كاتب الموضوع :
الراكدة
المنتدى :
الارشيف
الفصل الثامن
هنوف
تركض
وتركض
وتركض
وادخلت المطبخ بسرعه
وفجأه ارتطمت بشي قوي عورها
( آآآآآآآآآآآآآآآآآآآآآي)
سلمان يمسكها ،،، ناظرته وحست بالامان ،، قامت تصيح
سلمان خايف عليها ( هنوف ،، اسم الله عليك ، وش فيك ،،،،،،،،،،،،،؟)
هنوف وهي تصيح ( ح ..ر..ا..م..ي )
سلمان ( حرامي،،،،،،،،، وين ،،،،؟)
هنوف تأشر على حمام السباحه ( دزيته في حمام السباحه ...)
ركض سلمان معصب ونزل عقاله
بعد ما قرب من البركة شاف نواف يطلع منه وهو متغرق ،،، ويكح لانه شرب وشرق من المويه ،،،،،،،،
سلمان واقف سرحان ويفكر،،،،،،،،،،،فجأه
ضحك ههههههههههههههههههههههههههههههههههههههههههههههههههه
( انت الحرامي.......؟)
نواف وهو منزل جاكيته ويطلع اوراقه وجواله اللي انعدمت ويحطها على الطاوله
قال وهو معصب ( ايه ،،،أنا الحرامي ،،، )
************
في المطبخ
هنوف كانت خايفه على عمها سلمان ،،، وترجف،،،دخلت عليها هيا تبي تروح تسلم على اخوها نواف اللي يستناها عند البركة
( هنوف ،،، اسم الله عليك ،،، انت مريضه....؟)
هنوف وهي ألحين ترجف وتصيح ( لااااااااا، فيه حرامي عند حمام السباحه ،،، وراح له عمي سلمان ،،،وأنا خايفه عليه،،،،)
هيا حطت يدها على قلبها وبدون تردد دقت على طلال يروح له،،،،،
( ألو طلال إلحق فيه حرامي عند البركه،،،وعمي سلمان راح له )
طلال ( يالله جاي جاي ،،،هيا لا حد يدري )
طلال ما علم أحد ،،، وخذا العجرا وراح يركض صوبهم ،،،
نواف وسلمان شافوا طلال جايهم يركض ووجهه أحمر ،،
ناظروا بعض،،،
وضحكوا هههههههههههههههههههههههههههههههه
لما شافهم يضحكون ،،، عصب ،،،( وش فيكم ،،،تضحكون،،،، وين الحرامي...؟ )
سلمان ما قدر يمسك نفسه من الضحك على شكل نواف،،،اللي رفع حواجبه وقام يضحك من ضحك عمه سلمان،،،،،،،،،،،
نواف يأشر على نفسه ( أنا الحرامي،،،،،، )
طلال مهوب فاهم شي وسأل نواف ( انت الحرامي ،،، وش فيك متغرق ,,,,,؟)
حكوا له السالفه ،،، وضحك لما عورة بطنه ،،،،،،،
طبعا هيا ما قدرت تنتظر،،،، ووصت هنوف ما تعلم أحد لين يمسكون الحرامي ،،،، وراحت تطل من باب المطبخ ،،، شافت اخوانها وعمها سلمان جالسين على الطاوله يسولفون ويضحكون،،،،،،،،،،،،،،
راحت لهم وباهتمام سألتهم ،،، ( هاه،،،، مسكتوا الحرامي،،،،،،،)
ناظروا نواف وضحكواااااااااااااا وهم يأشرون على نواف ( هذا الحرامي ،،،،،،،،،)
حطت يدها على صدرها ( انت الحرامي ،،،، ؟) هز براسه بالموافقه
بعدين استوعبت ( انت اللي دزتك هنوف في البركه ،،،،،،،،،،،،؟) هز راسه مره ثانيه
بعدين حكوا لها اللي صار ،،،،،،،،،،،،
هيا بخوف وعصبيه ( يعني كنت بترميني في البركه،،،)
نواف وهو يهديها ( كنت بخرعك ومسكك،،ما نيب مخليك اتطيحين،،، )
هيا وهي تنقده على نفسه ( بس ممكن اني اطيح ،،، وأنا حامل ،،،، الله يهديك ،،)
نواف ادرك انه غلطان ( والله نسيت أنك حامل ،،،،وبعدين الله ستر عليك،،،، قولي الحمدلله )
هيا وهي حاطه يدها على بطنها ( الحمدلله ،،، ) اضحكوا عليها
تذكرت ان هنوف منهاره (يووووووه نسيت هنوف منهاره في المطبخ ،،، بروح اقول لها الحرامي أخوي ههههههههههههههههههههه)
****************
في الصاله عند الحريم ،،، هند تكلم مضاوي ودلال ( هنوف وهيا وينهم من زمان عنهم )
مضاوي ( هيا خابرتها ترقد بنتها فوق ،،،، وهنوف ما شفتها ،،؟)
هند مستغربه ( وين بتروح يعني ،،،،،؟)
دلال وهي تذكر البركه ( يمكن عند البركه ،،،،امشوا نروح لهم ؟)
هيا راحت لهنوف وقالت لها السالفه ،،، هنوف هدت شوي ،،،
لكنها كارهه نفسها والموقف اللي انحطت فيه،،،وانحرجت من موقفها معاه،،،
لكنها قالت في نفسها ( أحسن يستاهل ما جاه،،،)
هند ومضاوي ودلال ،،، راحوا للبركه ومروا على المطبخ ،،، هند لما شافت اختها خافت
( هنوفه ،،، اشفيج ؟؟؟)
هيا تبي ترقع الموقف وما تبي البنات يدرون عن اللي صار( اختك حساسه ،،، قلت بسمي ولدي على ابوي متعب ،،، صاحت ويالله سكتها ،،،)
هند دمعت عيونها وحبت بنت عمها وقالت ( أحلى ،،، اسم ،،،فديته،،،)
البنات مستغربات حب هند و هنوف لابوهم مع انهم موب عايشين معاه
وصلت الساعه وحده ،،، راحوا البنات ينامون ،،، لانهم رايحين من الفجرللمزرعه ويجهزون للعشا،،،
الفله في المزرعه
الطابق الاول
صالات استقبال وجناحين
جناح ام سلطان وبناتها
جناح ام طلال
الطابق الثاني
مقسم الى جناحين جناح الشباب وجناح البنات
وكل جناح فيه مجموعه من الغرف
لكن ابو سلطان طلع الشباب برا في جناح كان حاطه للضيوف عند المجالس وهذا بعد ما جو بنات متعب وعطاهم جناح الشباب لهم بروحهم
ما أحد عارض ،،، لأنهم بنات متعب غاليات عند الجميع
اتفقوا انهم بكره يبدون سهراتهم الى الفجر،،،،،،،،،،،،،،،،،
هنوف في جناحهم وتنام على السرير ،،،( آآآآآآآآآآآآآآآآآه يا ظهري ،،،؟)
هند تضحك عليها كأنها عجوز
( عجزتي يا هنوف ،،،؟)
هنوف وهي تذكر موقفها وما تكذب على اختها ( لا والله ،،، من اللي صار لي اليوم )
هند تغمض عين وهي شاكه ان فيه شي كبير ( شاللي صارلج،،،،،،،،،؟)
قالت هنوف لاختها اللي صار لها ،،،،،،،،،
هند ضحكت عليها وقالت ( يعني طلع نواف الحرامي ،،،،)
إلا على دخلت ابوهم اللي سمع آخر كلمه ( منهو الحرامي،،،،)
تخرعت هند ،،،( ما حد يبه ،،،)
فزت هنوف له وقالت وهي فاتحه يدينها تبي تلمه ( هلا باللي له الخافق يهلي،،، )
لمها ابوها وهو يبتسم ( هلا بعيوني الثنتين ،،،،) قصده بهند وهنوف
راحت له هند وحبته لانها تستحي تلمه لكنه فاجأها ولمها وكله حنان لهم
( هاه ما قلتوا من هو الحرامي،،،،)
هنوف تكلمت وهند تضيع السالفه ابوها وهو فاهم( هند اسكتي ،، لا تضيعين السالفه ،،،)
هنوف قالت له السالفه لكن مو بالتفصيل
ضحك وارتاحت هند ( أنا ،،أوريه بكره الحرامي ،،،)
سولفوا وضحكوا طول الليل لما أذن الفجر،،، صلوا وناموا
نواف ما قدر ينام ،،،رغم التعب ،،،جاي من السفر،،، لكنه
كل ما غمض عينه ،، شاف وجها قدامه ،،، استغرب من نفسه ،،، أنا وش فيني ،،تعلقت صورتها في عيني ،،، بس والله ما شفت زيها في بشر،،،مذهله ،،،فعلا مذهله،،
وغنى بصوته العذب
مذهله
ما هي بس قصة حسن
رغم الحسن فيها بحد ذاته مشكله
مذهله.... كل شي فيها طبيعي
ومو طبيعي أجمل من الاخيله
وغمض عينه ونام ،،،،،،،، وصورتها ما فارقت عينه
هند ما نامت كملت سهر ، خايفه تنام وتروح على ابوها نومه ،، وهوعلاجه الساعه ثمان ،،،
لازم يفطر بعدين ياخذ الدوا،،،
نزلت الساعه 7الصبح تجهز الفطور لابوها ،،، كانت لابسه دراعه نص كم لكنها لابسه جلال فوقه يسترها ،،،
نزلت المطبخ ،،،الا تسمع صوت مواعين وحنفيه المطبخ ،، قالت يمكن وحده من الشغالات
دخلت ،،الا اللي يدور في كبت المطبخ ويفتح باب ويسكر ويفتح الثاني ويسكر
استغربت هذا شاللي مقعده ألحين،،،حطت الجلال على وجها تغطيه ،،،
التفت الا اللي واقفه وراه ،،،
(بسم الله ،،، من إنتي ،،،؟)
هند منحرجه ( آنا هند )
ابتسم ،،،( هلا هند ،،، )
هند باستغراب ( تبي شي ،،،،،طلال ،،،؟)
طلال متفشل (هاه ،،، لا ما فيه شي ،، كنت اسوي فطور لابوي عبدالله )
هند تعودت تكلم طلال بعد مرض ابوها ،ابتسمت ( أنت اللي تسويه ،،، ليش ما قلت لحد يسويه،،،؟)
طلال خذا راحته في الكلام ،،( اتصل فيهم وما حد يرد ،وابوي عبدالله خذا ابرة السكر ولازم ياكل الحين،،؟)
هند ( خلاص اطلع انت الحين ،،، انا اللي بسوي الريوق لكم ،، انتوا وابوي )
طلال وهو فرحان ومبتسم ،،( مشكوره ،، واذا خلص اتصلي اجي آخذه )
هند تاخذ اغراض الفطور من الثلاجه ،،،،،،،( ان شاء الله )
دخل طلال بيت الشعر ،،، كان فيه جده و عمهم سالم وابوه ،،، ينتظرون الفطور،،،
ابو سلطان ( هاه ،،، وين فطورك ،،،؟)
طلال يبتسم ،،،( يسوا،،،، ألحين بيجي،،،،)
سلطان مستغرب لان ما فيه أحد صاحي ،،،( من اللي بيسويه ،،، يومك جيت ،،،)
طلال ما يبي يقول هند ( لقيت وحده من البنات ،،، وسوته )
هند اتصلت على طلال ياخذ الفطور ،،،، وخذت فطور ابوها وودته له
طلال أخذ الفطور ووداه لبيت الشعر وكان من كل صنف وشكل
فول ،،، و3 أنواع بيض ،،،و حمص،،، وكل أنواع الجبن الموجوده،،،وعسل ومربى وغيره،،،انواع كثيره،،،،،
عمهم سالم مستغرب ( من ذا الجيده ،،، اللي سوت ذا الفطور كله ،،، ؟)
ابو طلال ( أجيدهم هيا ،، هي اللي تصحى بدري ،،)
طلال ما حب يبخس حق هند بالمدح ( لا والله يبه كل البنات نايمات ،،، الا وحده سوت الفطور لابوها ولنا ،، هند )
ابو سلطان ابتسم ( ما شاء الله عليها ،، جيده عند ابوها ،الله يخليه لهم ،،،؟)
سالم اللي شاف هند وكان معجب بجمالها وألحين أفعالها ( والله يا سلطان ،،، كان ما لكم وجهن فيها ،،، ابيها لولدي فارس ،،،)
طلال تغير وجهه ،،، وسلطان ضحك ( والله يا يبه ،،، عندكم ثنتين وبتاخذون الثالثه ،،،السموحه هند مهيب طالعه من بيتي ولا اختها بعد ،،،)
ابوسلطان فرح ،،، وطلال ابتسم ،،،ولاحظ ابوه ابتسامته
ابو فهد مستغرب (والثانيه بعد،،، زين وحده لنواف ،،، وعبدالعزيز توه على العرس صغير،،من تبيها له،،،إلا خلها لنا)
************
هند خذت الفطور لابوها ،،، ودخلت تصحيه
( صباح الخير ،،، يا أحلى أبو في العالم)
يالله يفتح عيونه ،،،( صباح النور ،،، كم الساعه،،،؟)
هند وهي تحط الفطور على الطاوله ،،،،( ألحين طال عمرك الساعه 8 ،،، قوم تريق علشان تاخذ دواك وبعدين كمل نومتك )
قام متعب وغسل وصلى ركعتين ،،،وفطر هو وهند ( من متى صاحيه ،،،.)
هند وهي ذابحها النوم ( ما نمت ،،، وقبل لا تقول ليششش،،، علشانك ،،، وبروح أنام ألحين لاني ما عاد أقدرأفتح عيوني )
ضحك عليها أبوها ،،،، وذكرته بأمه (( روحي نامي يمه ))
الا صوت الباب ينطق (( ميين ،،؟))
من ورا الباب ( خذيت علا جك ،،، يمه )
ضحكت هند وأبوها ،،، وفتحت لها الباب علشان تفطر معاهم
متعب يقوم يحب راسها ( مرحبا ،،شلونك يمه وشلون رجيلاتك ،،،)
أمه يالله تجلس ( ابشرك طيبه ،،،)
هند باحترام لجدتها ( يمه تبيني أدلكها لك ،،،ترى أعرف)
الجده بامتنان( ما يخالف ،،،بعد الفطور)
متعب عارف إن هند ميته على النوم ألحين( يمه أحسن في الليل قبل النوم )
ما اعترضت أمه ،،،
فطروا مع بعض
ثم ارجعوا ناموا
**************
صحى متعب الساعه 12 الظهر ،،، وراح لبيت الشعر
دخل عليهم وحب خشم ابوه وعمه ،،، وقاموا له الشباب ،،، يسلمون عليه
ابو سلطان وبحب لولده ( كيف حالك اليوم ،،، صيفت في النوم )
متعب وهو يتعذر ( ابشرك ما فيني إلا العافيه ،،،صحيت الساعه 8 وافطرت وخذيت علاجي )
ابو طلال مبتسم لما تذكر كلام اليوم،،، ( الله يخلي لك اللي صحتك وفطرتك )
متعب باستغراب ( آمين ،،، وانت وش دراك ،،،،)
ابو طلال وهو يعلمه ( لان اللي فطرتك فطرتنا ،،،الله يعطيها العافيه،،،،)
متعب بفرح وضحكه من قلبه(إيه،،،هذي أم متعب ،،،الله يخليها لي ،،، هذي ما نيب مزوجها)
عمه سالم أبو فهد ( وحنا انتذابح عليها من الصبح ،،،،)
الجميع ضحكوا ههههههههههههههههههههههههههههه
متعب ضحك لكن في نفسه ما يبي هالشي ألحين ،،، يبيهم يتعودون عليهم ويوافقون يعيشون عنده بعدين لاحقين على الزواج،،،،
التفت متعب على الشباب ،،، سلمان وفارس ونواف وطلال وعبدالله ،،،،( وش أخبار الحرامي،،،؟)
التفت سلمان لا إراديا لنواف وضحك ،،،،،،طلال نزل راسه وضحك
نواف مستغرب ،،، معقوله قالت له
الباقي مستغربين ،،، فارس ( أي حرامي،،،،؟)
متعب يضيع السالفه ( واحد سارق مفتاح سيارتي،،، لكني بوريه علشان مره ثانيه ما يسرق)
ابتسم نواف وفي نفسه ،،،إن شاء الله أنا اللي بسرقها صدق،،، والله ما انت هين يا عمي بنتك ملاك ،،،وخذا نفس،،، والله انها ملاك ،،، التفت عليه طلال ( من هي الملاك،،،)
عند البنات ،،، في المطبخ ،،، ياكلون شي يصبرهم لين الغذا،،،،،
دلال وهي تشرب حليب ( وين هند ،،، ما صحت،،،؟)
هنوف ( لا ما صحت،،،ترى ما نامت ،،، إلا يوم ريقت أبوي الساعه 8،،،)
دلال وهي معجبه بهند ( يا عمري ،،، )
مضاوي وهي تذكر شي ( أشوف أمي وضحى تقول،،، جعل هند بعدكم يالفطيس )
هيا تناديهم ،،،،( بنااااااااااااااااااات ،،، تعالوا سلموا على أبوي عبدالله ،،،)
ابو سلطان معه عياله ،،، جالسين عند ام سلطان وام طلال والجازي ونوره وساره وهيا ،
دخلوا البنات عليهم وحده ورا الثانيه يسلمون عليهم وكان آخر ثنتين دلال وهنوف
لما دخلت هنوف ناظرها متعب و قال ،،،( مرحبااااااااااااااااااااااااااااااااا) وفتح يدينه
دلال تضحك ( مشكوووور خالي،،، احرجتني ،،،كل هالترحيب لي ،،،)
ضحكوا عليها كلهم هههههههههههههههههههه ،،،،
متعب يكلم سلمان اللي قاعد جنبه،،، (روح هناك خل هنوفه تجي جنبي)
سلمان ويمثل البراءه ( أفاااااااااااااا ،،،أنا أخوك قبلها ،،،، تضحي فيني )
متعب يضحك ويمثل أنه معصب ( واضحي في أبوك بعد )
سلمان فاتح عيونه (( والله لعلم أبوي عليك ،،،،)
وكمل والبنات يضحكون ( يبببببببببببببببببببببببببه )
متعب يتوسل ( لااااااااا أرجوك ،،،، خلاص هونت )
سلمان يمد يده له يعني حبها وهو يضحك، متعب بعصبيه ( تخسي إلا إنت ،،، ) ويدزه ( قم ، قم ،قم )
( هنوف تعالي وزاني ،،،،)
ضحكت هنوف ،،، واجلست جنب أبوها وهي منحرجه ،،، وخصوصا ان عمها سلطان يناظرها من جلست
******************
نواف طلع يبي يروح للأسطبل ،،، يعلف الخيل مثل ما امره جده
إلحقه طلال وهو في نفسه لازم أتأكد منهي ملاك،،،
دخل طلال الاسطبل ونواف واقف يفكر عند الراسيه ،، فرسه ،، ( اللي ما خذ عقلك ،،،؟)
ضحك نواف لانه عارف ان اخوه بيسأله عن الملاك وتنهد ( آآآآآآآآآآآآآآآآآه ،، يا طلال )
طلال يضحك ( سلامتك من ال آآآآآآآآآآآآآآآآآآآآآآه)
نواف وهو يتخيل شكلها ( من أول نظره ،، والله من أول نظره ،،،)
طلال مبتسم وهو عارف من يقصد ،،،
فارس يمشي رايح لهم عند الاسطبل
طلال وهويناظره ( جاك منافسك على بنت عمك ،،، )
فتح عيونه والتفت عليه بسرعه يبي يسأله
فارس ( سلااااااااااااااااااااااااااااااااااام)
طلال ( وعليكم السلام )
نواف ساكت يفكر بكلام طلال ،،،وش يقصد ،،،،،،،وانتبه
فارس ( نواااااااااااااااااااااااااااف، وراك ما ترد ،،، فيك شي)
نواف ( هه ،، لااااا، ما فيني شي ،،، كنت تبي شي )
فارس ( الحمدلله والشكر ،،، الحق على أخوك ،، روح معه لام سلطان تبيكم ،،)
نواف بفرح ( ان شاء الله )
دخلوا الشباب عند جدتهم ،،،،
طلال ( كيف حالك ،،، يمه وضحه ،،، أن شاء الله بخير )
أم سلطان ( طيبه طاب فالك ،،،انت وشلونك ،،عساك طيب،، )
طلال ( بخير ،،، ولله الحمد )
أم سلطان ( وين أخوك،،، ما جلس معي من جا ،،،،)
دخل نواف عليهم في هذي اللحظه ،،،،،،،،،،،،،،،،،( السلام عليكم )
متعب وهويضحك ( الحرامي ، عند ذكره )
طلال وسلمان وهيا ضحكوا
هنوف خاست مكانها وتمنت الارض تنشق وتبلعها ،،،، وحمدت ربها على انها متغطيه وجالسه بين البنات،،،في نفسها الله يهديك يبه يا ليتني ما قلت لك،،،،،،،،،
جلس نواف وهو ميت يبي على الاقل نظره ،،،
أم سلطان بشوق ( نواف وش علومك ،،،متى بتخلص ،،،)
ابتسم نواف لجدته وتنهد ( يمه ،،،الله يعيين ،،،ما راح إلا سنه )
أبو سطان يحب يسمع قصيد نواف دايما ( سمعنا من قصايدك ،،،)
نواف ( أبشر)
الله اكبر كيف تخدمني الظروف &&& لجل بنت شفتها بيـن الضيـوف
من بنات الحور خضبات الكفوف &&& حسنها مع وصفها شـي كبيـر
أضحكت لي واشرت بنت الحلال &&& وارمشت بالعين غمزة مع دلال
محتواها اثنين حسن مع جمال &&& ليتنـي اكسـب رضاهـا بالمسيـر
وقفت قالـت تكلـم باختصـار &&& أتعبتنـي وقفتـي طـول النهـار
لو تقول وش انت من أي الديار &&& ما يهم ان كنت تاجـر آو فقيـر
قلت آنا يا بنت من دار الكرام &&& من لفانـا قاصـدآ يلقـى احتـرام
حبنا للضيف تقدير وسلام &&& الكرم والجـود وعكسـه مـا يصيـر
قالت كويتي اضني ما خطيـت &&& بيـن ممشـاك جـزم لا نويـت
شيخكم جابر بخيص بكل بيت &&& ما يداني شوفت احد (ن) مستجيـر
قلت آنا يا بنت صعب تعرفين &&& وان عرفتي مـا هقيتـك تبخصيـن
بالقبايل والعرب وش تفهميـن &&& يـا هنـوف يجهلـك شـي كثيـر
قالت انت من المحرق والمنامه &&& وان تكلم واحد (ن) يوزن كلامـه
يمشي بعز وشموخ واستقامـه & &&الخليفـة ومـن يجاورهـم بخيـر
جعل ربي يحفضك بنت الأصول &&& ان عرفتي مقصدي شرحه يطول
مقصدي واضح ولا ضني يزول &&& لكن اخطيتـي بتحديـد النضيـر
قالت الشكوى على الله من قطر &&& ياعسى سقياها سيـل مـن مطـر
الفخر في أصلهم كل الفخـر &&& ديـره ال ثانـي عساهـا تستنيـر
قلت والله حيروني هالبنات &&& ذكرهم بالخيـر فـي كـل الصفـات
الحقيقة صعب تحديد السمات &&& بـس تـوك مـا وصلتـي للستيـر
قالت الظاهر عرفتك من بعيد &&& وش يفيـد ان قلـت والله مـا يفيـد
دار زايد يا عسى خيره يزيد &&& هي ديـار العـز والخيـر الوفيـر
قلت والله منيتي في دار زايد &&& التمني وان حصـل صعـب وكايـد
هم هل الفزعات وأهل للشدايد &&& شيخهم زايد ولـه قـدر(ن) كبيـر
قالت اسمع لا تفارق هالمكان &&& ولا تحاول لو يطول ابـك الزمـان
حد علمي من صلاله في عمان &&& انكشفـت وبيـن السـر الخطيـر
قلت والله ما وصلتي للجواب &&& وكل وصفك جاوز حدود الصعـاب
يا عسى مسقط يغطيها سحاب &&& وتزدهر بالخير فـي جـو مطيـر
قالت سعودي ووصفك ما يضيع &&& هم هل الشيمة وأهل قدر(ن) رفيع
كل بيت شامل حب الجميع &&& ديره ابـن سعـود يحسـب للمجيـر
قلت والله في كلامك صادقة &&& ديرتـي يـا بنـت الشرقيةوشمس شارقـة
كما سحاب ومزن شعشع بارقة &&& مملكة والجـود فيهـا مـا يحيـر
أضحكت ضحكة وقالت واهني &&& من بقربـك لـو بساعـة يهتنـي
والسعـــودي صعـــب راســـــه ينحنــــــي &&& وان حنــــى راســــه يعلــــه للكســــــــــيـر (منقول)
الجميع ( صح لسانك ،،،)
متعب يبي يتأكد ( نواف متى كتبتها ،،،)
طلال وسلمان التفتوا لبعض ،،،،هنوف قلبها وقف ،،اشقصده ،،،
نواف فهم عليه ( والله يا يبه أظن صار أكثر من سنه ،،،قبل أسافر ،،،)
سلمان يأكد ( إيه سمعتها من قبل ،،،)
****************
بعد ثلاث أيام ،،، الجميع ارجعوا لبيوتهم واعمالهم ،،، إلا ابوسلطان وابو طلال واهلهم
وحتى متعب وبناته ،،،،
في الليل ،،، ابو سلطان وابو طلال ومتعب راحوا ينامون
والشباب يبون يسمرون عند ربعهم في المزرعه القريبه منهم
البنات ترجوا جدهم ،،، يسهرون في بيت الشعر ،،، ووافق ،،،
هند وهنوف وهيا ومضاوي جالسين عند الضو ،،،
مضاوي تصب لهم قهوه ،،،، هند تلعب بالعصا في الضو وتحركها علشان يطلع شرار
هيا وهنوف قاعدين عند راس الضو ،،، هنوف لافه شماغ ابوها على راسها
وتغني لمضاوي وتقلد سميره توفيق
يالله صبوا هالقهوه
وزيدوها هيل
اسقوها للنشامى
ع ظهور الخييييييييييييييييييييييييييييييييييييييييل
هيا تكلم اختها (مضاوي ،،،روحي جيبي العشا ،،، )
هنوف معترضه ( وش معنى هنوف ما تجيب شي ،،، أنا جبت الحليب وهند جابت الخبز والسفره ،،، وهنوف ما جابت شي ،،، أعترض بشده ،،،،)
ضحكت عليها هنوف وهي رايحه تجيب العشا ( وأنا راح صوتي ،،وأنا أغني لكم ،،،،،،،،،،)
الشباب ارجعوا للمزرعه لأنهم ما لقوا سمره لأن أكثر الشباب رجعوا الرياض،،،
سلمان وهو ما فيه نوم وما يبي يخرب على البنات ،،، ( انتوا روحوا ناموا ،، وأنا بسمر مع بناتي ،،،،)
طلال باعتراض ( أنا ما فيني نوم ،،، وبعدين بنروح معك ،،، ما فيه أحد غريب )
سلمان يفكر ،، عقب قال ( بستأذنهم أول ،،،،)
سلمان راح للبنات ( السلااااااااااام عليكم )
ويكمل ( العيال بيجون ،،، تغطن ) ما استئذن ولا سأل عن رايهم
هند لبست نقابها وجلست عند طرف الضو على جنب ، علشان اذا بغت تروح تطلع بسرعه
ومضاوي عندهم بس داخل شوي
سلمان جلس عند راس الضو ، وجلس جنبه طلال ،،،
أما نواف راح يشرب مويه وبيرجع ،،، وهو راجع صادف وحده شايله صحن كبير
راح يبي يساعدها يحسبها وحده من خواته ،،، لكنه لما قرب منها انصدم ،،،( هنوف،،،،؟)
هنوف ما كانت متغطيه ،، ارتبكت و لفت بسرعه وطاح العشا ،،عطته ظهرها لا إراديا وقالت ( يمه الحرامي ،،،)
ضحك نواف بصوت عالي ( أنا دايما حرامي ،،، )
بعدين تذكر ( إلا تعالي ،،،ليه تقولين لابوي متعب ،،عن الحرامي ،،؟)
هنوف خافت وتكلمت بدلعها اللي فيه خوف وتحاول تهدده ( تستاهل ،،،بعدين روح ألحين ،،، وإلا ترى والله أقوله ،،، آنا ما أخش عليه شي ،،، ديييير بالك،،،)
نواف استمتع بسماع صوتها ونبرة الدلع والخوف فيه ،،،،وراح ( عموما أنا آسف )
هنوف لمت العشا اللي طاح ورجعته المطبخ وقالت لهم إنها طاحت ،،،،
هند طول الجلسه ساكته ،،، ودها تقوم من أول ما جو ،، لكنها منحرجه
هنوف تسولف مع هيا سوالف جانبيه
مضاوي تسمع سوالف العيال
نواف يوريهم بلوتوث ،،، تصويرهم في أمريكا هو مع شباب سعوديين يرقصون سامبا سعوديه ،،، في احتفال الجامعه
مضاوي ( ورني ،، ورني ،،،،،،) خذت الجوال ( انت الطرفاني ،، والله رقصك يجنن )
وتعطيه هيا ،،، هيا حطته بينها وبين هنوف وشافوه
نواف بهاللحظه ،،، استمتع بالنظر في عيونها وهي تضحك
وفي نفسه ،،،، يا ليت البلوتوث ما يخلص
رجعت هيا الجوال و لاحظت نظرته ،،، صارت تخزه ،،، يعني استح على وجهك
انتبه ،،، وخذاه يسكره
هنوف طلعت مذكره صغيره من جيبها ،،، تكون معها دايما ،،، تكتب فيها علشان ما تنسى
كتبت لهيا ،،،( لا يكون اللي يرقص الحرامي)
هيا ضحكت بصوت عالي خلى الكل يلتفت عليها وكتبت ( ايه ،،، هو،،، وتراه طيب وحنون ) تحسن صورته بعد ما فهمت نظرته
هنوف تضحك وتكتب ( إلا يخرع ،،، ومجرم )
هيا وهي تذكر موقف البركه ( حرام عليك ،،، والله المجرمه إنتي ،،، اللي بغيتي تقتلينه )
هنوف بحقد ( أحسن يستاهل الحرامي ،،،،)
هيا وهي تضحك ( سكريها عمي سلمان معصب علينا )
سلمان قام وراح وراهم يبي ياخذ المذكره
هيا صاحت (لااااااااااااااااااااااااااااااااا)
هنوف مسكتها وشققت الاوراق من المذكرة وعفستها في يدها
سلمان ( جيبيها ، والله أن تجيبيها )
هنوف عطته المذكره وحذفت الاوراق بسرعه في الضو
لكن،،،صدمه
الاوراق طاحت في حضن نواف ،،،،،
|
17-04-10, 01:10 AM
العرض العادي
