كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
بارت اليوم ام سعود قمه في الابداع ولله خيال قليله عليه ماشاءالله عليتس ام سعود احداث اليوم مصوره بشكل خيال واكثر ماعجبني بصراحه طريقة كاسره وهي تبلغ عمها بخبر حملها تدرين ام سعود هذي اكبر صدمه وجهتها لابو الهول
تدري انك سخيف وحقير وقليل حيا وادب وماعندك مروه ولا مرجله وحسافه تنسب الخالد آل ليث انت منويش مخلوق يعني تبي تقنعنا ان اللي انت سويته مرجله وصلابه وقوة شخصيه لاولله هذا مانسميه الا قل سنع ياخي على صلابة وجلافة كساب ماوصل مواصيلك مع كاسره وعلى قوة وصلابة وجلافة منصور وعلى قول الكل انه شبيهك ماوصل مواصيلك لامع حريمه اللي ماحبهم ولا مع عفراء اللي حبها مع انها ماترضى على عمره بالهينه ووقفت له لين نخ لها وترجاها
اللي انت تسويه مايسماء الا قلة حي وردات سنع لاتعرف تكلم ولا تنتعاشر مايخالف انت ماتقبلتها وماتبي قربها طيب ماتعرف تحتفظ فيه النفسك وبلاه التجريح والحركات الناقصه البنت من دخلت عليك وهي محترمه نفسها ولا حتى بينت لك اي ردة فعل لا تقربت ولا نفرت وباين انها محترمه نفسها ومحترمتك وبتعيش حياتها معك بالاحترام المتبادل
وبعدين على مين تلعبها تبي تقنعنا وتقنع جميله انك عايفها ونافر منها لايولد الناس انت من خوفك انها تتملك القلب والروح وحضورها المسيطر عليك تحاول بجميع الوسائل عشان تقنع نفسك اننك ماتبيه ونافر منه يبن الحلال سو ماناس يسوون وتقرب ولو مالبنت ماتصلي كان علومك ضاعت من زمان ولو انت رجال على قولك مارح تتحمل ذا الزين قدامك
ياخوفي انك ماتدخل على جميله الا قبل سفرك بيوم وتكتشف انها بنت مالمسها خليفه وتسافر وانت بحسرك سواها اخوك قبلك
تدرين انتس اعجبتيني كاسره باللي سويتيه خليه يستاهل ماجاه الغبي اصعب ماعلى الرجال ان زوجته تخبي علي شي مثل هذا وهي بصراحه ماتنلام يوم سوتها العدة اسباب
1سبب انه عايش معها بغموض ولا عمره صارحها بش عن حياته ولا معتبها زوجه له تشاركه بكل شي عايش بغموضه
2هو يوم شافها تعبانه وتاكل حبوب ماسئل وشله تاكل فيتامين خاصه انه مو من عادتها
3عدم ابدائه اي رغيه في انها تحمل اوي يبي بيبي منها بلعكس اللي فهمته منه ابد مايبي جاهل امه كاسره حتى انه وشلون بتربيهم
4الجو المكهرب بين الاثنين مو معقوله تجي تقولك خبر مثل هذا
5الحوار شبه مقطوع بينكم واذا واحد منكم كلم الثاني كلامه كله تجريح يعني ابد مايساعد انها تبلغك مثل الموضوع هذا
يعني الطريقه اللي وصلت لك كاسره فيها خبر الحمل افضل طريقه وترا اخير لك وعشان ماتضيع اللي بقى لك بقلبها لاتبدي اي ردة فعل غبيه من اللي تسويها دايم لان لانت الزوج الحبوب اللي يتوقع منه ردة الفعل الطبيعيه لأي رجل بلغ باول فرحته خاصه له فتره متزوج
عشان كذا كاسره مابغت تتعب قلبها وتسمع كلام ماتبي تسمعه وتريح مخها وهي تعبت من الجدال معك على العموم مبروك الف مبروك كسوره انتي صبرتي وربي عطاتس على قد نيتس بغيتي البيبي لو الحياة مومستقره مع كساب
الف الف مبروك علي انت وشعاع لبي قلبتس وربي انتس تستاهلين علي وتستاهلين ذا الفرحه الله يتمم عليكم بخير ويرزقكم البنوته الحلوه مادري عندي احساس انك بتجيك بنت وكاسره ولد
تعجبني ابومهاب ليت كل من صار رجال يصير مثلك ولله انك كيلان
وشفيها لو الرجال تنازل واعتذر الزوجته وطيب بخاطرها يصير اعقل والمره مخلوق من ضلع اعوج ومهوب تسميح خاطرها ضعف بالعكس خذ بالخاطر وتقرب لها
وانتيي ولله عاليه بجد ملكه حلو انتس صارحتيه باللي بقلبتس وعلمتيه باللي مضايقتس كله عشان يحلها ولا تبين بالخاط شب عليه وهو مايبي يضايقتس حلو جوكم ماشاءالله
مشكوره الف شكر ام سعود على البارت التحفه ولله يوفقتس يارب ويخلي لتس سعود وابوسعود ويرزقتس ربي باخ او اخت لسعود بس بعد الروايه لايسوي مفعول الحمل عمايله معتس وتوقفين الروايه
|
18-02-11, 06:44 PM
جديد مواضيع قسم القصص المكتمله من وحي قلم الاعضاء
العرض العادي
