كاتب الموضوع :
بلازا
المنتدى :
القصص المكتمله
حست بنفس حار على اذنها اترعبت جا في بالها كل شي ماعدا انه يكون عبدالله مع انه نايم جنبها
عبدالله بهمس عذب صهر كل خليه في جسم رماح واكد لها انه عبدالله تملك شي فيها : حبيبتي اسف ماكان قصدي اجرحك بس خفت على ليان وطلعت حرتي فيكي
رماح التفت له وابتسمت بعيون حائره :حصل خير عبدالله ماكان قصدي اني ماقولك او شي لا والله بس هي ماعاد جابت لي سيره الالم ففكرته انه راح عنها معليش سامحني مارح اكررها اوعدك
عبدالله ناظرها وعيونه تلمع بحب :حبيبتي مو غلطك الي سار بس اعتقد انك خلاص عارفتني اذا عصبت اضيع الدرب
رماح ابتسمت برضا "عبد الله عمره ما خلاني انام زعلانه الله يخليه ليا يارب"
:الله يسعدك لانك ماخليتني انام وانا زعلانه
عبدالله ابتسم يعني ايش كان حيصير لها لو قالت الله لا يحرمني منك اه من حبك يارماح:ولو انا ماقدر انام وحبيبتي زعلانه يصيبني ارق
رماح ضحكت :هههههههه واعطته ظهرها تصبح على خير
عبدالله خق من ضحكتها حاوط وسطها بيدينه وقربها له وسارت في حظنه همس لها : رماح اتاكدي ان مالك مكان في هالدنيا كلها غير هنا في حظني وبين ضلوعي
رماح قربت راسها من خده وطبعت بوسه من كل قلبها على خده وغمضت عينها وراحت في النوم تاركه عبدالله يعاني
"ااااااااااااه في حضني وانا متاكد انها تفكر في غيري ااااااااااه يارماح متى تحسي بس فيني وتبادليني الحب والله القلب احسه مايكفي يشيل كل هالحب حبك زاد وفاض عن قلبي ماتخيل حياتي يوم بدونك اااااااه يارماح انا اعترف لك انك ملكتي كل خليه فيني"
في بيت ابو راشد
في الحوش راشد قاعد يركب الشنط وسط دهشه محمد وخالد وبكاء جنى
وبعد ماخلص التفت عليهم
:خالدوصيتك جنى فاهم مابي احد يزعلها
خالد استسلم" لان راشد قال لخالد ومحمد وجنى انه لازم يترك البيت وما خلاهم يناقشوه":تامر على راسي ياراشد
راشد برضا :هذا العشم فيك
وانت يامحمد انتبه لجنى وطمني على ابوي
محمد بحزن:حاضر ياراشد والتفت لجنى وحضنها :حبيبتي لا تبكي اوعدك ارجع قريب بس الين ماتهدا الامور
جنى ودموعها شلا لات:لا راشد لا تتركني
راشد:حبيبتي بس فتره وراجع لا تخليني ارو ح وانا خايف عليكي
جنى مسحت دموعها ورجعت حضنته
:انتبهي على نفسك واوعديني انك ماتهملي في دواكي
جنى:اوعدك
باس راسها وراح كلم اخوانه على جنب
راحت جنى وحضنت حور وجلست توصيها على راشد ورجعت جري لراشد ورمت نفسها في حضنه
راشد حزن عليها :حبيبتي خلاص اوعدك كلها كم يوم وارجع واذا احتجتيني تليفون واحد واكون عندك طيب
جنى وهي تشد على حضنه ماتبيه يتركها :طيب
حور ناظرته بعيون جف الدمع فيها "اااه ياراشد حنيتك مغرقه الكل الا انا "
راشد مسك يد حور بس هي سحبتها تنهد:يالله اركبي السياره ورانا درب
حور استغربت"ورانا درب؟؟" بس ماردت
وركبت السياره مع راشد
والصمت هو سيد الحديث
بعد فتره
راشد بتوتر:حور لا تقعدي ساكته كذا
حور بخوف:ماعندي شي اقوله
راشد ماصدق لقى شي يعصب عشانه :قولي أي شي لا تسكتي كذا
حور بدت خاف بجد "الي مخليها ساكته هو خوفها من راشد الي زاد الحين لانها فعليا الان لوحدها مع راشد على الاقل اول كان فيه اهله مايقدر يسوي لها شي
اما الان هي لوحدها "اااااااااه يايبه لونك الحين مسامحني كان مستحيل اجلس معه دقيقه وحده
:ممممماااععندي شي اققققووولله
راشد سكت "الحين وش ذنبها اطلع عصبيتي وقهري فيها ":معليش حور ماكان قصدي اطلع عصبيتي عليكي
حور بخوف:حصل خير
بعد فتره :يالله حور انزلي وصلنا
حور نزلت ومشت وهي تعرج بتعب
اتاملت المكان حلو وفخم وراقي كبير وفيه اشجار وورود مع ان الوقت تقريبا كان2 بعد منتصف الليل الا انه ماخفى من روعت المكان أي شي
ناظرت راشد بعيون مليانه خوف هذا ليش جايبني ف هالمكان البعيد اكيد ناوي يسوي فيني شي:راشد ليه جايبني هنا وش هالمكان
راشد ابتسم وهو يناظر البيت :هذا سري الي محد يعرفه غيرك
حور باستغراب :مو فاهمه
راشد :شفتي هالبيت بانيه من 3 سنوات
وكنت اصممه من 7 سنوات
ومافي احد يدري عنه
والصراحه فكرت اننا نعيش هنا بعيد عن الزحمه والناس وبدل مرمطت الفنادق والشقق المفروشه
حور ماتبي تتلقف لانها كل ماتلقفت جرحها بالكلام خلاص تعقدت :اها حلو
راشد انقهر من ردها كان وده تساله بس دايم حورتمشي عكس توقعات راشد
:معليش صح هو بعيد عن البلد بس احسن من الفنادق والشقق
حور بلا مبالاه :عادي
راشد انقهر:وشلون عادي وانتي بتكوني بعيده عن اهلك وخواتك فتره طويله طويله ياحور
حور ياحبك للتجريح يااخي:عادي مو مهم المهم مكان اسكن فيه وخلاص
راشد دخل وهي دخلت معه ووراها اماكن الغرف والمطبخ الداخلي والحمامات ع السريع وتركها هي بعدين تكتشف الباقي
"البيت عباره عن فله كبيره جدا يتوسطها درج داخلي يطلع على غرف النوم الموجوده بالدور الثاني
اما الدور الارضي فيه ثلاث مجالس داخليه ومجلس خارجي
ومطبخ ومكتب راشدوملاصق للمكتب غرفه طعام فيها طاوله تكفي 12 شخص
وبعده في غرفه صغيره زجاجيه مطله على المسبح الي في الحديقه الخلفيه للبيت
وفي الجهه اليمين للبيت توجد بحيره صناعيه راشد مصممها خصيصا للفله محاطه بانواع كثيره من الاشجار
وفي جزء بجانب البحيره فيه ماصات وكراسي "قعدات "
وفي الجهه اليسار للبيت توجد انواع غريبه وكثيره من الورود تقريبا كل انواع الورود الي في المملكه فيها وفي بدايه البيت يعتبر اقرب مكان للبوابه بيت شعر بجمبه مطبخ خارجي مخصص للعزائم البيت بعيد عن البلد هو على طريق المزارع في جده وهو مزرعه اكثر من كونه بيت للسكن البيت مهيء ان يسكن فيه عاشقين مغرمين في بعض مو حور وراشد"
انبهرت حور بالبيت وبتصميمه واناقه وفخامه الفرش
صعدت لغرفتها بصعوبه لان رجلها مازالت مجبسه
دخلت الحمام واتروشت بصعوبه
وبعدها طلعت وماجاها نوم فقررت ترتب ملابسها واغراضها وبعد فتره
دخل راشد :السلام
حورارتاعت من قلب :احم هلا راشد امر
راشد:مايامر عليك عدو
"حور الي هو انت"
بس وكمل بحرج :انا الصراحه فاشل في ترتيب الملابس والاغراض
وحك راسه بفشيله : فا ياريت ترتبيها لي مو لازم اليوم بس يعني متى ماتقدري
حور ماتت ضحك على شكله وهو محرج لانه طالع عبيط :ههههههه خلاص اول مااخلص اروح غرفتك وارتبهم بس غرفتك وينها
راشد الي ذاب وخق من ضحكتها :مشكوره الغرفه الي قبال غرفتك على طول
وجا بيطلع بس تذكر شي
:اهاا حور في جناح ماابيك تقربي جنبه فاهمه
حور:ايت واحد عشان اكون عارفه
راشد ابتسم بحزن :الجناح الي بالجهه اليسار لوحده
حور :ايه عرفته خلاص اوكي
رضخت وهي تموت وتعرف وش في هالجناح بس سكتت مالها خلق مشاكل مع راشد تعرفه الي يقوله لازم يتنفذ لانه امر
راشد راح لمكتبه وبداء يشتغل على اوراق الصفقه الي راح تعوض خسارته
هذي الصفقه مافي احد يعرف عنها غير راشد وماجد حتى عبدالله مايدري عنها راشد كان متكتم عليها لانها راح تحدد مصيره ياتعوض الخساره الي خسرها يا تدمر كل الي بناه في سنين
وبعد مادخلت حور غرفه راشد بدت ترتب اغراضه وتنظمها خلصتها بسرعه ونزلت بصعوبه للمطبخ واكتشفت انه مافي ا كل وهي تعبانه وميته جوع
في الاخير استسلمت وراحت تقول لراشد هي ماكانت تبي تكلمه او تحتك فيه لكن وللاسف مضطره
دقت باب المكتب بارتباك
راشد وعينه على الورق:ادخلي ياحور
دخلت وهي ترجف من الخوف والتعب
:احم رراشد اناا خلصت ترتيب اغراضك ورحت المطبخ بس مالقيت فيه شي
وكنت ابي اسوي عشا
راشد ضرب راسه بيده:اوووووووووووف كيف نسيت وقام وشال غترته ومفاتيحه والجوال والمحفظه حور بس شافته قام ارتاعت وتحركت وراحت للصاله راشد شافها وتنهد
خرج يجيب لهم عشا واغراض للبيت
وبعد ساعتين ونص
رجع البيت كان خايف على حور ومايبي يتركها لوحدها بالبيت بس وش يسوي مابيده شي
دخل وفي يدينه لاكياس حطها على طاوله المطبخ وراح للصاله لقى حور نايمه على الكنبه ورجلها المجبسه في الارض حزن عليها
راح رتب الاغراض في المطبخ وجهز العشا وحطه في غرفه الطعام ورجع لها وهي لسه على وضعيتها نزل لمستواها ومسح على شعرها وبهدوء:حور حور
حور:هممممم
راشد:يالله قومي الاكل جاهز
حور من التعب ماتدري مين يكلمها اصلا :طيب طيب قمت
وبس قام وقف ورجعت نامت
راشد :حور يالله عاد الاكل برد
حور استوعبت انه راشد وارتاعت :طييببببب ببقووم
ماعلق وتركها وراح ياكل جاته بعد 5 دقايق
وجلست تاكل بهدوء بس من كثر مهي جيعانه وتعبانه اكلت كل الي في صحنها وهم بعد كانت جيعانه
بس قامت بتعب وتسندت على الجدار
راشد ماقدر يشوفها كذا ومايساعدها حن عليها
:حور ممكن تخليني اساعدك
حور بتردد وخوف:لا شكرا خلاص اقدر امشي
راشد طنشها وقام
حور لصقت بالجدار وتكلمت بخوف قهر راشد:لا لاتقرب خلاص انا اقدر امشي لوحدي
راشدتنهد :براحتك بس الله يهديكي
"حور ويقلعك"
حور مشيت ولا عبرته وهو عصب ونذاله فيها تركها تصعد الدرج الين ماطلعت روحها ولا رضي يقولها انه في في البيت مصعد
"لوين بيوصلنا عنادك ياحور اخ بس"
|
07-03-10, 07:22 PM
جديد مواضيع قسم القصص المكتمله
العرض العادي
