السلام عليكم ورحمة الله بركاته ..

كيفيك يا أنفاس يا أحلى الناس ؟ << نتمنى إنك بتمام الصحة والعافية ..

*********************************

نجي للرواية .. ما شاء الله لا إله إلا الله .. البارت قمة :)

************************************

أول حاجه ..

وش كثر أنا فرحانه من الخالة نورة ذي الموذية.. ودي أروح ابوسها على راسها .. << تصدقين عاد!

يا أختي أول مره بحياتها تسوي معروف أو جميل << طبعا كان بدون قصد ..

بس برضو الحمد لك يا رب << أجل هي كانت السبب إلي يتعذر فيه فهد !! << خوش حجه ..

كويس إنك دخلت وسلمت عليها .. كان الحين جميلة جالسه بالدوحة عند أمها وزيود ومبسوطة وفرحانه

وانت كان تحترق يا حرام ..

بس كنت أتمنى فعلا حاجه منك يا فهود ..

كان في خاطري فعلا ترجع مكان التدريب عشان تجيب لباسك العسكري لعيون جمول !!

المره هاذي ما شافتك .. بس يا ويك المره الجاية ترجع الاوتيل وانت مو لابسه

فاهم يا فهيدان ؟!؟ ايــــــــــوا نبغي إنشوفك لابس البدله العسكرية وتخلي جمول إتشوفها اوكي ؟

********************************

طبعا أنا كنت حاسه انه نجلا راح تجيب ولد إسم الله .. ما عليه يا أبو خالد المره الجاية ان شاء تجيب لك

نجلا بنوته حلوه وإتسميها (صافية).. او أي شي بكيفك << حلفي بس !!

هل المره جاي لك ولد شحليلة وإشزينه يمكن تسميه (راشد) على عمك ..

بس تكفى عاد لا تبوق بنت عبدالله .. إلا اذا كنت ناوي تخطبها لخلود ولدك ذيك الساعه عادي ..

وبعد .. دير بالك يا ابو خالد تسوي حركات و تلبس البيبي الصغير

وردي وتحط له شباصات وخرابيط كذا !! على أبو إنه بنفسك بنت (ياويلك)

ترى انا ما أطيق هل الحركات .. كفاية أختك علوي كانت تلبس ثوب أولاد المسكينه ..

***********************************

غانم .. على البركة وأخيرا الأيام قاعد تمشي وتمر .. والعرس قريب .. ترى كلنا ننتظره

وهالله هالله بمزون عاد ما أوصيك عليها ..

كفاية جميلة ما بقى أحد ما وصى عليها وشوف ولد عمك شمهبب معاها !!!!!!!

اول شي .. أمه وصته عليها وقالت له البنت يتيمة !

ثاني شي .. أخته عاليه بعد وقال لها .. انا واحد أعرف الله وأخافه ..

ثالث شي .. منصور مات وإهوا يوصي فيه ..

ورابع شي .. عمته عفرا .. << ومع كل هذا ما أكووووو فايدة ..

وش أقول بس .. مالي غير أدعي الله يحنن قلبه ..

أو أطلب منك يا غانم يا أبو دعاء سريع الاجابه .. تدعي لجمول

جايز انت واحد شفاف وقلبك ابيض ودعائك مستجاب ..


**************************

وطبعا ..

وأحلى ما في الموضوع عندنا بارت الجمعة ..

سلمت يمينك يا الغالية .. تخجلينا بذوقك وكرمك ..

الله يديم على قطر الفرح والمسرات والامان والاستقرار ..

وعلى جميع العالم العربي والاسلامي ..

في أمان الله ..

السلام عليكم


كيف الحال اختي



صراحه انا الحين مبسوطه لكرمك ومشاركتك في فرحتنا بسلامة ابو متعب



ومشكوره علي البارت بكره قبل نزوله واكيد بطلع شي مميز عشان هذا البارت بمناسبة سلامة ابو متعب



واتوقع ان فهد يبشرونه بسلامة نجلاء وبتقول جميله له كلام لين يقول لها تبين نصيرين ام ثم يكتشف انها توها عروس ماحد حضنها غيره الايام هذي مكثره من افلام رومنسيه


فديتك انفاس مشكوره وايد







الله يطول في عمر ابو متعب ويحفظه من كل مكروه

السلام عليكم ورحمة الله وبركاتة
الحمد الله على سلامة ابونا الغالي ابو متعب ومشكوره انفاس على فرحتك ابسلمت ابونا والله لتشوفون فرحتنه في جيته الله ايطوال ابعمره وايخليه لى اشعب اسعودي بس تعالو ياهل قطر لى الاحساء وشوفو العثيم والشوارع و الاحساء مول والحتفالت في جايت الغالى نرجع لى البارت رائعه يانفاس دايم والبارت فوق الخيال وعفراء بتعلم زايد بس عسه ماتقوال شي لنه ابيتعب بعد معرفة ان وسميه تدري وعس فهد ايلين مع جموال وتقربهم رحلت مصر ودي تكتبين عن الاحداث الي صارت في مصر وكيف تصرف فهد مع جميله هي الي بتقربهم من بعض صدق وحده من الخوات تسال عن زوجة اهل قطر اذا ماتشوف المعرس الي يوم الزوج هذي عادت البدو عموم في قطر والكويت والسعوديه ماتكلمه ولا شي وشوفه يوم العرس وانت وخضك زينه شينه اهم شي مراء صالحه وننتظرك يانفاس بكرة على خير في بارت سلامة ملك القلوب جعل ربي ايطوال ابعمره

السلام عليكم
ألف الحمدلله على سلامة خادم الحرمين الملك عبدالله وجعلها سلامة دائمة إن شاءالله والله دمعت اعيوني وانا اشوفه امس
جعل ربي يحفظه ويطول بعمره ويرزقه البطانه الصالحة
ونسأل الله العلي العظيم ان ينصر اخواننا اللبيين عاجلا غير اجل ويرحم شهدائهم ويشفي مصابهم
ويزلزل الارض تحت ظالمهم ويأخذه أخذ عزيز مقتدر

ونجي للقصة اتوقع ان عفراء ماتعلم زايد بالحقيقة (أو اتمنى ذلك) حتى يرتاح بحياته مع مزنة لكن لو عرف ان وسمية كانت تسمعه اعتقد بيحقد على نفسه وعلى مزنة بعد مع انه مالها ذنب
اما فهد وجمول اعتقد ماراح يصمد كثير
ونجي للثنائي المعذب عذبتو انفسكم وعذبتونا معكم خاطري اشوف كاسرة مرتاحة ومتهنية بحب كساب تكفين حققي هالامنية

لنا(اهل الكويت) طلب خاص يأنفاس مايصير تردينا
كلنا فرحنا بعودة الملك عبدالله وكلنا بنفرح بيوم التحرير إلي هو يوم السبت نبي هدية منج ولا حنا مانستاهل؟!

نحبك بالله يأنفاس
جمعنا الله بالفردوس الاعلى
من الجنة ووالدينا ومن له حق
علينا