ماشاء الله تبارك الله


انفااس الابداع انفاااس قطر تسلمين على هالتحفه اللي ادمنت عليها ربي يسعدس

تدرررين يوم قريت الجزء الاخييير
ردة فعلي ضحكت على زااايد وكساااب وردة فعل زااايد يوم نط من مكانه هههههه
بس يوم فكرت بوضعه حزنت عليه الحين الرجال عايش على امل وممكن يروح منه
بس اعتقد مزنه بترفض وبشده بس ابوها العووود بيشرط رضااه عليها بموافقتها وبيقولها مشيتي رايس مرتييين ماتمشينه الثالثه وذاتا زايد ماينرفض ابدا
تميم وسميرره يجننون تميم بيكره عمره لا درى ان سميره تحبه من وهي صغيره وبيحاول يعوضها عن جلافته معها الول ايامهم مع بعض
عبووووود تسلم يمينك انك قطعت الصوره احلى شي سويت بعلي وشعاع معروووف وانت ماتدررري
بس يااارب علي يشوفها وتبرى علته ويعرف انها الحبيبه


كسسسسسسساب اسمحلي انت اناني والله يعين كاسره عليك

جميله من نصيب خليفه وما راح تكون لغيره

فهد لوضحى ما اتمناه لجميله ابدا


شكرا لرقي حرفك وسمو اخلاقك

السلام عليكم ورحمة الله وبركاتة

اول شي حبيت اهنيس ياانفاس على هالقصة الرووووووعة
قصة تعالج كثير من المشاكل .... كان ودي كنت من بداية هذي الاسطورة .... بس تعرفين الحياة تاخذ كل وقتس وماتعطيتس الا القليل المهم ماابي اطول في هذرتي لاني ادري لوفتحت فمي سويت معلقات على القصة .. وتدرين ياعزيزتي من يوم تزوجت وانا مااقرأ الا القصص المكتملة بس قصة الاسطورة سمعت عنها وكلن مدحها قلت يابنت اقريها وفعلا صار لي اسبوع وانا التهم حروفها وسطورها وانا لاامل منها حتى تخيلي صرت احلم فيهم من كثر ماعقلي مع كساب وكاسرة وعفراء ومنصور وعبدالله وجوزاء وخليفة وجميلة وزايد ومزنة وعلي وشعاع وعالية وعبدالرحمن وسميرة وتميم ومزون وصالح ونجلا وكل ابطال القصة اللي ماذكرتها

بس شدتني قصة كساب وكاسرة .. دائما انا عندي وجهة نظر المرة ماتطلع من بيت رجلها الا بشي كايد ماينسكت علية وكاسرة طلعت على اشياء صيحيح انها تحز بالنفس خاصة للمتزوجة بس كان لازم تدور عن حلول للمشكلتها تدرين زوجي مثل كساب يمكن يختلف عنة في اشياء بسيطة تدرين تعبت معة سنة وانا ضايقة مالقيت لة حل لاهو اللي يجلس معي ولاهو يقول اللي بخاطرة وعنيد وراسة يابس حتى كلمة حب وحدة مايقول بعدين فكرت موكل الناس عايشين بسعادة ولا كل الناس عايشين في رومانسية اللي نحلم فيها ففكرت وقلت لية ماادرس شخصية رجلي وبحثت في كل المنتديات الين لقيت دكتورة تحلل شخصيتة وفعلا بديت معها امشي على حل والحمد لله هالحين حياتي معة تحسنت والحمد لله اقدر اقول اني راضية عن حياتي بعدين كل شخص لة مفهوم للحب مثلا انا يالحريم الحب عندنا رومانسية وورود حمراء وشموع لكن عند الرجال تخلف طبعا مو كل الرجال بس عندة الحب انة يلبي طلباتس
والتعليق عن الشخصييات الباقية راح اكون باذن الله مع الاجزاء الجاية واذا ماعلقت فاعرفي اني اقراء الجزء لكن حياتي خذت مني الوقت

توقعاتي للجزء
مزنة راح ترفض زايد وبقوة وتقول بعد ماشاب ودوة الكتاب الا اذا تدخل جدي جابر عاد مالها حكم

مزون راح توافق على غانم

جميلة انتي السبب ذالحين تتخلين عنة وتفشيلة عند اهلة كلهم مجتمعين عشانكم ابد مثل ماجرحتي مشاعرة تستاهلين انة يتزوج عليتس اتوقع بخطبها فهد

انتظرس على خير

التوقعاااااااااااااات ..

ان مزون ماراح ترفض زايد وراح تتزوجة .
وان علي ينصدم في شعاع انها هي زوجتة ويغيرون وجهتهم من رحلة علاج الي رحلة شهر عسل .
وان الي يتغربل بينهم كساااااب لان حيل غث كاسرةوماعبر عن حبة لها بالفم المليان علي قولت اخوان المصرين .
وان خليفة راح يرد للجميلة احساس انشاللة يصدق ؟؟؟؟؟؟؟؟؟؟؟




ونحن بنتضار بااااااااااارت اليوم والا اقول احسن عروووووووس اليوم ننتظرة علي احرررررر من الجمر


التمني .......... ياليت يوم وترك البارت لان ماعاد فينا صبر ودي كل يوم مثل مسلسل والا هو ولا مسلسل الي الان ماكتب مثل روعة انفاس قطر ............... اختك المحبة دانة العرب

وشكرا

اهلا و سهلا و مرحبا بانفاسنا الطيبة تحية عطرة من المغرب للقطر انا فعلا محظوظة لتتاح لي فرصة قراءة رواياتك الائي حُزْن على اعجابي الكبير فمن بين الروايات التي قرأتها منذ صغري لمختلف الكتاب حتى المتمرسون منهم وجدت رواياتك قمة الروعة ، فعلا انت كاتبة رائعة و هدا بشهادة الجميع
اما بالنسبة لتوقعاتي فانا اكتفي بتوقع واحد اليوم كبداية اعتقد بان زايد سيتزوج مزنة فحتى ان لم استطع ان اتوقع كيف الا اني احسست بهدا في رد سابق لك في اشاراتك السابقة
مبغيتش نطول عليك بزاف انفاس شكرا جزيلا على هاذ الرواية الروعة و يا رب تشافي بنت منى يس
اتمنى آن تكون جملتي الاخيرة مفهومة :) ؛)