السلام عليكم
يعطيج العافيه انفاس

[COLOR="rgb(46, 139, 87)"] السلام عليكم ورحمة الله وبركاته عزيزتي انفاس الف الف الف شكر على رواياتك الرائعة التي ادخلت البهجه في حياتي وانا اؤكد لك انها اثرت عليها اشد التأثير
بالنسبه لرواية الأمس واليوم فأكثر شي يميزها أن جميع شخصيات القصة تقريبا أبطاااااااااااال عجزت أطلع بطل معيين فلله درك أول تعليق لي على الروايه وهو يمكن يكون صاعقة لك لكن هذا الصحيح ان كاااااااااسره مستحيييل تكون حامل لأن يوم كان كساب مسافر اهي كانت عليها الدوره ومن يوم رجع واهي تقول له لاتقرب مني واهو يقول لها انا مستحيل اغصيش على شي انتي ماتبينه يعني اشلون طلعت حامل بالله هههههههههه صح ولا لأ
التعليق الثاني عجبتني جميله واهي تتخيل عيالها من فهد واهي تقول هاذا اذا عصب علينا بيفرهم بالفرامه يالله والله ضحكت من قلبي وأنا دموعي في عيني من حالتها ياقلبي عليها بس ويعطيك العافيه ياقمرررر[/COLOR]

اهلين انفاس اخبارج
بارت ولاا اروع بصراحه

مليئ باحداث تبهر الواحد وتخلي افكاره تشطح على قولة القايل

انيي لفهد
بصراحه استغرب ردة فعل القارات من فهد
ماقول الي يسويه صح بس بنفس الوقت فهد بشر ورجال شرقي
رجال تعلم وعاش ببيئه اول زواجه لازم يكون من بنت ماسبق وتزوجت من قبل
ولاا حد يزعل من كلمتي الام لها دور كبير بذي الافكار حد يقولي في حد بذي الدنيا
يدور لولده وحده وسبق تزوجت 90% مايدورون دوم الام تبي احسن شي لولدها
فليش تلومون فهد ان رافض ذي الزواج هو قناعته جي وهو مايبي يتزوج من حد متزوج قبل
وسبب عنفه وكراهيته ان انجبر بطريقه غير مباشره يعني لو منصور ماقال لفهد جان فهد عمره مافكر بالموضوع
ولاحد قرب من صوب جميله او غير جميله هاي واقع خل نفكر فيه شوي ونستوعب ليش فهد رافض

يعني مثلا وايد بنات اعرفهم يقولون لج نرفض نتزوج من مطلق او ارمل وذوله بنات فمابالكم بفهد
انا اعيد واقول مب صح الي سواه فهد وغلط تفكيره بس احنا نتكلم عن مجتمع جي تفكيره
الاغلبيه جي تفكيرهم انتوا نفسكم لين بتخطبون حد لخوانكم من بدورون ؟؟؟؟ اكيد وحده ماسبق وتزوجت صح..!

جميله
ينطبق عليج " وعسى ان تكرهوا شيا وهو خيرا لكم "
مرضج زواجج من خليفه سفرج للعلاج ومن غير امج واخرها طلاقج من خليفه كلها امور صقلت من شخصيتج وخلتج تكتسبين مهاره وهي التحمل .. اوقات الوحده تتزوج من شخص وتطلق منه مايكون نصيبها بس تتعلم من ذي الزواج شي هو مفتاح سعادتها فالزواج الثاني ... جميله لو تزوجت فهد اول واحد كان ماستحملته وبالنهايه يطلقون لكن كل ذي الامور الي مرت فيها
من جرح بسبب كلام الناس الي ذبحها وطلاق خليفه لها الي بين لها ان مهما كانت غلاتها فان الدلع والتصرف بطريقه عشوائيه بتسبب لها الم ويجلب لها كلام هي في غنى عنها
وهاي الي نشوفه معروفه جميله الدلوعه لكنها صابره لجلافة فهد والدليل قالت له تبي تخلي الناس يتكلمون راجعه لاهي من ثالث يوم .... جميله القبليه يمكن ما كانت بتفكر بذي الطريقه وبتفكر بس بنفسها وبسعادتها لكن التجربه الي مرت فيها خلتها تفكر وتنضج وتصير الزوجه الي تصلح لفهد ليش لان فهد شخصيه تشبه منصور ويمكن هاي السبب الي خلاه ياجل زواجه لان عارف الي ماساه منصور بتنعاد معاه....... لكن مع جميله ومع مرور الايام بيكتشف ان جميله صبوره والدليل بتتحمل كل تصرفاته و ممكن يصير موقف مع خالاته ويبين صبرها وانها حتى ماتدلع وتشتكي له وتتحمل الي اييها .... ولان جميله لحد الحين بنت فهاي بيخفف نظرته الشيييينه لجميله والي ودي لو ادش وعدل مخه ومخ كل ريال مثله

طبعا انفاس اشكرج واشكرج واشكرج
انتي اكيد عارفه ان ذي الافكار ماتنزرع الا من الاهل الي هم المجتمع وشلون تغيرين المجتمع بانج تدخلين الافكر الصحيحه عن طريق قصص فالبنات يقرون ويشوفون واحنا البنات بالمستقبل لين تزوجنا وكبروا عيالنا بتكون افكارنا غير وبنعلم عيالنا مبادئ ثانيه صحيحه ماتظلم المره .... ارد اشكرج لان قصصج تزرع افكار جميله وصحيحه وحلوه بعقول القرائ من غير ما يحسون والدليل اغلبية البنات رافضين الي يسويه فهد وانا وحده منهم ...


الحين انجي لكساب وكاسره
انفاس ماتعبتي منهم وهم ليحن بجزر متى بيجي مدهم
وانا اقرى البارت الي قبله والبارت ذي وانا كان بقلبي يقين ان كاسره حامل
بس لا الظروف ولا الوضع يسمح انها تتكلم اول شي كساب تعب واصابته خطيره
وعقب هواشهم الي كان بيادي لطلاقهم وايد امور صعبه منعتها وكنت اقول تنطر كساب يصير احسن عشان تقوله
لكن طريقة انها قالت عقب ما بشروها بحمل شعاع هاي خلاني اشطح بافكاااااري
مره ذكرتي ان كاسره شافت الغرفه وهي مفتوحه وانصدمت وماذكرتي شنو الي شافته
ومره قلتي ان كساب لما شاف كاسره وهاي شايله زايد الصغير خلاه يحس بتانيب الضمير
فهل من المعقول ان كساب ياخذ شي يمنع ان الحمل يصير ؟؟؟!!!!! وكاسره درت من فتره بسيطه
وتنطر تفتح له الموضوع ولان ماصار عندها اي صبر خصوصا مع تصرفات كساب
فقالت خبر حملها عشان ينصدم كساب ويفقد اعصابه ويستنكر جدام ابوه
فيصير بين خيارين يا ان يعترف ان مايبي كاسره تحمل او ان يتهمها بشرفها
وطبعا مستحيل يسوي الثانيه وهني لين درى زايد اكيد راح يجبر ولده يطلق كاسره

شفتي يوم اقولج خليتي افكاري تشطح فووووووووق
كساب يحب كاسره لكن مايقول لها ولا يعبر عن حبه لان خايف لو هو الي عبر اول تقوم كاسره تشوف نفسها ويصيدها غرور ... ليش مايفكر مهما شاف غرور كاسره بس بالنهايه هي بنت تعلمت وعاشت بمجتمع ان هي مهما حبت وعشقت ماتكون الاولى باظهار مشاعرها وان الخجل بعد يمنع كاسره مهما صار هي تبقى امراه والمراه حياء وخجل حتى بعد الزواج

لكنه ما فهم ولاا طبق كلام الجد يوم قاله ان كاسره مثل الخيل ماتكسرها بس تعسفها
هو يفكر ان هو بيعسفها اذا خلاها تعبر عن حبها له بالاول وان على قولة القايل جاب خشمها وخلاها تحبه
لكن للاسف كساب خلاص كسر كاسره كسرها وماتوقع الاثنين ممكن يكملون مع بعض
الا اذا صار شي كبيييير بينهم لان حتى مره تخيل لو مرض كساب اكيد بيقرب مرضه الفجوه
لكن هو بغى يموت وتكسر وفوق هاي بدل مايقربهم بعدهم

وانفاس بغيت اسالج شنو سالفة حلم كاسره ؟؟؟!!!
هل معقوله كاسره جايتها عين او حد مسوي شي لاحد يستبعد لان هاي الشي مذكور بالقران
وهاي سبب احلامها

ننتظر اليوم البارت بفارغ الصبر عشان بس نقراه
والله يعطيج الف الف عااافيه

بعض البنات مستغربين حمل كاسره بس في بارت لما راحوا المؤتمر في البحرين نسيتوا