صبـــــــــــاح الأوركيد


مشكووورة على البارت وتسلم الايادي

تدرين واخيرآ ,,صرت اقراء البارت وانا اشرب حليب حار

روايتين اتابعها معك ماصدف انها صارت بالشتاء ,,,كنت اقراء

اما وانا اشرب قهوتي اليوميه او بالصيف عصير ليمون بالنعناع منعش

واقول ياترى شلون اجواء الروايه لو قريتها بالشتاء ,,,والحمدلله شفتها .

==============================


احترام الكبير واجب شلون لو كانو اسس الامس واليوم

نبدء فيهم


مزنه وزايد

ممم

في شي استغربه منك ,,,انك دايم توصفين مشاعر زايد تجاهها ,,,,لكن مره او مرتين فقط

وبالماضي كمان افصحتي عن مشاعرها ,,,,يعني انسان كان له تأثير عليها كنت اتوقع

ان مثلآ يوم زواج كاسرة وكساب انها تقول سبحان الله الاب خطبني مرتين وعييت! وبنتي

اخذها ولده مممم او مثلآ تربط بين شخصية كساب وزايد انهم نفس القوه ,,ممكن ليش لا .

او مثلآ يوم شافته بزيارته لكاسره ,,يعني حتى مافكرت وش التغيير اللي تركته السنيين عليه !

لان زايد ماكان اي شخص بالنسبه لها ,,,انسان خلاها تبكي بهستيريه ابدآ مابكتها بعمرها !!

معقول يمر بذاكرتها مرور الكرام !!!!,,,,,مدري انتي ياانفاس قاصده او لا .

زايـــــــــــــد :)

مممم

ماتوافقيني الرأي ياانفاس ان الظاهر لنا ان زايد بالعواصف اللي بداخله بيتلبس ويغلف

شخصيته بالجمود والبرود ,,يمكن عشان يحمي مشاعره المتضاربه داخله انها ماتظهر للعلن .

او يمكن عشان يستوعب بالتدريج ان مزنه وافقت عليه (لاحظي ان حتى لو ما تم الزواج كافي انها وافقت)


ابدعتي ياانفاس بالوصف كنتي رائعه ودقيقه جدآ بتوصيل المشاعر ,,,,

مممم بس في جمله لفتت انتباهي ,,,

ليش مزنه يوم تكلمو عن المهر ,,قالت مايسوى حرقتي على ولدي؟؟؟

وش دخل هالجمله؟؟,,,,المفروض تقول فلوس الدنيا ماتسوي قعدتي بينكم

او ماتساوي طلتكم علي بالصباح او تقول ماتساوي وجود ابوي عندي بالبيت ,,,,

يعني المفروض تساويها بشي موجود حاليآ بتنحرم منه اذا تزوجت من زايد,,

لكن انها تساويها باامر اصلآ من قبل زايد انحرمت منه !!! هذي بصراحه استغربتها

وربطت بعدها اللي كان السبب ؟؟!!

===========================


سميرة وتميم


بصراحه استانست ان تميم زعل منها !!!

لان يوم زعل منها اول وصار ينام تحت ,,,زعله حركها وخلاها تفكر

وبالفعل نجحت وتقربو لبعض ,,,يمكن اللحين بزعله منها يخليها تقدم على خطوه

ما كانت راح تسويها الا بحافز قوي جدآ مثل زعل تميم .او يمكن ماراح تسويها ابدآ.

تدرين انفاس ساعات بحياتنا التجارب الجديده المهمه مانقدر نقدم عليها لخجلنا او خوفنا ,

الا اذا احد دفعنا من الخلف او كان في حافز بالوقت انها ممكن تضيع الفرصه مننا .


=================================


مزون وغانم


من وجهة نظري غانم يستحق يحصل على مزون لان من زمان وهو عاملها كا شيئ غالي .

الشي اللي كنت ضده من اول الروايه لو تزوجت امهاب يمكن كنت بقول انفاس ماحسبتها صح!

في فرق ان اتزوج انسان الاحترام والتقدير موجود وان كان في كبوه صدرت منه ,,


لكن اني اتزوج انسان اهان نفسي وخلاها مساويه للأرض هذي ماتنجبر ابدآ

فمابالك وانه يهين فيني قدام الناس !!,,,وبعدين يجمعني فيه بيت وعائله !!!!!

لكن لو ناظرنا بغانم ,,,ترى ماكان مجبور يدافع عنها ,وكان ممكن يقول تستاهل هي اللي

جابته لعمرها بذا التخصص ,,او ممكن يقول خلها هي تدافع هماها تحدت الكل ,,اللحين

وين لسانها ؟!!,,,,لكن هو ابدآ مافكر كذا بل بالعكس انكسرت اسنانه بسببها وبدل

مايحقد عليها ويقول وش الله بلاني فيها طاحت اسناني بسببها ,,,شكرها بداخله

انها كانت السبب انه مع تغير اسنانه صار (اكثر وسامه )واللي بسبب هالوسامه

كانت مزون متردده توافق عليه ؟؟!!!



=========================================


علي وشعاع

انتظر بفارغ الصبر وصفك الرائع والمذهل عند لقائهم وجهآ لوجهه :)


====================================


عفراء وردة فعلها

لو قرينا في اول الروايه الموقف اللي جمع بين وسميه وعفراء ومصارحة

وسميه لاختها بمعرفتها بحب زايد للمجهوله ونطقه لاسمها وهو نايم

يخلينا ما نستغرب تصرف عفراء مهما كان ونحترمه !.


=====================================



انتظرك لاتتأخرين والحمدلله على سلامة ولدك

اشكرك على انضباطك بالمواعيد وتعاملك الراقي وبالك الطويل .

انفاااااس
بجد بجد بااااارت وصفك فيه رووووووووووووووووووعه وصلتي لنا الموقف بشكل رهييييييب اهنيك ع الابداع

انفاس مادري ليه احس ان زايد بتكون طريقه معاملته مع مزنه بشكل رسمييي بحت ويمكن راح تتوقع مزنه ان حبه انمحى في قلبه
لان الي عرفته عن شخصيه زايد انه يقدر يضبط شكللله الخااارجي بشكل فضيييييييييييييييييييييييييييييييييييييع
فماراح تعرف بانفعلاته ومقدار حبه الا اذا افصح هو بكلامه ومااتوقع انه بينثر مشاعره لمزنه بسرعه


كساب <<<الى متى مطول انفاس وهو غامض:) يحق لها كاسره صراحه انا شوي وانتف شعري من القهر
ياخي حس ماتفهم انت ع غرور كاسره وتكبرها بس تبيك تعترف لها بحبك اعترف لها والا باكرهك <<<لا تكفين هع


جميله ؟؟؟؟ هل ممكن تجلس بدوان زواج فتره طويله وتصير ترفض تتزوج كرده فعل بعد زواجها الاول


وضحى <<<<وش قلتي يابنت مخي افتررررر ومالقيت جواب

سلام يانفسفس >>اظن ماقد حد دلعش بذا الدلع قبلي سبشل
المهم انا شغلت عقلي اللي نادرا مايشتغل وحللت سبب مكالمات عبدالرحمن لعاليه واللي هي كلمة الدب اللي ماحد يقولها له الا مهاب واللي تذكره في مهاب وسوالفه معه يعني تعويض عن مهاب وايضا لشخص عاليه وروحها المرحه
وبالنسبه لعفراء اتوقع انها راح تعرف ان اللي كان يون باسمها زايد هي مزنة لكنها ماراح تخبر عيال زايد وراح تحتفظ بالسر كنوع من رد الجميل لزايد وسلامتش >>واستري ماواجهتي
الا وش اخبار نجماتش اللي كنتي توزعينهم >>ناويه على نجمه بعد هالتحليل الخرافي

صباح الخير للجميع
اولا حمدلله ع سلامتك ولدك وربي يحفظه لك
ثانيا الف شكر لك ع االوعد الله لايحرمنا منك
ثالثا الف مليون مبروك مزنه وزايد الله يستر من الجاى
كساب وكاسره لاجديد مازلت حروب الغموض والكبرياء موجوده
مبروك مزوون عليك غانم
علي انت الوحيد اللى انتظر بشغف زواجك وردت الفعل لك ولشعاع
عفراء ردت فعلك الله يستر منها
منصور ردك ع خطبه فهد فيها غموض وش تفكر فيه
سميره وتميم ردت فعل سميره معها حق مهما كان البنت بحياءه لو كان زوجها من سنين
وضحى وشششششش الشخصيه اللى طلعت بالجوء الحين احس نفوسه كل من بعد فتره تشيل الستاره عن شخصيه
خيتوووووووووووو بجد يعطيك الف عافيه وماتقصيرين ع البارت وننتظرك وربي يسعدك ربي وين ماكنتى
انسى العالم

السلام عليكم ورحمة الله ,,

ما ادري اذا هي اول مره اكتب واشكرك ع الروايه الاكثر من رائعه والا لا وطبعاً الاروع منه التزامك معانا ,,

الله يعطيك الصحه والعافيه ويرزقك الذريه الصالحه ويسـخر لك قلب1


المهم انا وانا اقرا امس تحمست فجأه وقلت لازم ارد هنا وأقول توقعّـي اللي اتوقع انه 500% صحيح

من ابتسامة الغموض حقت منصور ,,

المهم اتوقع ان فهد بيآخذ جميله ,,

بس كيف ولماذا ما أدري !!



ومدام اني كتبت خل افرّغ شوي من الطاقه السلبيه حقتي على كاسره
يا أنا هالانسانه ما هضمتها أببببببببببببد ,, أحس فيها شوفة نفس ميب على احد ,, او ان اهلها اعطوها اكبر من حجمها

وحتى كسآب سبحان الله وافق شنّ طبقه ,,

أكره شي عندي بالحياه ان الواحد ما يعبّـر عن اللي بداخله حنّـا كم مره بنعيش هالعمر ,,

طلّـع اللي داخلك افصح يا أخي حرام عليك بنت الناس المسكينه اللي تنتظر ..

++

عبدالرحمن ,, هذا الانساااان يههههههههههبل حبيته بصراحه ,,
عاليه كويسه ولو انها احس فيها خبال موب حلو ,, يعني حلو الوحده تصير ظريفه بس موب الى هالدرجه ,,
وأعجبتني يوم زارت عبدالرحمن حسيت فيها تلامس القلب هـالحركه مررره يعني يمكن لو انا محلها اسوّي نفسها ,,

++

علي الله يهديه بس ما ادري ما اقتنعت بسالفة الحب هذه ,,
يعني ما أحس ان ممكن تععععشق انسان من اول نظره ,,

اعجاب ممكن بس عشق مادخلت مزاجي ,,

بس تدرين يارب زوج المستقبل يعشقني فجأه كذا خخخخ

++

زايد حسيت ودّي اصفقه بعد على وشو معطي الاخت اكبر من حجمها معليش انا اعرف الحب بس موب وحده ترخصني مرتين وبروح لها ثالثه انا هنا انحاز لـ كرامتي اكثر ,,

++

مزنه انسانه حكيييييييمه بس ودّي لو انها ما سوّت الحركه الماصخه مع زايد

++

جمليه ليتها عندي عشان أصّـفففففففففففقها (يعني اضربها ) بس معذوره البنت امها دلعتها ما ربـّتها على استخدام المخ ,,

++

خليفه كسر خاطري اول شي وبعدين حسيته ماله داعي يوم يسوّي نفسه تراي انا مابي الزوجه الجديده << ما احب الرجل اللي ماله كلمه ,, وهذا يسوّي ماله كلمه يعني ازفت و أزفت ,,

++

تمييييييييييم يا أنا أحبـبببببببببه حتى لو انه سخيف شوي على حركة أوّل ليله مع سميره بس معليش ابمشيها له لأني احبه ,,
بالنسبه لي انا تفكيري نفس تفكير سميره من ناحيه اللي عنده شي نفس تميم يعني اعاقه بسيطه واتكلم عن رجل ,, أحس صدق ان له قلب غير العالم ما أدري ليش ,,

++

سميره هالانسانه حبيتها بعد ,, ممكن اقول ان شخصيتها تشبهني عشان كذا حبيتها << اهم شي اني واثقه ان شخصيتي اوكي



ما أدري وش اختم فيه بس جد جد روايه ولا في الخيال من حيث الواقعيّـه وقربها من القلب والعقل