المنتدى :
الشعر والشعراء
يكفي ترا ماصاب نفسي كفاها
واعيني اللي نومها ماهناها
لامن تساوى الليل جاها بلاها
قامت تهل الدمع من فوق خدي
عبايرن حرق خدودي سناها
عبرة رضيع فاقدن شوفه امه
والا خلوج ماخذين ضناها
والا يتيم ظالمينه خواله
روحه بيدمن لارحمها ولاها
والاسجين صكوا الباب دونه
حال السقف من دون شوفه سماها
لاقلت انا ياعين يكيفك يكيفك
يكفي ترى ماصاب نفسي كفاها
لاتسهرين المبتلي يالشجيه
خايف عليها من العما من بكاها
ردت علي وحيرتني وقالت
من طاعته عينه ليامن نهاها
وراي الوم العين مالوم قلبي
والقلب سبه سواها مع شقاها
اصبحت انا متحيرن في عذابي
من له ابشكي الحال مما براها
شكيت همي للجبال الرواسي
ولكن ونين القلب كسر صفاها
وشكيت همي للبحور الغزيرة
وساعت توحت ونتي نشف ماها
وشكيت همي للهبايب وونيت
ازرت تشيل هموم قلبي معاها
وشكيت همي للصحاري الوسيعه
لكن ونين القلب ضيق فضاها
وشكيت همي للنجوم السواري
لكن ونين القلب غطا ضواها
وشكيت همي لليالي الطويله
والصبح بان وونتني بمبتداها
ورحت اشتكي للشمس من حر مابي
والشمس غابت من خلاها بخلاها
وتخالط الظلام والنور عندي
ماعاد اميز صبحها من مساها
مالي جدا الا بس اطوح ونيني
ذي حاله الي حاجته ماقضاها
ومن الندم عضيت يسرة يميني
تلعب بي الحسرات وامشي بهواها
اقنب قنيب الذيب واعول عويله
لامن تقضت عبرتن جا سواها
كله سبب من لاعني بالموده
واقفا وأخذ روح المعنى خذاها
غربلني المجمول واحرق ضميري
حط بحشاي اجروح تنزف ادماها
اربع اسنيع بالدقيقه نعدها
نشرب كدايرها ويشرب صفاها
انا عذابه مشتقي به معنى
وهو بعذابي بين ربعه تباها
انا شريت القرب منه بروحي
وعرضت له روحي وهو ماشراها
انا عطيته كل عطفي وحبي
وطلبت منه كلمتن ماعطاها
يشوف حالي مايهون عذابي
يضحك وانا روحي عناها طواها
قلبي عليه وقلب خلي جفاني
نفسي قوتني وهو نفسه قواها
اشكي من الحرمان وابكي جفاها
جروح العليل الكايده وش دواها
ترجمت وناتي بمعنى القصيده
وارجي عسى يبكي لها من قراها
يقوله اللي حطم البين قلبه
واعيني الي نومها ماهناها
|
28-02-10, 09:38 PM
جديد مواضيع قسم الشعر والشعراء
العرض العادي
