وينكم ياخواتي ايش ذا الهدوء


قبل أمس
بنت خاتي تحكيني رجعت من المدرسه ودخلت غرفتها تبغى تنام سمعت صرخة أمها المهم هي من الفجعه صارت تجري راحت المطبخ لقت أمها في الأرض والفرن طايح على رجولها دفت الفرن لقت أمها مبلوله ملابسها أو بالأحرى محروقه رقبتها وجسمها أنكب عليها قدر الطبخ لأنو الفرن كأنو انفجر شي زي كذا المهم ودوها المستشفى وحطولها أسفنج في رقبتها والحمد لله على سلامتها.

أمس :
أخويه الي أكبر مني بسنتين مستر مدمن مسوي نفسو مدمن نت المهم له 47 ساعه مانام جالس الأخ على لابتوبي يدوبك يوصلني المدرسه أنا واخويه ويرجع عليه ويقضي مشاويره ويرجع عليه ميدخل شي في فمه هو يناديني بطه رغم أني والله مني بطه عقدني وأنا اناديه بالمصعلك من نحفحه المهم عاد جاء بابا قام يسويله محاضره قام يقولوا شوف عينك كيف صارت هو عاد راح يبغى يشوف عينو مالحق يطالع فيها إلا وهو مغمى عليه راح عنده بابا شالو وداه غرفته لمن قام بابا أعطاه عنب أكله وخلاه ينام وبرضو الحمد لله على سلامته .

يوم الأربعاء
ياه ماأحلاه من يوم يوم جميل بمعنى الكلمه حسيت فيه بأني من جد حفقد صاحباتي وبنات خالتي الي معايه في نفس المدرسه المهم على حضي أعطاني بابا ثلاثين ريال مصروف للمدرسه لمن رحت المدرسه عاد البنات الي تطن في راسهم يرسلوا من ماكدونلز أكل المهم راحو عند الإداره طبعا الوكيه ماتوافق فقالو من الأساس منكلمها راحو عند أبلة الغياب وقالولها المهم وافقت لكن في مشكله انو جوال المدرسه مافيه رصيد المهم دخلو غرفة المعلمات وكلمو أبلة الحديث يبغو جوالها أتصلو على السواق ومارد المهم قامت الداده حق المدرسه قالت تروح هي والحارس
أحنا خفنا أنو زوجة الحارس متوافق بس الحمد لله بس ذحين هل الحارس يوافق ولا لاء هنا السؤال المهم راحت الدادا عند الحارس وكلمتو وطلع عنده مشوار للرئاسه فقلها أنا أوديكي أنت دبري من يجيبك المهم وصينا معاها وطبعا منسيت بنات خالتي المهم أكلنا وناسه عاد بنات المدرسه غارو وكل شله تتصل على سواقها أما صاحبتي الجريئه جابت جوالها ومن جرائتها حاطه أناشيد ولا هامها وتدخل اتبله من االإداره تسأل عن طالبه والأبله من دلاختها منتبهت وخلاجت أول ماخرجت اتنهدت براحه ورجعت شغلت الجوال بصراحه قويت عين .

وبس هذي الأشياء المهمه الي صارت لي في هذي الأيام

ويله لاتطولو لأني أشتقت لكم ياأخواني الأعزاء

اهلا وسهلا فيك ياهيول الف مبروك على ختم القران
أخواتي لهم سنه في التحفيظ وان شاء الله يتوفقوا
وسلامة خالتك وأخوك
الله يعينك على آلم الاسنان
اهلين في بقية العليه
الله يوفق الجميع في امورك حياتكم
يوم الاحد الماضي كان الحفل من س5 م الى12,30
كان الحفل جدآ مميز ورقصنا مع الصف السادس كان فله وناسه
والاثنين عملت المديره حفله للمعلمات وانبسطنا وكان يوم مميز بالفعل
ويوم الاربعاء قدمت أوراقي وان شاء انقبل في الدبلوم
دعواتكم ياأخواتي بالنجاح في الاختبار ((محتاجه دعواتكم))

ويوم الخميس والجمعه روحنا شاليه عائلتي وخالتي وبناتها المتزوجات
من جد وناسه وفله
دمتم في ود وصفاء

الله يبارك فيكي وعقبالك

ويوفقك يا قمر ويسهل عليكي

أمس كان حفل التخرج كنت حاسه أني بأبكي لأنو ليه اسبوع متضايقه أني بفارق صاحباتي المهم زفونا وبعدين سو عرض صور والي تشوف صورتها تستلم الدرع النهن لمن جلسنا بدأ الحفل أول شي كلمة المديره بعدين كلمة المعلمات لم جات كلمة المعلمات قلبي صار ينبض بقوه ويدي ترتجف لأنو الفقره الي بعدها كلمة الخريجات وأنا بقولها خلاص أحس أني شويه وبطيح من الخوف أول ماسمعت أسمي قمت وقلبي شوي ويوقف طبعا أمشي وأنا واثقه من نفسي والي يشوفني مايعرف بالخوف الي أحس بيه أخذت المايك وبدأت أتكلم أول ماخلصت رجعت بهدوء على الكرسي وقعدت أتنفس بقوه صاحبتي أنفجعت وصارت تهدي فيه وأنا قلبي يدق مرت الدادا بشوكلت أخذت وحده وأكلت وششربت مويه إيلين ماحسيت نفسي أحسن جات فقره كل طالبه تروح لأمها تلبسها تاج فوق راسها بعدت مالبست ماما تاج وسلمت عليها شفت أبلتي الي درستني في سنه ثاني أبتدائي هي مره تحبني رحت أسلم عليها أول ماجيت أسلم قامت هي حضنتني أنا في البدايه أتفاجئت بعدين ضميتها
وصرت أهدي فيها بنتها صاحبتي صارت تطالع في وجهي تبغى تشوف أبكي ولا لاء
وصار شي أنا متوقعته مابكيت مانزلت من عيني دمعه حتى لمن ودعت صاحباتي مبكيت ليش ماأعرف رجعنا البيت أنا جيعانه أمس كله ماأكلت شي واليوم برضو ماأكلت قمت أقول لماما وكل ماقالت شي ماأرضى قام جا أخوي الصغير ومعاه صحن جيت أشوفه الله يسعده مسويلي سندوتش وعصير سلمت على خده وأكلت رغم أني ماكنت أبغى بس عشان لايزعل وبس هذا الي صار لي أمس أما اليوم فبت خالتي حتجي عندنا عشان تذاكر لأنو بيتنا هدوء

هلا باخواتي وعيلتي الحلوووة
لي زمن طويل ما دخلت النت وشفت شخباركم
انا الحمد لله خلصت الامتحانات اخيرا بعد مرور شهرين من الوقت في الامتحانات والتجهيز للامتحانات
وبعد الامتحانات جا زواج بنت خالتي واخد مني زمن طويل للتجهيز والحمد لله خلصنا والحين فضيت
وجيت اشوف ايش الاخبار وايش الجديد
وما شاء الله لقيت وجوه جديده ابغاكم تعرفوني بروحكم كلكم ماشاء الله مشان مايصير الاخوات مايعرفوا بعضهم
يلااااااا حماااااس

روح الامس الف الحمد لله على السلامة يا رب والله نور المنتدى يا غالية
اخواتك وحشوك اكيد واخوك الكبير كمان

يالله والله الك وحشه يا روح الامس

يلا رجعيلنا المذكرات كما كانت

تحية للجميع

وكل عام وانتم بالف خير



دودو