كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلام عليكم ورحمة الله وبركاته مرحبا يامرحبابالطش والرش 000000الحمدلله على السلامه
حي الله بنت قطر وانفاسها اسفرت وانورت00مرحبا والله بعدد قطرات المطر
00على طاري المطر00باقولتس انه في يوم عودتس الميمونه00كانت الاجواءخياليه عندنا في الرياض >> رجعتس كلها خير ياوجه الخير انتي
المهم في هذااليوم التاريخي بعلمتس وش صار00000اسمعي ياطويلةالعمر
00من يوم غبتي عنا وانا تقريبا ادخل يومياً واشيك على الروايه00الا يوم رجعتس
لان مثل ماقلتلتس كان الجو صراحه شييي000على ضوءه قرروا الاهل انا نكشت من بدري 000وطلعنا بموكب مهيب يوازي الحدث >> قولوا ماشاء الله
000ومضى الوقت ممتع مع صوت المطر والرعد00واللهو والانطلاق 00والشوي
والحركات >> تمنيتكم معاي وكل الحبايب والله
ورجعنا والكل مبسوط ومنتشي وخاصه انا 00لاني اعشق رائحة المطر عندما
يلتقي برمال الصحراء احساس لا يعرفه الا من جربه
وحين رجعت لقيت مفاجئه لا لا لا قصدي مفاجئات تنتظرني عشرات الاتصالات والرسايل على جوالي من اشخاص متعدده بنات العمام، بنات الخوال،بنات
الاخوان، الصديقات ومناطق مختلفه الرياض، جده،المدينه، الطايف،تبوك،
القصيم، حايل،ينبع بس كلها فيها شي مشترك اللي هو انتس رديتي علي
000لا وبعدمعطيتني خــــمـــــس نجوم مرة وحده000هنا عاد مااخفيتس اختلطت عندي المشاعر000مانيب عارفه وش اقول بس تخيلي ان وحده قاعده
تكذب عليتس كذبه كـــبـــيـــره وحــــلـــوه ولــذيــذة وانتي عارفه انها كذبه مع كذا ودتس تصدقينها00في هذا الوقت بالذات استحضرني بيت شعر يقول:
كل جرح فات لي منك هديه .. وش بلاك تخاف من رد الهدايا ؟
يمكن تتسائلين ليه ماصدقت0000احححممممم00 اولا لان تاريخي مع اغلب المتصلات سواد وجه000ذابحتهم مقالب وخطط00بس مهوب من النوع المؤذي والخطير ولكن المحرج غالبا000اقربها في الاجازه القصيره اللي فاتت اجتمعنا كلنا في مناسبه كبيره وطبعا كالعاده انا ماقصرت 00في مجموعه طيبه منهن000لا وقمت اتبزز عليهن وانا متقمصه شخصية كاسره >>
رجاءً ممنوع الضحك 00ايه كاسره وش فيها 00لا تطالعوني كذا
وهذا هو بالظبط السبب الثاني اعجابي الكبير برواياتس وتقمصي لشخصياتها دائماً000وغلطة الشاطر بعشره على مايقولون عمرهم ماقدروا
علي 00يحاولون اي نعم بس مايمديهم0000والسبب الثالث اني مالقيت دليل يثبت لي صدقهم 000الا بعض البنات الثقاة اللي اقسموا وغلظوا الايمان ان هالكلام صدز وحقيقي وانهم قارينه بانفسهم لا وفي مدح بعد
ويل ويلي شيب عيني طر جيبي ويل حالي
ودتس عاد تشوفيني يوم استوعبت وصدقت 000اهئ اهئ اهئ معقوله انفاس
بحجمها وقدرهاومكانتها تخصني انا من بد الردود الكثيره بخمس نجوم
>> والله اني كنت راضيه بنجمه وحده 000لا لا هذاك اول والاول تحول
الحين اطمح للعشر 00ادري ما انعطى وجه
ايه وقالوا لي بعدانتس تقولين اني ذكيه ورائعه 00روحي ياشيخه الله يسعدتس دنيا واخره وينولتس اللي ببالتس ويصلحلتس سوسو الصغير
000هاه يابنات سمعتن الحين انا عندي شهاده موثقه بالذكاء لا حد يتحرش بي خاصه راعيات المدينه00جاكم الدليل المادي وبواصل مقالب
>>> لالالا استغفر الله انا حرمت وتبت على يدتس يانفوسه لاني معاهده نفسي
ان طلع الكلام ذا صدز ومهوب مقلب من ضحاياي فان توبتي نصوح
اناالحين قلقانه وافكر بمستقبلي حظي شكل مشكلته عويصه00 الحين الجميع يتشفق رد انفاس عليه ناهيك عن نجومها 000وانا يوم ترد علي وتغدق علي بالنجوم00تقفل الصفحه مع اني ماخليت شي ماجربته 00مفتاح 14 ، وافتح ياسمسم00كلها خارت قواها قدام هالصفحه 156 والحمدلله اني
مانيب متشائمه والا اتطير كان كرهت هالرقم 000مع انه بيقعد بذاكرتي
00000000000000000000000000000000000
وكل هالكلام والمقدمه الطويله العريضه يانفوسه000فيس مستحي على قولة البنات00ابيتس تاكدين لي هالكلام ولو بكلمه وانا بافهم اما اذا فيه عليتس كلافه000 فانا خلاص صدقت ولكن ليطمئن قليبي00خخخخخخخ
والحين 00فيس دموعه تصب ومتاثر مررررره0000شكراً انفاس قطر
ومرة اخرى ارحب بعودتس ياملكةً تربعت على عرش الالتزام
|
01-05-10, 05:06 AM
جديد مواضيع قسم القصص المكتمله من وحي قلم الاعضاء
العرض العادي
