عزيزتي عقب البسمله\والسلام,,,
غاليتي ضـــــــاع الحكي من أوله,,,


كعـ(أنفاس قطر)ـــــــادتك مبدعه,,,والأبداع يصل اليك ليقف

ويعبر عن ذاته المسيطر على أناملك,,,


انا لست بقارئه أو متذوقه للفن من جديد ’’لكن متذوقه اليه

من بعيد وأبى ابداعك الا ان نصفق لكي بكل ما أوتينا من قوه

وأن أخرج من قوقعتي لأكون من ضمن الشاهدات على روعة أسلوبك

وفن تقديمك,,,, فدمتي لنا ودام ابداعك لأراحنا بهجة,,,


______________ بالنسبه لتوقعاتي,, وتراني أحب اشطح في الخيال

شوي,,,

عبدالله<<<اتوقع انه مات مهو مثل ظن البنات,,, بس من طريقة كلام

جوزاء عنه توقعت انه يكون من الرجال اللي مايرغبون بالنساء

ويفضلون الجنس الخشن على الناعم(والعياذ بالله),,


مزون<<< الكابتن اللي معها شخصيه جديده بتظهر أو قد ظهرت بس

ما استوضحت عندنا الى الان,,, وما أعتقد انه مهاب لأن البنت

اللي معها قالت انه اذا طلب معلومات بيفيدونه فيها ومهاب طيار

من زمان وش ذي المعلومات اللي بيفيدونه فيها وهو أقدم منهم..

انا قلت انه طالب معها بالكليه بس تذكرت انها لازم تكون مع

طيارين متعلمين مهو باقي يتعلمون,,,, وووو مدري


زايد<<< رحلته الى علي في هذا الوقت أتوقع انه بيخبر علي عن

مزنه وحبه القديم لها... وعلي بيخطب كاسره وبتوافق عليه بعد

ضغوط من جدها اللي ما بيرضاها على زايد انه يرد للمره الثالثه

والثالثه ثابته على رأس كاسره,,,,, ووووو مدري


وضحى<<<< بتوافق على الدحمي,,


جوزاء<<<؟؟؟؟؟ بتوافق!!!!!(وعادني أقلبها)


كساب<<<<أتوقع انه بيصادف أخت فهد وبتكون هي اللي جنب الطوفه


صالح ونجلاء>>>> وشفيهم طسوا ليكون صويلح سطرها بكف بعد ما طلبت

الطلاق عند القفله,,, لأن شكل السالفه مطوله وخاصة لما قال لأمه

الشهر الجاي بيبكي شكله خربها’’’


جميله وخليفه>>>> الله يسعدهم شكل مستقبلهم حلو,,,


وباقي الشخصيات الله يوفقهم ما عرفت اتوقع لهم,,


وعلى كل حال الله أعلم وش مخبيه لنا بس هذي مجرد شطحات خياليه

بسيطه وعسى تخيب عشان ننبسط بالأكشنات شوي,,,


تحياتي لسمـــ_الراقي_ــــــــوك............

السلام عليكم
صباح الخير انفااس ..الجزء اليوم وضح لناا شخصياات كثيره

مزنه وسبب رفضها لطلب تميم ..واستجاابتها لطلب مهااب ..
منطقها واقعي بس يظل فيه ناس من نفس حاله تميم وماخذين نفسهم وعايشين ..
صحيح مو زي الناس بس حياه مشاابهه ..واتوقع مزنه تبي ولدها يعيش زي الناس او احسن بعد لو فيه ..اهم شي انها ماكانت رافضه علشان الوراثه ..وغيرها لان هالشي مو منطقي ..ناس كثيره نعرفها انولدوا صم وبكم كلا الزوجين.. وسبحان الله عيالهم كلهم اصحاااااء ..
مادري ليش توقعت تميم ممكن ياخذ مزون >>مو مزنه تبي الافضل ..مالقيت افضل منها عندناا

كسااب ..واحسااسه بالذنب تجاه جميله وزوجهاا ..اليوم بس عرفت ان كسااب عاش الاربع سنوات وهو متألم لحاله مع اخته مزون ..يتمنى يساامح بس العقبه مازالت موجوده ...
واتوقع انه في كل ليله يعيش تأنيب الضمير من اجلها..بس كونه رجل تضمحل الفكره منذ ان يستيقض صباحا ليعيش في حاله نسياان ويتجاهل مشاعره التي تذوي به ليلا..

خليفه ..لم يعايش انثى قط ..وتجبره الظروف ان يستسلم لأنثى وضع نفسه هو امامها ..فعليه ان يكون قد كلمته ..عنااد جميله في وضعها الحالي هو اختباار لصبر خليفه ..وتغيير لمسار شخصيته العاديه لتكشف لنا وله انه زوج من الدرجه الاولى ..

جميله ..ليش حاولت تسوي رجيم ..بس علشاان الكل كان يسميها الدبا ..؟؟؟او ان هنااك شخص معين كانت تتمنى ان يراها بأجمل صوره ..
كسااب وجميله اتوقع كانت بينهم مشاعر من طرف واحد ..ويمكن من طرفين بس تعبيرهم عنهاا كان بطريقه خاطئه ومعاكسه تماما لمشاعرهم ..حتى تلاشت تلك المشاعر ليكون بدلآ منها عناد وكبرياء ؟؟

مزون ..وأول رحله لها هل ستتم على خير ام ان الكابتن والذي اتوقع انه مهااب سيكون لها بالمرصااد ..
ننتظر ونشوف ..

أنفااس قطر ..
دائما تحرجيننا بفيض كرمك ..وجميل خلقك ..التزامك عنوان لشخصك ..زادك الله من فضله ..
تمنياتي لك بالتوفيق ..

صبـــــــــــــــــــاح الأوركـــيد


مشكورة على البارت وتسلم الايادي

انفاس ماتوافقيني الرأي ان اذا في طبع بالأنسان ابدآ مايتغير

يعني اذا في نزعه اجراميه تظل موجوده ,,,حتى لو تغيرت امور بهذي النفس

مثل انها تصير أم ويزيد حنانها لكن تظـــــــــــــــــــــــــل مجـــــــــــــــــــــــــرمه

صح يامجرمه؟؟؟

وش هالقفله المــــــــــــــــــــؤلمه ؟؟؟؟؟؟

لا,,,,,,,وعشان يصير الاجرام على أصوله تقفلها ببارت يوم الخميس!!!!!!

وانتظرتي حدث كلنا متحمسيييين له ووقفتي عنده ,,,,آآآآآآآآه بس منك

المفروض عند القفلات المؤلمه ماتكتبين #أنفاس_قطر#

أكتبي #إجرام_قطر#

=================================

نجي للبارت

دامك انتهيتي من الأشخاص الأساسين بالروايه بقولك اللي فهمته

تحكين عن خمس عائلات بشكل مفصل بجميع افرادهم ,,,,اربع منهم

كل اثنين تجمعهم قرابه عائلة(ابو صالح والعم راشد)اخوان,,,

عائلة(ام عبدالرحمن و تميم واخواته) يكونون ابناء الاخ لها .

عائلة آل كساب مع خالة ابنائه ماتجمعهم بما سبق الا انهم من نفس الجماعه .

او اذا كنا دقيقين علاقة صداقه قديمه تربط جابر بوالد زايد ومنصور.

لكن جميعهم نفس الجماعه وفي معرفه حتى لو ماكانت شخصية .

وفي رابط ثاني,,,صداقة البنات مع بعض(وضحى&سميره&شعاع&جميله)

طبعآ في افراد بيدخلون وبيتم التعريف بعوائلهم لكن تركيز الضوء بيكون على

الفرد نفسه مش عايلته,,,,مثل خليفه الأبن.


===================================

علي و زايد

لقاء دااافي ومعبر ,,,,هذا وهم مو صافيين ,,,,,,شلون لو كانو بدون جروح!!!!!


عجبتني لهفتهم لبعض وفرحة قلوبهم قبل فرحة تعابيرهم .

علي,,,,جروحه توها توها لان الموضوع اذا مو غلطانه مامر عليه 48ساعه

ومع ذلك دعس على جروحه وهمومه وغلبت فرحته وشوقه لأبوه ,,,,

زايد ,,,مسكين لان احساسه انه جارح اغلى عياله ,,,هذا شعور مميت جدآ .

ناظري كساب شلون تصرف مع جميله وخليفه عشانه! وكساب اصلآ ماكان له دخل

باللي صار لأخوه ,,,فما بالك اللي شايله زايد بقلبه وهو سبب ماصار لعلي والاهم

مين علي بالنسبه لزايد!!!!!.

تدرين انفاس بلشت عمري فيهم,,,مين بينام بالفندق؟؟ عفراء وكساب او زايد

لان زايد معه شنطه صغيره يعني مو مطول ,,وبعد عفراء وكساب مو مطولين!

زايد وعفراء كلهم مشتاقين لعلي ,,,,,عاد الله يعينك انفاس تصرفي معهم


===========================

كساب

تدرين انفاس دام عنده (النفس اللوامه) كذا نرتاح ,,,,,دامه عارف مكان الخلل

وحاط يده عليه وحس بالأم والوجيعه ,,, دامه عارف طعم مرارة قسوته ,,,,وشلون

القسوه هذي سودت قلبه وجمدت مشاعره ,,,,,كذا نقول الحمدلله بيتغير قريب.

الخوف لو كان مقتنع باللي داخله ويشوف نفسه ماتغير,

مع ان مدري ليه كساب بالذات احس عنده حياة ثانيه غامضه مخفيها عن اهله.

مممم

مدري ليش تفكيره بالعنف عالي جدآ ,,,,حتى يوم قال عن جميله ان شاءالله

يصبحك بكف ويمسيك بكف ,,استغربت,,,ليش العقاب عنده يندرج بالعنف فقط؟!

هذا هو نفسه ابوه حرم عليه يمد يده على مزون رغم قهــــــــــــــــره منها

وعاقبها بأقسى عقاب وهو باللسانه واستحقاره وتهميشه لها. مااستخدم العنف ابدآ.

وبعدين هو حط حرته الجسديه بالرياضه وواضح جدآ ولا شلون عضلاته هذي طلعت؟!


(شكرآ انفاس انك وضحتي علاقته بجميله لان انا من القراء اللي صار عندهم لبس)

=================================

مزنه

رائعه رائعه ,,,صفتين اموت عليهم اذا اجتمعو بالأم ,,,,,الشخصيه القويه والحكمة

حبيتها بكل وجوه امومتها مع كل ابنائها ,

نظرتها لزواج تميم,,,,فيه بعد نظر وحكمة ,,,,قليل جدآ من الامهات اللي تربطهم بالحنان.


عجبتني جدآ كلمتها يوم قالت,,,:كم بنات أجواد حاطين رياجيلهم على رووسهم وهم فيهم عيوب الدنيا..وتميم مافيه عيب فكيف ما تحطه على رأسها؟؟

,,,,ياكثر زوجات رجالهم ,,,ضعفين دين ,واخلاقهم سيئه ,تعاملهم كريه,يشتمون

يضربون,يسكرون ,يخونون,,,,ومع ذلك تلاقين بنت الرجال ساكته وتربي عيالها وصابره.

سيد المرسلين عليه الصلاة والسلام ركز على الدين والخُلق.

مممم

تميم انا متوقعه له بنتين اكيييييد ,,,,ربطتي بينه وبينهم ,,,,اول وحده كان عامل مشترك

والثانيه أشرتي لنقطه مهمه بينهم ,,,,بنعرفها بوقتها <---تقلد انفاس

تدرين انفاس تذكرت مين ؟؟؟؟

نجلا وصالح,,,مشكلة نجلا وخروجها وش سبب ؟؟ (كلام صالح على امها ) يعني لسانه الطويل.



================================

مزون

جبتي شخصيتين كلهم كانو رافضين بشده لموضوعها

لكن كل واحد قابل دارسة مزون بطريقه مختلفه تمامآ عن الثاني,,,,,,,,

منصور ,,,رفض ومثل ماقلتي بغى يقتل زايد من قهره ,,,,واكيد انه سمع كثير رجال يعلقون

على دراستها ,,,ولاتنسين ان مجتمعه مجتمع ضباط يعني فيهم قسوة بأرائهم ....لكن

ماتأثر ولا أثر على مزون وبل بالعكس كلمته اللي قالها عن نقلها مزون بتفكر فيها,

عكس كساب دمر نفسه ودمر مزون وشرخ علاقته بأبوه .ومثل ماقاله علي هرب وهو بين اهله.



(قفلة الطياره)

هنا اقولك انك ذكيه

قبل فتره جبتي امهاب وهو لابس بدلته وامه تقوله انت قلت ماعندي رحله اليوم! قاله في كابتن
أعتذر وبروح مكانه ورحله قصيره للبحرين والمغرب بكون هنا.
يعني ممكن نقول الكابتن هو امهاب 100%

لكن انتي ممكن تقفلين على موقف ونشوفه مصيري لكن نتفاجئ انه مر وانتهى ببساطه.

لان جملة يدير بحزم وغموض ,,ممكن تعطي الاحتمالين.


====================================

عــــــــــــــفراء

تدرين انفاس عيوني دمعت وهي تودع بنتها .

وش كثر شايله هالعفراء ومتحمله ,,,,,يتيمة ام وأب ,,,ويوم تزوجت واستقرت

وقبل لاتحس باأنوثتها وتتعلم تحب وتجرب الغزل من رجل ينظر لها كازوجه.

اراد الله يتوفى زوجها ويترك لها امانه كبيره بنيه تربيها وهي كانت اصلآ صغيره

بالوقت اللي قاعده تلملم جروحها وتبي اختها الكبيره تحتويها وتضمها ,,,,,

تموت اختها ,,,,وتترك لها 3اطفال ,,,,,يعني تخيلي ايام العزا

هي اصلآ تدور احد يضمها وتبكي وتفرغ حزنها وقهرها ,,,,ماتلاقي غير 3 اطفال

هي تعطيهم الحنان والحب ,,,اللي اصلآ هي بحاجته.وكمان بنتها الرابعه

يعني الحب والعطف اللي عندها قسمته على اربعه ,,,,,

ولاحظي شي مهم حسرتها على وسميه,,اختها ماتت وهي مقهوره لان زوجها يحب غيرها!

ومع ذلك ضرب من الجنون انها تتكلم ولاتعبر ((أصلا وش تقول؟ وانت نايم تقول اسم وحده))!!

وعفراء مو قويه مثل مزنه ,,,لالا عفراء انثى ضعيفه,,,كبرت وربتهم

وبعد هالعمر وش صار,,,,,كساب ومزون علاقة توجع قلبها وتحرقه حرق

علي بعيد جدآ رغم معرفتها بأحتياجه لهم ,

جميله فشلت بتربيتها وغلب دلعها .

انتي متخيله ياأنفاس وش شعورها ؟؟

يعني بنتها اللي ماجابت غيرها وقلبها متعلق فيها ,,مريضه وشكلها بحد ذاته يوجع القلب.

حتى جسمها كامرأه توقف ,,,,وغير كذا عندها عائق بالحمل حتى بعد الشفاء لفتره.

نظرها ضعيف ,,,,,يعني قاعده تموووت

تزوجت بطريقه محزنه وفارقتها وهم عمرهم ماافترقو ,,,,,,وبالنهاية يوم اشتدت جميله مع كساب

تمسك ذراع جميله؟؟؟؟!!!!!!!!!

كان بأمكانها تقوله كساب هذا مو وقته ولا ارحم مرضها ولا حرام عليك او ارحمني انا مب ناقصه,


لالا ,,,,,قاعده تهون عليه وتحاول تبسط من اللي صار ,,,,

مع ان وضعها المادي يسمح لها تاخذ فندق بأنسي وتراقب بنتها من غير ماتحس وتقعد قريب منها.

لكن فكرت بمزون وحالها مع ان مزون لها اب وعم .لكن بنتها مالها الا زوج ماكمل 48ساعه.

وين عفراء الأنثى؟؟ وين عفراء ام 37؟؟

==============================

انتظرك ثم انتظرك

اشكرك على انضباطك بالمواعيد وتعاملك الراقي وبالك الطويل

السلام عليكم ورحمه الله وبركاته






كل حرف تكتبينه كالنجوم المتلألأه في سماءالأبداع



كالدرر في أصداف علي شواطئ الأحلام


رائعه تلك الأنامل التي تخط البهجه والسعاده

علي صفحات حياتنا




بتكلم فقط هالمره علي نقطتين لفتوا أنتباهي




الأولي عن مهاب وعرض زواجه بجوزه




أعتقد أن مهاب ممن يجيدون أستراتيجه الكر والفر

ذكي جدا وداهيه ممن يجيدون قلب الأمور لتسير في صالحه

عرضه للزواج من جوزا ...مجرد عرض شكلي لأنه متوقع وبشده

أن ترفضه جوزه خوفا علي ولدها حسن من أهل أبيه
وكل المقصود أن يتم رفضه من أخت عبد الرحمن جوزا
كما سترفض وضحي أخته عبد الرحمن
وهكذا يصبحا متعادلين ولن توجد ضغائن في النفوس
فأختك رفضتني كما رفضتك أختي

أخاف فقط أن تقلب جوزا الأمور وتوافق علي مهاب
ليصدم بالواقع كما حدث مع خليفه حين صدمته جميله بموافقتها






الأمر الثاني

كثر الحديث علي عبدالله زوج جوزا

فهل هو حي أو ميت؟؟؟




هناك أمور تشير لحياته

كمثل ..عدم دفنه بديرته ...ونهايته الغامضه التي لا يعلم بها أحد
ودعاء أبيه له بأن يرحمه الله....كأنه شخص أقترف أمر جلل وأثيم

فهل يعود عبدالله فعلا.....التبرير الوحيد لأن يقول أب علي ولده
بأنه مات وهو حي ...بأن يكون الأبن أقترف ذنب لا يغتفر
وفضيحه لم يتحملها الأب...كأن يكون طلق جوزا مثلا
أو دخل السجن ...بتهمه شائنه
فهذا هو التبرير الوحيد للأختفاء طوال سنوات بدون أثر


أذا كان عبدالله حي فعلا ...فسيحاول أبو صالح أيقاف أي زواج لها بأي شخص
بأي طريقه



تسائل أخير ....
كيف يوافق علي زواج أرمله ولده عبدالله من أبنه صالح
وهو يعلم بأن عبدالله حي



ألا أذا كان هو وصالح فقط يعرفان أمر لا يعلمه أحد غيرهم





الف شكر علي بين الأمس واليوم الرائعه



أنتظرتها بشوق منذ الأمد



فبدون تواجدك لا يوجد للكلمات أي نكهه ولا طعم



ننتظر القادم بشوق





بين الأمس الف شكر وبين اليوم مليون شكر

السلام عليكم ورحمة الله وبركاته

شكرا جزيلا على النجمة ويارب المرات الجاية نجمات وليس نجمة واحدة (فيس طموح ويصاحب فيس طماع )

وشكرا على اهتمامك بتعريفنا على خليفة ( عقبال غانم .... وغموض عبد الله )


في هذا الجزء كان الحوار اساسي في كل مشهد وموقف ......

حوار من نوع اخر ... كشف لنا الكثير من الاسرار ... والاعذار والمخاوف ......

حوار عبد الرحمن مع مهاب .......

صحيح عبد الرحمن اختار اولا وضحى لانها قريبة من مهاب وتناسب شخصيته ... ولكن بمجرد ان رفضته امها وقالت له صغيرة حول الخط على كاسرة ... وكرر الخطبة اكثر من مرة لدرجة ان من حوله اعتقد انه واقع في حبها ( وليس هناك دخان بدون نار ) اليس من الافضل كان الانتظار ليكبر الصغير وينال هو مراده ويصل لهدفه بدلا من اللف والدوران .... وبالتالي اصبح مراده بعيد المنال ..........


مهاب ....
هل اختيارك لجوزاء طبيعي ( اشك في ذلك )
ام هناك سببا سنكتشفه مع الاحداث .....

حوار جوزاءمع نفسها عندما عرفت بخطبة مهاب لها ... مليئ بالدهشة والذهول .... بجانب وضعها ... فهي مازالت غير واثقة من نفسها ... وايضا لمعرفتها بغرام اختها بمهاب .... هل هذه اسباب للرفض .....

عبدالله ؟؟؟؟؟؟؟؟؟؟؟؟!!!!!!!!!!!!!!!!!!!

حوار ابو صالح وام صالح ....يحمل غموض وكثير من التوقعات ..... ولكن سنترك المبدعة لتقرر لنا النهاية ....

حوار كساب .....وعفرا .... يوضح ..

في منتهي الروعة .... ويبين ان كساب مجروح جدا ولكنه لم يجد الا خليفة وجميلة امامه ... ليخرج من الضغط ..... ولكنه لم يفلح في ذلك .....
( على فكرة يا مبدعة هناك علامة استفهام كبيرة على المدة التي عاشاها كساب في الخارج .... هل مر بتجربة مريرة ام فقد انسان غالي علية مما اصقله وجعله اشد قسوة على نفسه وغيره ونادر التسامح والعفو ........سنرى مع الاحداث ..)

خليفة ....جميلة ...
حوار بداية حياة ...... جمع بين اثنين ليس بينهما الا رابط مقدس ..... ويوضح بعض صفاتهما فخليفة صبور وجميلة عنيدة ..... ومازالنا معهما في خضم الاحداث ...
في وصف خليفة لاصابع جميلة بعيدان الاسنا ليس مبالغ فيه ولكن يوضح الى اي حد وصلت حالة جميلة الصحية ......
مقارنة جميلة بين خليفة واهلها دليل على ان محيط جميلة يبدأ بهم وينتهي بهم .... ولو كانت اكثر اختلاطا اجتماعيا و اكثر اطلاعا ثقافيا ما كانت هذه حالتها ( ولكن المخرج عاوز كده علشان الاكشن )

حوار زايد .... وعلي .... روعة ....روعة ..... روعة ....

مزون ....
لماذا تنتظرين رضا كساب لتتراجعي عن عذابك تراجعي اولا ثم اسعي لكسب رضا الجميع واولهم كساب ..( قدمي السبت ... تجدين الاحد ..)


حوار وضحي ... مزنة ....حوار طرف حازم الامر واخر مجروح من الامر بدون توضيح مع كبت مشاعره تحت قناع السخرية والكرامة والرفض للعرض
( وذلك واضح في احدى عباراتها ( خطبها مرة ..... ورجع خطبها عشرين مرة )... دليل على جرح .... هل عبد الرحمن كان يوما في بالها وعندما خطب اختها حاولت ان تدفن هذا الخاطر .....

وجهة نظر مزنة لزواج تميم منطقيه جدا .......



قفلة رهيبة ... فلقد تركتينا جميعا نتوقع انه مهاب والاخر غانم .....
وانا لن اتوقع ..... ولكن سانتظر الجزء القادم بكل الحب والشوق فلا تطولين .........