عد مرور سته اشهر على وفاه ام زياد
بدت الاجازه الصيفيه
يوم عرس (محمد وسلام &&&&&&& خالد ولمى)
كان في المزرعه برضه بس كان عرس بسيط يدل على بساطه العرسان وحبهم لبعض كل شي كان ابيض بدايه بفستان العروس ونهايه بالكوشه


انزف اول شي محمد وسلام
وبعدها خالد ولمى
وراح كل واحد فيهم فندق مختلف
محمد وسلام قررو يسافرو ايطاليا وتحديدا فينيسيا لانها
مثلهم رومنسيه وهاديه
اما خالد ماكان يقدر يسافر بره بسبب شغله فحجز في الشاليهات لمده اسبوع لانه ماقدر ياخذ غير اسبوع
في الفندق
عند محمد وسلام
سلام اول مادخلت بدون ولا كلمه راحت للحمام عشان تبكي " محمد مايستاهل محمد كثير علي انا انا انا انا بنت ناقصه انا مااقدر اعطيه كل الي يبغاه انا ناااااااااااقصه "
محمد حس عليها وفهم جرحها حتى هو كان حزين مايقدر ينكر انه كان نفسه يكون اول رجل في حياتها بس مادام هذا قدره هو راضي المهم تكون سلام معاه سلام الي عوضته عن كل شي
سلام الي خلته يعرف ان الدنيا حلوه سلام حبيبته ومايبدلها ولا ببنات الدنيا كلها"

محمد اتوجهه للحمام:سلام حبيبتي
سلام تمسح دموعها الي مو راضيه توقف:محمد الحين اطلع بس دقيقه
وطلعت وهيا لسه بفستانها ومكياجها الي عدلته عشان ماتبين له انها كانت تبكي
بس ماعدت على محمد ابدا عارفها
محمد قرب منها وباس رسها
:مبروك ياحبيبتي الف الف مبروك
سلام بخجل:الله يبارك فيك
محمد :ابي اعرف ليش كنتي تبكي
سلام:مين قال ماكنت ابكي
محمد:سلام لاتكذبي انا سامع صوتك وانتي بالحمام ليش ياسلام ليش
سلام بدت تبكي
:محمد انا انا انا موععععارفه ايش اقول
بس الي سار غصبا عني والله يامحمد غصب
والله ماقدرت امنعه والله كان اقوى مني محمد انا اسفه

محمد انصدم هاذي بايش تفكر:سلام انتي هبله
معقوله تظني ان تفكيري سطحي لهاالدرجه
وطلع وتركها
انقهر منها وعصب
ليش ليش مو قادره تفهم اني عارف ومتقبل ليش تبرر وتعتذر عن شي سار غصب عنها ومالها يد فيه ليييييييييش

اما سلام الي قطعت نفسها بكى وبعد ماطلعت كل الي في قلبها
قامت اخذت دش وبعدها راحت لبست بيجامه وسرحت شعرها وراحت نامت
من التعب
اما محمد رجع ع الساعه 8 الصباح
ولقاها نايمه ماحب يزعجها وخاف لو نام جنبها تقوم مفجوعه لانه
اول مره يقرب منها رجل غريب بعد الحادث فدخل اخذ دش ولبس بيجامته وسحب لحاف ومخده وراح نام على كنبه في الصاله "محمد قرريديها وقتها الين ماتتعود عليه وتتقبله كزوج في حياتها"
اما سلام الي حست فيه فهمتها انه مايبي يقرب جنبها لانها مو بنت"دائما الي عنده شعور بالنقص يفهم تصرفات الاخرين غلط"
نررررررررروح
لخالد ولمى
لمى دخلت وجلست في الصاله تستنى خالد
وبعد ربع ساعه جا خالد
خالد بابتسامه وصلت الين اذنه :مبروك حبيبتي
لمى وهيا بتموت من الخجل:الله يبارك فيك
خالد حب خجلها وراح حط يده على راسها ودعى الدعاء(اللهم إني أسألك خيرها وخير ماجبلتها عليه وأعوذ بك من شرها وشر ماجبلتها عليه)
يالله يالغاليه نقوم نصلي ركعتين لله
لمى ببتسامه :حاضر بس اغير ملابسي واجيك
خالد:اوكي انتظرك
راحت لمى تغير ملابسها وتتوضى ولبست جلال الصلاه
ورجعت لخالد وصلو ركعتين شكر لله
وبعدها
خالد:لمى تبين عشى
لمى:لا والله ياخالد مو قادره مالي نفس
خالد عرف انه مارح تاكل عنيده وهو بعد موجيعان

:خلاص على راحتك
ابي اخذ دش واناااااام مهدود حيلي
لمى ارتاحت يعني اليوم حيعدي على خير
ودخل خالد ياخذ دش وخلص ودخلت بعده لمى واخذت دش ونامت ورجع خالد من الصاله ونام جنبها
وصحيت لمى قبله الساعه 11 الصباح
وراحت غيرت لبسها وظبطت شكلها واتعطرت وراحت تصحيه
:خالد خالد قوم صرنا الظهر
خالد وهو يفتح عيونه ببطء وابتسامته كل مالها وتتسع
:صباح الخير ياعمري
لمى انحرجت :صباح النور يالله ياكسول قوم
خالد:اوكيه يالله باخذ دش واغير ونخرج نفطر بره ونروح الشاليهات اوكي
لمى:اوكي وانا بلم الملابس الي ناثرها في كل مكان
خالد بنص عين:بدينا بالتحكم
لمى بدلع عارفه تاثيره على خالد:وانا اقدر اتحكم فيك


خالد خق:بروح اتروش لااتهور
لمى ماتشوفو غير غبارها
وخالد مات عليها ضحك

وبعدها بساعه كان خالد ولمى في المطعم
يفطر او بالاحرى يتغدو
وبعدها راحو الشاليهات وراحو الشاليه الي حاجزه خالد ولمى عجبها المكان رومنسي وهادي
في بيت ابو عبدالله
الي فضي عليهم بعد زواج سلام ولمى
رؤى:عبدالله ايش رايك لو اكمل دراسات عليا بدل قعدتي بالبيت
عبدالله:والله الفكره حلوه واذا تبي ممكن اخلص لك الاجرائات
رؤى:والله ياليت الله يعطيك العافيه
عبدالله بابتسامه:ولو حاضرين لك يالغلا
ليان:بابا بابا بابا بابا بابا بابا
عبدالله :خير خير وش فيك متصرقعه
ليان:يعني ايش متصصقعه
عبدالله بضحك:ههههههه يعني وش تبي
ليان:تيب ابي امممممم ايه ذكرت تفشت ابي اروح الملاحي"طيب ابي امممممم ايه ذكرت طفشت ابي اروح الملاهي"
عبدالله:حبيبتي مااقدر مشغول
خليها بكره
ليان بزعل وشفايفها ترجف معلنه هطول الدموع:لا انت كل يوم تقول بكره وبكره تقول بكره وبعدين متى اروح لا انا ابي اروح اليوم
عبدالله:طيب يصير خير
راحت ليان زعلانه من عنده وهو تعب منها من طلاباتها هو عارف انها محتاجه ام بس مو قادر مايبي يكرر التجربه مو قادر يثق او يصدق حرمه"مرت عبدالله كانت شخصيه سطحيه وتافهه كل الي يهمها المظاهر انها زوجت فلان وتلبس ماركات ولها سائق خاص
ومن هالكلام اما عبدالله مو مهم في حياتها بالنسبه لها هو عباره عن بنك واسم فقط لاغير ولما جابت ليان كانت ماتهتم فيها وعبدالله كان يبي يطلقها لكن الموت سبقه
عبدالله شخصيه رومانسيه لابعد الحدود شخصيه حلوه وبنفس الوقت مرح لكن الهموم كبرته ونسته المرح عبدالله كان رومانسي مع زوجته لابعد الحدود لكن هيا كانت تقابله بالجفا والتريقه عليه اذا دخل عليها ومثلا معاه بوكيه ورد تقوله لو جايب خاتم اوحلق افضل يعني كانت بجهه والرومانسيه بجهه وعبدالله ماقصر معها بس كان يدور الحب وهيا قابلته بالجفاء ةالقسوه فكرهت عبدالله بكل الحريم ورفض الزواج نهائيا لكنه صار يفكر فيه حاليا لانه تعب من مسؤليه ليان ومحتاج مين يساعده فيها "

رؤى :عبدالله بصراحه انت موفاضي للبنت والبنت بدت تحس انها مهمشه في حياتك حرام مايصير ياعبدالله البنت محتاجه ام
عبدالله:يارؤى مو قادر ام ليان عيفتني بكل الحريم عارف بتقولي اصابع يدك مو سوا انا معاكي لكن خايف اجرب وانصدم واذا انجرحت وقتها وشلون بقدر ارجع الم نفسي واطيب جروحي صعب ياؤى والله صعب
رؤى قدرت حالته :الله كريم ياخوي

لساعه 12:30 بعد منتصف الليل
عند لمى وخالد
لمى مرعوبه وخايفه وخالد جالس يفرفر في القنوات ومو معطيها بال
خالد:لمى قومي نتمشى ع البحر
لمى:اوكي البس عبايتي واجيك
خالد:ماشي انتظرك
وراحو يتمشو ع البحر وبعدها راحو الشاليه واتعشو
وبعدها
ع الساعه 2 بالليل
خالد:لمى يالله ننام تعباااااان
لمى:طيب روح نام انا وش دخلني
خالد بخبث:الحين اقولك ابي انام تقوليلي روح نام يعني على بالك اني استاذن منك عشان اروح انام لا انا
اقولك يالله معايا
لمى قلبت عشرين لون
خالد "الحمد لله فهمت"
:يالله يالمى
لمى لسه عندها امل:طيب ياخالد روح نام وانا بعدين اجيك مافيا نوم الحين
خالد:ولا انا بس خلاص عاد افهمي
لمى ياربييييييي:وووووش ااافهمم
خالد "لا هاذي بقعد طول الليل اشرح لها لا اطبق عملي احسن" وراح لها وشالها بين يدينه واخذها غرفت النوم وسط صريخها وتوسلاتها انه يتركها بس خالد صدر لها الطرشه
تمام ولا سمعها وسوا الي براسه
نروح لمحمد
الي كان هو وسلام في الطياره ولا واحد وجهه للثاني أي كلمه من ساعه الحوار الي صار بينهم وخروج محمد من الفندق
وظلو على هالحال الين ماوصلت الطياره ووصلو فينيسيا
وهما هلكانين واول ماوصلو الفندق
سلام نامت ع السرير بالعرض من التعب
ودخل عليها محمد وشافها نايمه كذا جا بيعدلها
وفجاءه صحيت
:مممممحممد ايش تبغى
محمد استغرب خوفها :ولاشي كنت ابي اعدل نومتك
سلام وهي تحضن نفسها بخوف:محمد بعععععد الله يخخخليك بععد
محمد:سلام حبيبتي وش بلاك
سلام بهستريا:محمد اتركني لاتلمسني الله يخليك لاتلمسني
محمد اتفاجاء ماتوقع انه الخوف من هالموضوع لسه مصيطر عليها
"سلام ماكانت خايفه منه او من قربه لانها اتجاوزت هالموضوع لكن خايفه من رده فعله يوم يتاكدفعلا انها مو بنت
خايفه يصدمها برده فعله لانه ولو ماتقبلها او نفر منا هذا الشي بيقتلها فعلا لانها تحبه

وماتتخيل حياتها بدون محمد محمد بالنسبه لها مصدر اماااااااان وحنان واحتواء"
محمد:اوكي مارح اقرب واسف اذا خوفتك وخرج وتركها وهو مصدوم
"شنو ماتبيني ماتبي قربي من شنو خايفه مني من قربي لا لازم اساعدها تتجاوز هالشي انا احبها ومااقدر اشوفها بهالوضع
واذا قربي يسبب لها هالشي خلاص مو لازم اقرب جنبها "محمد كان مصدوم من خوفها ورعبها منه وقرر مايقرب جنبها ابدا عشان لاتخاف صح صعب بس عشان سلام مستعد يسوي أي شي"
اليوم الي بعده
محمد اخذ سلام وخرجو ورجع يعاملها زي اول واحسن بس بدون مايقرب جنب سريرها
وهذا الشي كان مريح سلام وخلاها ترجع تتوازن وترجع سلام الي يحبها محمد


الصباح الساعه 9
صحيت لمى وهيا مكسوفه ومحرجه من شكلها وهي نايمه بحضن خالد
وحاولت تقوم لكن خالد حاضنها بقوه وماقدرت تتخلص منه
ياربيييييييييي الحين لو قام والله فشيله وانا كذا لا يارب مايقوم
خالد كان صاحي من زمان وجالس يتامل فيها ماكان مصدق انها نايمه جنبه وفي حضنه
بس ماحب يحرجها فخلى يدينه ترتخي وهي حمدت ربها وقامت بسرعه عالحمام
ودخلت تتروش
وخالد مات ضحك على شكلها
وبعد ماخرجت من الحمام كان شكلها كيوت خدودها حمرا من الخجل
ولابسه فستان اصفر فاتح زايدها جمال
وكان شعرها مبلل ومنثور بشكل عشوائي على وجهها
خالد خق وانصعق كل يوم تزيد جمال وحلاوه
وصفر:يااااااااااااااااااااااهو
لا مااقدر انا ع الاصفر ارحميني حرام عليكي
لمى كل الالوان صارت في وجهها واستحت:صباح الخير
خالد قام لها وحضنها وباس راسها:صباح النور ياعمري انتي
لمى بإحراج:احم خالد الحمام جاهز اذا تحب تتروش
خالد حب يحرجها :والله يارتني صحيت معاكي كان دخلت معاكي مره وحده
لمى تركته وراحت الصاله
وهو راح الحمام وبالعافيه ماسك نفسه عن الضحك
في الصاله لمى كانت تحط صحون الفطور كانت مي عارفه تعبر من فرحتها كانت مبسوطه بجد حاسه انها صبرت وخالد عوضها عن كل شي
وطلع خالد من الحمام وراح فطر معاها وبعدها راحو يتمشو ع البحر ولمى مارضيت لخالد يسبح في البحر لانها خايفه عليه وهوا انبسط منها ومن خوفها وقرر يسمع كلامها

بعد مرور يومين
في شقه ماجد
ماجد راجع من دوامه هلكان
"راشد بعد ماتزوج جبره يجي الشركه ويشتغل معاهم وهوا وافق لانه لازم يأمن مستقبل عيلته لان الكوره مو مضمونه لاكن اتفق مع راشد انه يشتغل في الوقت الي مافيه مباريات وراشد اقتنع ووافق"



ماجد وهوايقفل الباب:لجين يالجين فينك
لجين من غرفه المعيشه: انا هنا
راح ماجد لها وباس راسها
لجين وهيا تاخذ شماغ وعقال ماجد وتفك ازارير ثوبه:ها حبيبي عسى ماتعبت

ماجد:لا بس الحر ذوب مخي
والجوع ذبحني
لجين :يخسي الجوع روح بدل ملابسك على مااحط الغدا حبيبي
ماجد:الله يخليك لي ياعمري
راح ماجد اتروش وبدل ثيابه وراح لها المطبخ
ولقاها جالسه على كرسي وحاطه راسها على الطاوله الصغيره الموجوده في المطبخ
ماجد خاف عليها:حبيبتي وش بلاك
لجين بتعب:حبيبي مافي شي بس دخت شوي
ماجد:طيب قومي نروح المستشفى
لجين وهي تقوم:لاحبيبي مو مستاهله بس لاني مااكلت شي من امس
ماجد:وليه مااكلتي
لجين:والله ماكان لي نفس
ماجد وهوا يسندها ورايحين لغرفه المعيشه:اجل الحين تاكلي اكيد انا بفتح نفسك ولا
لجين ابتسمت:اكيد حبيبي
وراحو اتغدو
ومن التعب الي كان في لجين نامت بدون ماتحس وماجد شالها ووداها الغرفه ونام هو بعد
وع المغرب ماجد صحي على صوت لجين وهي ترجع
قام مفجوع لقى لجين جالسه على ارض الحمام ودايخه
ماجد وهوا يحاول يقومها:لجين حبيبتي ايش فيكي
لجين كانت بترد بس مهي قادره واغمى عليها بين يدين ماجد الي اترعب وطاح قلبه في بطنه وخاف عليها
ولبسها عبايتها وشالها ووداها المستشفى
ماجد جالس ع السرير جنب لجين
:حمدالله على سلامتك حبيبتي كذا تخوفيني عليكي
لجين بتعب:الله يسلمك حبيبي اسفه اني خوفتك بس ماادري أيش الي صار لي
ماجد :الحين تجي الدكتوره وطمنا
وشوي ودخلت الدكتوره وهي مبسوطه
ماجد:بشري يادكتوره خير وش الي فيها
الدكتوره بابتسامه:مالك يابني خايف كده عموما مبروك المدام حامل بالشهر الثاني
ماجد من الفرحه حضن لجين بدون وعي
ماجد :الله يبارك فيك
الدكتوره وهي تضحك على هبال ماجد:المهم انا حكتب لها على شويه فيتامينات تاخدهم وشويه مقويات لان جسمها ضعيف واهم حاجه الراحه خصوصا في الاشهر الاولى
ماجد شكر الدكتوره وراح اشترى الادويه الي كتبتها وحدد اول موعد للجين عندها وبعدين راح الغرفه الي فيها لجين عشان ياخذها
ماجد:مبروك حبيبتي
لجين :الله يبارك فيك يارب ومسحت على بطنها:ماجد يعني هنا في نونو
ماجد:والله انتي النونو
ايه حبيبتي بس ابيك ترتاحي ولاتحركي شي في البيت ومن بكره الخدامه تكون عندك عشان تساعدك
لجين:كل هذا عشان ولدك
ماجد قرب منهاوباس يدها:لاحبيبتي خوفي عليكي انتي والي في بطنك ماشفته عشان احبه اواخاف عليه انتي اهم شي عندي ويالله عشان نبشر الكل اكيد بيفرحو
وخبرو الكل وكلهم افرحو لهم وباركو لهم واكثر واحد فرح هو ابو لجين

بعدها باسبوع رجع خالد الدوام ورجع لجناحه الي مسويه في بيت اهله"خالد فضل انه يسكن في جناح عند اهله لانه شغله يتطلب منه انه يغيب عن البيت باليوم واليومين
عشان كذا فضل ان لمى تفضل في بيت اهله ع الاقل يكون متطمن عليها وتكون مرتاحه لان جنى مو جوده"