مساء الاوركيد
مشكورة على البارت وتسلم الايادي
=====================
بالفعل مثل ماتفضلتي ,,,,اللي صار مختلف عن اللي توقعناه :)
وهذا نهج انتي ماشيه عليه من ابتديتي تكتبين ,,,اللي دايم يصير مخالف للتوقعات
====================
وضحى ونايف
اللي بينهم مو شغلة مسج كاذب وموقف نايف الغاضب لو درا
هذي مشكلة عابره واتصور بيوم او يومين تنحل ,,,,لكن المشكلة بشي اكبر
وضحى لها حدود بحياتها وعلاقاتها ,ترفض احد يتدخل فيها وخصوصآ من تالي
عقب وفاة امهاب ,,,اتصور وفاته خلتها تبني حول نفسها واستقلاليتها حصون قويه,,
من باب انها فقدت السند ,,,,,,على العكس بالجهة المقابله عند زوجها نايف
حياته تعتبر سبيل لكل احد من خواته يحق لها تدخل وتطلع بحياته وتأمر وتنهي
وهو وظيفته الوحيده انه يراضيهم لو وحده منهم اخذت جزء من حياته اكثر منهم !!!
مع ان لو مره وحده بس وقف بوجههم وقال اخوتي لكم ماتغلى عليكم لكن حياتي
الشخصيه لاتتعدون حدودها ,اتصور انهم بيلتزمون بكلامه وهو بذاك الوقت بيرتاح
ويريحهم لكن الظاهر ان نايف تأخر عشان يحط حدود لحياته لان عقب زواجه
من وضحى لو فعلآ تعدو حدودهم ووقفهم عند حدهم ذاك الوقت بيقولون
انها هي السبب بقلبة اخوهم عليهم .
عشان كذا الخلاف اتصور ببكون ان وضحى ماراح تتقبل تدخلهم الوقح بحياتها
ونايف ماراح يهون عليه زعل خواته منه ,,لكن المشكله الكبيرة بتكون ان
وضحى بتدخل عليهم وهي عارفه ان خواته شرهم واصل للبعيد وهي بتكون
متحفزه لهم وبالمقابل نايف متزوجها وهو اخذ فكره عنها انها شخصية غير مرنه
ومتصلبه !!!!
========================================
مشكلة فهد وجميلة
وين المشكلة ؟؟
عندنا سببين لزعل جميلة ,,,الاول كلامه القاسي والجارح لها (في اليوم الثاني لزواجهم)
وتبعه غضب فهد وقسوته عليها ,,,,,وهذا جميله ماخلته يقرب منها لين يغير نظرته ويعترف بغلطته
ويعتذر ,وبالفعل صار !,,,,لكن نتج عنها نفور جميلة منه لانه ماتعامل معها بالتدريج والمرونه .
والسبب الثاني ,,,كف فهد لها ,,,اللي كان متوقع وحنا نعرف غيرة فهد الشديده ,,,,,,,
هي يوم جابت طاري ولد خالتها بعفويه ولع عليها عشان جا وقتها خليفه على باله ,,وهو كان
توه متزوجها ولاتعلق قلبه فيها مثل اللحين وماكان اصلآ شافه ,,,فاشلون وهو يحبها وشاف
خليفه المزعوم بصفاته المميزه,,,والمصيبه تقارن بينهم بنظرتهم للمعاشرة الزوجيه!!!!!
يعني هالكف لو احد عرف بااسبابه ماينلام فيه فهد .
النتيجه,,,ان عفراء ماعندها ضد فهد شي قوي غير كلام قاسي واعتذر عليه ,,,,
ومنصور وش بيلاحظ ؟؟ اذا فهد وعده انه بيرجع جميله بزواج نايف ويخليها تقعد عندهم
يعني اللي بيجي على بال منصور ان فهد وفى بوعده ,,,,,الا اذا شاف اثر الكف هذا حكي ثاني.
عفراء اللحين حاسه بتأنيب الضمير وهو المسيطر عليها وعارفه ان نفور جميلة بسبب تصرف فهد
اللي هو جاهل مثل ماامها جاهله!!ولو وصلت حكي فهد ورأيه لمنصور بتكون متأكده ان الموضوع
بيتأزم حيل لانها عارفه شخصية زوجها ,,,وبالمقابل هي شافت ان منصور رغم كبر سنه الا انه
عدل كثير من تصرفاته وشخصيته المتسلطه فااكيد بتكون متفائله ان شبيهه فهد بيتعدل لكن مسألة وقت.
لذلك هي ندمانه ان خلت منصور يتصرف بزواجها واللحين هي اللي بتتصرف.
(رأي شخصي خجول)
=====================================
فهد
مسكين لانه دخل هاللعبه وهو مقصده الاساسي مايرد منصور
مثل بالضبط ماقلتي كانت حياته هاديه روتينيه الا من مضايقات عرف اللحين
انها تافهه جدآ ,,,,,اهله مضيقين عليه عشان سواقته ! همه دورة يبي ياخذها
فرحته اكتملت بنجمه علقها !!!,كافي خيره شره ومن وقت لثاني يحلم ويتمنى بحياة عائليه
لكن مجرد ان يعرف طبايعه وشخصيته الجلفه حتى يلغي هالحلم !!
وجاته لين عنده حورية من حوريات البحر ,,,,قلبت حياته ,,مثل ماقلتي وكأنه عايش
مع نجمه كل شوي لها شكل وهيئه تذهله بدلعها ورقتها خلته يراجع حياته
وصار همه ان يصحى قبلها بلهفه مثل الطفل اللي يصحى عشان ياكل حلاوته
ويلتفت عليها وياحظه لو كان وجهها ناحيته ويقعد يتأمل فيها ,,,يومه كله
يقضيه وهو يراقبها ويتصيد المناسبات عشان يلامس جسدها ,,,,خايف عليها
من كل شي مايبي شي يبعدها عنه ولا يبي شي يزعلها عارف انها حساسه
وماتتحمل ,حتى وهو ياخذ حقه الشرعي واكتشف انها بنت زعل وانقهر عشانه
لانه كان يبي يكون اول ذكرى لها تكون ناعمه ورقيقه مثلها بالضبط ,,مع ان مثل ماشفنا
لو بغى ياخذ حقه من زمان اخذه لكن هو قهر رغباته واحتياجاته وهي قدامه كل ليلة
عشان يبي يفوز بالروح والقلب قبل الجسد,,,,,لكن للأسف هذا هو بيرجع لمصر
وهو مهموم ,,,وكأن حواسه كلها بتعاقبه ,,عيونه بتفقد شوفتها ويدينه بتنحرم لمسها
وانفه بيفقد عطرها واذنه بتنحرم من تغريدها واخيرآ لسانه ماراح يلقى ملهمته :)
وبيرجع لحياته الصحراويه بشهر 8!!!
لكن مثل فهد اللي ذكرته بيكون دافع له عشان مايخسرها للأبد .
اما جميلتنا الجميله اتصور فقط مجرد وقت لاغير وبترجع تفقد نظراته وشخصيته
وحضوره الرجولي .
لان كلمة اكرهك من جميلة لها معنى ثاني وخصوصآ ان لها سوابق مع هالكلمه .
======================================
اشكرك على انضباطك بالمواعيد وتعاملك الراقي وبالك الطويل
همسه في اذن بنت ابوي بن جدي ,,,,عظم الله اجرك وكتب الله لكم اجر الصابرين
08-03-11, 06:29 PM
جديد مواضيع قسم القصص المكتمله من وحي قلم الاعضاء
العرض العادي
