كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
صباآآآح الاكشنااات الأنفااسية
عندي تعقيب على كلام البناات انو زااآآيد يبي يطلق مزنة...!!!!
سلاماآآت نلعب حنا..؟! مستحيل بهالعمر وواحد مثل حكمته ورزانته ومكانته الإجتماعية يقدم على هالخطوة الطائشة.. هو تزوجها من أول يتحمل تبعات هالزواج مو سبب للطلاق إحساسه بالذنب. لو طلقها بيزيد إحساسه بالذنب أكثر وأكثر لأنه بيكون سبب في فضيحة لمزنة تتطلق بهالعمر .. زين أصلا الناس تقبلوافكرة زواجها عشان يتقبلون الطلاق :)
أنا مع البناات اللي قالوا ان خبر الحمل بيوصل لزايد عن طريق كاسرة وهي تتوقع أن الخبر وصله خلاص.. مثل منصور لما وصله خبر حمل عفرا عن طريق مزون
مممم أمووت وأعرف وشو الشي اللي يبي يقوله زايد لمزنة...!
ماأتوقع في سفر أبدا.. هو قال في موضوع يبيه فيها مو خبر..
يعني الموضوع فيه سالفة والله يعيننا ننتظر هالسالفة لان شكلها بتتاجل في الأوضااع الراهنة =)
علي وشعاآآع
وماآدراك ماعلي وشعاآآع...؟؟ الحين في نقطة مافهمتها.. شعاع درت أن البقعة منها ولا لأ؟؟؟ شكلها ماصدقته وللحين باعتقادها أنه خانها مع وحدة ثانية,
لكن لو تدري ان البقعة هي سببها يوم الأصنصير لكن زعلانه منه لأنه فكر بغيرها يوم ملكتها وهو مايدري انها هي.. فجد جد بتكوون سخيفة اذا بتسويها مشكلة... في أشياء يفضل تناسيها وأخذها ببساطة دام إنها عايشة بسعادة ماحلمت فيها وتنتظر مولود لييش التعقييييد ؟؟!! أهم شي انه ماخانها مع وحدة ثانية وانتهينا..!!
بس أتوقع انها ماصدقته ولسه ببالها انه يكذب بقصة الأصنصير والدليل يوم قالت له ( بتعلق كل شي بسالفة الأصنصير ؟ )
مسكين علي كسر خاطري شكل قصة الأصنصير بينذل بسبتها واجد وبيقعد يدفع الثمن مع كل مشكلة بحياته مايسوى عليه هالحب اللي بيطلعونه من عيوونه
فهد وجميلة
تدرين أنفااس هالاثنين يذكروني بفارس و عنود بأسى الهجران
أول شي انو فهد جلف مثل فارس ووسيم بنفس الوقت وصعب يعترف بمشاعره
وجميلة نعوومة ورقيقة وحلوة مثل عنوود ودمووعها أربع أربع
أدري انك ماتحبين المقارنات بين رواياتك .. :)
بس مع ذلك في فرق شاسع ومختلف بينهم من نواحي عديدة
ممممم عندي توقع غبي شوي وأدري مستحيل بس يالله نخرف لنا كم تخريفة
أتوقع جميلة بتزودها وماراح ترضى على فهد وبتظل بعنادها رغم محاولات عفرا اللي وعدت فهد تلين موقف بنتها
ولما تيأس من الوضع ومع رجاءات فهد لتدخلها بتلجأ لحيلة
أذكر انو جميلة قالت الله حلل أربع وخله يتزوج اذا يبي
هنا عفرا بتخطط مع فهد انو يوهمها انه تزوج عليها وجميلة ذيك الساعة بتخاف يسويها صدق وترجع له, وأكيد انها ماكانت تقصد كلامها اللي قالته, ياقلبي عليها تبي ترد اعتبارها و كرامتها اللي داس عليها فهد والله ماألومها اللي سواه فيها فهد جارح حيييل حيييل وصعب نسيانه فلازم يتعذب شويات
كساب وكاآآسرة
شكلها جد مثل ماقال كساب شوفته بتتعسر.. لانها ماراح تكون مثل ماتمنوا, كساب بيرجع البيت معصب ومتضايق من سالفة علي, وترجع الأمور مثل ماكانت وكأنك يازيد ماغزيت =)
العرسااآآن نايف ووضحى
الله يهني سعيد بسعيده, مدري ليه أحس انو نايف شاب عادي جدا مثل شباب هاليومين, يعني كل شباب القصة لهم كارزما خاصة فيهم وفيه شي أو كاركتر خاص يميز كل واحد فيهم, يعني قصدي آل ليث وآل زايد وآل فاضل وآل أبو مهاب كلهم حسيت شخصياتهم قوية وبدو بدرجة كبيرة إلا نايف حسيته شاب متحضر جدا مافيه بداوة و شخصيته ماأقول ضعيفة لكن لينة شوي, مدري أنفاس فهمتي علي ولا خخخخ ماني عارفة أوصل الفكرة :) يمكن مؤثر عليه تدليل خواته له,ويمكن لانه عاش بباريس 7 سنوات أو يمكن لانو لسه ماصارت له مواقف خاصة فيه كثير أو أبرزت شخصيته,
متشوقة أتعرف على مكنونات هالآدمي ومواقفه مع وضحى
سلمت يداك أنفااس وجعل هالإيدين ماتمسها النار ^^
|
11-03-11, 01:15 AM
مبروك البارت المئة .. مميز
جديد مواضيع قسم القصص المكتمله من وحي قلم الاعضاء
العرض العادي
