المنتدى :
الشعر والشعراء
بنيت لك فالقلب بيـتِ علـى بيـت
ابطيـت لا مبطيـت لاوالله ابطيـت
..............تبي الحقيقه خاطري منـك مكسـور
إشتقت لك حتى من الشـوق مليـت
..............وحزنت حتـى مابقـى للفـرح دور
وجاوبت صوت الراعبيـه وغنيـت
..............لانيـب طربـانِ ولانيـب مجـبـور
الظاهر إني فختيـاري لـك أخطيـت
..............يجيك طيف الحـب ويـرد مقهـور
ماصرت في ظنـي علـى ماتمنيـت
..............أسرفت في حبـك ولانيـب ماجـور
كنت أتشاوى شوقي إللي لك أهديـت
..............وأقول أنالك كلي إحسـاس وشعـور
هذا جزاي وحقي اللـي لـي أثنيـت
..............وتبغى على هجرانك أقـول مشكـور
لاوالله إلـى بالقطيـعـه تمـاديـت
..............وانا على رجـواك وايامـي شهـور
زليـت يـوم إنـي بالاقـدام زليـت
..............غلطة قدم في حق نفسي كما الطـور
ماتدري إنـك مـن حياتـي تجليـت
..............وإن كان ماتدري بها فأنـت مغـرور
بنيت لك فالقلب بيـتِ علـى بيـت
..............وحطيت لك فالروح سورِ ورى سور
وفجرة في قصرك بصـدك دناميـت
..............وخليت حبك حدر ألانقـاض مقبـور
وأنا عن المقفي ليـا أقفـى تعليـت
..............وأقبل على المقبل مثل طلعت النـور
إللـي دعانـي بالوفـأ لـه ورديـت
..............وأصبح بحبه دأخـلِ مشـة الـزور
مـدام لاقصـرت لـه قـال وفيـت
..............أخوض لجل إعيونه أمواج وإبحـور
جهزت لـه خيـل المحبـه وعنيـت
..............وأتعب من أجله والتعب عندي إسرور
إلـي جبينـه لاكشـف كنـه اليـت
..............غروِ على الخفرات كنه مـن الحـور
عزاي فـي رجـواه زود التناهيـت
..............والقلب بين إيديـه منهـي ومامـور
مهما حصـل مهماحصـل ماتخليـت
..............لاسابـقـه دورِِ ولا عـاقـبـه دور
ومهما إعترض لي في غرامه ومبليت
..............أبقى مـدانِ بالوفـاء لـه ومغمـور
يابسمة أيـام الغـلا سـو ماشيـت
..............أسرف ترى بيت الوصل فيك معمور
أخليت لـك كـل الظمايـر وصفيـت
..............مسموح لك ولا من الغيـر محـذور
مادمة في كـل الجـوارح توصيـت
..............مالد في غيرك ولا أسمع بك الشـور
|
03-03-10, 11:46 AM
جديد مواضيع قسم الشعر والشعراء
العرض العادي
