لبارت الربع

بعد ماوقعت بيدها على انتحارها دخل زياد عليها المجلس وهو يتمنى الارض تنشق وتبلعه كل شي فيها يكرهه من نظراتها الحارقه لاسلوبها لانوثتها الجارحه والمعذبه له

زياد بارتباك:مبروك يارؤى

رؤى بهمس ماسمعه الا زياد:الله لايبارك فيك وابتسمت

ابتسامتها كانت كافيه بانها تشيله وتحطه كانت عذاب له

زياد وبعد ماراحو اخواته وامه وفضي المجلس عليه هوا ورؤى

:بجد انا محظوظ فيكي

رؤى بسخريه:طبعااااااااااا وانت تحصلك وحده زيي

زياد بخجل:رؤى والله انا ما قصدت الي حصل بس..........

وكمل:خلاص رؤى اوعدك اني عمري ما حأذيك والله حكون مخلص لكي طول عمري

رؤى اعطته كف باقوى ماعندها وهمست في اذنه ودموعها على خدها:لاتحلف كذب نسيت اني الوحيد ه الي عارفه كل بلاويك

لكن والله لتدفع ثمن الي سويته فيني غالي سامع غالي يازياد طول عمرك حتفظل النقطه السوده في هاذي العائله صبرك عليا والله لااخليك تتمنى الموت وماتطوله

زياد قلب ميت لون من الصدمه وساب البيت وطلع كان مخنوق ونفسه يلقى احد يسمع له فجاءه





دق عليه خالد استغرب خير وش المصيبه الي ناوين لي عليها بس كان طوق النجاه بالنسبه له في هذا الوقت تحديدا

خالد : السلام عليكم مبروك ياعريس

زياد بهدؤ غريب: وعليكم السلام



زياد هه ايه هين امحق عريس يتكفخ من عروسته يوم الملكه:الله يبارك فيك

خالد:علامك

زياد مومن عادته انه يبين مشاعره لاحد وخصوصا اهله وتحديدا عيال عمه بس الي صار فوق طاقته محتاج احد والي دايما يلجاء له خلاص مااات اه يابدر ياريتني الحقك واخلص من العذاب الي عايشه خلاص مو قادر:تعباااااااااااااااااااااااااان ومجروح

خالد بخوف لان زياد دايما كلامه جاف وجلف ومايعطيهم وجهه فاكيد فيه شي ولا مايكلمني بهالضعف:انت فين انا جاي لك

زياد: ع البحر

خالد :دقايق وانا عندك

وقفل السماعه في وجهه

ومرت ربع ساعه وكان خالد ونواف عند زياد

زياد لما عرف نواف الصدمه شلته لا انت واختك عليا اليوم لا حرااااااااااام عليكم

نواف وهو يحظن زياد:اشتقت لك

زياد وهوا منهار :وانا اكثر

خالد حس انو زياد محتاج نواف لانه اكيد الموضوع متعلق برؤى والي صار لها قبل فتره

:انا رايح اجيب لنا شي نشربه

نواف بعد ماراح خالد:زياد انطق رؤى ليش ضربتك

ولاتنكر تراه لسه معلم في وجهك وبنص عين شكلك قليت ادبك

زياد ياريتها كدا وبس:لا ابد

نواف :زياد اتكلم

زياد كب العشا كله لنواف ونسي انو الي يتكلم عليها هيا اخت نواف وماوعي غير بكفين من نواف

وكم بكس نواف وهوا يضربه:ياحقير مالقيت غير رؤى بنت عمك ياواطي اختي الي امنتك عليها هوا دا حفظ الامانه نسيت ياحماااااار هذا شرفك تجي انت تدنسه انت ما عندك نخوه

ما اقول غير تفو عليك

بجد انت اسواء شي في هذي العيله عرفت الحين سر كره خواتك وماجد وخالتي لك ووالله ماالومهم لانك واطيييييي



كل دا صار وخالد مصدوم وشكله كدا فهم الهرجه عشان كدا ما دافع عن زياد

بعد ما هدء نواف شوي همس بكلمه كانت مثل السكين الي طعنت صدر زياد وانسحبت ببرود من صدره وتركته ينزف بكل هدوء:ليش

اااااااااااااه يانواف انت واختك عليا: لاني حقير وواطي واحبها

نواف بستهزاء:كويس بس انك تحبها ما ادري يمكن لو تكرهها كان قتلتها وفعلا انت صادق انت حقير وواطي

نواف:زياد اسمحلي

ما اتشرف انك تكون نسيب او حتى تكون ولد عمي



ااااااااااااااه لو بيدي ماكان خليتك تشوف ظفر رؤى

بس ااااااااااه

طبعا زياد الود وده يرمي نفسه في البحر بعد كل الي صار وخالد مصدوم من زياد وشايف ان نواف معاه حق وكان نفسه يكمل عليه

خالد:انا عارف انك صايع بس تاذي بنت عمك لا هذا الي ماقدرت اتخيله ياخساره تربيه عمي وخالتي فيك بس

زياد اكتفى بانه ناظر خالد بنظره تحمل كل اسى العلم

خالد استغرب ها النظره لكنه تركه وراح مع نواف

نرجع لرؤى الي من يوم مادخلت غرفتها وهيا تبكي حبها الي ضاع تبكي حبيب خانها واذاها وتركها تنزف

(لازاد فيني الحزن اكتم دموعي واون واقول ابد ما ابيك واذكر هوانا واحن وين انت عني انا وكلتني للعنا ماكني الي هويت ولا كننا نفسنا عيشتني بالوهم قتلتني باالألم عوتني ع الدموع عرفتني ع الندم قلبي معك رجعه كلامك بيسمعاه قله يشوف الحياة وان انت ماتنفعاه.............عبد المجيد عبد الله .....لا زاد)

هذي هي نغمه جوال رؤى الي صحتها من احزانها

ردت من غير ما تشوف الرقم

رؤى :الو

:رؤى

رؤى:ايوا مين معايا

يتنهد:ااااااااه يارؤى

كيفك

رؤى:انت مين

:انا الي حاخذلك حقك من زياد

رؤى بخوف :انت مييييييييين وكيف تعرف دا الموضوع

:انا حلفت قبل7سنين ان ما في احد يمس شعره منكم وهذا انا رجعت اخذلك حقك منه

رؤى بصدمه:نواااااااااااااااااااااااااف

نواف:ايوا ياعيون نواف ياقلب نواف

رؤى بصياح:نواف فينك محتاجتك ياخوي محتاجتك

نواف:انا موجود لاتخافي بس المهم لااحد يدري اني كلمتك

بس والله يا رؤى لو ماتبغيه ما تفضلي على ذمته لحظه وحده

شوفي لو فيها موتي النذل ذا مايستاهلك

رؤى :اااااااااه يانواف ماابيه ماني طايقته اكرهه

نواف بتحدي:اجل لو يطول السما ماهو طايل ظفرك

رؤى بفرح :الله يخليك لي وسكتت:نواف ابغى اشوفك مشتاقه لك

نواف اجل انا ايش اقول:وانا كمان بس ايش اسوي صدقيني مو بيدي ابوي طردني واتبرى مني

رؤى بترجي:ارجع وهوا بيحن ويسامحك

نواف :انتي عارفه انه لو شافني مو بعيده يثور رشاش فيا

رؤى:اااه نواف انت بجده ؟

نواف :ليا يومين فيها

رؤى:طيب انت فين عايش؟ كيف تصرف؟؟ وكيف تاكل ؟وايش تشتغل ؟

نواف بضحك ماتتغيري يارؤى :هههههههه هدي الحمدلله مبسوط عايش بالرياض واشتغل طيار

رؤى :الحمد لله

نواف ارجع جده كلنا محتاجينك

نواف قريب يارؤى انا خلاص ما اقدر ابعد عنكم اكثر من كدا:موقبل ما ابوي يصدق اني بريء ويسامحني

رؤى بيأس:الله كريم:نواف انا احبك

نواف :وانا اكثر سليميلي على اخواني

رؤى بصياح :نواف الله يخليك ارجع محتاجينك

نواف:لاتعذبيني يارؤى ربك كريم يالله في امان الله

رؤى :في حفظه

قفلت رؤى من نواف وهي تحس معنويتها صارت عاليه وارتاحت طالما نواف وعدها ان زياد ما ح يقرب جنبها بس بتموت وتعرف هوا كيف عرف الموضوع اااه منك يانواف



اليوم الثاني

بيت ابو عبد الله ع الفطور والكل موجود

عبدالله وهو يناحل في بنته عشان تاكل

عبدالله:ليان جننتيني خلاص بس اشربي الحليب

ليان بلؤم :تيب نلوح الملاحي"طيب نروح الملاهي"

عبد الله بيأس:حاضر بس اشربي الحليب

ليان :وعد

عبدالله:وعد

ليان بعد ما حصلت الي تبغاه في ثواني كانت مخلصه الحليب

فيصل :هههههههه والله يا عبدالله هالبنت بتشيبك بدري

عبد الله :اي والله

رؤى كانت تبغى تلمح لهرجه نواف باي طريقه تبغى تشوف رده فعل ابوها لسه على عنده ولا الزمن حننه على ولده

رؤى:فيصل سمعت عن بيت ال.........

الي ولدهم له7سنين غايب عنهم

فيصل والي موداري وين الله حاطه بس حس انو رؤى تبغاه يجاريها :ايوا اعرفهم

ايش صارله

رؤى وكل حواسها مع ابوهاالي مركز مع الموضوع:رجع لهم امس ومره طايرين فيه

فيصل والي شكله هيخربها:ايو 7سنين موهينه على اهله وخصوص ابوه وامه يالله قرت عينهم فيه

عبدالله والي حس انهم حيجيبو العيد لانه فهم النغزات والتلميحات

:رؤى شوفي ها المؤذيه ليان تلاقيها عفست غرفتي اعرفها طالعه على عمتها

رؤى بهبل:ايوا مره تشبه لمى وطلعت لليان

لمى والي اصلا كانت نايمه :ها ايش فيها لمى والله ماسويت شي

الكل ماتو ضحك عليها

ابو عبدالله بعد ماطلع غرفته :اه يانواف لو ادري بس فينك اه ياولدي هم يحسبوني لسه غضبان عليك لا والله اه لوبس ترجع

والله لاحطك في عيوني بس لو اعرف انت فين والله اني مترت المملكه رايح جاي بس مالك اثر ياخوفي ياولدي تكون لحقت امك

(ابو عبدالله بعد ما اكتشف كذب سمر قبل سنتين لان ولد الجيران جا له واعترف له وقاله الحقيقه قلب الدنيا على نواف بس ما لقاه لانه كان مسافر بره يدرس وبعد ما رجع ماله مكان محدد بسبب شغله ولان سفراته اغلبها بره المملكه

يعني ابو عبد الله سامح نواف بس موقادر يقول لعياله عشان لا يلوموه لانه ظلم نواف )

في غرفه عبدالله

والي شغال تهزيء في رؤى على حركتها مع ابوها بس رؤى قالت له كلمه خلته يوقف تهزيء

رؤى :عبدالله نواف امس كلمني

عبد الله بصدمه:ايش كلمك متى وكيف وايش قالك وبدءت عينه تلمع معلنه ظهور الدموع

رؤى ماحبت تقول السالفه كلها:هوا دق وباركلي ووعدني انو يرجع لما ابوي يسامحه

عبدالله تفهم الموضوع :الله كريم

رؤى :على فكره ترى له يومين في جده واعتقد انه قابل واحد من عيال عمي ولا ايش دراه اني ...اتملكت

عبدالله :بس مين فيهم امممممم يمكن زياد

رؤى الله يهديك يا عبدالله مالقيت غيره لاتجيب سيرته حاسه اني حرجع من اسمه بس:لا بس يمكن خالد

عبدالله :اكيد خالد موهوا تؤم روحه خلاص انا حكلم خالد وانشاء الله اني اقدر اشوفه

بيت ابو راشد

في غرفه راشد تحديد

راشد قاعد يكلم ماجد المسافر لانه عنده معسكر تدريب

راشد: ماجد الله يخليك انتبه على نفسك وانت تلعب موتشوف الكوره وتنهبل وتجينا يا مكسور ولا مصقوع

والله اخر مره طيحت قلوبنا

ماجد:ههههههههه والله ياراشد كأنك امي طيب ياعمي ولا تزعل حنتبه على نفسي

راشد:انت ماينفع معك غير كدا ما كانك رجال صاك ال25

ماجد :حرررررام عليك المهم سلم على الي عندك ماشي

راشد:يوصل بس انتبه لنفسك

دخل عليه محمد

محمد :السلام عليكم

راشد:وعليكم السلام وبحده اعتقد لغرفتي باب تقدر تدق عليه قبل ما تدخل

محمد لاحول بدأنا لازم يهزئني ولا يطق فيه عرق والله كأني قاتل امه:احم احم اسف بس ماكنت مركز

راشد :طيب ركز ثاني مره وخير ايش عندك

محمد بتردد وهدؤ:اممممم مضطر اسافر كم يوم في شغل

ومحتاج انك تكلم احد يسرعلي الفيزا

محتاجها ضروري

راشد:نعم وين مسافر ومين ا صلا الي بيخليك تسافر والله مره واثق من نفسك

محمد اهلا :والله مسافر شغل واظن انك مو مسئول عني عشان تحكمني اسافر او لا

انا طلبت منك خدمه سويتها مشكور وماتقصر واذا ماسويتها لايكلف الله نفسا الا وسعها وبرضو شكرا

راشد:محمد متلاحظ انك مره واثق بنفسك وعند مارح تسافر لو تنطبق السما على الارض

محمدخلاص وصلت معاه وانفجر في وجه:راشد الصراحه هذا مو اسلوب انا ماني باصغر عيالك عشان تتحكم فيني وبعدين متى بتعدل اسلوبك هذا معايا هو لوبس بيني وبينك كان يهون ياخوك حتى عند الغرب ما رحمتني دكتور اشطولي وعرضي واصغر منك بسنتين بس وتمسح فيني بلاط الارض قدام الي يسوا والي مايسو ياخي حرام عليك حتى خالد تعامله احسن مني ترى الانسان له طاقه وانا خلاص موقادر اتحملك اكثر من كذا واذا مضايقك وجودي بالبيت مستعد اتركه واسيبه بس بطل ها الاسلوب معي وهو خلاص العبره خانقته والدمعه خانته :خلاااااااااااااااااااااااااص مو قادر تعبت ياراشد ارحمني

وطلع من غرفه راشد الي مصدوم ومذهول من انفجار محمد المعروف بهدوءه وحكمته هو صح ماينكر انه قاسي على محمد لانه من يومه حساس وشاعري زياده عن اللزوم ولانه الاصغر منه على طول فكان يبغاه معاهم في المجموعه بس هوا اصر الايدرس طب نفسي وعصى راشد وراشد من النوع الي مايحب احد يكسرله كلمه بس ما اتوقع ان اخوه يشيل كل ها التعب والعذاب فقلبه وهوشايل على راشد الابو قبل مايكون الاخ(يمكن بسبب بعد ابو راشد عن البيت تحديدا بعد وفاه حبه الوحيد ام جنى صار مايحب يتعلق باحد لانه يخاف يفقدهم وبالتالي راشدهوا الي اتحمل المسئوليه وصار الاب لاخوانه حتى محمد الي اصغر منه بسنتين بس وبالنسبه لهم طالمى راشد راضي عن الشي الي بيسوه فالابو اكيد راضي لانه مايكسر كلمه لراشد ابدا )

راشد حاول يلحق محمد بس محمد اخذسيارته وطار فيها

نزل يدور على جنى او خالد لانه خاف على محمد

راشد:خااااااااااااااالد

جنى بابتسامه:هلا راشد امر خالد موفيه ومحمد دوبه طالع

راشد :هلا جنى تعالي المكتب شوي

جنى: حاضر

لحقت جنى راشد ع المكتب

راشد بدون مقدمات :محمد ايش فيه

جنى يممممه تخوف ايش دراك:هوا مافيه شي عادي هذا محمد هااااااااادئ ويثور فجاءه

راشد :لا الموضوع اكبر من كدا

جنى لازم اعترف:الصراحه هوا له يومين مخنوق ويبغى يسافر

راشد وكمان يكذب :ليه ايش خانقه عسى ماشر

جنى :ما اعرف بس الي اعرفه انو مضغوط في الشغل وما رضي يقول لي او لخالد اكثر من كدا

راشد :طيب شكرا تقدري تروحي

جنى :العفو .........راشد

راشد :امري

جنى :هوا اذا ما عليك كلافه ولا عليك امر

راشد عرف ايش تبغى :كم تبغي

جنى يمممممممه ساحر:ابغى وهيا بتموت خوف 2000 ريال

راشد ياخوافه :ههههههه طيب تلاقيها في حسابك بعد المغرب

جنى بابتسامه :مشكور وماتقصر وباست راسه

وطلع راشد من البيت يدور محمد

محمد الي كان ماسك خط مكه

هوا كل ماضقت فيه من المشاكل الي يسمعها من مرضاه اوضاقت فيه الدنيا لازم ياخذ يومين في مكه

راح راشد المستشفى الي يشتغل فيها محمد لعل وعسلى يفهم الحاله الي هوا فيها

وانصدم بالي سمعه وفهم من الممرضه الي تشتغل مع محمد انه في مريض يتعالج عند محمد وفي اخرجلسه له انتحر قدامه

راشد فهم محمد ليه سوا كدا وانفجر في وجهه وهوا الي عمره ما رفع صوتو على راشد برغم كل الضغوط الي راشد يمارسها على محمد الي صار ان محمد ماقدر يتحمل احساسه بالفشل وانه ماقدر يعالج ها المريض وانتحر المريض قدامه يعني غير صدمه انو يشوف انسان يموت قدامه صدمه فشله ومحمد بطبعه يميل للهروب اكثر من المواجه فقرر انو يسافر وراشد زودها عليه فهوا مستحمل وطلعت في راس راشد

دق راشد على فيصل الي يعتبر اقرب شخص لمحمد مع ان محمد مافي احد قريب منه مره

راشد :السلام عليكم

فيصل خير اللهم اجعله خير:وعليكم السلام هلا راشد

راشد :فيصل هوا سؤال محمد لاكان متضايق فين يروح

فيصل يمممه حتى في التلفون يرعب:مكه في فندق ال....

راشد :طيب مشكور فيصل تامر على شي

فيصل منك انت ماظن اني استجري:لا سلامتك

ومسك راشد خط مكه

(يمكن راشد قاسي وعصبي بس حنون بطريقته على اخوانه ويخاف عليهم ومايرضى عليهم ابد)



في بيت ابو زياد

في غرفه حور

حور:هلا والله بماجد لا يشيخ توك تفتكر انك تدق لا الصراحه تعبت نفسك

ماجد :حوريتي ايش فيك اكلتيني

شوفي بالرغم انك تؤمي وحبيبتي بس لازم ادق على راشد قبل حتى ابوي

حور يممه هذا ايش جاب سيرته الحين

ماجد :الو حور وين رحتي

حور بخوف:ما رحت مكان انت كيفك ايش مسوي مع التدريبات الله يخليك انتبه على نفسك واثقل لا تصير مطفوق(مطيور-مصرقع) وكل ماشفت كوره قمت تهابد وراها مجود الله يخليك كافي علينا المر هالي طافت بغيت تطير قلوبنا حرام عليك الله يخليك انتبه على نفسك

ماجد وحب يخوفها اكثر لانه عارف انها تموت خوف من راشد

:حور والله نفس كلام راشد والله وحشني خلاص اول ما ارجع جده لازم اعزمه على العشا في بيتنا

واكيد انتي الي حتطبخي ف من دحين اتعلمي كم اكله جديده

حور :طوطوطوطوطو

ماجد :ههههههههههههههههههههه اموت واعرف ايش الي يخوفها من راشد

حور حسبي الله عليك ياماجد ما لقيت غير سيرته انا ها الرجال يرعبني واموت خوف منه والزفت دا ماكأنه تؤمي يموت فيه يممممممه منه

في بيت ابو لجين

ابو لجين :لجين حبيبتي اليوم انا مره مشغول وما اقدر اسيبك في البيت لوحدك ايش رايك تروحي لجنى ولا لمى وامر عليكي في الليل (ابو لجين من اعز اصدقاء ابو عبدالله وابو راشد وابو زياد من وهم صغار ويمون عليهم)

لجين تبيها من الله:طيب حاكلم جنى ونتقابل في بيت لمى

وفعلا راحت جنى ولجين لبيت لمى

في مكه وبعد ما وصل راشد وراح للفندق الي فيه محمد وبعد ما دق راشد الباب على محمد

محمد يووووووه مين الي داق دحين انا ما صدقت ابعد اكيد الروم سيرفس والله لااطلع حرتي فيه

وفتح الباب وانصدم وبهمس:راشد

راشد:مابتقولي اتفضل

محمد هه شكله ناوي يكمل علي ماكفاه الي صار بجده جاي يكمل بمكه:ها لا اكيد اتفضل

راشد جلس واشر لمحمد يجلس قباله وحط يدينه على ركب محمد :محمد انا اذا قسيت عليك او هزئتك

مو معناته اني ما احبك او ما احترمك محمد صح انت اصغر من بسنتين بس انت عارف اني انا الي مربيكم كلكم وعمري ما فرقت في المعامله بينك وبين خالد يمكن زعلت منك انك ما اشتغلت في المجموعه بس برضو تبقى اخوي وسندي

ومايهون عليا زعلك بس لازم يامحمد تفهم انك ماتخلط الاشياء وتعرف تحل مشاكلك بنفسك من غير ماتهرب لان الهروب موحل ابدا

محمد والي مازال مصدوم انو راشد ترك كل الدنيا ولحقه هواصلاكيف عرف مكاني:راشد بجد اسف اني عطلتك او ضايقتك معليش امسحها بوجهي

راشد بحنان :لا يامحمد انا لوحسيت ان في واحد منكم شي اترك الدنيا والحقه فاهم لاعاد تقول هالكلام

محمد والي اتغير لون الدنيا في وجه :الله لايحرمنامنك ياخوي

راشد:بس برضو مافي سفر وتقطع اجازتك وترجع شغلك فاهم الي صار لك مو نهاية الدنيا وانت دكتور وبتمر عليك حالات اسواء من كذا بكثير

محمد مصدوم هذا كيف عرف:انت ايش دراك

راشد وقف واتجه للنافذه المطله على الحرم:انتو اخواني ويهمني كل شي يصير لكم

محمد بالم وهو يتذكر الموقف الي صار:صعب صعب ياراشد الي شفته اذاني كثيرصدقني الا الان مو قادر استوعب الموقف انا انهزت ثقتي بنفسي اااااااه ياراشد وغصب عنه نزلت دمعه من عينه مسحها بسرعه بس راشد انتبه له

راشد قرب يمه وهو مصدوم عمره ماشاف محمد بهالانهزام والضعف وراح له وحظنه :محمد ياخوي وش بلاك

محمدبالم:ياراشد صعب انك تشوف فشلك قدامك تشوف تعب سنتين يضيع كذا انا عمره ماعدت علي حاله الاو عالجتها

وحاول يتمالك نفسه:المهم الفشل الاول دايما صعب

راشد:هذا انت قلتها بنفسك الفشل الاول عادي يامحمد بتواجه مشاكل كثير وراح تفشل وتطيح وتقوم بس اهم شي تتعلم من فشلك واخطائك ويالله نروح نصلي ركعتين في الحرم ونرجع جده



محمد :حاضر يارشد ومشكور على كل شي

راشد وهو يلبس نظارته الشمسيه :كم مره اقولك هذا واجبي مو فضل مني

وطلعو الاثنينوراحوصلو في الحرم وبعدها خرجو من مكه

ورجعو جده وكل واحد رجع بسيارته

وراشد وهوا دوبه داخل جده دقت عليه جنى

(مين يزعلها يزعلني انا ومين يضايقها يضايقني انا والي يجرح قلبها بكلمتين صدقو كنه جرح قلبي انا الا الاهاذي لاتزعلونها العزيزه عندي تعرفونهااتركوها تاخذ الي هي تبيه الله لايخليني من عيونها صوتها عندي مثل المطر وضحكها مثل الفراشه والزهرولا زعلت شي يصير في هذي الحياه لا فراش ولا زهور ولامطر

.....عبد المجيد .....العزيزه)

هذي هي النغمه الي مخصصها راشد لجنى

راشد:الو

جنى :السلام عليكم

راشد:وعليكم السلام هلا جنى امري

جنى :ما يامر عليك عدو بس حبيت ا قولك اني ابغى اروح السوق مع لمى ولجين ورؤى

راشد:طيب مين بيوديكم

جنى:مو هنا المشكله انهم بيروحو مع السواق وانت تعرف .........

راشد ااااه ياجنى محد واجع قلبي زيك:طيب حبيبتي خلاص انا اجي اوديكم يالله ربع ساعه وانا عند بيت عمي مو تلطعوني

جنى بفرح:الله يخليك لي يارب

راشد :ههههه يالله مع السلامه

جنى :سي يو

وفعلا ربع ساعه وكان عندهم البنات كانو يموتو خوف من راشد بس رؤى كانت تحترمه اكثر من انها تخاف منه

في السياره ركبت جنى جنب راشد والبنات ورى

البنات :السلام عليكم

راشد: وعليكم السلام

ايش اخباركم يابنات

البنات باصوات متفاوته:تمام

وطبعا محد استجر يسأله عن اخباره

في الطريق الهدؤ سيد الموقف

راشد:جنى

جنى :هلا

راشد بصوت اقرب للهمس لانه يعرف ان هاذي السيره تضايقها:اخذتي دواكي

جنى ورطت:ها ايوه اقصد انو يعني

هوا خلص ونسيت اجيب غيره

راشد مارد عليها وعصب منهاوقف عند اول صيدليه وجاب لها الدوا والبخاخ وراح جاب لها من البقاله مويه

واعطاها هيا بدون ولاكلمه

جنى عرفت انو زعل منها

بس هيا نسيت الدوا مو قصدها

ونزل البنات السوق وخالد هوا الي رجعهم بعد ماقال لابو لجين انوهوا الي حيوصل لجين للبيت ووصلو لجين وجنى كانت ساكته على غير العاده

خالد:جنى وش بلاك

جنى وما صدقت:زعلت راشد مني

خالد بتريقه :والله كبيره يا جنى ما اصدق ان راشد يزعل من جنى

جنى بقهر:خالد اهجد عني(يعني سيبني في حالي)

وصلو البيت وجنى دخلت غرفتها ولبست بجامتها وكان شكلها كانها طفله مو قادره تنام وهيا عارفه انو راشد زعلان عليها

فراحت لغرفه راشد وهيا تدعي يارب يكون صاحي

راشد كان صاحي وسمع صوت الباب :مين

جنى :انا جنى ممكن ادخل

راشد:ادخلي

جنى:راشد انت زعلان مني؟

السلااام عليكم ورحمه الله وبركااته
اهنيك حبيبتي على أختيارك الموفق لنقل هذي الرواية
وبالتوفيق الداائم لكِ

Noode-179

لبارت الخامس

جنى :انا جنى ممكن ادخل

راشد:ادخلي

جنى:راشد انت زعلان مني؟

راشد بنص عين:انتي ايش رايك

جنى والدموع اشتغلت لانه كلو كوم وانو راشد يزعل منها كوم تاني :والله اسفه ماكان قصدي

ونزلت راسها تكمل بكى

راشد كلو ولا ودموع جنى ما رد عليها بس راح لها وحضنها وجلسها على حجره "حضنه"زي لما كان يسوي لها لازعلت وهيا صغيره جنى في عيون راشد بتم طول عمرها صغيره

راشدوهوا يمسح دموعها:جنى حبيبتي انا مازعلت منك الالانك اهملتي صحتك وانت عارفه كلو الاصحتك مستحيل اتساهل فيها وعالعموم انا خلاص موزعلان بس توعديني قبل مايخلص الدوا تقولي لي اولمحمد اولخالد عشان نجيبه لكي ماشي

جنى :وعد

وقالت شي اكد لراشد انو جنى بجد ناقصها حنان:راشد ابغى انام عندك اليوم الله يخليك

راشد حزن عليها انو ماعندها ام تحضنها او تواسيها :طيب وشالها وحطها في سريره وقعد يقرى عليها لحد مانامت ومارضيت تنام الافي حضنه زي زمان وجنى كانت محتاجه حضنه الي هوا بالنسبه لها حضن الام والاب والصديق والاخ

يمكن راشد مايظهر عواطفه ومشاعره والطيبه الي فيه الا لجنى



(جنى من وهيا عمرها شهور ماتنام الاعند راشد الي وقتها كان عمره11سنه ومارضيت تسيب غرفته الالماصارعمرها 13سنه وبالمضاربه كمان واخذت فتره تتغافل اخوانها وترجع تنام عنده

والى الان كل ماتحصل فرصه لاكانت تعبانه ولا زعلانه تدلع عليه وتروح تنام عنده وهوا طبعا مبسوط لانها تحسسه بمشاعر الابوه)



صباح اليوم الثاني

دخل خالد عشان يصحيها ويخرجو يفطرو لان عنده اجازه اليوم

دخل الغرفه وما لقاها طاح قلبه في بطنه خاف وطار على غرفه راشد ودخل بدون حتى مايدق الباب وهوا عارف قدايش دي الحركه تعصب راشد وتنرفزه بس خوفه على جنى كان معميه

دخل الغرفه وانصدم راشد كان جالس في السرير وقاعد يقرى جرايد(مو عاده راشد يقعد في السرير حتى لو كان تعبان)

خالد:راشد الحق جنى مو فغرفتها

راشد :اشششششششششششش

وفتح اللحاف على الجهه الثانيه عشان يشوف جنى ويطمن

خالد انصدم جنى كان شكلها كانها بيبي

شعرها على وجهها ومتكوره على نفسها ومتعلقه بذراع راشد ومو راضيه تتركها كانها خايفه يتركها

خالد كسرت خاطره جنى وشكلها بس النكد والاذيه صفه متاصله فيه

خالد:جنى حبيبتي قومي

جنى وهيا فيها النوم:ممممممم خالد سيبني ولا اعلم عليك راشد اطلع وسكر الباب يالله اوت اوت

خالد وفيه الضحكه عارف انو احلى وقت تكلم جنى فيه وهيا لسه ماصحيت ما تدري ايش تقول وتكب العشا كله:يالله قومي من زينه راشد الحين يوم انك تهدديني فيه

راشد ناظر خالد بمعنى انت قد هالكلام

خالد نسي وجود راشد بس همس له:والله مو قصدي بس شوف واسمع دحين تجيب العيد

راشد سكت لانه كان طفشان اليوم اجازه ونفسه يتسلى

اشر لخالد انه كمل