مســـــــــــاء الأوركـــــــيد
مشكوووورة على البارت ,,,,ممم بارت اليوم مو طويل لكن دسم بالاحداث المصيريه
مشكورة على النجمة وكلامك ,,,كلك ذوق ياأنفاس ,,,,,,بس
اذا انا مجرد قارئه ذكية وتحليلاتي مبهرة ,,,أجل وش نقول على كاتبة هالروايه
اللي القارئه تحللها ؟؟؟؟
=====================================
قبل مااعلق على البارت في تعليق لي على بارت 14 اللي كان قبل سفرك ,,,,,
عجبتيني جدآ جدآ جدآ واذهلتيني بقووووه ,,,بالأسلوب والفكرة اللي أدخلتي فيها شخصية
عاليه ونايف داخل دائرة الضوء بالروايه عن طريق نظرة عفراء لهم ,,,,,,ماشاءالله
فكرة ذكية جدآ ومخادعه جدآ ,,,,,اتوقع اخذت منك جهد عشان كبير عشان ترتبين الاحداث .
===
كســـــــــــــــــــــاب أجل العضلات من (البوش أب) وبيد وحده ماشاءالله ,,,وتقضي ساعتين
بالجم ,,,,,ماشاءالله ,,,,اذا يوميآ بالبيت بوش اب واكيد له مشوار يومي للنادي
فطبيعي العضلات تكون كذا .
====================================
نجي لبارت اليوم
امهاب وجوزا
مممم
صح الحمدلله موضوعهم تم بكل سلاسه ومرونه ومافي تعقيدات ابدآ ,,,,واهل عبدالله
ماقصرو خصوصآ ابوه بيض الله وجهه ,,,,,خاف الله في جوزاء ووصى عياله مايظلمونها
ولايقهرونها ,,,,وتمت الملكه على خير ,,,,,,ممممم بس تتوقعين خلاص هذي حياتهم؟؟!!!!
لالالا
عبدالله صدق راح من 3 سنوات لكن ماترك زوجه طبيعيه ,,,,ترك بقايا أنثى
اذا اختها شعاع كم مره تبرر تصرفاتها المرفوضه بسبب ماجرى لها وانها تغيرت 180درجة.
اذا هي بنفسها في اول الروايه انتفضت من طاري الزواج وقالت كفاية اللي صار لي....
جوزاء عاشت مع رجل (رفضها كأنثى) وهذا شي ابدآ ابدآ مو سهل ,,,,,اكبر جرح
للمرأه ان انوثتها تنرفض ,,,, انها ماتغري الرجل اللي قدامها ولاحتى تحرك فيه ساكن
مع ان اذا ماخنتني الذاكره جوازء جسمها جدآ رائع ,,,,ومع ذلك لما تكرم وتنازل
ماكان من باب اعجاب او رغبه (لان كلمة تنازل اللي قالتها جوزا ماتدل ابدآ على رغبه)
كأن واجب ثقيل كان عليه ولازم يقوم فيه ,,,,,,,هذي بحد ذاتها صفعة قويه عليها كأنثى ,,,
طيب خلينا من ناحية انها مااغرته ولا عجبته ,,,,,,,حتى كأنسانه قدامه ماحركت فيه شي!!!!!
معقول يدخل للغرفه ويسكت ,,,,حتى مايحاول يناقشها بشي او حتى يتحاور معها بموقف صار
له او موضوع عائلي حدث ويقولها رأيه الشخصي!!!!!!!!! معقول !!!!! كأنها هواء غير مرئي
يعني حتى قطعة الأثاث احسن منها على القليل يشوفها ويستخدمها ,,
لكن جوزاء ولاشي ولاشي ,,,,,ياربي اي اهانة هذي ؟؟!! اي تحقير هذا؟؟!!
ومـــــــــــــــــــــــــــــع ذلك,,,,,,,,,,,
تسمع الناس يقولون ليش مااخذتي كاسره له؟؟؟؟؟؟!!!!!!!!!!! بعد!!!!!!!!!
بعد كل الظلم والتهميش والاحتقار ومو عاجبتهم؟؟؟؟؟ يعني تلاقيها من زوجها اللي حطمها
ولامن اهله اللي حقرو منها ولا من المجتمع اللي اتهمها بالنحس ,,,,,ولا من خبر وفاته
اللي كسرها ولا من الحمل اللي في بطنها اللي بيظل يذكرها بلمسة عبدالله لها .
وبعدين تلاقي نفسها مسؤولة عن طفل يتيم ماله ذنب باللي صار ,,,,,وبالنهاية ,,,
بدل ماتلاقي حضن ابوها يضمها له ويحاول انه يجبر كسورها ويعالج جروحها
تلاقي اب قاسي يعاقبها على ذنب مالها دخل في غير انها بنت ومو ولد يحمل اسمه,,,,
انفاس,,,,,,,,,جوزاء بقايا بقايا انثى ,,,,,,ربطت نفسها 3سنوات بصورة !!!!!
لان الصورة مارفضتها ولاهمشتها مع ان صاحب الصورة يعني لها العذاب ,,,,,,
ماتوفقيني الرأي ياانفاس ,,,,ان امهاب بأنتظاره مجهود جبار وعقبات صعبه
عشان يعيش مع جوزا وابنها بسعادة مثل ماهو متصور؟؟
بس ناظري انفاس سبحان الله ربي عادل ومايترك حق احد,,,,,,جوزاء قالت ان العذاب
ابتداء من اربع سنوات عشان تنضج كاانسانه معقده مهمومه حزينه بسبب عبدالله
هذي الاربع سنوات هي نفسها اللي امهاب اذاق فيها المر لمزون وخلاها تعيش هالحزن.
================================
مزون
ياعمري عليها ,,,,تصدقين من يجي اسمها بالروايه انخنق احس حياتها تتك الصدر
حياتها رمادي كئيبه ومظلمه بقوه ,,,,,ماشفتها تنزل سوق ولاشفتها تلبس او تتزين
او حتى جابت طاري صديقات لها او زيارات ,,,,,,,,حياة تجيب الموت بشويش.
كل هذا بسبب كساب,,,,,,,,,,ومع ذلك طارت عيوني وانا اشوف ردة فعلها على خطوبة كساب!!!
مع ان علي يوم جاء بيخطب جميله وكان واضح انه يبيها مو عشان شفقة ,,,
كانت ردة فعلها بااااردة ,,,,,,طيب الاثنين اخوانها !!
لهدرجة تحب كساب ؟ لهدرجة كساب بحياتها كل شي هو سبب تعاستها وهو سبب فرحتها !!
ليش تبي تحط زوجته فوق راسها وليش هو بالذات تبي تشوف عياله ,,,,هل احساسها ان
الزوجة والاطفال بيرجعون الحنان تجاهها لقلبه اللي افتقدته من سنين مثل ماتفكر.
=====================================
كـــــــــــــــــــاسره وكساب
دايم وانتي تذكرين قوة كاسره سواء بالكلام او بالافعال ,,,,,,,,,,,لكن بارت اليوم
اذهلني بقوووووووووة كاسره ,,,,,,,,,,,
اول اول اول نقطة, وحده بقوة شخصيتها (ينفرض )عليها زوج يعني هي مااختارت!!!
تذكرين وش سبب اعتراضها على خطوبة عبدالرحمن لوضحى؟؟ انه ماينفرض عليها
قالت لها اذا انتي اخترتيه بكيفك بس ماتنجبرين عليه !!! ((وهي انفرض عليها كساب)),,,,
انفاس انتي متخيله موقفها؟ يعني ايش سنين وهي ترفض مبدء زوج اقل من الاربعين!
يعني لو بالثلاثين نقول ممكن تنبلع لكن بالعشرينات!! الفرق بينهم 3سنوات فقط
وماكانت ترفض وتسكت ,,كانت تقول خلهم يفطمونه ((وهي اخذت واحد عمره 29)),,,,
يعني كاسرة (انجبرت)على الزواج من (بزرعمره29) عشان بس جدها طلب منها ,,,
لو وحده غيرها كان عطت الموافقه لجدها وطلعت غرفتها صـــــــــــــــــــــــاحت لين داخت,
كان اعتصمت بغرفتها اليوم كله ,كان اخذت بنادول بسبب الصداع ونامت لين بكره .
لكـــــــــــــــــــــــــن
تنزل وتقعد معاهم (((وتدافع عن رأيها بالموافقه قدام امهاب وتهاجمه وتفرض عليهم موافقتها))
ماكأنها هي بنفسها رافضه ولاكانها منجبره ,,,بل بالعكس كأنها مقتنعه!!!!!
وابعدت تمامآ رأي جدها عن الموضوع .وكانها مازالت القويه اللي مااحد يفرض عليها شي.
ايش القـــــــــــــــــــــوة هذي ياكاسرة شلون قدرت تصغر الحزن والقهرو خيبة الأمل .
بالفعل انتي بنت مزنه
=====================================
سميرة وتميم
ممم
ماوضح شي لين اللحين ,,,لكن اذا مو غلطانه ,,حتى لو وافقو على تميم ,,لازم قبل
يقول راشد لابو صالح ان سميرة جاي لها خطيب ,,,صح؟ للان من باب ان لها عيال عم .
=====================================
انتظرك لاتتأخرين انفاس
أشكرك على انضباطك بالمواعيد وتعاملك الراقي وبالك الطويل
همسة في أذن معزوفة حنين,,,,اسمك من الاسماء القليله جدآ اللي اسرح كل مااقراها ,,اهنيك
على اختياره,,,اذا عجبك تعليق معناه صارت ارائنا واحد
همسة في اذن hna,,,تسلمين ياقلبي
04-05-10, 07:19 PM
جديد مواضيع قسم القصص المكتمله من وحي قلم الاعضاء
العرض العادي
