كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
[SIZE="5"]السلام عليكم
ماشاااء الله تبااارك الله عليك يانفوسه مبدعه في كل شي في اسلوووبك ووصفك للمشاعر،وفي سلاسة الاحداث والتعبير،والحبكه والتشويق قمه في الرووعه،بس الجزئين اللي طافت فاااق ابداعك مستوى الرووعه،بصراحه ماشفت ولاراح اشوف له مثيل في عالم القصص،ابداااع تعجز الحروف وتتلاشى الكلمااات عن وصفه،مااقدر اقول إلا تسلم أناملك الذهبيه على هالبارتات...
اممم راح اعلق على الشخصيااات كل شخصيه على حده،،بسم الله نبدأ التعليق:
[COLOR="Purple"]زايد [/COLOR]يااااه وش هالحاله اللي جاتك،ماارتحت وانت بعيد عن مزنه ولاارتحت في قربها!!
ياخي ليش ماتنسى سراب مزنه الماااضي وتعيش وترتوي من مزنه الحاااليه،،يعني بالله عليك كنت متوقع انك راح تلقاها نفس منت خابرها اكيد راح تكبر وتتغير،،للمعلوميه كل شي يتغير في الأنسااان اذا كبر إلا صووته سبحان الله جلة قدرته،،فاحمد ربك ان بقى لك غير صووتها شعرها اللي ماغيرته،يعني قصته او صبغته،،المهم ياطوويل العمر إذا ماقدرت تتأقلم مع مزنه مالك إلا انك تفقع عيونك و تدعي العمى عشان ترتاح،،وانت جعلك تحيا لك سوابق وقد احرقت يدك عشااان الحب يعني مافيه مشكله تسووي كذا !*_~!
مزنه شفتي وش سويتي في زايد حرااام عليش هبلتي باالرجااال في مراهقته و في كبره،ياحلووك وانتي تقولين احبك يازايد وياحلووك وانتي مستحيه،شكلك بتتعذبين معه،وبتنقلب الآيه وبتصيرين تموتين فيه وهو بيبرد حبه لك،بحيث كثر ماكرهتي زاايد القديم راح تحبين زاايد الحالي وهو كثر ماحب مزنه القديمه راااح يكره مزنه الحاليه،ويمكن يلقى فيك مزنه القديمه إذا شافك عصبتي على كااسره او تميم،وفي هوشاتك معهم ومحاولة حل مشاكلهم،وبيني وبينك يامزنه شكل زايد مايحب المرأه الهادئه المطيعه ذكرني بمشعل آل مشعل زوج لطيفه في اسى الهجران،وتدرين وش اكثر شي خايفه عليش انتي وزايد منه؟احساس الذنب اللي بيصير لزايد إذا درى بهلوسته باسمك عند وسميه وجرحه لها بدون قصد..
[COLOR="Purple"]عفراء[/COLOR] فقدناك انتي ومنصور في هالجزء،في انتظاار مواجهتك مع مزنه اللي اكيد راح يكوون فيها شي من نفحااات الماضي،والله يستر منها..
[COLOR="Purple"]كساب[/COLOR] ياالله وش هالتعقيد واللف والدوران عندك،شكل علي اخوك خذ الرومانسيه والصراحه كلها وخلى لك الجفاسه والتعقيد هههه،الله يعينك على نفسك..
[COLOR="Purple"]كاسره[/COLOR] ياووويلك وياسووواد ليلك من امك،ياهي ناووويه عليك نيه انتي والمعقد كسابوه،ادري ان مالك ذنب والذنب كله على كساااب إلي مدري متى بيعقل ويخلي التهور والاستعراض منه،،ويترك عنه فرض قووته ونفسه عليك،،اقول وش عندك طولتي في اغماءتك ليكوون سمعتي اعتراف الجبان كساااب بحبه وطولتي على امل انه يزيد الجرعه هههه..
تميم ريلاكس مااان،شكلك بتجيب العيد بانفجارك واندفاعك كالعاده،ترى مانرضى على سموور ابد،،وتراني معها عليك،لأنك انت اللي بديت بالخطأ وانت اللي اشعلت نار المشاااكل اللي صارت في حياتكم،وانت السبب في خووفها وخجلها وحالتها اللي هي فيها..
[COLOR="Purple"]سميره [/COLOR]ماقصرتي ورايتك بيضاء ،جربتي كل الطرق واديتي اللي عليك مع تميموه اللي مايستاهل،بس عشااان خاطري ياسمور ياليت تمشينها له هالمره وتحتوين غضبه وتعذرينه على ثورته تراه منصدم من اخته من جهه وفاقد امه من جهه ثانيه..
[COLOR="purple"]عبدالرحمن [/COLOR]يازين من يدق فمك بالجوال لحد ماينكسر،ياشين الورعان إذا خلوهم يكلموون قبل العرس،الشرهه مهيب عليك الشرهه على اللي قاعده تكلمك من ورى هلها،صدق ان الرجاجيييل مايعطون وجه،بالله عليك هذا كلام واحد عاقل يقوله لمرته اللي مابعد تم زواجه بها،مهما كانت المبررات فانت منت ملزووم بزواجك من وضحى،إلا اذا كنت انت السبب في اللي صار لها،وإلا غيره فعندها اخيها،ومابينها وبين بيت امها إلاجدااار متى مابغت راحت لها،هذا غير زايد اللي بيحطها في عيونه،بس شكلك ما عرفت ان تميم بيشتري البيت اللي جنب زاايد إلي هو بيت كساااب ،يمكن إذا عرفت تهون عن فكرة الزواج بس وش عاد بيرضي عاليه عليك،لانك جرحتها واااجد..
عاااليه تعجبيني ياقدعه،وري الدحمي العين الحمرااء،وسمعيه من الكلام السام والجااارح،وعلميه باالكلام اللي يجمد على الشارب،وقولي له ترى بنت آل ليث لحمها مر،ومو اي كلمة حب تسندها وتحدرها،رجاجيل اخر زمن ماينفع معهم إلا التطنيييش خعخع...
وضحى وش سبب غموووضك؟ووش اللي صار لك قبل ست سنين؟ لتكونين تعرضتي لتحرش اواغتصاااب او محاولة اختطاااف اوقصةحب فاشله او شي من هذا القبيل،بس غريبه اذكر في بداية القصه ان امك وكاسره حريصين ويخافون عليك ومايخلووونك تطلعين بروحك،وخصوصا كاسره اللي كانت ناشبه لك في الطالعه والنازله،معقووله تكون كاااسره عارفه باللي صار لش قبل ست سنين؟! وهذا اللي خلاها حريصه عليك...
مشكووره يانفوس على ألتزامك معنا،ومشكووره على هدياك اللي فرحتينا بها،والله مافيه ولاكلمه توووفيك حقك اوتعبر عن مدى شكرنا وامتنانا لك ياالغلا..
استفسااار بسيط للحلووين متى موعد البااارت؟ادري انه يوم الثلاثاء بس هل هو صباحا اومساء؟وشكرا مقدما لمن يرد علي..
|
20-12-10, 04:32 PM
جديد مواضيع قسم القصص المكتمله من وحي قلم الاعضاء
العرض العادي
