كاتب الموضوع :
نيار
المنتدى :
القصص المكتمله من وحي قلم الاعضاء
"
\بالمخفر
زيـاد: السلام عليكم.
الظابط(كان يوقع ع اوراق ومنزل راسه) وعليكم السلام.
الظـابط : قل وش عندك أنت بعد. )ويرفع راسه). وشو لا لا لا ماني مصدق زياد بشحمه ولحمه
زياد(يبتسم)
الظابط:يالله حي زياد وش هالطله الحلوه عاش من شافك وش مسوي بعد غير اللي سويته.(يتظنز)
زياد:لاطال عمرك يقول الشرطي علي تهمه تعدي وضرب.؟
الظابط: ايه يبي يحكمون عليك بالقصاص.
زياد:؟؟؟؟؟
الظابط: هههه امزح معك.. بس ذا اللي مقدم عليك شكوى يقول انك معتدي عليه وحفظ لوحة سيارتك وواضح انه ولد نعمة.
زياد:اها... بس ذا طول الله بعمرك يتحرش ببنات خلق الله.
الظالط: ادري ادري بدون ماتقول اعرفك زين يازياد والحين تقدر تروح وماعليك ع كفالتي.
زياد: بهالسرعه؟؟؟
زياد:والله مـدري وشلون ارد جمايلك علي ياحضرة الظابط.
الظابط: لاوش دعوى يازياد انا دايمن مع الحق.. وبعدين لاتقول حضرة الظابط فكنا من الرسميات وقول أبو خالد.
زياد: طيب ياابو خالد الله يعطيك العافيه ... والحين اقدر اروح.
الظابط(ابوخالد):تفضل.
زياد: طيب يالله تامر ع شي.؟
الظابط(ابو خالد): الله يسلمك.... ولاعاد أشوفك هنا.
زيـاد(يضحك)ابشر... يالله سلام.
\بالبيت
عايشه(تبكي)
سعـد: وش فيك عايشه..؟
عايشه (تبكي)
سعد: عيوش سلامات وش فيك تكلمي.؟!
عايشه(ترفع راسها).. سعد والله صاير البيت كئيب ماله طعم وين امي لاجلست لاشافتني ابكي وحضنتني ووين دفا امي اللي ماله مثيل وماتفكني الى لاشافتني اضحك. ووين تركي اللي مالي البيت بالضحك ولامزحه وهو وامي ولالاقعد يتظنز علي وامي دايمن تدافع عني ولا ولا ولا... سعد والله ماأقدر أتحمل أكثر من كذا ابحاول أتأقلم مع الوضع بس ماقدرت كل شي بالبيت يذكرني بامي وتركي. وش اسوي..
سعد:عيوش . وش تسوين ع قولتك ذي حكمة ربي اللهم لا اعتراض.. والله انا اكثر منك هم وغم ولكن لااعتراض ع قدرهـ .. وبعدين عايشه لاذكرتي امي ولاتركي ولاابوي تغمدي لهم بالجنه وادعي لهم بالرحمه بدل من هالصياح اللي مايودي ولايجيب.
عايشه(لازالت تبكي)
سعد: لاحول ولاقوة الا بالله خلاص عيوش ... قومي صلي لك ركعتين.
عايشه(حست أنها محتاجه لامها حيل)ابي امي ماأقدر اعيش بدونها ياسعد تكفى ابي امي.
سعد.،( يمسح راسها ويقرى عليها)
عايشه.،(هدت شوي)
سعد: عايشه.
عايشه.،(فيها اثر البكاء). عيونها.
سعد:تسلمي عيونك يـأختي العزيزه.
عايشه(تبتسم)
سعد:أيوا كذا... تؤبرني هالضحكـه.
عايشه: عسى الله يخليك لي ياخوي ولايحرمني منك.. وأنا وش اللي مصبرني ع هالدنيا غيرك.
سعد(مسوي نفسه مستحي)تسلمين.
عايشه:ههههههه
سعد:يالله عاد ماكـأنك زودتيها شوي.. قـومي سوي لي شي آكله ميت جوع ع لحم بطني.
عايشه:ابشر ياخوي. ثواني واكلك جاهز.
[باقي ع الاختبـارات النهائيه اسبوع]
زيـاد( بالجامعه والتفت لمستقبله وشاف كثرة التفكير بتركي ماتجيب نتيجه وان لازم يعيش يومه وبعد جهد جهيد تخرج زياد بدرجات عليا وصار بعد توفيق الله دكتور يضرب فيه المثل )
عايشه(عايشه ضغطت ع نفسها وسمعت كلام سعد.لاجل تلبي رغبة أمها وتركي وابوها أنها تصير دكتوره ومع مساعدة سعد اللي وقف معها جابت نسبة 99%وحققت حلمها)
سعد(اللي شال هموم ماتشيلهاا جبال اللي صار بالنسبه لعايشه ام واب واخ... واخذ اجازه اسبوعين وساند فيها عايشه بالاختبارات وكانت عايشه محتاجه هالوقفه .... ولازال مجتهد بوظيفته)
######
سعد:يالله حي الدكتور زياد
زيـاد:الله يحيك.
سعد: وش هالطله الحلوه من زمان ماشفناك يالقاطع خلاص ابسميك القاطع ماني مناديك زياد.
زياد_يضحك):وش نسوي ياسعد نركض ورى هالدنيا
سعـد:يالله تحي أم زياد معليش نسيتك شوي نساني زياد الله ياخذه... شلونك ياأم زياد بشرينا عنك شلون الاهل.؟
أم زياد: يالله لك الحمد بخير ونعمة وانتم وش مسوين؟
سعـد:والله علومنا زينه يالله لك الحمد.
\يكسر الصمت سعـد:ويالله انك تحيهم اسفرت وانورت وش هالطله الحلوه.
أم زياد:الله يحيك.. والله شوفتكم احلى.
زيـاد(يغمز أمه وبعض المرات يضربها من رجلها)
سعـد: وش فيـه الاخ زياد مستحي.
أم زياد(تضحك) لا ولاشي
أم زياد: والله ياسعد حنا جاين ونبي قربكم وجاين نبي نخطب أختك عايشه لزياد .. وش قلت..؟
سعد: والله هذي السـاعه المبـاركه نتشرف بقربكم.
أم زياد: والله الشرف لنا.
سعد(يضحك) أشوف الاخ من اليوم مستحي.
زياد(ماتشوف ملامحه من كثر حياه)
سعد: بس ناخذ أذن البنت ونرد عليكم تـعرفون لازم ناخذ أذن العريسه هذا حقها الشرعي.
أم زياد: أكيد طبعا لازم تاخذ رايها .. طيب خلاص ننتظر ردكم.
سعد: يصير خير.
(بعد خطبة زياد لعايشه)
سعد:مبروك ياعريستنا.
عايشه(مستحيه)عقبالك.
سعـد(يضحك) مستحي ودينـه.
عايشه/(تضرب سعد) خلاص عاد.
سعد: هههههه
عايشه: سعد.
سعد: آمري.
عايشه:ليه مافكرت بالزواج لاالحين ماشاءالله عليك موناقصك شي.
سعد:عيـوش.. انا حلفت ع نفسي ماأتزوج إلا لاشفتك سعيده ومع زوجك اللي يعيشك بسعادة وحب وأمان ومـاشاءالله زياد مو ناقصه أي شي الف وحده تتمناه.
عايشه: لازياد لي انا بس.
سعد(يضحك) بدينا بالغيرهـ.
عايشه(تناظر بالارض من الحيا)
عايشه: الله يخليك لي ياخوي بس خلاص هذاني والحمدلله ع قولتك تطمنت ع مستقبلي وبعدين زياد مو غريب علشان تخاف علي خلاص.. يعني من كلامك اشوفلك عريسه..
سعد(مستحي)
عايشه(تضحك) هذا كبرك تستحي..... أبشر والله ياخوي.. تـذكر يـوم أتكلم عن أبلة نوال مدرسة لغة عربيه ؟
سعد: أي نوال.؟؟!
عايشه:ذي ابله نوال اللي كل يوم اسولف لك عنها.. بأخلاقها وتواضعها.. وكيف أني حبيتها صدق من قلب وتعاملني ع اني اختها.
سعد: أها ذي ماغيرهـا.
عايشه: ايه ماغيرها مو عاجبتك بعد.
سعد: لاوالله عاجبتني بس شوي شوي لاتاكلينا.
عايشه:هههههه
عايشه.. والله ياخوي كـأني أشوفكم مع بعض والله توآم روح.. بس أبشر بكرهـ .. ليش بكرهـ مو اليوم(تطلع الجوال)
سعد/(يحاول ياخذ منها الجوال)يابنت لحضه طيب ابي اعلمك.
عايشه: وخر بس لاتكلمني(تطلع الجوال).. السلام عليكم.
نوال:وعليكم السلام.
عايشه:وشلونك ياأبله نوال.؟
نوال:والله بخير؟ وأنتي أخبارك.
عايشه: الحمدلله بخير ونعمة.
نوال: الى مين اللي معي.؟.؟؟؟
عايشه:معك عايشه. طالبتك.
نوال: ياهلاومسهلا بالغاليه. عاش من سمع صوتك بشرينا عنك وش مسويه.؟
سعد(يناظر مهبـول مـايدري وش تبي تسوي هالبنت)
عايشه: الله يسلمك.. بس نوال أبقـولك شي.. نبي نزوركم بكره أن كاان ماعندكم شي.؟
نوال:تحيين بـأي وقت.
عايشه(تبتسم وتغمز لسعد)طيب خلاص بكره أشوفك.
نوال: طيب أشوفك ع خير بكره.
عايشه : طيب سلام.
نوال:سلام
عايشه(تنقز وتخم سعد)مبروك مبروك ياخوي.
سعد(مهبول) خبله أنتي ... وشو مبروك بس بمكالمه خطبتي لي.
عايشه:وشو بمكالمه خلاص انت من الحين تزوجت.
سعد: صدق أنك خبله.
عايشه:ايه خبله بس اشوفك مستانس.
سعد:انا وناستي لاشفتك مستانسه.
(وكـان زواج زياد بالخميس وقبله بـأيام خطبة سعد بس من عجلة عايشه خلت الخطبه والزواج بيوم واحد وسعد مثل الخبل يمشي ورى عايشه بكلامها... وفي يـوم الخميس أثناء الفرح تـم الفـرح عن مليـون فـرح مع هالضحكات والجمعه الحلوة ومع حضور أبو صالح(مدير شركة سعد) وأبـو خالد(الظابط) وأقيم فرح ولافي الخيال وعاشت عايشه بعد مصائب وهموم ونكد عاشت بحياه كلها سعادة يغمرها الحب ويكسيها الحنان وعـاش بطلنا سعد بعد شقى بحياته وحمله هموم ماتحمله جبال وتحمله مصائب بس بالحب والحنان والطيبه قـدرو يتغلبـون ع المصـائب ..... والله لايوريكم المصـائب)
زيـاد(ينـاظر عايشه ويبتسم)إحــبـك
عايشه(شوي ويغمى عليها من الحياء) وانا أحـبـك بعـد
دنيا غريبه عجيبه معقده.... تـرفع أبن ادم وتسعـده...
وأن بـــغـت هـي تتعبـه.. .....
لاتلتفت يمنه ويسـار... مالنا بالدنيا خيار...
كل واحد له درب ومسار.. وين نبتدي وين ننتهي صرنا بين جنه ونار..
تمـت
ــــــــــــــــــــــــــــــــــــــــــــــــــ ـــــــــــ
|
22-02-10, 02:51 AM
جديد مواضيع قسم القصص المكتمله من وحي قلم الاعضاء
العرض العادي
