كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
الف الحمدالله على السلامه ام سعود وجعله يارب اخر التعب الله يخلي لتس سعود ويخلييلي عيالي يارب ويخلي للقراء كل وحده ماعطاها ربي ويكافينا شر الربو ولله يخوف خاصه الصغار معاد به بيت الحين يخلا من جهاز التنفس امس الرياض كلن منجحر في بيته والسبه الغبار اللي طيح واجد وخاصه اللي فيهم ربو
تكفين عفراء فكين منتس لاتخربين على ابو كساب فرحته عارفين ان اختس موجوعه من حب زايد المزنه بس خلاص شي وانتها لو كانت عايشه قلت مايخالف احمقي وقفي ضده انتي وعيالها لكن هي خلاص راحت وابو كساب كان معها نعم الزوج ماقصر بكل اللي يقدر عليه لكن اللي مايقدر عليه القلب بامر رب العالمين مع ان الرجال ماحسسه بشي ومايجيه طاريها الا بنومه
بعدين المطفوق لا يدري ولله يخرب الدنيا عليه وعلى كاسره وابوه وامها اذا درا كساب بمدا جرح امه من ابوه وعشقه المزنه وان الشي هذا مكدر على امه حياتها
عفراء انتي عاقله واحسبك كذلك لاتحرك النخوه فيتس يبالفيت وسميه اختس وماعاشت مرتاحه ومن الفزعه الوسميه بتصرحين باللي كانت تقوله لتس عن كساب ولانسانه اللي يهذي فيها ويعشقها ترا اي كلمه منتس بتخرب الدعوه كلها والزواج معاد عليه شي
خير خير ابو كساب ليش الزعل يعني بتروح تخطب بليا ولي امر بلا زعل ياشيخ كساب هو ولي امرك وهو اللي له الحق يخطب لك ويدفع المهر ويتفق على الموعد
لله درك يبومنصور ولله انك قلت وتممت انت بغيت مزنه لبوك وقدرت ليتك كنت موجود من ثلاثين سنه كان مزنه ماراحت الا الزايد
وبعدين لا يضيق خلقك من كاسره جايبها جايبها اللي قدرت على زايد ومزنه من ثلاثين سنه وابوك يحاول بس ماقدر عليها وانت يوم حطيت الموضوع براسك سويته
وهذا علي عطاك اول الخيط خل الجفاسه عنك والمغايض وتصيد الغلط عليها انا اتعجب منك تبيها وتموت عليها ومع ذلك تقهرها ولله كاسره مهيب سيئه يبومنصور البنت تبي بس ريق حلو حسسها بانوثتها وبين الحب اللي بقلبك الكاسره وصدقني هي اللي بتجي بدون ماتدعيها
مافيه اشين من البنت تشوف عمرها شي وتتخيل قبل الزواج ان فارس احلامها بيموت فيها وبيغرقها حب وعشق وحنان لكن مالقت الا رجال ياخذ اللي يبي منها وغيره بس يقهرها ويغايضها ومايخلي كلمه تقولها الا يعلق عليها وبطنازه وعععععع ياشينها من حياة
منصور بلاها الابتسامه وشانت ناوي عليه براسك شي البنت والولد يحبون بعض وخليفه تعب مع جميله وهذا جزاته يناس انتو بصراحه ناس شايفين نفسكم الولد مقهور ولله حسستوه انه خادم البنتكم راح فيها وعالجها وتعب عليها ويوم عاد بغى يعيش معها مثل اي زوجين رفضته وبطريقه بشعه وين حكمتس وحكمت
منصور المفروض ناديتو خليفه وتفاهمتو معه يعني خلاص هان عليكم كل شي احبه ولا نكران الجميل على الاقل ياعفراء اشكريه على اللي سواه مع بنتس وعتبروه غريب سو معروف مو زوجها
وترا انا مابري خليفه من الخطاء خليفه غلطان لانه تسرع بس الولد مجروح ومهما كان مافيه واحد يصبر ويسوي مثل اللي سوا خليفه الا اذا كان حاب زوجته
لاتورطون جميله بفهد هي تموت على خليفه وفهد بعد شكله مو راعي زواج شكل منصور يرسم ويخطط على زواج فهد من جميله بس على الله خليفه يكون مرجعها العصمته من طلقها ولا يقدر فهد ياخذها واللي تملك عيها بتلقى نصيبها يامكثر الرجال
صدق موضوع وضحى يحير ياترا وضحى وشقالت خلت تميم مكسور ومها مجبوره
وبعدين تعالي يمزنه واذا زاد كساب بمهرتس هذا من رفع قدرتس يعني مستقله بعمرتس انتي ماتدرين وشانتي تعنين لابوكساب الله يكفيني شر شفقتي اشوف وشلون بتعيشين معه وشلون زايد بيتعامل معتس
هل بيكون مثل ماكان يسوي قبل يهاوشها وبيكون عصبي معها
تصدقين اللي كان يسويه زايد مع مزنه مثل ولده كساب الحين مع كاسره لو زايد كان تعامله غير مع مزنه غير بين لها انه يحبها يمكن يكون فيه كلام ثاني تصدقين عندي احساس ان مزنه كانت تحب زايد بس كانت تخاف منه وتتوقع انه مايحبها وان اللي يسويه فيها كره البنت صغيره الله لا يلومها وحتى وهي بتتزوجه الحين ماتوقع انها تعرف بالحب اللي يحبها
بعدين تعالي ام سعود تصدقين طرا علي طاري الحين اتوقع ان كساب كان يحب كاسره من كان مراهق وان اللي كان يسويه من غطصته برا مو سببها دراسة مزون وبس بعد الولد يعشق كاسره وكان عقله يرفضها لانه ماكان يبي يصير مثل ابوه يوم حب امها وعشان كذا كان يحاول يقضي على هذا الحب قبل ماينولد ويوم بغى ابوه يخطبها بين الا مباله عشان مايحس احد او يتعشم فيها ووضح ان ابوه هو اللي يبي ان وافقت كان بها وان ماوافقت ماخسر شي يعني بالعربي مدعين عليك يازايد انت وعيالك الذا الدرجه قلوبكم خضر الحريم لعبت في حسبتكم
اتوقع ان ابوكساب بيبين الثقل على مزنه شوفي يام مهاب لاوصيتس مهوب تقابلين الرجال بالبرقع والدراريع ولا تنوره وبلوزه كاسيتس من رقبتس الا كعب رجلتس لايعمري انتي توس صغيره بنشره عليتس بعد الخمسين الحين حطي ماك آب وستشوري الشعر وقصيه والبسي المشخلع هبلي بالرجال على زود خباله ترا مانبي ولد وبس نبي المزون اخت مثل مانبي التميم اخو
بصراحه ياسميره صدق صدق مصختيها ومدري وشاقول عنتس اجل تقريبنه واذا قرب تنفرين منه وشيفرق اليومين عن الحين الا اذا انتي معذوره عذر شرعي الولد بصراحه صبره نفذ وانتي اللي معطيته الضوى الاحمر انه يتقرب منتس ولا هو مافكر قاطعه وجه بعد اللي سوى معتس ترا الرجال يعافون وعيافهم شين لاتجربين صبر الرجال
صدق يدب منتب هين ياولد تعديت على سلومكم ولا يعني عشانك دكتور وعاليه درسه برا مرفوع عنكم القلم ترا لو رحتو للقمرهذا مايمنع ان الشيبان اذا درو يعاقبونكم لاحرج البنت يابوفاضل ترا جرائتها خرطي اذا جاالجد راحت في خرايطها بس عاد صدق مكالماتكم قمة الروعه
مشكوره انسه قرنتش ماشاءالله على دقة المواعيد انا قد قلتس ام سعود ان مافيه مثلتس في دقة المواعيد عيني عليتس بارده اذا قلتي وفيتي الله يوفقتس يارب ويجزاتس خير
|
14-12-10, 08:01 PM
جديد مواضيع قسم القصص المكتمله من وحي قلم الاعضاء
العرض العادي
