صبــــاح الاوركيــــــد
مشكورة على البارت وتسلم الأيادي
تراني معاي انفلونزا اللي مناعته ضعيفه يحط ماسك :p
=========================
غانم ومزون
اذا مو غلطانه سبب توقيت خطبة غانم الاولى مب عشانها تركت الطيران
وكان رافض عملها فتقدم لخطبتها ,,,,على حسب ماكان حواره مع نفسه
هو كان خايف عليها من الكلام لان كلهم بنفس المجال,,,,,ومع رفضها
مافقد الامل وكرر الخطبه مره ثانيه بتشجيع من كساب لكن لانه يبيها لشخصها
هو شاف فيها مميزات خلته يتعلق فيها ,,,
كون انها بنت من اكبر رجال الاقتصاد بقطر وبنته الوحيده المدلله اللي طلباتها اوامر
واكبر دليل طلبت تدرس طيران فأمر زايد انها تدرس طيران !!
ومـــــــــــــــع ذلك ,,,,
ماقدرت ترد على سيل من الكلمات الجارحه والمهينه والتزمت الصمت مع ان كانت تنهان قدام العلن
هل ماكانت تقدر ترد؟ او ماكانت تشتكي لزايد؟ وامهاب بيلاقي اكبر عقاب للي تجرأ على قلب زايد واهانها ؟؟
طبعآ بغض النظر عن مشكلتها مع كساب وكسرتها بسببه
مزون ردها تربيتها واخلاقها لدرجة ان خلت غانم يقحم نفسه ويكون المدافع الاول عنها وان كان
من وراها وبدون علمها ,,,غانم شاف مزون من الزاويا الصحيحه وبشكلها الصحيح ,,,,
بسكوتها عن مجادلة رجل غريب واحترامها لذاتها انها تقعد تترادد معه قدام الناس ,,,وطبعآ
موقفه معها بالطياره وهي تنهره لما بغى يسولف معها ,,وصرختها رغم اغمائها وهي حست ان
وجهها انكشف قدام رجال غريب مب محرم لها ,,,,
كان مثل ختم نجاحها بانها اجتازت كل الاختبارات ان محظوظ من كانت هذي هي زوجته وام عياله.
اعجب بشخصيتها ومافكر حتى ان يتخيل شكلها ,,,غانم ذكي عرف ان اساس اختياره لمزون
اساس قوي لان التصرفات والشخصيه تحببك بالشخص لكن الشكل مجرد انطباع ينأخذ عند اول مقابله.
ونلاقي نفسنا نعاشر طباع وشخصيه فقط لاغير .
مممم
انفاس هل ممكن ان سميرة تتصرف تصرف مثل تصرف وضحى معها بأول يوم زواجهم؟؟!!
سميرة عارفه ان اسنان غانم الاماميه تركيبه وفقد اسنانه بسبب فتاة مجهوله !!!
مع وضع مزون الحالي وحساسيتها من فارق الشكل بينهم اتوقع هالقصه بتكون
تنبئ لعواصف قويه تضرب مزون وغانم <---ياشينها اذا استبقت الامور بتشائم .
=======================================
كساب وكاسره
ردة فعل زايد تجاه كساب مو مستغربه ولا جديده
لان اذا ماكنت غلطانه ,,,يوم بغى كساب يفك ملكته بكاسره وزايد قام عليه ,,,وقتها
زايد قال لنفسه اذا استمر كساب بإيذائه لمزنه وبنتها بيلاقي غريمه زايد آل كساب :)
وهذا اللي صار ,,,,,طبعآ نرفع القبعه لزايد لانه بالرغم ان بقلبه ثأر له سنين
وكافح عشان يزوجهم والاهم عشان يخلي كساب يروض كاسره بالوقت اللي
(بالماضي) ماقدر يروض مزنه ,,,,الا انه يوم حس ان ممكن كاسره تنقهر او تنهان
نسي كل احلامه وخلاها بمكان مزون واللي مايرضاه لمزون مايرضاه لكاسره
والنعم والله يازايد .
نجي لكساب ,,,,في احد يقدر ينام من غير مايغمض عيونه ؟؟؟
اجل كساب مايقدر ينام الا اذا كاسرة بين احضانه ,,,,بتقولين لين مالهم الا كم شهر !!!!
بقولك هذا اكبر دليل ان كان يحبها ويموووووت عليها ,,,,
وكانه يقول : واخيـــــــــــــــــــــــــــــــــــــــرآ صارت تنام بحضني .
الموقف اللي طلعت كاسره فيه من الحمام وعيونها حمرا وشافته بغرفتها ,,,انا اكيييييييييييده
ان بترجعين تعيدين هالموقف لكن اللي بيحكي هو كساب 
كساب حاليآ اتوقع ان تفكيره محصور بشي واحد شلون ترجع بيتها فقط لاغير ,,لان طول ماهي
في بيت اهلها بيكون نصف انسان .
نجي لكاسره ,,,
حالها يحزن اكثر من حاله رغم هي اللي طلعت ,,لان بيدها ترجع له لكن
هي اللي مانعه نفسها ,,,,ترى شعور مميت صايره بين نارين
اما انها ترجع له وتفقد احترامها لنفسها وتكون غير راضيه ومحتقره عمرها
او انها تحرم نفسها منه وتتعذب لكن حاليآ تحس بالرضى ,,,,
انفاس ماتوافقيني الرأي ان عند النوم ,,,يكون شعور المحضون عير شعور اللي يحضن ؟؟
انا من رأي الشخصي ان المحتضن يكون عذابه اكبر من اللي يحضن اذا افترقو
لان بوقتها بيفقد الامان وبيفقد الاحتواء !!!
مجرد رأي شخصي من الممكن يكون مصيره انه هباء منثور .
====================================
جميله وخليفه
:)
توقع صح او توقع غلط
دام اني اقراء سطورك لي حق بالفيتو اني اثرثر لان امريكا مب احسن مني ,,
والاهم مو قصدي من التوقع والثرثره ان يكون صح ,,,لالا ,,,اخر شي افكر فيه
لكن من حقي اقول تراني قريت وفهمت سطورك بهذي الطريقه .
ممم
خليفه يشاور عقله ويدحر ابليس ويروح لمنصور ويطلب يشوف جميله
ويتناقشون ويتصالحون ,,,ويرجعون لبعض ,,,هذا ممكن ونهاية سعيده تنتظرهم .
لكن اسمحيلي اقولك رأيي ونظرتي ,,,,
اول ظهور لفهد بالروايه كان اشاره لحبه الشديد لمنصور ,,,وثاني شي
منصور امره ان يدخل مدرسة سواقه ! انا شفته عادي ,,لين جات
فراشتي خوخه بنت خالة انفاس وقالت ان هالتصرف موسهل ابدآ ابدآ بقطر
لان يعتبر اضحوكه يعني الشاهد بالموضوع من كثر حبه لمنصور رضى ان
يدخل تعليم السواقه ,,,وكمان حزنه الشديد لزواج منصور ,,ليش؟؟
لان ((خايف يفقده من كثر مو متعلق فيه)),,,طيب عشان يبي يكون قريب منه
خطب مزون وهنا اقول حركة ذكيه من الكاتبه ,,لان في حال بغى يتزوج جميله
عشان نسب منصور ابوه وعمه بيقولون اخطب بنت اخوه ليش تاخذ الغريبه
بيكون الرد اما اني ترى تقدمت لها وانرفضت او تكون مزون انخطبت .
آل ليث كلهم عارفين بمحبة فهد لمنصور وماراح يستغربون من انه يبي يناسبه .
وكمان الموقف اللي صار بين فهد وشعاع ,يعني كان عبدالله معاه ومااحد داري انه رجع
وحسن يصيح ومع ذلك نهرها على دلعها ,,مع ان الطبيعي حتى لو عصب من دلعها بيقول
مو وقته ان بحال ايش ولا ايش عشان اوبخها خلينا بالمهم ,,,لكن هو ترك ونسي كل شي
ووبخها على كلامها بنعومه !!!!
,,القصد منه ان هالفهد يكرررره شي
اسمه مياعه ودلع ,,,بالرغم ان شعاع ابدآ ماانربط اسمها بالدلع ,,,لكن من ابتدت الروايه
وجميله انربطت دائمآ بالدلع الطبيعي والغنج الطبيعي !!!
الزبده فهد لحبه الشديد لمنصور بياخذ جميله ولسبب مهم كمان ان بتكون عفراء حليله له
لكن لو اخذ مزون عفراء مو حليله فالبتالي ماراح يكون قريب من منصور ,
ولكن هو يكره الدلع عشان كذا اذا يبي الورد يستحمل شوكه :)
او ان لسبب ما ,,منصور يعرض على فهد جميله لانه عارف انه كفو
ولشدة حبه لمنصور يوافق بسرررعه <----كل الطرق تؤدي الى روما .
انفاس مااتوقع انك ركزتي على حبه لمنصور لسبب تافهه او بس كذا مجرد حشو
ومااتوقع انك ركزتي على كره فهد للدلع بس عشان زيادة حروف تملي موقف معين
انتي ماتكتبي شي الا اذا قصدتي فيه موقف بيحدث مستقبلآ
بينما اذا اخذ وضحى او مزون ,,,وين الاثاره ؟؟ وين المنطقه المتنازع عليها ؟
مجـــــــــــــــــــرد رأي خجول لااقصد فيه عناد او فلسفه :)
================================
اكتفي بهذا القدر من الثرثره
اشكرك على انضباطك بالمواعيد وتعاملك الراقي وبالك الطويل
30-11-10, 01:05 AM
جديد مواضيع قسم القصص المكتمله من وحي قلم الاعضاء
العرض العادي
