاج لك في حياتها كلها كثر حاجتها لك هالحين،،راح يصعب عليك كسرالحاجز وتجاوزه بعدين..
اتمنى انك تصلح حالكم قبل ولادة مزنه لسببين..
عشان تروي عطشك من مزنه وتصارحها بحبك قبل يلهيها ويلهيك الطفل..
والسبب الاهم ان مزنه راح تربط بين اهمالك لها في وقت حملها وفي وقت حاجتها لك وبين محاولتك الاصلاح في هاالوقت بولدك،،وراح تقول انك ماسويت هالشي وفي هالوقت إلاعشان ولدك وهي مالها قيمه عندك..
كاسره وكساب
اموووت في الرومانسيه والهدوء والمصارحه انا..
الله يديمها عليكم من نعمه ويبعد عنكم الغرور والعصبيه والامراض..
مدري ليه حاسه ان هذي اجواء الهدوء مابعد العاصفه..
ومو اي عاصفه!!
عاصفه مليئه بالحزن والألم..
واكثر شي خايفه منه حالة كاسره الصحيه..
الله يستر عليكم والله اني فرحت وقلت مابغوا يدسمون ويفلحون!!
وشكلكم بترجعون على الطير يااللي..
سميره وتميم
ياعيني على التضحيه والحب...
ياحبي لك ياسموور،فقدت ضحكتك وخفت دمك في هالجزء..
قد احد قالك تراك شينه اذا كشرتي وإلا صرتي عاقله وراكده..
وانت ياتميموه انقلع عادني زعلانه عليك ومانسيت اللي سويته في زيزو..
لاني انصدمت فيك وماتوقعت هالشي منك..
الله يشفيك ياسمور..ويرزقك بطفل تام الصحه..
والله يوفقكم ويرزقكم على قد نياتكم..
جميله وفهد
ياليل مااطولك،،وش هاالقرف اللي مو راضي يفارقكم؟!
اقووول ليكون القرف عدوى اذا شفئ واحد منكم منه انتقلت العدوى لثاني!!
وبعدين يافهود انت ماعندك حل وسط؟!
يابتلزق في الحرمه لزقت عنزروت وإلا بتقطع عنها مره وحده!!
وانتي ياجمول ياليت تتركين عنك الحساسيه والدلع شوي عشان تمشي حياتكم بشكل خفيف وحلو..
خليفه
وش تبي بالحرمه بعد ماطلقتها باالثلاث؟!
وبعدين من اللي سمح لك تدق عليها وبأي حق؟!
يااخوي ترى حرام انك تسمع صوتها ومالك اي حق ولافيه اي عذر يشفع لك سبب اتصالك مهما كان..
واذا كان عندك شي يخصها او امر ضروري تبي تقوله لها مفروض تقوله لعفرا او فهد وهم يوصلونه لها..
ولاتقعد تتعذر وتقول فهد مسافر وماتعرف رقمه..
ومستحي ومفتشل من عفرا ومنصور..
وان جميله بنت عمك وبحسبة اختك!
لانها اعذار سخيفه وتافه وماتنفع ولاتقنع..
واذا منحد مره وماعندك طريقه غيرها وبتموت اذا ماقلت اللي في خاطرك..
فيه تقنيه اسمها رسائل..
مو تتصل!!
والله ان ماعندك وقت على طول تدق..
اتمنى ان جميله تسكر في وجهك على طول،وماتسمح لك تقول كلمه وحده..
والله يستر ليكون داق عليها عشان شي كايد<<ربي راحمكم اني قررت اعتزل التوقعات وإلا كان ماخليت توقع ماقلته لكم خعخع
وضحى ونايف
نويف إلا متى وانت ماتقدر تقول شي لخواتك وتوقفهم عند حدهم..
صح فيه شوي تطور لما قلت لهم انك ماتسمح لهم يقولون شي في ام زوجتك واهلها..
بس كلامك وتطورك كنه وجهك،مفروض تكون اقوى من كذا..
بس تدري الشرهه مو عليك الشرهه على وضحى اللي سكتت على تدخلهم في حياتها وهذا اللي جرأهم على اهانتة امها..
مفروض انها غسلت شراعهم وغسلت شراع نايف معهم..
ووقفتهم عند حدهم وقالت حدكم امي واهلي خط احمر ممنوع المساس به..
واذا كنت محترمه خواتك السحالى واللي مايستحقون الاحترام ومع ذلك مداريتهم ومسايرتهم،فغصب عليك و عليكم تحترمون شيختكم مزنه اللي تستحق الاحترام،واذا كنت تعتبر خواتك بحسبت امك وهم مايستحقون هالشي،فأنا امي مو بس مجرد ام بل كانت نعم الام والاب..
وبعدين إلا متى وانت تحط وسيط بينك وبين خواتك العقربات وتعتمد على غيرك في حل مشاكلكم وتصفيت وتهدئت الاجواء..
بدايه بعاليه ثم صافيه ومو بعيده تدخل مزنه وتميم وزايد والجماعة كلهم!!
ليش ماتخلي وضحى توقف في وجيهم وتاخذ حقها بيدها دامك ماتقدر تاخذه..
لاتكون خايف على وضحى منهم وتحسب انك بأسلوبك هذا بتحميها منهم وفي نفس الوقت بتخليهم يحبون وضحى وبتكسب ودهم وترضيهم!!
اقول ترى طريقتك ذي ماتنفع وراح تخلي حياتك تستمر على ماكانت عليه من ضعف وتعب وشقى..
وماراح يكون عندك حل إلا انك تسوي مثل اول وتهج من الديره بكبرها..
"تدرين نفوووسه احس عيوني صارت حولا من كثر ماهي تراوغ من فووق وتحت ومن يمين ويسار تدور لها شي غاااالي وثمين..
آآآخ بس،،ياليتك يانفوووسه ماقلتي لي شي احس اني قاعده انطبخ على نااار هاديه لحد مااستويت ونضجت!!
ادري انك لما قلتي لي عنها كااان من منطلق شفافيتك اللي عودتينا عليها،وكان قصدك تفرحيني بس تدرين وش مشكلتك؟!
انك طحتي على وحده مشفوووحه ومطيوووره مثلي خعخع..
عشان كذا ومراعاه لصحتي وخصوصا صحة عيوني الجميله اللي بدل مااحمدالله عليها قاعده اضغط عليها المسكينه.. قررت اطلب دعم اعز صديق لي بالرغم من قسوته ومرارته بس هو الشي الوحيد اللي ملازمني من طفولتي إلا الآن ويآزرني وآزره ومتحملني ومتحملته ويدعمني في وقت حاجتي له وادعمه في وقت تخلي الناس عنه ومتمسك فيني ومتمسكه فيه رغمنا عني وعنه <الصبر> "
|
24-03-11, 02:39 PM
...............
جديد مواضيع قسم القصص المكتمله من وحي قلم الاعضاء
العرض العادي
