كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلاااام عليكم ورحمة الله وبركاته
الغاليه أنفاس .. مبروك ع التكريم والله انج تستاهلينه بكل جدراة ..
بالنسبه للجزء اللي فات قنبله
همسه قبل كل شي لـ الحلم الضائع وأنثى الأمل
ماشاء الله توقعاتكم كأنكم تدرون اني افكر فيها
ليش ما تخلون لي توقعات اتوقعهااا
بالنسبه لحلم كاسرة ..
بما انها في فترة طفولتها فقدت ابوها وفقدت الأمان .. فهي بعد زواجها من كساب لقت الأمان ..
لكن الحين لانها راجعه غصب عنها ونفسيتها تعبانه فالأحلام هي مؤشرات لفقدانها الامان ..
هل راح يصير لكساب شي ويخليه يختفي من القصه ؟!
انتي قصتج اسمها بين الأمس واليوم ..
يعني اللي صار بالأمس بيصير اليوم والدنيا دوارة
كساب ..
يا اخي تعبتنااا بقوارة راسك الأ تبيها تقول تحبك وانته صنم ؟!
اعترف صرح .. بوح .. بحبك لها ..
بتلقاها عجين بين يديك شكله مثل ماتبي ..
ترى الكلام الحلوو يحلي الحياه الزوجية ..
وانتي يالرقله
بيني حبج له مو بس جرحج وجرح شعورج .. ساعات الدوس ع الجرح ومواصله الحياه يجيب نتيجه
لا يكون قلبج اسود
تبين تأدبينه أدبيه ..
فالحه بس تعطين جوزاء نصايح وانتي ما تنفذين؟
ترى لين فات الفوت ما ينفع الصوت
زايد
خف ع مزنة شوي
بتذبح الحرمة ..
لكني احسك راح تكرهها بشده رغم نفورك من مزنة الحاليه وهيامك بمزنة الطفله ..
لكن حاله الأ وعي اللي عندك مخليتك مشوش الحين ..
الله يستر ع المخلووقه منك ..
مزنة ..
تمالكي روحج يا بعدهم
ترى زايد عنده عيارات ناريه من الثقيل ..
الظاهر انه داخل دورة تدريبية عسكرية وراجع بكل المخططات ينفذها عليج ..
سميرة وتميم ..
يالبى العشااق يا لبااهم
عاليه وعبدالرحمن ..
ياحلو المعاشيق لما يتراضون ..
والله يستر عليكم من نايف واللي بيسويه فيكم
فهد..
اقول اقعد مكانك يالأثوول واحد يفتن على اخته ولو عند خالها صديقها الروح بالروح .!
ولا في ليله ملكته وعرس بنت اخته .!
مزون ..
هذه عادتنا يالبنات نروح علشان نشوف العروس تغيرت ولا لااء ..
بالمختصر نروح نقز ونرجع .
متى راح نجوف اللقاء اللطيف بينج وبين غانم؟
جميله ..
ليش التشائم ياقلبي ..
ان شاء الله كل الخير يجي لج ..
والحياه ما تتوقف عند موقف واحد بس ..
الحياه مواقف واحداث ..
بس خلج انيقه على طول .. وفالج طيب..
عفراء ومنصور ..
مفتقدينهم ..
بصراحه عفراء وايد مقصره في حق زايد ومزنة ..
وتزوج على اختج بعد عمر طويل .. ماوفى لها 17 سنه حتى ولو ظاهرياً من حيث الحب المكتوم في قلبه لمزنة ..
منصور بليز يعني
ما نبيك تزوج جميله لفهد..
هذا واحد شاب ضوو وما ينفع لها ..
هذه يا دهينه لا تنكتين ..
تجيب لها برميل بترول مولع !.
تحترق البنيه .!
عبدالله وجوزاء
الرقيقين حد الثماله ..
الصراحه شخصيه عبدالله جدا راقيه .. ورجولية فظيعه ..
جوزاء .. رقيقه لحد اللطاافه تفكر في دراستها علشان تكون مكمله دراستها فقط والباقي تبي تتفرغ لحياتها الزوجيه والأمومية ..
لطيفه بشكل كبير .. <3
صالح ونجلاء..
لما كانت تبجي واهيا تعدل شنطة عاليه ..
حسيتها اهيا اللي مزوجينها غصب .!
رقيقه كالعاده ..
باي ذا وييه يعني
من زمان ما شفناج ويا صويلح وأمواج العسل .. P:
موقف بو صالح ويا فهد ..
صراحه انا ودي اجوف العقال لما يعلم على جنوبه
صادق يا بو صالح
العقال والخيزرانه محد يكبر عليهاا
والمثل يقوول
كل ما كبرتووا دبرتوا؟!
همسة يا أنفاس ..
شكراً جزيلاً على أنضباطك بالمواعيد .. والتقدم عليها بعد ..
ماشاء الله عليج توقيت أنجليزي مضبووط p;
ولاحول ولا قوة الأ بالله العلي العظيم .
|
13-01-11, 09:22 AM
تعقيب سريع
للروحــــــــــــــك
جديد مواضيع قسم القصص المكتمله من وحي قلم الاعضاء
العرض العادي
