أنآ أتوقع إن جميلة بتصير حآمل
وكسآب بيجي وقت وبيقول لكآسره كل شئ بآلتقسط

احـدآث كثيـره وروعه

< انا اتوقع يتوفى فآضـل ويمشـي عبدالرحمن من قو الصدمـه .. وشعآع بتحتآج علي كثير بهالمصيبـه <واحتمآل ترد له او ع الاقل يصير احداث بينهم ..

اما جميـله وفهد حكآيتهم حكآيه <بتتحسف جميله متأكده

السلام عليكم يا حلوين .. اشلونكم وشخباركم .. اتمنى كلكم بخير و طيبين ..

مشكــــــــــــوره يا أنفاس للمره الألف << عسى ما مليتي بس من الشكر !

لأنه لو نبي نقعد نشكرج الين مدة سنة بعد زياده .. ما نوفيج حقج وحق جهدج بالرواية الفظيعه ..

عن نفسي مو بس عاجبتني القصة .. وحواراتها واسلوبها .. لا .. أنا أحب كل شخصيات أبطالها وايد وايد ..

اولا : ملك القصه ( الشيخ زايد ) .. أعطية لقب * الكنـــــــــــج *

لأنه بالضبط كنج وإهوا أساس القصة وحياته وعيشته مثل الملوك ..

ياربي هل الانسان أحسه صج شيخ .. عظيم بتصرفاته وكلامه راقي وكشخة ..

شخص له هيبة وحضور وطيب ويا بخت إعياله بهل الأبو الحنون .. الكريم .. الطيب ..

وأحلى كلمة منه لما يقول (يا أبيك) .. مشتهية أسمعها منه على الطبيعة ..

بس غلطة عمره إنه حب وحده ما تستاهله براي الخاص (مزنه) ما تستاهل زايد ..

كل مشاكل القصة سبة هل الحب !!!!!!!!

عسى ربي يعقلها وتحس بالنعمة إلي الله انعمها عليها بزواجها من الملك ومن الحمل ..

====================

ملكة القصة (مزنه ) .. أعطيها لقب *queen *

رزتها وجمالها وطلتها وثقلها مثل الملكات ..

ما تحب تتنازل أبدا عن حقها << أتوقع هذا سبب تعاستها الرئيسي ..

لو من البداية بس كانت إشوي أكثر ليونه وسلاسه بالتعامل كانت أرتاحت وريحت غيرها ..

وعاشت بسعاده مو طبيعة .. لكن للأسف عنادها وراسها اليابس سبب مشاكل الدنيا كلها..

حسافة ذكائها ما إستغلته في شي مفيد لصالحها !

أتمنى من كل قلبي بهل الموقف تشغل مخها وترجع بيتها بهدوء ..

أكثر شي قهرني (خبر حملج) وصلتيه حق ريلج بطريقة مزعجة وقاسية مثلج تماما << أعوذ بالله !

====================

وسيم القصة .. الشيخ منصور طبعا لقبه *الاستثنائي*أو *العـــــــقيد*

من لما كنت تزور جميلة بفرنسا وأنا أقول هذا الانسان ما في منه .. ومعدنه ذهب ..

وبعدين انت خفيف الظل .. وخصوصا لما تتكلم مع كساب ..

الله يا ابو زايد .. انت شي خيال .. وبصراحة موقفك يوم زواج جميلة يبيض الويه ..

انا حضرت كل أعراس الرواية << صاروخ قض السقف احم احم ..

كان أحلى وأكشخ عرس .. عرس جمول .. راقي وأنيق وبالشيراتون والترتيبات خيالية ..

الفال لعرس زايد الصغير .. ان شاء الله تشوفه معرس وإتسوي له أكثر ..

وفالك طيب لما فكرت بفهود لجمول .. أحلى ثنائي الله يتمم عليهم ..

يا رب الله يرزقك اخوان او خوات لزيود الصغير .. قول آميـــــــــــن ..

===============

الأم (عفرا) .. ما أقدر أشوفها إلا *super mother *

إهيا بالصج بس عندها (جميلة وزايد) بس كانت أم لكساب وعلي ومزون بعد ..

الله يا عفرا .. انتي و وسمية -الله يرحمها- قمة الطيبة والأخلاق العالية .. ذوق وسنع ..

مالكم مثيل .. حكيمة ورزينة وعاقلة بكل مواقفك كنتي مثال محترم للمرأه الخليجية التيبيكال ..

إن شاء الله بنصايحج الحلوه لجموله .. تعقلينها وتركدينها .. لأنها هل المره كانت إهيا الغلطانه !

==========================

مزون .. * الكابتنه*

الحين صرتي كابتن طيار ,, وانتي طيوبه وكل شي صار أوكي مع كساب ,,

بس بليز خلج مع الكابتن ابو عيون عسيلية أكثر إحساس إشوي ,,

يعني أقل شي دقي على (زبيده) ترسم لج حنه على ايديج وإريولج ..

عشان غنوم يحب الحنه .. والعصفوره قالت لي انه زبيده شاطره برسم الحنه << إتفقنا ؟

====================

البطل كساب *سوبر مان* أو * جيمس بوند *

انت أقوى واحد بالقصة .. وانت الهيرو ..و انت البطل ..

وما أحد يعرف يتعامل مع كاسره غيرك .. أحلى شي لما تحقرها ..

ولما تعطيها طاف .. وصدقني إهيا حبتك عشان هل الشخصيه القوية ..

لو ما كنت قوي شيذي .. شان كاسره مستحيل تحبك ..

و انت غيرت فيها أشياء وايد وأدبتها ,, يعني صج عفستها هل المهره الاصيلة ..

بس بعد يبيلها شويتتين زياده خصوصا على لسانها الطويل ..

=================

مسيو علي .. * رومانتك مان *

والله يا علي كل بنات المنتدى خاقين عليك من اول مشهد طلعت فيه ..

ومن درينا انه ويهك بيبي فيس واطباعك هاديه وانت بالمقدمة ,,

وبعدين عرفنا انك دبلوماسي وشغلك بالخارج وعرفنا انك مثقف وحساس ,,

وتشتري العاب حق جميلة .. عاد صارت صورتك مكتمله ,,

ولما مرضت قعدنه ندعيلك بكل صلاة الله يشفيك .. تخيل عرسك نطرناه على جمر !!

تدري يوم عرسك اكثر من 2000 نفر صاف على باب القاعه !!!!!!! كان رقم قياسي ..

كلنا كنا نبي نموت إنشوف ردت فعلك لما تشوف الرقيقة شعاع وإتعرف إنها إلي بالأصنصير ,,

وعلى طاري الأصنصير .. يا رب شعاع تحن عليك وتقدر حبك وترجع عاجلا غير آجل ..

======================

الشيخ الجليل خالد آل ليث .. * الأســــــد* و * أبو الأشبال *

ما شاء الله الله أنعم عليك بأربع أشبال .. والحمد الله أحسنت بتربيتهم ..

كلهم ملتزمين و محترمين وخلوقين ولا و بعد مزايين ..

وأما عاد بنوتك شيخة البنات وإهيا سكر نبات .. عالية .. ما في مثلها ..

الله يخليهم لك ويبلغك بهزاع وبعيالهم وبعيال اعيالهم كلهم ..

===================

صالح *ابو خالد *

غنوم ما يستاهل منك هل الأهمال !!!!!!!!

ما ابي اعلق عليك .. عشان نجلا بهل البارت صج صج كاسره خاطري !!

===========

عبد الله * جنتــــــــــــــــل مان*

إزايك يا بش مهندس ؟ وإزاي المدام ؟

واااااااااااااااااااي يا عبود انتي من كثر ما انت زين ..

نسينا سالفتك الشينة قبل 5 سنين .. ونسينا راشيلوا ..

خلاص انت ابو الجنتل والي فات مات .. اتهبل يا عبود الله يخليك لجوزا ويخليها لك ..

يا رب تولد الجوزاء بالسلامة ..

=================

فهد ما ادري اسميك * المستقيم * او *الغشيم*

تدري بارت اليوم وانت تكلم جميلة عجبتني بشكل ..

ولما قلت لها بغثج وانا قاصد ذكرت شي ..شي خرعني و ضحكني بنفس الوقت ..

ذكرت مره سميرة قالت عنك : لما كنتوا إصغار كانت تخاف من صراخك يعني انت تروع ..

يعني جمول الله يعنيها من قلب .. بس بصراحة كانت تستاهل ,,

اكثر حماس حاليا لقصتك الغريبة والمشوقه والممتعه ..

بس كنت ناطرتك تقول لجميلة "انتي اسم على مسمى"

===============

عالية .. الاميرة الصغيره .. تعرفين فيلم 4 بنات وضابط ؟؟

انتي العكس .. 4 ضباط وبنية ..

اكثر شخصية بالقصة انا معجبة فيها .. مثل الجندي المجهول ..

كل شي على راسها .. تدرين بارتج الخاص كان صج شوكولاته بلجيكية فاخره ..

مهندسة جينات و لغة فرنسية .. وام مقالب ..

انتي روعة يا علوي .. الله يخلي لج الدحمي ..

متفائلة بالبارت القادم يمشي .. ويعوضج عن كل شي يا رب ..

=====================

هزاع * آخر العنقود سكر معقود*

ملح الرواية .. ودورك حلو .. بس حسافة على بالنا راح نحضر عرسك ..

ونسمع أشلون الشباب ينكتون عليك بدال ما انت إتنكت عليهم ..

وهل راح تكون موضة عرسك انت إمكشر ويلا شاق الكشره ؟

و كنا نبي نبارك لك وننطر مرتك تحمل عشان نبشرك ونشوف شنو راح تعطينا بشاره ؟!

=================

ابو عبد الرحمن .. *الشيخ الفاضل *.. فاضل
حتى قسوتك لها معنى ,, يا رب تقوم بالسلامة ..

ناطرين هل الحدث على نار ... البنات الي يقول راح تموت ودي اذبحهم ..

الله يطول عمرك وتشوف الدكتور الدحمي يمشي ..

==================

عبد الرحمن .. الدحمي .. الدب .. ابو نظارات * الدكتور*

هانت يا دكتور ان شاء كلها بارت بارتين وتمشي ..

وكلنا متفائلين البارت الياي تفرج عندك ..

================

جوزاء .. * المانيكان * الرشيقة والنجمة الساطعة ..

عمري ما لمتج على كل تصرفاتك يا ام حسون بس كانت سالفة الحلاقة

تعور القلب .. المهم الحين تولدين بالسلامة واهم شي يرجع لج جسم بيون سيه

دير بالج اتخربين جسمج ,, حافظي على هل اللوك الي يعور قلبي ويعور قلب سموره ..

=======================

شعاع * رقيقة ونعومة *

بليز يا شمس الشموس .. سامحي علاوي بسرعة ..

اسمكم عصافير الحب .. الله يهديج بس ..

==================

ابو غانم ..* الشيخ الراشد * راشد .. يا رشدي اباظة ..

راح نتعرك عليك قريبا مع قصتك الحلوة انت وجيهان

================

غانم * الكابتن*

يا ابو عيون عسلية .. انت مو بس عيونك عسيلة ..

ومو بس شعرك كستنائي .. انت كلك عسل ..

====================

نجلا * الشقراء*

متعاطفة معك لابعد حد ,, الله يخلي لج غنوم والمها

==================

سميرة * سنو وايت *

يا ناصعة البياض .. يا بياض الثلج .. يا ام قلب ابيض ..

يا رب تحملين قريب ..

====================

نايف .. * وكيل النيابة *

مسيو نايف .. يا الفرنسي .. يا حبيب قلب عالية .. يا احدث معرس

احلى شي علاقة مع علوي .. خووووووووش خال .. سبرايز وهدايا وحركات

واتمنى تكون وضحى تستاهلك ..

==============

تميم .. * القناص*

وايد حلوه هوايتك يا تيمو .. بس ليش انت ما عندك طيور وصقور !!!

يمكن طيور ابو عبد الرحمن كفاية عليك ..

المانيا حلوة .. ان شاء الله تستانسون بميويخ ..

وتطلع الفحوصات سليمة يا رب ..

=============

وضحة * الحكوكة * العروس الجديده ..

كنتي عروس مميزة يا وضوح .. ديري بالج على نايف ..

وحطي خواته على راسج .. وكسري عينهم بالمعاملة الزينة ..

وبس حقريهم ..

=============

الجد جابر .. * بركة الرواية*.. الله يخلي شيابنه كلهم ..

الله يطول عمرك .. وخليك لمزنة وعيالها ..

============

جميلة .. * الجميلة * .. البريئة ..

اكثر وحده انيقة .. وذوقج يعجبني ..

كنتي مع خليفة مو شي .. و إهوا غلط ونسيناه ..

و بعدين كنتي مع فهد خوش وحده .. مطيعة وتسمعين الكلام ..

حرام على آخر شي خربتي الدنيا .. المسكين اعتذر وقاعد يحاول يصير زين

ماله داعي تصرين شيذي .. رجعي مثل اول قلبج قلب طير ..

================

سليم .. انت احسن صبي شفته بحياتي ..

وحتى الهندي الأذوه المثقف الي مع عبد الرحمن كان زين ..

================

كاسره .. * الفاتنة * الحسناء .. ست الحسن والجمال

في ناس بالصج نفس طبج بالضبط .. وانا ما احب هل النوعية منهم ..

بس جمالج الشي الوحيد الي عاجبني فيج .. بس قوة شخصيتج الفاضية ..

وسلاتج و أطباع مزنة الصغيره الي فيج كلها احط عليها أكس ..

اتمنى ما تكونين قدوه للبنات .. عشان انتي لو كنتي زينة شان عشتي بهنا ..

وعشتي أحلى عيشة .. وكنتي أسعد مره بالكون مع كساب ..

بس لأنج نكدية .. ذقتي الشقى والتعاسة ..

ناطره سر كوابيسج المرعبه يا ملكة جمال الرواية ..

=====================

امبية شكلي طولت وايد ... السموحة ..

نشوكم يوم الخميس ..



============

السلام عليكم

بسال البارت متى ينزل هو يوم الخميس بس كم الساعه اتمنى المساعده
وشكؤا لجهودكم