مســــــــــاء الأوركــــــــيد
مشكورة على البارت وتسلم الايادي
طبعآ يامجرمه مارضاك ان يوم الخميس تكون قفلته حنونه ,,,فاقلتي اعطيهم الجمعه
بارت اقفله بقفلتين مؤلمه عشان ارتاح نفسيآ ,,,,انتي متأكده انك كشتي امس؟؟ احس انك رحتي معتقل
على هالاجرام اللي فيك .
============================
كساب وكاسرة
تدرين يوم حطيت نفسي بمكانها وهي مشاعرها تجاه كساب بهالشكل حسيت بعدم الامان
سفر كساب بالنسبه لها يعني لها اشياء ابدآ ماتبيها ,,,ماتفدر تنام الا بحضنه ,,,,
كوابيس ودعتها من صارت تنام بين ذراعيه ,,,احساسها بالامان وهي معه .حتى لو تظاهرت انها
تتضايق من تواجده حولها وكأنه بودي جارد لكن هي تحتاج هالامان والتواجد,,,,لكن
من اول الروايه وانا اشوف شلون شخصياتهم قويه ,,,طبيعي مو بين يوم وليلة بتلين كاسره
وتصير مرنه وسهل ان يقودها ,,,,وبنفس الوقت مب طبيعي كساب يصير وديع وواضح ولين وتقدر
تفرض رأيها وأومرها عليه ,,,,شخصيتين اصلب من بعض واعند من بعض ,,طبيعي يحتاجون
وقت طويل عشان يوصلون لنقطة الوسط ,,,,,,لكن السؤال ياانفاس ,,,لو واحد فيهم حس انه بيفقد
الثاني تتوقعين بيستمرو ن بالتمسك بشخصياتهم الصلبه ؟؟!!!
======================================
علي وشعاع
كنت اتوقع ان شعاع بتقلب على علي يوم زفافهم بسبب ان عرض عليها الزواج
وهو توه مكمل 24ساعه مملك عليها ,,,,لكن موضوع رأي الطبيب وتوصيل مزنه الرأي
لشعاع ,,,عطى بصراحه احداث احلى ,,,
ذبذبة تفكيرها تجاه علي كنت متأكده منها,,,حكمنا على شخص من معرفه غير ويختلف تمامآ
من حكمنا عليه من معاشره واحتكاك يومي ,,,الاخير يكون اصدق .
والدليل ,,,,يوم زواجهم لما شافته اخذ وقت طويل بالقيام والورد رجحت ان تصرفه تمثيل
لكن مع احتكاكها معه تأكدت من شخصيته الحقيقيه واكتشفت مزايا كثير فيه .
مممم
دايم يقولون مراية الحب عميا ,,,,,,,طيب بتصرف شعاع عند الطبيب وسؤالها له
(لانها وصلت لمرحلة من الخوف والتوتر ماتقدر تمسك نفسها عن هالسؤال)
هل حب علي لها بيخليه يغض النظر عن تصرفها او بتجي اللحظه اللي لازم شعاع
تعرف ان في احكام عشان نصدرها على شخص ماينفع نصدرها من خيلاتنا لازم يكون
في جواب واضح وصريح ومؤكد,,,,,لان من رأي الشخصي حتى لو هي ماشافات مزنه قبل تسافر
بسبب وجودها عند ابوها ,,كان ممكن تطلبها بالتلفون وتستوضح منها السالفه او حتى ممكن
تطلب من علي يوضح لها الموضوع و وش علاقة مرضه بأدائه الزوجي ,,,,لكن اني افرض احكام من خيالي
اشوف انها برائتها وصغرها خانوها .
============================
فهد وجميله
جملة فهد غريبه شوي ,,,,قال (طلب ) يعني مو شرط
والطلب هذا المقصود منه منصور مب جميله ,,لانه قاله (قبل ماتسألها),,,
تدرين انفاس احس ان شوفة جميلة لزوجة خليفه ومعرفتها بزواجه جات بمصلحتها
لان هي انهت هالمرحله من حياتها وقفلت فصل من فصول حياتها صار ماضي ,,,
فهذا بيخليها تفكر بطلب خطوبة فهد لها ,,,,او انها بتقول مثل ماراح تزوج ونساني
حتى انا بوريه اني نسيته .
ياخوفي يكون مصير خليفه مثل مصير سمية!
انفاس ماتلاحظين انك كتمتي على مضاعفات مرض جميلة ,,,مثل العذر الشرعي
وحملها ,,,,ممم بصراحه مااذكر اذا اشرتي لهذي النقطه اثناء حوارات جميلة .
لان الطبيبة قالت حتى لو تعالجت بتظل فترة ماتقدر تحمل .
===================================
انتظرك لاتتأخرين
اشكرك على انضباطك بالمواعيد وتعاملك الراقي وبالك الطويل
22-01-11, 07:01 PM
جديد مواضيع قسم القصص المكتمله من وحي قلم الاعضاء
العرض العادي
