[QUOTE=#أنفاس_قطر#;2544784][COLOR="Black"][SIZE="5"][FONT="Times New Roman"]
[COLOR="DarkGreen"]بسم الله الرحمن الرحيم
السلام عليكم ورحمة الله وبركاته
ياهلا والله بالكل وياجعل نهاركم نهار البركة اللي تحاوطكم بخيرها وسكينتها
.
.
<<<ونهارك يالغلا
اليوم عندي شوي هذرة <== الله يعينكم.. بس هي فعلا هذرة في الصميم!!
لما انتهيت من أسى الهجران
وبدأت أخط الخطوط العريضة لبين الأمس واليوم
كانت ببالي خمس أفكار قررت أن أتناولها وبما أنه مثل ماقلت لكم سابقا هذي آخر رواية لي..
<<<<كانت صدمه لي يعني يتوقف القلم المبدع <<فكري وأرجعي لنا بشيء جديد وخذي وقتك .
وعلى قولت صباالخير :"وفالك ماقبلناه بعدنا ماأرتوينا من بوحج النثري ".
.
الفكرة الأولى: حب يصمد رغم مرور عشرات السنوات.. مثّله زايد لمزنة
وهنا يمكن فيه تساؤل خلني أجاوب عليه
الحين يا بنات كم وحدة فيكم أبوها أو عمها أو خالها في حدود الخمسين
هل تشوفينه شيبة؟؟
أو كم وحدة أمها أو خالتها أو عمتها في أواسط الأربعين.. هل هي عجوز؟؟
بصراحة أغلبية اللي أعرفهم من قرايبي في هالسن الرجّال جناتل فعلا.. رجولة ناضجة..
والحريم والله العظيم يغطون علينا يا البنات :)
يا بنات الزمن تغير.. وماعاد فيها شقاء أول وسوء أحوالها
وهالشيء انعكس على أشكال الناس وانشداد عودهم..
.
<<أنا معك بهالشي والدليل أن الحين فيه زواجات كثيره وكلهم لكبار السن يعني مابين (40-60)
يمكن اللي يقرأ يستغرب حتى أنا أستغرب بعد هالعمر يعرس ..لكن ترجعين للسالفه تلقينهم
كانوا يحبون بعض من وهم شباب بس ظروف الحياه والدنيا فرقتهم اللي أهله ماكانوا يبونها له واللي
سافر يدور رزقه رجع ولقاها مع غيره واللي أخذها ولد عمها واللي واللي ......
وتدرين زمان غير الحين بكل شيء رغم أن الحياه صعبه بس الحب حقيقي وما مات مع الايام بالعكس
كبر مع الأيام وراضين يعيشون حتى لو سنين قليله المهم مع بعض ..<<وياليت فيه منهم كثير بالزمن
وحالة علي مو مستغربه لأنه مو واحد لعوب ولا راعي بنات وحتى لو كان لأن الحب الصدق هو اللي
يعلق صاحبه ويتعبه وصراحه حالة علي مو غريبه علي لأن أكبر مثال عندي أعمامي الواحد لاتعب
وصار به هم قالت جدتي : بلاء الحب مالقى غير أولادي يشقيهم ..<<مسكينه كلت روحها وهم أكلهم
الحب بس قلب الأم وعارفه قلوب أولادها ..
عاد المشكله أشكالهم تبين أنهم جلفين وشداد وفيهم ثقل يذبح الواحد ماشي بوظيفته وقايم باهله وسمعة عطر بس عند هالحب لا تعليق
وأمي دايم تقول الحب يتعب و يعذب الرجال أكثر ..<<الوالده خبره فديتها
.
الفكرة الثانية اللي أغرتني فعلا ومن زمان نفسي أكتب عنها
شخصية مثل جيمس بوند :)
أدري شيء غريب.. لكن هذي قصة.. وأنا حسيت فيها تحدي لي..
وصياغتها كشخصية معقدة ليس فقط في الغموض ولكن حتى في الشخصية ككساب..
الحين هل فيه حد يقدر يقول إنه جيمس بوند فيلم غير ممتع؟؟
أو رجل المستحيل كتاب غير ممتع؟؟
كنا نستمتع فيهم كلهم لأبعد حد :) ....
وهنا قررت إدخال هالشخصية بطريقة تخدم الأحداث الأخرى فعلا بغرابتها وتفردها..
<<<مدري احسه من الشباب المغامرين اللي مايهتم بالعواقب لأنه عـ قولتهم مو مسوي شيء غلط <<واللي عندي ذبحوني من كثر ما يقولونها
لأن ولد عمي سوى نفس هالتهور بعد سنه من زواجه تهاوش هو زوجته عاد ابوها أخذها عنده وحلف
ماترجع له..وفعلا كان تقريبا كل اسبوع يرح يطب عليها من البلكونه وهي ياحرام تموت من الخوف لو درى
ابوها بس وش تسوي مجنون وطيش شباب وربك ستر رجعت له قبل ماتحمل عاد تخيلي حملت
وهي عند ابوها وهم متاكدين من أنها ماحملت قبل ابوها مايخذها عاد احسه اهون كاسره ما جبرها عـ شيء ..وبعدين ما أستغرب شيء عـ الشباب وطيشهم وخاصه لدخل العناد روسهم ..
الفكرة الخامسة: إهداء لروح محمد الفيحاني الله يرحمه.. واحد من أشهر شعراء قطر..
من لما عرفت قصته وأنا بنت صغيرة.. رجّال متدين ومتعلم وله مكانة وعشق لدرجة إنه مرض ثم مات من العشق..
وأنا متأثرة جدا بها.. وحابة لو أقدر أذكر الناس فيه مع إنه مايحتاج.. أشهر من نار على علم..
<<فعلاً من أشهر شعرا الخليج ويازين الحكي عنه ....ويكفي ان جده الشيخ محمد بن عبدالوهاب
.
_وربط شخصية علي فيه يمكن تشابه أن كل واحد فيهم أمه ماتت ولا ذاق حنان الأم ..
وخالته ربته ...علي ربي طول بعمر خالته بس الفيحاني ماتت خالته ..
ويكفي روعة ابياته اللي مشهوره وتقريبا مافي جوال ماهي فيه...
(بليت بحبها طفل فطيمـه ,,, من أول شبتي وأول صبايا
وهذا الحب بالزفرات يشوي ألا ,,, ياويـــــــلكـم ياعاشـــقينـا
يلين من المحبه كل قاسـي ,,, ولو قلبه حجر يازي طحينا
ومن يوم صغري أسمع هالبيت كل من ضاقت به الوسيعه ردده ...بس يستاهل الترديد
وأن من الأبعاد موصي المقبرا ,,, يحفرونه لي وموقـــن بالوعـــــيـد
يالزيمي قـول للـي يحفــــــــرا ,,, يوسع الملحد على شان اللحيد)
<<ويابختك يا مي شاع صيتك من حبيبك والكل يبكي عليه والسبب انتي
كان ينادي بكل مافي روحه من الأمل وهو يخشى أن يتحطم حين لا يسمع ردا..
وفي ذات الوقت كان ينادي وبداخله إحساس أنه لن يجيبه أحد..لصعوبة كل هذا الأمل عليه..!!
<<مثل ماتوقعت طاح من كثر ما في قلبه عـ ولده ياااه الله يخليه لك ويخلي كل ضنى لأبوه ..
.
.
أم عبدالرحمن رفعت برقعها فوق رأسها وهي تنكب عليه تقبل كل ماتقع عليه شفتيها دون تمييز وهي تشهق..وتشهق..
شهيقها مثقل بالأنين والوجع والسعادة وهي تهذي بكلمات غير معروفة..
<<قرت عينك بشوف نبيك ..وقرت عينك بولدك ..
.............
عاد اللي تقطع القلب صدق عالـــــــــــــــيه يالله ..أحسه حب صدق حبته وهو مريض ونايم
الظروف والعادات والتقاليد والخجل كلها تقف حواجز في طريق رؤيتها له..<<وربي أحسها تقولها من قلب
أنتظر وش تسوي ..!!
جاري الأنتظار .
.
.
............
تميم و سميره ..
عاد انتظر نتيجة دوري الأشبال اللي مواكب خليجي 20 <<
و شكل الدوري وصل لنصف النهائي ...
لا تعليق جاري أنتظار النتيجه .. 
30-11-10, 12:05 PM
جديد مواضيع قسم القصص المكتمله من وحي قلم الاعضاء
العرض العادي
